Post: #1
Title: على بالطلاق...العرس سمح سماحة ...
Author: wadazza
Date: 04-12-2002, 05:13 PM
حزمت أمرى وحقائبى ومضيت اليها ...هى ملاذ ..ومأوى لمعاناة ترعرعت وشبت عن الطوق فى تربة الشتات..ألقيت بنفسى وزمنى على كنبة القطار قطار الثامنة ...التى ارتميت عليها وكأننى أحاول القاء ما أثقل كاهلى من هموم ..فبعد ساعتين أكون فى مدينة أخرى ...مدينة لاتختلف عن التى غادرتها سوى بوجود تلك المضيئة رائعة الحضور.....وصلت..وألفيتها فى ثوبها الأبيض تشع بريقا...عيناها حفرتا بدواخلى أعماق شوق تأبطته خيرا وشرا...لم أكد أفرغ من إغمار جوفى بكوب العصير الذى قدمته ...حتى كان المأذون يتوسطنا ...ويكتب ما يمليه هو على نفسه لا ما نمليه عليه...غادر المأذون...واسلمنى ورقة بيضاء سودت بأنها راضية وأنا راض ...غادر وتركنى أتأمل رائعتى ..وأذوب همسى فى مدى جهرها البهى ...
تمددت على أريكة فى البهو وأنا احتضنها بقوة ..وأتأملها ملياً ...وخشيت عليها من القبلات فلم أقبل بتقبيلها حتى لايبتل حلمها ومن ثم يتلاشى.....
لقد عدت الآن من سفرى الى تلك المدينة التى ذهبت اليها للحصول على وثيقة أكاديمية مرجعية هامة مغلفة
باللون الأبيض وقد كتب عليها أستاذى الذى قام باهدائها لى بخط يده ..حافظ على هذه الوثيقة كما ستحافظ على زوجتك فى المستقبل...ولا أدرى لماذا قال ذلك ...وهل قرأ ما قاله ياسيكو أنه ليس هنالك إمرأة تقبل الزواج من حديث السن والتخرج ...؟؟؟؟..قلت فى نفسى أكيد أستاذى ..قد جعل للمحافظة على وثيقة أكاديمية معنى حياة بعيدة المنال .يمكن لأنه كاثوليكى؟.أو هكذا تبدو
المهم رجعت ...ومريت على البورد وعجبنى حضوركم الجميل ..ونشاطكم الملحوظ...
ومريت على بوستاتكم بوست بوست ..رومانسى وبن بن ونوبا وواحشنى ووليدوناهد والعويس والموصلىوخضر وشماسى واهل العوض ويازول وماكس تن وياسيكو وديامى وايمو وحبيب الكل والزول ذاتو وقرشو ورمانه وابنوسه ونوالعين وسفنتى وسماح وبوب وبت الهناوذى قيرل وتسنيم وايكروست وعمر رجبوانشا الله ما أكون نسيت واحد واللا واحدة لكن فى ناس ماشايفهم الخواض شايف رجع الليلة لكن وين بناديها/سونا/تبلدينا/ودشداد/السارة/عم حسبو/
المهم شايف برضو غزال المسالمة استلمت الجو وانا من زمان قلت ليكم بتتصرف بعفوية وتلقائية وحسن نية شديدة وتتكلم فى البورد زى هى فى بيتهم..ويمكن دى تكون ميزة للبوردبأنه بورد اتوطدت فيه العلاقات لدرجة الأسرية أو تكون محرجةشوية لآخرين
زييى
يعنى شايف امس أدتكم معلومات أنا ماداسيها لحاجة لكن أنا من طبعى ما بحب الكلام عن نفسى..والا من حقكم تعرفو وتعرفو
تحياتى
ودعزة
|
Post: #2
Title: Re: على بالطلاق...العرس سمح سماحة ...
Author: waleed500
Date: 04-12-2002, 05:19 PM
Parent: #1
اهلا بيك اخى وصديقى
ودعزه
وحمد الله على السلامه
والديار بدونك لاتسوى شى فاهلا بيك مره اخره وسعيد جدا بحضورك
والف مبروك الشهاده
وكل سنه وانت طيب وعقبال ما تطفى الشمعه رقم 100 مقدما
|
Post: #40
Title: Re: على بالطلاق...العرس سمح سماحة ...
