هل نحن شعب نعشق الفوضى ونقنن لها ؟!؟!؟

ما زلت أرى أننا شعب يحب الفوضى ويقنن لها
هل يا ترى يرى البعض في هذا القول افتراء على الشعب السوداني
اريد رأيكم في هذا لو سمحت ظروفكم

الغالى 123
تحياتى
بى العكس نحنو بيقولو علينا شعب حازم وراقى وبعيد كل البعد عن الفوضى

سلامات
لا اتفق مع وليد
بل نحن شعب فوضوى
ولو راجعتو شوية
حتلقو انو من ما الواجد يمرق من بيته الصباح
لحد ما يرجع كلعا فوضى فى فوضى

سياستنا فوضى
شوارعنا قوضى
واكثر فوضويتنا فى الصفوف

عذرا أخي وليد

كيف نكون حازمين إذا كنا لانعرف حتى الآن حزما في سياسات السودان المصيرية، يعني كل من يجي يمسح عمل القبلو كلو سواء كان صالحاام طالحا بإستيكة!!!

كيف نكون وحالنا يغني عن السؤال نيل يمر في وسط السودان بالضبط بل ومن جنوبه إلى شماله بطول البلاد كلها ومن حوله عطشى يكادون يموتون!!!

كيف ونحن حتى الآن كل واحد منا همه نفسه في الأساس و "حريقة وانعل ابو دي بلد"

كيف وإلى متى "يظل الوضع إلى ما هو عليه، وعلى المتضرر اللجوء إلى القضاء"!!!!

نحن شعب يحتاج إلى نفضة والتخلص من "الفرملة" التي كبلتنا منذ ما قبل الإستقلال والتي يعرف الجميع من أي نوع هي!!!!

لماذا !!!!

لماذا يرضى السودانيون بما ما هم عليه الآن والكل من حوله يتقدم!!!!

هذا شيء مما يدور في خاطري ويؤلمني حقيقة، وعذرا على الإطالة.

الاخ وليد المثير للجدل
اولا مبروك الصورة الجديدة حنفقد طلتك البهية تاني
اخي وليد
اتدري اننا شعب متهم ومشهور بالكسل
اتدري اننا مشهورين بالصرامة لا لشي سوي ان ملامحنا جادة
واعتقد ان هذا بفعل الحرارة والشمس في السودان
اتدري اننا شعب مجامل في كل شئ حتي خصوصياته
وهذا ليس بالشي المحمود فكثيرا ما تضيع الاولويات خلف المجاملات
بصراحة اننا شعب غير مرتب

الغالى 123
الجيل الجديد الموجود فى السودان حاليا جيل خطير وبعيد عن الفوضى وببشر بخير

الاخ الحنين

اتدري اننا مشهورين بالصرامة لا لشي سوي ان ملامحنا جادة
واعتقد ان هذا بفعل الحرارة والشمس في السودان
عجبنى تحليلك كتير بس متل ما قلتا ليك البركه فى الجيل القادم بيحمل الكثير المثير

لشعبنا السودانى الباسل مميزات قلما تجدها فى شعوب أخرى أولها ثقافته الأفرو عربية وتاريخه العريق وتعدده الثقافى والاجتماعى وتباين مناخاته وانه لشعب تمكن من جمع كل هذه المتناقضات وتوحيدها فى صفة الوعى ولطالما قدم هذا الشعب نماذجه وتفرده على مستوى بطولاته وثوراته وأمجاده وأزاء كل ذلك تجد من يتهمه بالكسل ومن يتهمه بإدمان السياسة...الى آخر ما يصب فى خانة رمى هذا الشعب الطيب بما ليس فيه
فشعبنا لم يتمتع يوما باستقلاله عانى ما عانى من ظلم وحروب وجور عانى من شظف وضنك العيش ومع كل ذلك بقى صابرا منتظرا حتى أذا الصبح أطل أشعل التاريخ نارا فاشتعل
فايكم الانسياق وراء لعبة مدروسة لثنى عزائم هذا الباسل الهمام
تحياتى
ناهد

