هاك دي يا وليد

أكدت الإحصاءات العلمية أن ظاهرة أطفال الشوارع قد ارتفعت بصورة ملحوظة في السنوات المنصرمة وأوضحت هذه الإحصاءات في العام 2001 أن العدد الكلي قد بلغ 34 ألف طفل في ولاية الخرطوم. وكشف التحليل الذي تم وسط هذه الشريحة أن هنالك 28 ألف طفل يمثلون ما يسمى عن التشرد الجزئي أو ما يسمى عمالة الأطفال وهم الذين يعملون في الشوارع برابط أسري و 6 آلاف تشرد كامل. وطالبت هذه الشريحة عبر البحث الذي أجري وسطهم بتغيير اسمها إلى أطفال السوق وأن أبرز مشاكلهم هي مخالفة القانون والتعرض للشرطة وتعاطي المخدرات والمواد الطائرة وأظهر التحليل أن بعضهم لديه الرغبة في التعليم ولكن ظروفهم حالت دون ذلك.
وقالت الدكتورة عطيات مصطفى الأيمن العام للمجلس القومي للطفولة في حوارها مع ألوان أن الموجهات العامة للاستراتيجية – شوف الاستراتيجية دي حلوة كيف - اهتمت بمشاكل الأطفال وطالبت المجتمع التعامل مع الظاهرة بصورة إيجابية ...... إلخ
تعليق

أسي كان غيروا اسمنا دا من شماشة لأطفال السوق أنا أسمي نفسي منو يعني؟؟؟

والبوست دا يا وليد تكملة لبوستي التاني بتاع كراهية الحيكومة

اكيد ياشماسي ح تكون تمساح هههههههههههههههه يكه

زاتو
______________

عايز اكون تاجر عطور اسرح وادور بين الحسان

اخونا الشماسى
تحياتى
ظاهرة الاطفال دى متفشيه من مده بعيده والحكومه ساعيه لى حلها بشتى الطرق ومن الاشياء الانت ما عارفها انو الحكومه عملت دار متكامله الى الشماسه او اولاد شمس لو صح التعبير وهى ناتجه من الهجره الغير منظمه من المدن الصغيره الى العاصمه الام ومازالت الحكومه فى سعيها للتقليص منها والايام القادمه بتشهد حل جزرى للقصه دى
تحياتى اخى الشماسى وموضوعك هادف جدا نتمنا ان تتحفنا بمتل المواضيع دى

bro.shamasi..
altahia leek..
street kids is one of the sign of the great faliure of the goverment of Sudan..
They are victims of every wrong poltics in Sudan..
I used to work with street kids for 7 years.. I know very wel how they feel.. most of them want to study..but no body listen to them..only they let them learn from the street ( their dangrous home)..
This tragedy wil never end if those people so as Waleed.(peace man) still control our life...
One of this kids told me one day that he is going to be the president of Sudan & he wil let every one learn music..because he loves music.. look at this inocent feeling of a child how dosn,t get nothing from his country even a good radio to listen to music..by the way he used to sleep near one cafe in abohamam to listen to music every night... what a nice bethoven..we lost..

الاخ شماس وحليمة 2
شكرا لطرقكم هذا الموضوع الحيوي الذي لا يجادل فيه رجل عنده زرة من العقل والحكمة والحياء

ولكن انظر مثل هذا الرد الذي يتنصل من المسؤلية ويقول هي قديمة كانما هذه الحكومة جاءت بالامس
وكانما ثلاثة عشر عاما تساوي ثلاثة عشر يوما
متناسين اسباب الهجرة ومنتظرين الايام القادمة ولست ادري ما هي هذه الايام القادمة هل هي اكثر من التي وعدونا بها ومضت
ولا زلنا نعاني الفقر والجهل والمرض
ويقولون اننا نحارب في العدو في الجنوب اي عدو اخطر من الجهل ؟

اقرا التعليق

ظاهرة الاطفال دى متفشيه من مده بعيده والحكومه ساعيه لى حلها بشتى الطرق و................وهى ناتجه من الهجره الغير منظمه من المدن الصغيره الى العاصمه الام ومازالت الحكومه فى سعيها للتقليص منها والايام القادمه بتشهد حل جزرى للقصه دى

