Post: #1
Title: مسافة الشوق
Author: cola
Date: 04-10-2002, 07:07 PM
شوقى شوق زولا
سافر لملم اوجاعه ورحل
وشال معاه الزكرى زاد
والدروب مليانه بالشوك والوحل
طالت عليه سنين رحيلو
وتعبت خطاه والزاد كمل
لامسافة الشوق طواها
وللبلد ما قادر يصل
واشواقو فى لمة الاهل
جامعه الحبايب والصحاب
فى جلسة احلى من العسل
والحلوه قاعده هناك بعيد
تتضارى تضحك بي خجل
عينيها فيهاكلام عتاب
تشوفو احلى كلام غزل
زعلانه عشان طال الغياب
تسال عن كل الحصل
اقدار وساقت يوم خطاي
والله لاجفاء لازعل
قوة ظروف ادتنى خوف
كتلت كمان كل الامل
خلت غيابى يطول سنيييييييين
كولا
كولا
|
Post: #2
Title: Re: مسافة الشوق
Author: bamseka
Date: 04-11-2002, 10:34 AM
Parent: #1
بسم الله الرحمن الرحيم
الاخ / كــــــــــــــولا
في الغربة...بكون محــــــــــتار......شجون الفرقة حراقة
بساهر الليل...وأغازل قمرو وافرح أقول...باقي قريب ونتلاقي
وأتزكر كليماتك...وهمساتك...ودمعة فرقــــــــــــة حراقة
وآهة حزن من جـــــــواك......بقت في قلبي حـــــــــراقة
متين أرجع أعود ليـــــــــكي........متين بس ألقى إشراقة
بامسيكا00
|
|