قسم صيانة الكمبيوتر

هي يا شباب اي اسئلة عن الكمبيوتر .. تغيير قطع داخليه .. بواجي .. سيدهات .. درايفرات .. زيوت وترصيص وتعبئة فريون وبرامج وتنظيف فيروسات .. يعني اي سؤال كمبيوتر هنا وانا والشباب انشاءالله حنلقي ليكم الحل الناجع.. حتى ولو سؤال صغير ماتخجلوا انشاءالله تغيير لمبة طبلون .. انشاءالله جاهزين

مدني يا لذيذ
تصدق انو كمبيوتري شغال نت بس
وحتى النت ما شغال بالكامل
لانو الحروف الانجليزي لا تظهر عندما اكتبها ، اشاهدها نعم بالشاشة بعد الارسال لكن اثناء الكتابة او الفيو لا تظهر
بدلت وغيرت وجربت كل الحيل من الخطوط واللغة ما نفع



كيف ؟
الاوفس كلو راح لا وورد لا اكسل لا غيرو
وبتظهر لي الرسالة دي كلما فتحت الجهاز
error starting program


arequeird . dll file is not fond
outllib


هل في موقع بقدم الاوفس ولا الا سي دي يا سيدي ؟

الاخ مدني


كيفية ازالة ايقونة سلة المهملات او كيفية اعادة تسمية سلة المهملات

I used to have widows 98 second edition.
then i installed XP
2 weeks later i delete it and went back to my old windows.
when ever i start the old windows, a black screen pop up with the msg(1. install xp)
(2. Exit xp)
and some times i got a msg( the operation system is not found)
sometimes i get msg(remove all desks or media devices and press any key to restart).
it takes me so long to start it, and some times i had to unplug the Floppy drive to restart it.

mumken tawreena de min shino el 7oma de

والله عقدتوني .. الظاهر السوق حار اليومين دي .. جيب يا ولد المفكات والعفريته دي من جوا
اولا : بن بن
انتا عرفتا المشكلة براك .. لازم تنزل الاوفيس من جديد .. ولا يهمك في مواقع كتير بتخليك تنزل الاوفيس منها .. لكن دا حاياخد منك ساعات طويلة .. المهم لو مصر على الطريق الصعب كلمني وانا بديك الوصلة لتنزيل البرنامج
ثانيا: عمر مهدي
كيفك يا لذيذ .. مالوا السؤال دا شكلو تعجيزي ..انا ممكن اوريك طريقه تخفي سطح المكتب كلو .. لكن سلة المهملات دي ما ادونا ليها .. ولا كنت غايب اليوم داك .. انا بترك المجال للاخرين
ثالثا : نفسيات
بالنسبة للرسالة البتظهر اول ما تشغل الجهاز .. تفتح الويندوز وبعدين تعمل قرص بدء التشغيل ودي بتلقاها في لوحة التحكم في الجزء الخاص باضافة وازالة البرامج .. وبعدين تبدا التشغيل من القرص الانتا عملتو دا .. ولما يفتح تمشي لدرايف A: وتقول ليهو
A:\sys c:
ولما تعمل اعادة تشغيل بتلقاهو بدخل على الويندوز 98 مباشرة .. بالمناسبه الطريقه دي بتنفع بس مع ويندوز 98 و95 بس مع ملينيوم ما بتنفع .. اما بالنسبة للقرص المرن وانو بيطلب منك ازالة القرص المرن دا شعور طبيعي شديد .. وكويسه منو .. بس ممكن برضو نخليهو ياخد الامور عادي وما يعقدها .. ودا بانك تمشي البيوس وتعدل ترتيب البوت من درايف a: لدرايف c:

اها ياشباب انا جاهز للتعقيبات

شكرا يا ودمدنى
وبالله خلى الدكان ده فاتح طوالى الواحد كلما تلاقيه مشكلة يجيك
اها كيف الماسنجرات معاك ولا لا؟؟
اصلو الماسنجر بتاعى ما شغال
مع انى منزل الفيرجن الجديد والله
وكان شغال زى الورد
لكن سحروه وبطل يشتغل

كيفك قرشو .. اهلا اتفضل لي جوه .. معليش يدي مليانه زيت وشحم .. مالو الماسنجر مجننك .. مابقول اي شئ .. يعني مافي اي رسايل لمن تفتحو كاضم كلوكلو .. لو كاضم ابقى الكهرباء ماواصلاهو يالذيذ .. لازم تمسحو خالص وتنزلو من جديد .. وافضل طريقه تعمل ليهو داونلود من الموقع مباشرة وتعمل ليهو تشغيل ما حفظ .. بس الافضل تحذف العندك حسه دا .. جرب وكلمني