Author: قرشـــو
Date: 04-13-2002, 02:15 PM
Parent: #2
حبيبنا ود عزة
الحمد على سلامة العودة
ياخى وقفت قلبى
قلت الراجل عملها واتمقلب قبل ما يسأل اهل الخبرة
لكن الحمد لله الحكاية كانت وثيقة
وكانت اشارة خضراء للمرور الى عالم ارحب من العلم والمعرفة
نرجوها بداية موفقة لا تنتهى بالعرس ابدا
وذلك الاستاذ شرير حقا
نرجو ان نسمع باسمك عاليا مع علماء السودان الابرار الذين يهدوه ما فقده
وجنس شمارات بى وراك
اسكت ساكت بس
والحمد لله على السلامة
وليك وحشة شديدة والله
|
Post: #43
Title: Re: على بالطلاق...العرس سمح سماحة ...
Author: wadazza
Date: 04-13-2002, 03:54 PM
Parent: #40
الرائع قرشو...والله فى شوق عظيم لك...وانت كيف مع اللوترى والذى منه...وشايفك بتتصيد الاستخلاف عديل كده وبوردى بوردك زى عينى عينك
والله ياقرشو انت من الناس البخلقو إلفة مع الآخرين حتى بدون يكون شافوا بعض وده نوع مميز من الناس يعنى أنا شخصيا شايفك قدامى بكل صفات السودانى النبيل والصيل ...ومدرمليك سفة كمان
وبتمنى فى يوم من الايام نحن الفى البورد ديل كلنا نتلاقى فى السودان فى زمن بهيج ونعمل بورد على الطبيعة..
وليك وحشة يا قرشو ...
تحياتى
ودعزة
|
Post: #3
Title: وليد
Author: wadazza
Date: 04-12-2002, 05:26 PM
Parent: #1
الأخ وليد
شكرا على استقبالك وشعورك النبيل ...
والاستلمتها ما شهادة ...هى وثيقة مهمة للبحوث فقط
وكنت بفتش ليها زمن طويل
المهم ياوليد...أنا عرفت مؤخرا انك من أسرة علميةواعلامية فاضلة
وتربطنى بهم علاقات أعتز بيها كتير
وزى ما أنا واضح فى كل حاجة عرفت انك لاتنتمى للجبهة أو أمنها كما كنا نظن وأنا ما عارف ليه انت ختيت نفسك فى خانة المدافع عنهم ..وباقى الأسرة معارضة يعنى ؟؟؟
تحياتى
ودعزة
|
Post: #4
Title: Re: وليد
Author: waleed500
Date: 04-12-2002, 05:36 PM
Parent: #3
اخى ود عزه
بعتز بصداقتك مع اهلى بس افراد الاسره بيختلف كل واحد عن الاخر
وصدقنى مع انو الاغلبيه عندنا كانت معارضه بس الحين كلهم فى كنف الوطن
لان الوطن فتح احضانو للجميع اكرر انى سودانى محب لوطنى ولى تراب وطنى
وطالما انو اهلنا قبيلة الجبهجيه بيعملو من اجل رفعة البلد فانا جبهجى لدرجةولا اقول ليك خليها عائمه كده
المهم عندى انا سعيد بعودتك
|
Post: #5
Title: الأخ وليد
Author: wadazza
Date: 04-12-2002, 05:39 PM
Parent: #1
الأخ وليد
المهم هذا هو التزامك الفكرى ولا اعتراض عليه
ولا حجر عليه..