بصراحة
ايوة هو شعب فوضوي و لو كان في ناس شواذ للقاعدة..
لكن الفوضوية في دمهم..
the_girl

نحن اكتر شعب فوضوي في الدنيا
لا نقدس العمل
لا نقدس الوقت
غير منظمين في كل شيء
نجامل أكتر من اللازم
نصبر على حكامنا الظالمين أكتر من اللازم وننسى جلادينا
ننسى سريعا ونعفو عما سلف
لا نخطط حتى على مستوى البيت
مندفعين في كل شيء ولا نقلب الأمور على الوجه الصحيح
نترفع عن العمل اليدوي ونموت بالجوع عشان ما نشتغل
لا نخطط لمستقبل أبنائنا ولا نعلمهم كيف يخططون
نساهر الليل كلو قدام التلفزيون والأطفال معان والصباح يغلبنا القيام للشغل
والمدارس
لا نهتم بمظهرنا
نتكلم بصوت مرتفع
لو واحد عرس او مات في الكلاكلة نقوم من الصباح ونكابس في الدفارات عشان نصلو
ندخل الكورة ونكورك الليل كلو في الأستاد ويكون حق العشا ما عندنا
نشتري قزازة الويسكي باي سعر ويكون اهلنا هناك ما لاقين ياكلوا
نصرف مبالغ خرافية في التلفونات
المتعلمين مننا الواحد جاب الدكتوراه ويقول خلاص بقيت ابو العلم ذاتو ما يعمل بحث تاني لمن يتلحس
نقعد تحت شجر النيم من صباحات الله لحدي ما تبدا سهرة التلفزيون

بعدين الجيل الجديد ياتو ياوليد هو تاني فضل فيها جيل

وينا صورتك الخايف عليها

اتفق معا الاخ الشماسى نحنا شعب فوضوى اكتر من اللازم

من الرئيس لغفير لوكن بالناسبة لباقى شعوب نحنا اكتر نظاما لكن مابهمنا شعب السودانى الباقى حريقه فيهو

بــــــــــوب

سلام يا ناس
احكى ليكم حكاية
زمان لما كنا خاليين من الهموم ولا ندفع ملء القفة كننا شلة اصحاب وجيران وكل يوم نجيب صوانى الغداء فى بيت واحد مننا
وتعال شوف نلخبط كل اصناف الطبيخ والفرك والسلطات والكسرة والرغيف ونأكل بشهية لا حدود لها ونجد فى ذلك متعة لا تحد

دى لخبته ولا ده شنو ده بالله

وطبعاً بعد داك تجروها نومة لأذان العشاء

ده ما التقنيين زاته ياقرشو

وعشان نحل المشكلة دي نعمل شنو في رايكم ؟؟؟؟؟

ولا نقطع الأمل؟؟؟

ولا نشوف شعوب تانية؟؟؟؟

لقد عبّر الأخ شماشى عن لسان حالى تماما .. فقط أود أن أشكره ولا أزيد
فتناكم بى عافية ... مارد

في البدء احب ان اركز علي موضوع له علاقة بالفوضويه وهي الخصوصية في حاجاتنا

فنحن شعب يفتقدها وهي تمر عبر النظام المفروض عليك في المنزل

فعندما تكون هنالك خصوصيه في نظام الحياة يكون هنالك نظام

فيجب اولا ان نعلم ابنائنا الخصوصية في حاجياته وفي لعبه

وغرفته قدر المستطاع

طبعا الفوضوية هي من عاداتنا التي لا نحس بانها فوضي الا عندما نحتك

بالشعوب الاخري ونري ما هو النظام وماذا تعني كلمة فوضي

فما ترونه باعينكم الان فوضي وانتم في الشتات في السابق كان متعه او حتي شي

طبيعي ( كفوضة الاخ قرشو) سابقا كانت متعه اما الان وبعد احتكاكه يالشعوب

اصبحت فوضي

نتمني ان ننظر لكل عادتنا بمنظار اهل السودان اولا وبعدها نحاول ان نغير

ما هو قبيح ونثمن علي ما هو جميل

مع اجمل تمنياتي للجميع وعزرا
امير محمد علي الجيلي