ود مدني

الـ سي دي اسهل
وشكرًا يا ملك

ولايهمك يابن بن .. ولو عايز ارسل ليك السي دي بال(دي اتش ال) .. انا جاهز .. بس عليك الله ماتنسي تحاسب الولد بره .. عشان امو بتشاكلو بعدين

الاخ مدني

انا حبيت ان يكون هنالك بعض الاسئلة الصعبة عشان شويه نرتفع لدرجة فوققققق
اما عن كيفية ازالة سلة المهملات فهاهي الطريقة
افتح start>> Run
داخل Runِ
اكتب Regedit
اذهب اليHkey_Classes_boot
ثم الي Clasid
ثم الي
645ff040-5081-101b-9f08-00a
ثم الي
Shellfolder
ثم الي
Attributes
اضغط عليها بالماوس ضغطتين سريعتين

غير الرغم 40الي 70
بعدها اضغط علي سلة المهملات بزر الماوس الايمن تجد ان خصائصها تم تعديلها بحيث يمكنك ان تحزف سلة المهملات او تغير اسم سلة المهملات

مع التحية في سؤال اخر

انا عندي يا مدني مشكلة وهي عندما اقوم بالفتح على عدة برنامج مع بعض وخاصة في صفحات الانترنيت ينشغل الجهاز ويحتاج الي وقت كبير حتى يستعيد قدرته وغالبا ما انتظر هذه الفترة واقوم بعمل اعادة التشغيل من جديد ،، فهل لك أن تسعفني ايها العبقري
semo

يامدني شكرا ليك للخدمه 24 ساعه ههههههه يكه
اسمع انا الماسنجر عندي ماشفال في المكتب بالرغم من انو لمن اجيب بطاقه بشتغل لكن النت بتاع الشركه الماسنجر ماشغال ممكن الافاده
بعدين عندي برنامج بال توك حذفتو من الجهاز لكن شايف لسع موجو في الجزء الاسفل من الشاشه على اليمين
افيدونا يامعلم ولمن نصرف بنرسل ليك حقك ههههههههههههههههههه يكه
زاتو

_____________
منو الخته حبه منو الزيتو كبه صحينا الصباح لقينا المطبه

لك التحية يا عمر مهدي على المعلومات القيمة
والاخ الزول زاتو انت قلت المسنجر على الخدمة بتاعت الشركة مابشتغل
ان يا زاتو فى السعودية
دي طريقه بتقدر تشغل فيها الماسنجر على اشتراك الشركة واضغط على ادوات
واختر منها خيارات الانترنت
وبعد ماتختار خيارات بيطلعلك مربع مكتوب فيه فوق اللي مع الخيارات حسابات وخصوصيه ماعليك منهم اختر اتصال
وهنا الزبده كلها
اختار في البدايه السوكس الاصدار الرابع
وادخل هذا الرقم في المربع الطويل
10.1.59.10
او
10.1.59.2
الاثنين يخدموا الموضوع
قم الملقم 1080
وبعدها ok
وانقر لتسجيل الدخول

تحياتي مدني
فكرة الورشة دي والله تمااااام لأنو الناس عندها أسلئة كتيرة ، والبركة فيكم وفي خبراتكم
افيدوني أفادكم الله : كيف يمكن تحويل الأغاني من السي دي على شكل TRACKS الى ملفات يمكن إضافتها إلى صفحات الويب أو الى عرض باور بوينت .

والله يدكم العافية ...

خاص بالرسم والملتميديا

واحشني

الي الاخ rose
كيفية تحويل ال Trackالي
ملفات ريل بلير او اي ملف اخر
يلزمك برنامج
Streambox Ripper
ابحث عن ونزله
سوف يحل لك المشكاة

واحشني لك التحيه ياخي وشكرا على المجهود لكن والله مافهمت حاجه اولا ادوات البتقولها دي ماظاهره عندي ورينا خطوه خطوه مشينا والقمر شاهد علينا هههههههههههه يكه

زاتو
________________
واحشني يا الخليت ملامحك جوه زاتي

اهلا ياشباب .. معليش اتاخرت عليكم شوية .. كنت بصلح لي في حاجة كدا بره.. عيادات.. والحمدلله الشباب ماقصروا
عمر مهدي
ماقصرت .. وياريت تخليك معانا طوالي حتى يستفيد الجميع من خبراتك