ففى البورد متسع لجميع الآراء ونتمنى له النجاح
فالتحية لك وللجميع
ودعزة
|
Post: #6
Title: waddazza
Author: omar_ragab
Date: 04-12-2002, 05:44 PM
Parent: #1
salam ya ahla insan
miss you man
welcome
inta seed albait wa nihna aldiyooof
love ya brotha
|
Post: #7
Title: Re: waddazza
Author: sari_eleil
Date: 04-12-2002, 06:24 PM
Parent: #6
دائما رائع يا واد عزه الله يديك العافية
|
Post: #8
Title: Re: waddazza
Author: wadazza
Date: 04-12-2002, 06:30 PM
Parent: #7
omar ido like your sig ilove alllllllllllllllllllllll
thank for your usual gregarious spirit...
best regards
سارى الليل..من روعتكم نستمد الحضور
تحياتى
ودعزة
|
Post: #11
Title: Re: waddazza
Author: wa7shny
Date: 04-12-2002, 07:28 PM
Parent: #8
ود عزه تحية معطرة لاغلي انواع الورد والعود والعنبر ماتقوم تقول على عبد الصمد القرشئ كيف حالك ياخ وليك وحشه والله والف حمدلله على السلامة والبورد نور برجوعك وربنا يوفقك انشاء الله يا ود عزه ويرجعك لى امك وتغر عينها بك يارب ولك خالص تحياتي ودعواتي
|
Post: #13
Title: Re: waddazza
Author: wadazza
Date: 04-12-2002, 07:33 PM
Parent: #11
واحشنى..كيفك ياغالى...شايف جبت ليك كديسة..بس أوع تكون من كدايس سواكن البتكلمو...والبتمد ايدينا فى المطاعم لغاية الرباطابى قاليها: وكت تعرفى تمدى ايدك ماتمشى الكاشير تجيبى ماركة
والله الكدايس ..فيها سر وناس علم النفس بقولوا البحب الكدايس بكون جواهو رفق غير محدودوبالطبع حنان فايت الحدود
وده يظهر من طبعك يارائع
تحياتى
ودعزة
|
Post: #9
Title: Re: على بالطلاق...العرس سمح سماحة ...
Author: ALZOLZATOO
Date: 04-12-2002, 07:17 PM
Parent: #1
ود عزه مرحب بيك ياخي ومبروك الوثيقه وعقبال العرس كمان عشان ماترجع سريع هههه كيه
لك التوفيق دوما
زاتو
____________
الله يصبرك ياقلبي من حاتك الفوقك
|
Post: #10
Title: الزول ذاتو
Author: wadazza
Date: 04-12-2002, 07:22 PM
Parent: #1
الزول ذاتو
شكرا على لطفك وخفة دمك
تحياتى ليك
ودعزة
|
Post: #12
Title: Re: الزول ذاتو
Author: 3bdo
Date: 04-12-2002, 07:30 PM
Parent: #10
سلامات ود عزة
مشتاقين يا زوق انت
|
Post: #16
Title: Re: الزول ذاتو
Author: 7abib_alkul
Date: 04-12-2002, 07:54 PM
Parent: #10
الغالي ود عزه
تحيه من القلب للقلب
ولله1000 مبروك
وانشاء عقبال الباقين
|
Post: #23
Title: Re: الزول ذاتو
Author: wadazza
Date: 04-12-2002, 08:20 PM
Parent: #16
حبيب الكل الظريف
شايفك مسكت البورد واحد واحد وانا جنى وجن Lol
تحياتى ليك
ود عزة
|
Post: #14
Title: ودعزة
Author: nahid
Date: 04-12-2002, 07:46 PM
Parent: #1
ود عزة..
عرست فى عنوان البوست ولقيت ليك مرجع علمى داخل البوست...
طريقة فنانة فى العرض كالعادةمرحب بيك واحرضك على المتابعة مع الأخوان فى
بوست الأغنية السودانية عشان نستفيد من نقاشكم
وأهلا بيك
تحياتى
ناهد
|
Post: #15
Title: ود عزة
Author: gazalalmasalma
Date: 04-12-2002, 07:52 PM
Parent: #1
أهلا يالجنيت بالعرس Lol
وهاك أسمع الأغنية دى
|
Post: #17
Title: على بالطلاق...العرس سمح سماحة ...