الأخ وليد
سلام من الله عليك

لم أكن أتوقع منك ردا غير الذي أوردته وكعهدنا بكم تلوون عنق الحقيقة حتى تكسروها كرج - وتكسروا حنانا ذاتو.
أنت بتقول هذه مشكلة قديمة والحكومة ساعية في حلها . نعم هذه مشكلة قديمة ولكنها استفحلت في خلال الثلاثة عشر سنين الأخيرة

هو فعلا الحكومة ساعية في حلها عن طريق جعل كل الشعب السوداني شماشة وأطفال شوارع.
بعدين في بوستك التاني قلت لي الحكومة كيف تصلح البلد وهنالك من يحاربها ياخي جون قرنق دا بيحارب من سنة 83 لكن ما كنا وصلنا ما وصلنا له اليوم. وبعدين الحرب دي الكب عليها الزيت منو ؟؟ إنتو لمن حسيتو أنو الناس ماشة في اتجاه الصلح وعقد المؤتمر الدستوري سبقتوا لقاء الحكومة مع حركة قرنيق بثمانية أيام وقلبتوها - الله يقلبكم قرود إن شاء الله

بعدين ياخي أنا ما طولت من البلد . أنا جيت منها شهر تسعة الماضي لكن الظاهر إنك إنت الطولت
نعم كل شيء متوفر لكن من يستطع أن يشتري غير تجار الجبهة ويمكن سمعت بقصة حاج نور لمن جاء يخطب في مسجد الجامعة بأن على الناس أن تشد الأحزمة على البطون من أجل إنجاح التوجه الحضاري فقام نط ليهو واحد من المصلين وقال ليهو إنت يا حاج نور جيت أمبارح بعربية ومعاك واحد ووقفتوا قدام بقالة وأشتريت السمك الكان في الشواية كلو بملغ ثمانين الف جنيه.
أقول لك وأحلف صادقاً عندما وصلت السوجان أول حاجة لاقتني إنو هنالك طفل قريبي في مرحلة الأساس طرد من المدرسة لأنه لم يدفع مبلغ 75 ألف جنيه. المشكلة التانية بنت خالتي تدرس في الجامهة هددت بالحرمان من الجلوس للمتحان ما لم تسدد مبلغ حوالي خمسمائة ألف جنيه.
قل لي بربك كيف لعامل مرتبه ميتين ألف يستطيع أن يأكل ويشرب ويدفع مصاريف المدارس والجامعات.
وبقدر ما كل شيء كتوفر لتجار الجبهة بأكثر منه ترى الؤوس في أوجه الناس والملاحظة الغريبة إنو أشكال الناس كلها إتغيرت وأصبحت ترى عظامهم لو ركزت شوية.
شوف قضاي الطلاق المرفوعة في المحاكم ، أمشي أدخل مستشفى وشوف معانا’ البسطاء وأنينهم وهم لا يجدون دواءأ للملاريا.
قبل ست سنوات كانت شقيقتي ترقد بمستشفى أم درمان وفي الحجرة المجاورة لها طالبة في جامعة الخرطوم مصابة بملاريا ويرقان. المهم هذه البنت تعبت تعب شديد وما كان في علاج ليها. وكانت تئن أنيناً يوجع القلب. قلت لوالدها يا حاج ياخي البت دي ما تشيلوها تودوها لمستوصف خاص يمكن تلقى ليها علاج .

ذرف الحاج دمعتين حرتين وقال لي يا ولدي من وين ألقى حق المستوصف ولو كان معي المبلغ يشهد الله كنت دفعته له. وتاني يوم انتقلت المسكينة إلى رحمة ربنا

نعم الأعمار بيد الله لكن أين العلاج المجاني لمحمد أحمد الغلبان . ألم تلاحظ كثرة المستوصفات الخاصة ومن هم مالكوها.
أصبح العلاج في والتعليم والأكل والشرب وكل مقومات الحياة الكريمة لمن يستطيع أن يدفع ولا يستطيع أي شخص أن يدفع عدا تجار الجبهة وأعضاء المؤتمر الوطني والشعبي.
بلا لمة.

وليد
مالك كبيت الزوغة

الاخ الشماسى الزول ده اكون جاهوا ابو الشهيق خليهوا اشرب مويه واجيك