سيمو
المشكلة عندك واضح انها من ادارة الذاكرة .. فاذا كان عدد الرامات عندك قليل ياريت تقوم تشتري ليك حبه زيادة .. واذا كان عدد الرامات كثير والمشكلة دي برضو بتحصل لازم تغيير في اعدادات الذاكرة الظاهرية تبعك .. بس ياريت توريني الويندوز عندك ووريك كيف تعدلها.. واوصيك ببرنامج الفري ميموري لادارة الذاكرة وهو برنامج ممتاز منو بتقدر تعرف الخلل وين بالضبط اضافة الى تفريغ الذاكرة كلو ما تتملي.. ودا رابط البرنامج عشان تنزلو
http://www.absba.com/modules.php?name=Downloa...s&d_op=getit&lid=493

الزول زاتو
واحشني اداك الطريقه .. الرقم الطويل دا بنسميهو البروكسي والصغير بنسميهو البورت .. وبتمشي لادوات وبعدين خيارات وبعدين اتصال .. وبتنفذ خطوات واحشني .. اقولها ليك بالانجليزي
tools --> options---->conecction
اما بالنسبة للبالتوك الظاهر تحت دا الحته القاعد فيها دي بنسميها السيستم تري .. ودا معناها انك ما مسحت البرنامج مظبوط .. نزل البرنامج تاني وامسحو من اضافة ازالة البرنامج من لوحة التحكم .. ولو ما نفعت الطريقه تعال راجع عشان نعمل ليك عملية استئصال

روز
كلام عمر مهدي واضح اعتقد .. بس باديك الوصلة الممكن تنزل بيها اخر اصدار للبرنامج .. وبالتوفيق
http://www.absba.com/modules.php?name=Downloa...&d_op=getit&lid=1180

واحشني
شكرا على الرابط وخليك معانا انتا وعمر مهدي .. محتاجين لخبراتكم

تحية طيبة وبعد
اولا عاجز عن الشكر وعن الخدمة التي تقدمها وربنا يوفقك ويسدد خطاك
اما عن الويندوز الموجود عندي هو Windows 2000 professional والرام عندي 128 وهارديسك 20جيجا وسرعة الجهاز 1000 mhz
على العموم انا نزلت البرنامج من الربط
ولك تحياتي ودمت
Semo

(شكراً يا حبيبي (مدني
عملت بكل ارشادتك وحملت البرنامج من خلاله عرفت وضع الذاكرة الظاهرية ووجدت عندي برامج غير مستخدمة عاملة لي زحمة شديدة وقمت بحذفها
وشكرا كتير على هذا البرنامج لأني فيه مؤشر موجود على شريط المهام بوضح مستوي الذاكرة من ناحية الزيادة والنقصان وانشاء الله لنا مشورات اخري وعلى العموم ما اعرف اشكرك الذاي بس اقبل من هذه الهدية


ولك خالص تحياتي

Semo

تحية طيبة وبعد
اولا عاجز عن الشكر وعن الخدمة التي تقدمها وربنا يوفقك ويسدد خطاك
اما عن الويندوز الموجود عندي هو Windows 2000 professional والرام عندي 128 وهارديسك 20جيجا وسرعة الجهاز 1000 mhz
على العموم انا نزلت البرنامج من الربط
ولك تحياتي ودمت
Semo

كيف الحال سيمو .. الذاكرة والسرعة والهارديسك والمعالج .. كلهم حلوين تمام يعني .. يبقى مشكلتك تظبيط في البرامج بس .. شوف وجرب البرنامج القلتا ليك عليهو دا .. ولينا قعدة بعد داك عشان نظبط الذاكرة الظاهرية وكمان نشوف البرامج البتتحمل للذاكرة عند الاقلاع.. على فكرة دا السيريل نمبر حق البرنامج
s/n: 235612617935

شكرا

اخي بن بون
bunbun

طبعا صعب تفرمت الجهاز لانه تابع للشركه فاذا مشكلتك تكمن في السرفر الخاص بالشركه فهم محدد لمواقع معينه
غالبا يمكنك ان تغير في خيارات السكيورتي الخاص بالنت او استخدام كاسر بروكسي