Author: moram
Date: 04-12-2002, 07:54 PM
Parent: #1
تحياتي الاخ ود عزه
حمد لله علي السلامه وربنا يوفق ...منذ زمن وان اتابع في صمت
وقليلا جدا ما اشارك وفي خلال متابعاتي كنت المتالق دوما
فلك تحيه خالصه مني....
moram...
|
Post: #18
Title: مرام
Author: wadazza
Date: 04-12-2002, 08:03 PM
Parent: #1
برضو انتى يا غزال loool
شكرا للأغنية الظريفة والله
تحياتى
ودعزة
|
Post: #19
Title: Re: مرام
Author: wadazza
Date: 04-12-2002, 08:05 PM
Parent: #18
معليش ريبلاى فاضى فليملأ بما يناسب
تحياتى لكم جميعا جميعا
ودعزة
|
Post: #20
Title: Re: مرام
Author: wadazza
Date: 04-12-2002, 08:06 PM
Parent: #19
مرام
الدنيا دارت بى زى الأرض الفوق دىLool
شكرا على لطفك وحسن ظنك بشخصى الضعيف المتواضع
ومنكم نستمد عافية التعبير ...
تحياتى
ودعزة
|
Post: #21
Title: عبده
Author: wadazza
Date: 04-12-2002, 08:08 PM
Parent: #18
شكرا عبده على شعورك الطيب
تحياتى
ودعزة
|
Post: #22
Title: عبده
Author: wadazza
Date: 04-12-2002, 08:10 PM
Parent: #18
شكرا أستاذة/ ناهد وأعدك بتناول موضوع الأغنية مع الآخرين
تحياتى
ودعزة
|
Post: #24
Title: Re: عبده
Author: Elkhawad
Date: 04-12-2002, 08:47 PM
Parent: #22
ودعزة السوادن
مبروك الشهادة
شايف الشهاده قاعده في الطرف
وطبعا وردتي كبيره
وعقبالنا وعقبالك
في البالي بالك
|
Post: #25
Title: Re: على بالطلاق...العرس سمح سماحة ...
Author: nuba
Date: 04-12-2002, 09:48 PM
Parent: #1
سلام ود عزه
حباب الغاب وجاب
ما حسيت بغيابك من البورد لأنو كمبيوتري كان عيان شويه
،أوعك يازول سفرتك دي تكون لبلدنا هنا و أنحنا ماعارفين
|
Post: #26
Title: Re: على بالطلاق...العرس سمح سماحة ...
Author: yasiko
Date: 04-13-2002, 05:01 AM
Parent: #25
ود عزة
سلام
يعني كسرت النظرية لكن برضي مصر شديد
انو دي بتكون مطلوبة من سلطات التجنيد
لذا وافقت
الف الف مبروك
وبالمناسبة الزواج ليس ورقة توضع في الجيب
هذه رسالة ارسلها لي والدي وانا في الغربة بعد
مرور سنة على عقد زواجي الذي كان يجري وراءه 15 سنة
وفي النهاية قلت اهدي اللعب بالعقد لكنه لاحقني بهذه العبارة المؤلمة
وحقيقة كان معه العزر والحق لانني واحد في الاسرة(لكن ما مدلع) وابي واحد ايضا وجدي وامي وجدتي لامي كلهم واحد واحد في الاسرة لذا كان يخشى انقراض
النسل
مبروك ثانية وعبرك اتمنى العاقبة للجميع
لغير المتزوجين فقط والمطلقين
وعبرك اطلب العفو والعافية من جميع الاحباب
والدعوات الصالحات لنصل بالسلامة
لانني مقبل على سفر اليوم قدره 18 ساعة طيران
من شرق العالم الي غربة
والله يخلي الخواجة باذن الله سواصلكم من هناك
الى اللقاء
|
Post: #27
Title: Re: على بالطلاق...العرس سمح سماحة ...
Author: Pearl
Date: 04-13-2002, 05:29 AM
Parent: #26
1000000 mabroook ya wadaza
wa insha2alh be al naja7 al daym kida ya rab al 3almeen
w7yat galbi oo afra7oo..ooo hana fi mesa oo saba7oo
malagish far7an fi al donia zy al fr7an be naja7ooo...
|
Post: #28
Title: Re: على بالطلاق...العرس سمح سماحة ...
