حفلة زواج اضحت طلاق

في ريعان شبابها هذه البنت المسكسنه جالسة تأمل ان يتقدم لخطبتها شاب يريحها.
وفجأة.....؟
من الذي يطرق الباب فتقوم الاخت الصغرى لتفتح لهذا الضيف الباب ولكن لم يكن لوحده كان معه بعض الرجال وكم من امرأة.....(مرحب بيكم اهلا وسهلا نورتونا والله جيبي المويه يابت فدخلت واحضرت لهم صينية العصير) شرب الضيفوف ثم بدوا فيالكلام....
(والله احنا طالبين ايد بنتكم فلانه لولدنا فلان) ومايليه من الكلام المعهود في هذه الظروففأبدو بالموافقه(واحنا اديناكم بنتنا والبت بتكم والولد ولدنا0كذب طبعا)..بدوا في اتمام الموضوع واتفقوا على يوم (سد المال)..ومن هنا بدأت القصة
(جابوا لينا حاجات الدكان شويه وماجابوا الريحه كفايا والتياب دي جابوها من وين ديل بستهبلوا) طبعا هذه ام العروس اين مبروك التي قلتيها واين الولد ولدنا والبنت بنتكم طبعا كله كان كلام في الهوى وبعد ذلك بد}ا مع العريس
( الوو بالله عايزه فلان(طبعا دى العريس)ايوة معاك فلان اهلا وسهلا والله انا صحبة فلانه(العروس) وقالت ليك عايزه قروش عشان حق العلامه ويرد العريس خلاص انشاء الله وهنا تبدأ الحرب العالميه الثالثه
...( شنو عايزه شنوا ليه احنا قلنا ليها ترقص ماعايزين رقيص ولاعايزين اي شي وتبدا المناورات بالكلام والمشاكل ويتدخل اهل الخير وينهو الموضوع.
ويأتي يوم الزواج
... العروس وصلت وينزل العريس ببدلته الانيقه وجيبه الفاضي وتنزل العروس بفستانها الابيض وابتسامة الانتصار على وجهها كونها انتصرت على قطار العناسه ولحقت بقطار الزواج قبل فوات الاوان
ويغني الفنان منشرحا ويدأ الناس بالمباركه(مبروك مبروك بيت مال وعيال ** تغلبيه بالعيال ويغلبك بالمال)وفي هذه الاسناء يوزع اهل العروس العشاء على (ناس السيره)اهل العريس)وتبدأ الحرب مرة اخرى وذلك مع بداية الفاصل الثاني من الحفله ...0في ناس ماتعشوا يابت انتي احنا ضيوفنا لسه ماعشيتوهم طبعا ديل اهل العريس)ويأتيها الرد من خلفها(ناسكم ديل كلهم عشيناهم ليكم والعشاء خلاص انتهى )طبعا الرد من اهل العروس.
...وتبدأ المعركه احنا جبنا ليكم مال كفايا عشان تكفونا وكيف تفضحونا مع الناس(اهل العريس)انتوا جبتوا شنوا انتوا قايلين الجبتوه دى بعمل شي الجبتوه ماجاي حق اللحمه بس عشان نعشيكم وتدق الدفوف بداية واعلان للحرب
والعريس ينزل من الكوشه في شنوا يا اخوانا مالكم؟
قالوا المال شويه وماعشو لينا الناس(اخوات وام العريس)كيف الكلام دى ؟
ايوة مالكم شويه(اهل العروس وامها)وتنزل العروس بفستانها الابيض في شنو يا امي مالكم قالوا وقلنا وقالوا وقلنا وتبدا المعركه الختاميه العروس ما حتمشي معاك (اهل العروس)والله الليله كمان تمشي معاي غصب عنكم(العريس)كدا؟
امها :كدي الليله خليها تمشي معاك لابتي ولابعرفها تكون...
طيب نشوف(العريس)...
يافلانه ارح( العريس) طب واهلي اختاري وما تختاري ردت العروس::كيف امشي واهلي قالوا لا؟
اهلك عايزين يخربوا عليك..( الناس المجمهرين حول الاستاد)لا لا
لا طيب امشي وانتي ........لا يا فلان لا عليك الله ماتكمله
حأكمله وخلي اهلها ينفعوها
امشي وانتي طالق طالق طالق
وتنتهى الحفله وترجع العروس لاهلها في يوم زواجها.
ويرجع العريس لاهله بعدما خسر كل نقوده في مغامره
وبس وتوتا توتا خلصت الحدوته
اتمنى ان تعجبكم
طبعا قصه من نسج الخيال بس كتير بتحصل في ارض الواقع
والمعزومين هم الكسبانين اتعشوا وانبسطوا ولقوا ليهم موضوووووووع
ولكم مني الاحترام
الطير المهاجر:P
ـــــــــــ
ــــــــــــ
elnjma

النجمة
قصتك نجمة زرقاء
صراحة شدتني للنهاية
ورجعت بي إلى البداية
ماذا تسمى هذه الظاهرة ؟

فعلا اسميها ظاهره مدمره
ولايكون الضحيه غير الشباب

والسبب الاهل وتسلطهم وعنجهيتهم المجنونه

ولك مني التقدير والاحترام
الطير الهاجر
elnjma

صدقينى يا نجمتنا احيانا لمن تكون البداية غلط فبتكون النهاية سريعة
والظاهر انو البداية كانت فعلا غلط ولذلك تعجلت النهاية والمشكلة مامشكلة شباب او كده المشكلة مشكلة انو كان فى كلفتة فى الموضوووع ورب ضارة نافعة
وصحيح القسمة مامعروفة
نور العين

نجمة صباح الخير
والله انا لحدي النهاية مفتكر القصه حقيقيه لانو والله ده البيحصل في معظم الاعراس شكرا على المشاركه اللطيفه التي من واقعنا السوداني ونتمنى انو الشباب يكون واعي وما ينظر للحاجات الهامشيه
ذكرتيني قصه والله قالو مره في عرس برضو نفس الشئ وبعدين السيره جات بي باصين وبعدين ابو العروس واقف جمب الباب الباص الاول جه ومشى لفه بي وراء البيت ورجع تاني وهكذا الباص التاني وابو العروس بحسب في الباصات عدى لحدي خمسه ووقع مغمى عليه هههههههههههههههههه يكه
زاتو

_________________

ياشباب العصر همو والعرس لازم نتمو

يا زووووووووووووول والله انا خايف الراجل ده يكون ابووووووك
ههههههههههههههههههه يكة

نور العين نحن بيتنا قدامو ميدان يعني السيره البتجينا بتلف في الميدان بس والحاج بيكون شايف كام باص ههههههههههههههههههه يكه
زاتو

______________

عشه صغيره كفايه علينا