او ان تستعمل الhttp

وشكرا

الطير المهاجر

elnjma

&&&&&&&&&&&&&&&&&&&&&&&&&
ياهاجري ان كنت على قتلي نويت
فكتب على قبري فداك

استفسر عن سؤالك بخصوص سلة المهملات

كيف تريد حذف السله
؟
قد يجوز سؤالك عن تفريغ محتوياتها واسترجاع المحذوفات

اذا كان اعتقادي صحيح فقم بالنقر عليها بالماوي باليمين
واضغط على pen
وبعدها تجد الخيارات اما تفريغ او اعادة المحذوفات وبالله التوفيق
اختك
elnjma

يامدني شكرا ليك ياخي لكن والله ادوات دي نلاقيها وين ماعارف يعني افتح شنو الانترنت صفحه الياهو مثلا ماعندي فيها ادوات عندي فايل وادت وفيو وقو اما لو في حته تانيه ورينا ليها اما البروكسي والبورد لوغيرتهم خايف يقول لي لايمكن الاتصال بالانترنت ههههههههههههههههههههههههههههههههه يكه

بالله افيدنا عندنا ناس في الماسنجر بالصف

زاتو

___________________

ياقائد الاسطول ارحم بني الانسان

لا لا لا يا زول .. ادوات دي قاعدة في الماسنجر .. يعني اعمل شغل الماسنجر وطبعا بطلع ليك صفحة بيضاء .. بعدين فوق بتلقى ادوات فيهو.. جرب وشوف ولما قدرتا كلمني وانا بصورها ليك .. انا عندي كم زول غير الزول زاتو

مدني شكرا ليك يادكتور عملت المطلوب وعند كتابة الرقم طبعا النقطه بتتكتب علامه عشريه ههههههه يكه لكن قلبتها بالانجليزي وغيرت الاصدار من بروكسي لي الاصدار رقم 4 برضو مافي نتيجه افيدنا افادك الله
زاتو

فعلا ممكن تغير البروكسي والبورت يمنع دخولك للمواقع بس ماراح يمنعك من الانترنت يعني احفظ البروكسي والبورد وجرب البوكسيات التانيه امكن اي واحد يضرب معاك زي الازبطن بتاع الامتحان

هههههههيكه

الطير المهاجر

elnjma

ودي الصوره



جربتا الرقمين .. اسمع انتا شغال وين في ارامكو .. لانو الرقم بختلف من شركة للتانيه

مدني يارائع جفيتني وانا ضايع تعال لي
شكرا ياخي والله العملتو ده يفهم الحمار زاتو ههههههههههههههههههههه يكه
لكن تتصور برضو ما اشتغل ما عارف يكون من شنو

شكرا ليك كتير
زاتو

_________________

انساه يا الزووووول بعد كده

اوفرمت الجهاز

elnjma

هههههه يكه

والله يالنجمه الزول دا جننتيهو في راسو ذاتو .. مالك عليهو .. يعني كان فرمت الجهاز بتحل الموضوع .. والله لا بتحل ولا شئ .. لازم يعرف رقم البروكسي ورقم البورت الصاح بتاع شركتهم .. والا لو اشتري جهاز ابل ماكنتوش جديد ما بشتغل .. هاهاهاها

وكوني النجمة

ود مدني المحترم:


اولا لك مني كل الشكر بس ياود مدني لو فرمت الجهاز اقلها ممكن ينزل كل برامج الافس

اما بالنسبه للبروكس يازوووووول

او بالاصح بالنسبه للانترنت فانتا محتاج لكاسر بروكسي يشتغل مع السيرفر الخاص بالشركه ودى انتا وحظك اعمل بحث للبروكسيات واكيد حتلقى واحد يضرب معاك

ولكم مني الشكر


الطير المهاجر

elnjma

شكرا للاضافة يا النجمه .. ولكن انا قصدتا انو الفورمات قرار صعب شديد .. ومكلف (مستندياً).. وهو ممكن يعمل اعادة اعداد للاوفيس .. وادور على البروكسي بتاع الشركة عشان اقدر يدخل بالماسنجر

شكرا اخي مدني ..... والتحية عبرك لكل أهل وادمدني الفنانين

شكرا أخي عمر ...

ما قصرتو تب ...

الاخ يازول اسف للتاخير عليك فى الرد لظروف خاصة
والتحية لكل الاخوان الذين بذلوا قصاري جهدهم لدخولك على المسنجر
وكما ذكر لك الاخ مدني انت شغال فى اي شركة اخي العزيز حتي نقدر نوفي انشاء الله بوعدنا معك وندخلك المسنجر ملح هههههههههههههايييكه المهم حبيبي انا برسل موقع للجميع ولك خاصة ان تنزل منوا المسنجر وانشاء الله يزبط معاك

لعيـــــــــون يازول