Author: banadieha
Date: 04-13-2002, 05:31 AM
Parent: #1
ود عزة
جننتي بالعنوان المتناقض..قلت قبضتك ياود عزة أتاريك كنت نائم في العسل..شلت ليك لوم بالكوم يعني كان داسي مننا الخبر لشنو وعشان شنو..قريت ما بين كل كلمة وكلمة سرحة طويلة..والله ياود عزة ..أصبر ياود عزة وشيل شيلتك ياود عزة..جننتي الله يخزي شيطانك..مذاكرة تغور وأكاديميات تغور وكما يقول الحبيب درويش حيكومات تغور..ومشكور على سؤالك عننا والشكر موصول للشباب الذين راسلوني مستسفرين..وربنا يديم الوصل والوصال
|
Post: #29
Title: كلكم احبابى
Author: wadazza
Date: 04-13-2002, 06:27 AM
Parent: #1
ياسيكو
سفرك بكرة قالوا....أقوليك
have a nice trip
لكن السفره دى وراها سر ..لازم نجرى وراهو بالشمار
يعنى انت وبناديها مستشارين فى البورد لكن الاستشارات كلها شايلنهالنفسكم..فرح وزواج والذى منه ..المهم تمشى وتجى بالسلامةولتحرسك عناية الله اينما حللت ايها الرائع
الخواض
الورد جميل ...والشمار كاتلنا فى 45 يوم ...وربنا يرجع الغايبين الحاضرين عشان نسألهم عينى عينك..والاستلمتها ما شهادة هى وثيقة بحوث مضنية لكن عارف الواحد لما ينجح فى حاجة يحب اهلو واحبابو يشاركوه الفرحة خاصة انا بعيد عن الأهل وكان ملاذى البورد الذى لم يخيب أهلوه ظنى
لكن يا خواض ...الشمار ده ما خلاص......حرقنا قول بالله
تحياتى
بناديها
أين أنت ؟؟؟ بل أين أنا ؟؟؟....العرس وين ؟؟؟؟لجأت الى المستشار القانونى ياسيكو فلم يجد ثغرة فى القانون وها أنا ألجأ لك كمستشار عاطفى للبورد
للبحث والافادة
كما يذيل البيروقراطيون المذكرات الرسمية العاجلة
بناديها شوقنا لك يتعدى حدود الأدب واللباقة..ويكتسح غاضباً حدود المابعد والما قبل ...فعد الى البورد سلاسة عهدناها..وايجاز بليغ..وصدام لامتناهى
مع القبح وانحياز سافر الى الجمال
أدام الله فرحتك...لكن برضو البفرح براهو بتشرق
تحياتى
ودعزة
|
Post: #30
Title: Re: كلكم احبابى
Author: EMU إيمو
Date: 04-13-2002, 07:37 AM
Parent: #29
ودعزة حبابك
نور الدرب الجابك
يا ود يمة
يا شفقا أسمر من حول هلال نائم في قلوبنا
افتقدناك في بوردنا
وتناسيناك أيام قلائل إلا كلماتك التي
تجتاحنا كسيل في أول أيام الربيع
عندما نشعر بالشوق إلى زخات الغمام
نعمت بين الليالي ليلة عدت إلينا في دجاها
ويا مية مرحبا
|
Post: #31
Title: ايمو
Author: wadazza
Date: 04-13-2002, 07:41 AM
Parent: #1
شكرا المبدع إيمو...والبورد مضىء بحضورك وبقية العقد الفريد
أتمنى أن تظل هذه الروح مستمرة وأن نتمكن من جعل هذا البوردفى المكانة التى يستحقها
تحياتى لك
ود عزة
|
Post: #33
Title: Re: ايمو
Author: رومانسي
Date: 04-13-2002, 07:51 AM
Parent: #31
اريتها سماحة عروستك دي سماحة جمل الطين
لكن ما خلعتنا بالعنوان
لكن برضو فرحنا زي ما قلت ليك بعودتك
وزي ما قلت ليك الفرح الحزين
لووووووووووووووووول
|
Post: #34
Title: رومانسى
Author: wadazza
Date: 04-13-2002, 07:56 AM
Parent: #33
رومانسى الحبيب ..والله انت البتقدموا فى البورد ده مانقدر نقدمو..ويكفى انك رومانسى ومحب للجمال حيثما وجد وبوستاتك جميعها وانا مريت عليها واحد واحدتضيف قيمة كبيرة للبورد ده..وردودك تنم عن عمق وعن تجربة وادراك بالحقائق والعصر
وبرضو تقول علينا تماسيح
ولسه راجيك يازمان
تحياتى ومودتى
ودعزة
|
Post: #32
Title: مليون مبروك
Author: منوت
Date: 04-13-2002, 07:50 AM
Parent: #1
و الله يا ولد بتاع عرة ومنوت من جوه جوه جوه قلب بتاعو بيقول ليكم مليون مبروك ، و انتكم بخلي أنا بفكر بجديه في زواج ... لكن مشكله منوت بيحب يزوج بنت بتاع جلابه (شكل منقه) ممكن أنا بلقى عروس في بورد دي؟ حاول يا ولد بتاع عزه تلقى عروس لمنوت زي مويه ليمون كده ، عشان انا بعيش معاكم سعادات بتاع زواج..
