إلى كل الإخوة والأخوات الحمد لله عدت إلى بوردينا بعد غياب خارج عن إرادتى ولكنها خطى كتبت علينا ومن كتبت عليه خطى مشاها وهكذا أعود لأبل شوقى(من البلل وليس الإبل ) ولكن يبدو أن هناك إخوة لنا قد طال غيابهم !!! نرجوا لهم العودة والسلام
أخى طارد الشياطين اهلا بعودتك الميمونة وقد افتقدناك واعزاء آخرين ارجو ان تكون عودتك بداية العودة لمن غاب عنا ولا نعلم لم غابوا نورت البورد سيدى واشتقنا لقصص الشياطين نرجو ان يكون فى جعبتك منها الكثير تذكرنى تحديدا واحد من لبنان وسعودية عربية اين هما
يا هلا و ي اهلين و مرحبتين... اهلا باهل البورد الغايبين...كويس جيت كنا ناوين نخت في لستة الغياب لكن حصلت نفسك و جات علي خير... :P:P:P:P wellcomeback wellcomeback wellcomeback بس ما تغيب تاني the_girl
الإخوة والأخوات الأحباء الأعزاء rummana Saha7 omar ragab bunbun Alfarwq The girl قرشو EMU waleed500 3bdo الشوق إليكم ردنى لكم، فلقد إرتبطت بكم روحيا ولا بد للروح من إسترواح فهو عندكم وبكم بإذن الله، وأشكركم على ترحابكم بى بينكم مرة ومرات كما رحب بى الأخ عمر رجب فى هولندة لما زرته قبل حوالى 3 أسابيع ....وهكذا وثقت عرانا سودانيز اون لاين كم وسوف أزورك يا أخى قرشو ولكن بعد حوالى 3 أشهر من الأن فسوف أتى فى مأمورية عمل للشركة وأتمنى أن ألتقيك ...حضر البساط الأحمر والخروف السودانى أما بقية الإخوة أتمنى اللقاء بهم يوما ما وجزاكم الله خيرا ملحوظة للأخت رمانة هل أسمى نفسى تفاحة على وزن رمانة؟؟
أخوكم EXORCIST
Post: #13 Title: Re: عدنا ...وقيل ...العود أحمد Author: قرشـــو Date: 04-11-2002, 08:42 AM Parent: #12
الأخ طارد الشياطين الف اهلا بيك حبيبنا تعرف والله كنت شايل منك بصورة ما معقولة لانى سمعت انك جيت هنا وما اتصلت بى حتى.. لكن كلامك ده ريحنى شوية وعرفت انك كنت فى هولنده ما جبت لى معاك وردة ياخى انت تعالى لينا ويبقى يومنا عيد يا سيدى والله جنس شى .. ام فتفت بى جيهة وكبدة الابل بى جيهة والمرارات الحارة من بطن الخروف مباشرة بس تعال لينا يا سيدى ونحن نفرح بيك وتفرح بيك بلدنا كلها تسلم لينا يا غالى وحقيقة البورد كان فاقدك
أخى قرشو ما تشيل منى، يظهر إنو مخابراتكم أوصلتم لكم خبر حضور أخى الأصغر منى من ألمانيا إلى السعودية وليس شخصى !! وهو مازال عندكم متنقلا بين الرياض وجدة فى صفقة عمل مع رجال أعمال سعوديين وربما يعود غدا أو الأسبوع القادم
الأخت لى غزال فى المسالمة سلمت وسلمت قفزاتك الرشيقة لكن أوع من شارع الشنقيطى كله حفر ومطبات وما تتشبحى كتير وقالوا البتشبح بتظهر ...... يعرفها قرشو أساليه عن الباقىوألف شكر على سؤالك عنى
الأخ الخواض شكرا ليك ولخواضك فى كل الأمور وإن شاء نلبى طلبك عما قريب والسلام
الحبيب ود حبيب ماشاء الله مواضيعك اليوم رائعة جدا ونشاط ما عادى !!! أسأل الله رب العرش العظيم أن يبارك فى قواك الفكرية ويزيدك كمان وكمان وأيه رأيك فى شركة مساهمة عامة لخدمة الإنترنت فى السودان؟ لازم نحصل المولد ونجد لينا موضع قدم قبل ما يفوت الأوان وبعدها نقعد نلقط فى فتات الأعمال
أنت يابكري بلدكم الإسمها فينكس دي دايما بشوفا في التلفزيون درجة حرارتها دافية وفنانه ما زي عندنا هنا يا برد وتلج ياسخانه أخيرسخانة السودان. أطرف حاجه إني بقدم للوتري يمكن 7 سنوات ما جابوا لي خبر أهلك الأمركان ديل، وبعد وصولى لكندا السنة الماضية قلت ما أقدم من هنا رغم إنو السودانيين هنا بيعتبروا كندا أحسن من إميركا،فإذا به أجد جواب ف ابوسته أنه تم إختياري مما يؤكد إنو ناس الأمن بيقطعوا الجوابات لو وقعت في يدهم كما هو معروف، وأنصح أي واحد عاوز يقدم السنين الجايه يرسل لأي واحد معرفته يقدم ليه من خارج البلاد ومن غير دول الخليج لأنهم عندهم بوسته أجارك الله ،قالوا طلباتهم بتصل بعد المواعيد بشهر
الحبيب نوبا فينكس دى السودان زاتو حيث يقال الى الهبوب هبوب فى نشرة الاخبار و مرات الواحد عندما يكون ماشى فى الشارع يحس نفسه كانه فى الخرطوم اثنين بس الناس خواجات وكمان البيوت فيها حيشان و الناس برقدوا برة بالمناسبة مبروك اللوترى و بعدين المدينة الساكن فيها دى من احسن المدن التى احبتها والسودانيين الفيها كلهم رائعين و مرحب بيك بجاى و يلا لى قدام