الاغتراب عن السودان

لو الوحد سال سؤال بسيط جدا
لمادا يغترب الانسان بعيدا عن وطنه ويترك أهله وجميع أصدقاءه وأحبابه لكي يكابد
وجع البعاد؟
لكان الجواب ويعتبر ابسط من السؤال وهو البحث عن وضع مادي أفضل.. وضع يستطيع به ان يضمن أن لا يسأل فيه الناس الحافا
ولكن هل ياترى الان المغترب يتححق له ذلك والسودانيون الان يجبون شوارع الرياض وأذقة جدة بحثا عن العمل.
ومازالت البواخر تجلب شباب السودان الى ارض الميعاد.
الى متى يستمر هذا الحال

لعمري ماضاقت بلادا بأهلها ولكن اخلاق الرجال تضيقnullnull

Quote:

شوف ياشيكار انا داير اقول ليك حاجه معظم الناس الجات هنا ما عشان نفسها عشان اهلها يعني صدقني لو كل زول مسئول من نفسو بس ماكان في شاب اغترب وانا واحد منهم لكن ربنا يصلح بلدنا ونرجع بالجمله زي ماجينا بالجمله ههههههههههههه يكه
زاتو

__________________

سافر زمان قبال سنين لا ضرب تلفون ولا رسل فاكس ولا ايميل

الاخ شاكر تحياتي واحترامي
والله يا حبيبي زي ماقال اخونا فى اول رد مافى زول مغترب او متغرب من اجل نفسه او (عشان نفسوا) بس انت قول ربنا يصلح الحال وهانذا اليوم متواجد فى احد دول الخليج بعيدا عن اهلى واصحابي وحبيابي ولكن ااكد ليك يا عزيزي اذا الشغله عشان نفسي الليلة دي ابيت فى السودان ولكن ربنا يسهل بس
ولك تحياتي

الاخ شيكر
تحية عطره بنفحات (الدُعاش) وقت العِصير فى شاطئ النيل تحت اللبخ
وحاره مثل حرارة شهر مايو والكهرباء مقطوعه والماسوره تشخر وتفور من الغضب والغبار يسد الدرب ويملأ كل مكان حتى العيون ويقلب النهار ليل والليل نهار والناموس يزن فى الليل جنب الاضنين ويقرص كل مكان فى الجسم من سبيب الشعر لغاية القدمين والملاريا الما معروف ليها دواء تشيل وتخت فى الجسم وتخلى العمر بدل عشره عشرين ولا تلتين ...ده كان مرت بسلام وإتوفر الدواء أوالمداوى العارف وإلا ....يفتشوا لشبر داخل الاراضى البقت مُسوره كان يلقى ليهو قبير .. وكان مالقى ربك يكون فى العون ويكون آخر المجانيات بقى بالقروش وكان حيين وأصبحنا تبدأ الجكايه والموال الذى لا ينقطع والحلقه المفرغه التى كلما تأقلمت معها قفزت منك قفزات طويله لا تواكب نطة الراتب المتواضعه
ونقوم الصباح والمويه مافى واللبن مافى والسكر مافى ... والبنزين مافى وكان القروش متوفره لابد الشئ التالت أو الرابع المطلوب يكون مافى يا لسع ما جا من بيتهم ولا عيان ولا عندهم بكاء ولا ولا ولا وهلم جرا وكان لقيتو ماشرط أمرك يتم أوينقضى