__________________
ومنقو قل لا عاش من يفصلنا
|
Post: #35
Title: منوت
Author: wadazza
Date: 04-13-2002, 08:09 AM
Parent: #1
حبيبى منوت والله أخوك ودعزة ذاتو ما لاقى حاجة.وانت كده ترمى الهم على
المهموم..ومنقو قل عاش من يخطبنا
....
وموية الليمون لسه معلقة فى ليمونة بتاع شجرةوالشجرة عايزة موية عشان يكب موية لى الليمونة
وليمون حيقوم يعمل تعزز..وقام اتعزز الليمون
لكن برضك خليك صابر...وكب صبر كتييييير
وقول بعض الرحيق أنا والبرتقالة أنت
مش يمكن البرتقالة تحل محل الليمونة؟؟؟
تحياتى
ود عزة
|
Post: #36
Title: Re: على بالطلاق...العرس سمح سماحة ...
Author: bamseka
Date: 04-13-2002, 08:16 AM
Parent: #1
هلا ود عزة حبابك سلامات يسلم شبابك سلامات شرفنا ياغالى
|
Post: #37
Title: بامسيكا
Author: wadazza
Date: 04-13-2002, 08:27 AM
Parent: #1
شكرا بامسيكا وتحياتى ليك
ودعزة
|
Post: #38
Title: !
Author: cola
Date: 04-13-2002, 08:52 AM
Parent: #1
مبروك يا ود عزه شرفت البورد
كولا
|
Post: #46
Title: Re: !
Author: rummana
Date: 04-13-2002, 10:18 PM
Parent: #38
مبروك يا ود عزة الشهادة وعقبال ما تتدبلها
لكن لفت نظري موضوع الكديسة داك
طيب البكره الكدايس ومكتشينهم يكون جواه مليان بشنو يا ربي؟؟
|
Post: #47
Title: Re: !
Author: wadazza
Date: 04-14-2002, 05:51 AM
Parent: #46
رمانة
كيف حالك ...
