مسيرة المليون فى الخرطوم تطالب بى الجهاد

مسيرة المليون في الخرطوم تطالب بالجهاد

سيرت جماهير الشعب السوداني في الخرطوم امس الاثنين واحدة من أكبر المسيرات في تاريخ البلاد تضامناً مع الشعب الفلسطيني،


شارك فيها نحو مليون شخص من كل القوى السياسية المؤيدة للحكومة والمعارضة لها. وكان ابرز المشاركين من المعارضة الصادق المهدي رئيس حزب الأمة الذي تحدث انابة عن الاحزاب، بينما قدم البروفيسور ابراهيم أحمد عمر. الأمين العام للحزب الحاكم، مذكرة القوى السياسية السودانية الى ممثل الامين العام للامم المتحدة بالخرطوم.


وخاطب المسيرة احمد ابراهيم الطاهر، رئيس (المجلس الوطني)، ورئيس اتحاد البرلمانات العربية مطالباً الحكومات العربية ان تفتح الباب امام الجماهير لكي تنصر القضية وذلك باقامة معسكرات التدريب وقال ان الفلسطينيين الآن في حاجة إلى الجهاد والدعاء وان تستمر هذه الوقفة حتى تعود فلسطين. وقد جابت المسيرة شوارع الخرطوم حتى مبنى ممثل الأمين العام للأمم المتحدة بالخرطوم حيث قام وفد يمثل المسيرة بتسليم توماس اكفال ممثل الامين العام للامم المتحدة مذكرة تطالب كوفي عنان للوقوف مع حق الشعب الفلسطيني.


وقد اعلنت الهيئة الشعبية السودانية لمناصرة الشعب الفلسطيني عن مشروع للنفرة يتمثل في فتح معسكر الفاروق للدفاع الشعبي اعتباراً من يوم غدٍ الاربعاء امام المجاهدين للتدريب المتقدم، الى جانب فتح 35 معسكراً مفتوحاً للتدريب بالخرطوم بمعدل معسكر لكل محلية وذلك لتدريب خمسة آلاف مجاهد علاوة على تشكيل غرفة للعمليات والبدء في جمع الاموال وتجهيز الزاد للمجاهدين.

ولله يا عزيزي لو المسيره دي بتقدم ولا بتحقق نتيجه كان فلسطين اتحررت ليه سنين

الاخ وليد لك التحية على ماقمت بنقله
اللهم انصر اخواننا فى فلسطين اللهم حرر الاقصي من دنس اليهود
والتحية لكل مجاهد فلسطيني ولكل ام فلسطينية تدفع بفلذات كبدها من اجل عزة القدس والتحية للقائد المناضل زعيم الامة العربية والاسلامية ابو عمار اطال الله فى عمره
ياحبيب الكل لك خالص تحياتي حبيبنا كلنا لا اريد ان اقول لك ان المسيرات تعني التحرير او انها ستحرر من مكانها فلسطين والا كما قلت لتحررت منذ زمن بعيد ولكن دافعها المعنوي كبير جدا فى نفوس المجاهدين وتعبير واستنكارا يعرفه كل العالم اننا ضد مايقوم به السفاح هتلر زمانه شارون وهذا اقوي شوي من اضعف الايمان الذي يشجب ويدين بقلبه وانشاء الله سيكون رد فعل هذه المسيرات كبير جدا ليس بحجم القضية ولكن سينال لها نسبة كبيرة جدا للنجاح
واتمني ان تكون فى السودان يوميا كما كان يوم الاثنين 7 ابريل مسيرة المليون واتمني ان تكون المرة الجاية مسيرة الخمسة مليون ويتقدمها الخمسة الف مجاهد الذين اعدت لهم الهيئات الرسمية مناطق التدريب المتقدم
ووفقنا الله ووفق حكومتنا لما فيه الخير

عزيزي واحشني لك التحيه
المجاهدين الفلسطنين يا ربي عندهم وقت والا كهرباء عشان اشوفو الشعب السوداني يناصرهم ويوازرهمك ويرفع الرايات ويرقص علي انغام محمد بخيت
با راجل قول كلام معقول

Bro Waleed,
Please read my article titled
انهار بشرية بلا مصب ــ خيري منصور انهار بشرية بلا مصب