أدبلها دى شنو ؟؟؟؟؟
أدبل الشهادة واللا حاجة تانية ؟؟؟
الديل وين ؟ لو شهادة شهيد هى فد مرة
الا كان قاصدة العرس
تحياتى
ود عزة
|
Post: #48
Title: ألف ألف مبروك
Author: suna
Date: 04-14-2002, 05:58 AM
Parent: #46
سلام للناس الحلوين الطاعمين
كيفكم كدا واحد واحد اتمنى من العلي القدير أن يزرع الفرح في قلوبكم جميعا كما تفعلونه معنا ونحن نقاسي ونعاني ألم الغربة الكُربة دي والله الشوق لكم شوق مطاطي يمتد ويمتد ويمتد إلى مالا نهاية
=======================================================
ولك أنت ود عزة من عمق العمق ألف ألف ألف ألف ألف مبروك معطونة بشوق يمتد إلى أن يصلك في ماكانك الذي أنت فيه والذي لا أعرف كنهه ولكني أعرف مكانك في قلبي فلتهنأ هنا وهناك
|
Post: #49
Title: Re: ألف ألف مبروك
Author: wadazza
Date: 04-14-2002, 06:02 AM
Parent: #48
سونا
لكم اشتقت لك شوقا عارما كاسحا مكتسحا والله
مكانك فى القلب والروح وين قاطع الأخيار يا رائع
تحياتى
ودعزة
|
Post: #50
Title: Re: ألف ألف مبروك
Author: suna
Date: 04-14-2002, 06:14 AM
Parent: #49
والله ياودعزة خليها ساي بس أخوك مقبل أو قل أعددت لخطوة في حياتى العملية سمها قفزة بالزانة غايتو ياوقع وكسر رقبتي ياشلت الميدالية والتانية هي الاقرب لانو ملامح الفوز بدأت تظهر، وغير هذا وذلك المشغوليات التي لم تعطيني فرصتين فاستمتعت بواحدة وهي مطالعة البورد بين حين واخر دون إمكانية الرد وذلك لزحمة الاشياء ويكفيني أن أكون بينكم أتنفس أنفاسكم والتي استمد منها القوة ورباطة الجأش فهذا خير ذاد وأحلى ملاذ
|
Post: #54
Title: Re: ألف ألف مبروك
Author: wadazza
Date: 04-15-2002, 10:25 AM
Parent: #49
سونا
طمنا
تحياتى
ود عزة
|
Post: #39
Title: كولا
Author: wadazza
Date: 04-13-2002, 09:06 AM
Parent: #1
شكرا كولا..وسعيد بكم
تحياتى ودعزة
|
Post: #41
Title: Reوعزة
Author: bob
Date: 04-13-2002, 03:39 PM
Parent: #39
اخى /ودعزة
الف حمد الله على السلامه اشرق البورد بمجيئك ولك التحية
بـــــــــوب
|
Post: #42
Title: بوب
Author: wadazza
Date: 04-13-2002, 03:47 PM
Parent: #1
شكرا بوب وتحياتى
ودعزة
|
Post: #44
Title: بعض الرحيق أنا و البرتقالة أنت
Author: منوت
Date: 04-13-2002, 06:34 PM
Parent: #1
و الله يا ولد بتاع عزه إنت بذكر منوت بايام بتاع جامعه ... منوت كان بيحفظ قصيده بتاع (محمد المكي إبراهيم) - بعض الرحيق أنا و البرتقالة أنت ..
تعال يا أخوك بتاع أنا (في عزوبيه) نغني و نقول :
الله يا خلاسيه
يا حانة مفروشة بالرمل
يا مملوءة الساقين أطفالا خلاسيين
بعض الرحيق أنا و (الليمونة) أنت
__________
زمنقو قل لا عاش من يرفضنا
|
Post: #45
Title: منوت
Author: wadazza
Date: 04-13-2002, 07:51 PM
Parent: #1
منوت حبيبى
وبركة القصر بالنيلوفر احتفلت
والنحل أشبع كاسات الزهور قبل
الى أن يقول
والآن راحو فظل الدن والبريق
ظلت دواليك تعطى والكؤؤس تدار
نمشى ويمشون للخلف
حتى نكمل المشوار
تحياتى ليك..
ود عزة
|
Post: #51
Title: Re: على بالطلاق...العرس سمح سماحة ...
Author: faisal44
Date: 04-14-2002, 10:26 AM
Parent: #1
الف مبروووك وانشاء الله بيت مال وعيال
|
Post: #52
Title: Re: على بالطلاق...العرس سمح سماحة ...
Author: MXB6N
Date: 04-14-2002, 03:35 PM
Parent: #51
|
|
Post: #53
Title: مكسبنا
Author: wadazza
Date: 04-14-2002, 03:49 PM
Parent: #1
مكسب تن
أنتم القيمة الجميلة فى هذه الحياة وملاذنا الآمن...أن تمكنت من اضاءة مفرداتى فهى مستمدة من شمس حضوركم ..
شكرا وانت تقدم الكتيابى الجميل ..هذا المبدع المبدع
تحياتى لك يا مكسب تن وقد كنت أنا أكثر الناس قلقا بغيابك لأيام خلت
واصل حبيبى فنحن لا بد أن نصوغ غيابنا حضورا
تحياتى
ود عزة
|
|