هل يعقل ان نتجاهل ان الحرب الان تكنولوجية اكثر منها جعجعة حناجر و حمارية ساكت ؟ ؟ هل يعني اننا سنشهد الان زيادة الحملات للقبض علي الشباب والزج بهم في المعسكرات ثم مباشرة الي ا لحروب لتحصد ارواحهم كضحايا سهلة للعدو؟

ما سبب هذا الاصرار الغريب علي هذه المعسكرات والكثرة العددية والتي هي كغثاء السيل !!!!!! أليس حريآ ان تنفق تلك النفقات و المليارات علي تطوير الجيش ??? الا يري هذا التفوق العددي للجيوش العربية مقارنة باسرائل؟؟
الم تلاحظ هذا الوضع المأساوي لشباب السودان الذي بات في هذه السنين مشغولأ بالزوغان من حملات الزج بالمعسكرات بدلا عن العلم والتحصيل ـ ونري نتيجة ذلك امتلاء الجامعات بالبنات بينما الاولاد (الشغوفين بالعلم )تائهون و هائمون علي وجوههم متخفين في الازقة والحارات ـ خوفا من الكشات العشوائية يملأهم الهم من اي تفكير في مواصلة تعليمهم.. بينما المراهقين في باقي دول العالم عباقرة في العلوم الحديثة تمكنوا حتي من اختراق نظم كمبيوتر البنتاجون ؟؟؟ !!!. شئ محزن حقآ ـــ --

يا وليد ذكرتني المسيرة المليونية الطلعتوها تأييداً للنميري

يا ترى هل تذكرونها
وأوعى دي كمان تكون زيها يا بتاعين الملايين إنتو

يا زول هة مسيرة شنو و كلام شنو , والله أحسن الواحد يشوف ليهو شغلة يقضاهة و يمشي يجاهد في الجنوب أحسن من ما يساعد ليهو ناس ما معترفين بى وجودو من الأصل.............مع تحياتي ليك

الاخ /وليد
صباح الخير من زمان الناس دى بتقوم مسيرات لفلسطين ولحدى الان ولا ودت ولا جابت وتانى حاجه الجهاد هو تهور ساى وله هناك ترتيبات والدول العربيه مافى دوله فيهم بادرت بفتح معسكرات لى المجاهدين يعنى الناس ديل عندهم مصالح معا اسرائيل وامريكا مافى دولة فيهم عاوزه تتجرى وتفتح معسكرات وله نحنا السودانيين خلاص العروبه كاتلانا نحنا الفينا مكفينا وهذا بدل على القادة بتاعننا دون المستوى نحنا مافى الجاهلية طوالى نجرى نحارب من مانسمع لينا انو الدولة العربية الفالانية ضروبها والمجاهدين ديل لو مشوا يعنى حيحرروا القدوس ديل حيكونوا مذبحه جديده وصيد ساهل لمن نحنا نحل مشاكلنا بعداك نشوف مشاكل غيرنا
وربنا استر على الشعب السودانى من قيادته الواعية

بــــــــــوب

يابوب
سلام
كلامك جعلني اتذكر مثل سوداني(اسف لكل القراء لسوء مفردات المثل)وهو يقول
غلفاء وشايله موسا تطهر
رغم ايماني بالانسانية والاسلام والعروبة
والحرية والديمقراطية
ويكفينا المعسكرات القديمة التي ما قادرين نقنع العالم بحسن النية فيها

الاحباب اينما كنتم
تحياتى
ان واجبنا الاسلامى بيحتم علينا ان نفعل ما فعلنهو ونحنو شغالين بى اضعف الايمان بى لسان فقط والحياه مراحل اليوم استنكار وغدا بنكون مجاهدين وبعد غدا بيكون عندنا كلام اخر

الاخ وليد اتمني منك ان تعمل كورس بتاع لغه عربية وبعد كده اتكلم عن العرب يا نحنو انت

الاخ واحشنى
تحياتى
ياخى القضيه ليس قضية واو ونون وبعدين ياخى سبحان من لايخطى وهنالك اخطاء غيرة معالم تاريخ بحالو
ومشكور يا حبيب على التنبيه وبدل نحنو خد نحن كده مبسوط
قال نحنو قال

الاخ وليد عزيز وغالي لا اقصد شيئا فى ذلك وانما من باب المزح والضحك ولك العتبي حتي ترضي واسف جدا حبيبي اذا زعلتك كلمة نحنو بتاعتك دي وقلتها لك جهارا كده حتي لا تغلط فيها المرة الجاية ولك خالص تحياتي