ماسنجرك مقفول؟؟؟؟؟!!!!!

قالت ليهو

والله ما معقول..
بس كنت فى المطبخ
ومسافة أظبط فول
رجعت ما لقيتك ماسنجرك مقفول
قال ليها:

i will delete your name
My buddiesمن
على طول..
خليكى فى المطبخ
مبروك عليكى الفول

بالله تقولوا شنو فى كدة؟؟؟؟؟..
لكن برضو وديت ليهو زول مرسال والمرسال مشى وما جا!!!!!!
بركتك ياشيخنا عمر مهدى دايرين خبرتك فى المجال ده!

تحياتى
ودعزة

رجعت قالت ليهو:

if you delete my name
وحياتك آكل نيم
معقول حبيب الروح
تمسحنى مسح أليم
رجعنى وحياتك
الفول يطير يازول
أنا ابدلك بى فول؟
والله ما معقول
ماسنجرى بيسأل
والقلب بيك مشغول

تحياتى ودعزة

تحياتي يا ود عزه
الزول دا داير الزوله دي تموت ليهو بالجوع ولا شنو ياود عزه

واحشنى ...والله الظاهر كده والفول حبيب الشعب ماسنجر شنو البحل محلو..
دى شواكيش الكومبيوتر يا واحشنى ..شواكيش تجى فى نص الراس ..مبرمجة وموجهة
وأنا شايف البورد الليلة صانى قلنا شوية نحركو بى حاجات خفيفة
تحياتى
ودعزة

البينا ما كان ماسنجر ولا بورد
البينا كان اجمل من الورود

غنيوات ريد وهيام أتحفت كل الحدود
أهديتها لي وصداها ليك دايما بعود

البينا كان غزل رقيق بيهو على بتجود
البينابهجة واماني حبلها بالحنين ممدود

البينا من جانبك الظاهر من البداية كان أمل مهدود
كان نزوة ، عنفوان طايش حب للذات وإرضاء للغرور


البينا من جانبي كان تحدي للكون والوجود
تحدي للقال الحب في
Net
عمره ما كان ولا حيكون

البينا ما كان لهفة ونغمات حنينه وجمل
البينا ما كانت كليمات ريد يحكيها
Keboard الـــ
في خجل

Signs البينا ما كانت
Screen في الــ
توصف لهيب القبل

NetMeeting البينا ما كانت لقاءات
وتبادل صور

البينا كان كلمة شرف
من جانبي ليك أخلصت لكن للأســــــف
( )

البينا كان ميغا
تدى الزمن أبعاد
والماوس المشدود للبوست والميعاد
والديسك توب يشهد صورتك
عليهو بلاد
والله فى الريدة
ماناس طناش وشراد
ما اتفرمتت أشواق
فى اسكرين أو هيت
ما كان عدد بايتس


تحياتى
ودعزة

LoOoOoOoL @ ود عــزه
الله حأشتاق ليك .. عدد ما في السما نجمات
وعدد ما في الرياض وروود

بليز ريميمبر مي وذ
اني كليك فروم يور ماوس
اند ريميمبر ماي إسمايل تو يو اند تو إفري ون
((((())))(((())))((((())))

انتى بجدك ؟؟؟؟؟
المقعدنا شنو

how i can remeber when i will never forget??

ودعزة,] u.m

تقدر تسيب الفوول
والله تب ما قوول
اقدر اعيش لحظات وامشى واعيد الفات
بس تب كمان ماقوول انو تسيب الفوول
دى حاجة بسيطة يا ود عزة ان شاالله تعجبك

نور العين

نور العين

الفول ده عاد بنفات
بتفوت نفوس وعقول
موية الحياة السمحة
والله موية الفول


تحياتى
ودعزة

قالت له :
كان هذا قرارك الأخير … فتتذهب إلى الجحيم ……. مصير كل من هم على شاكلتك … اللاعبون على الحبلين … واللاهون العابثون بمشاعر أمثالي ممن يعتقدن بمذهب الصدق و الرومانسية حتى و إن كانت على النت ن وممن غاب عن ذهنهن أن هنالك العشران من أمثالك ممن فقدوا حتى رائحة الشهامة و الرجولة .
و يكفيني أنا صدقي مع نفسي والذي تمثل في صدق مشاعري تجاهك ….
اذهب ولتنعم بشعور الانتصار و لذته للحظات …. و لكن تذكر شعور الخذلان و هزيمة الذات الأبدي … ذلك الشعور الذي سيقعد لك على الطريق …وإلى الابد.
واتركي أنا أنعم بصدقي … و صحن الفول المضبط .

رايكم شنو ؟ مش كده أحسن من ما تقول لي لا عليك الله بتبالغ يا أخي ....

يا ود عزة
سلام
ملىء البطن اولا ثم تاتي الغرائز الاخرى
ويبدو زولك متسبب بس
وانا اشك انو دا انت
ويبدو انك مضروب في مقتل
وبعبارة اخرى مضروب في التنك
الفول قبل الكلام المعسول
فلافل شطط شمار وبصول
موية جبنة وزيت الفول
تخليك تقفل الماسنجر على طول

Woooooop wa barddo moshkeltna fi foool
golna emekn takbar showia wa ta3gal ya zool
laken ur chating became mamllooool
ana 3omri ma 7ansa 7obi al majnoon
laken barddo fi al nahyaaaa the most important thing is my
fooooooool ya fooool..

Ya Pearl only alfoool
in every explore ma tansa site foool


Best regards
wad azza

ياسيكو ..كيف تجى بس فولى ولا ملى بطنى..
الخيار بين فول وماسنجر وعشاء صعب مش كده..

وحياتك ياغالى أخوك ما مضروب فى مقتل...لكن مهزوم بحب كبير..ومن شدة رحابتو ما عرفت ابدا من وين..عشان كده الموضوع ما مقتل الموضوع الانطلاق من البداية للخطوة البعدهاوبس

تحياتى
ودعزة

Rose
قاليها:

أمشى الجحيم أحسن
لكن جحيم حبك
ختى الشمار فى الفول
وختينى فى قلبك
النت جميل ياناس
والساين إن احساس
والله صادق ريد
ماقصدى العب بك


تحياتى
ودعزة

!!!وفي إنتظار عمر مهدي

ود عزة..لكن ما بالغت


وفعلا دى قضية عصرية عصر الكومبيوتر والنت وعالجتهاانت والقامو بالرد والتعقيب بطريقة ظريفة
ولطيفة
تحياتى

ناهد

انا برضو تقول لي ماسنجرك مقفول
دا كلو عشان براك تاكل الفول
انت ما عارف غيرك راجيني كم زول
انت شنو وانت منو غير زول مسطول
في الماسنجر غير بحبك ما ليك قول
وكان زعلت منك تقول لي ما معقول
وكان قلت ليك مخبول
تقول لي احي انا من كلامك المعسول

برضو انا تقول لي ماسنجرك مقفول

وكان ماسنجري مقفول ماسنجر منو المفتوح
والله كان قفلوا بقول ياروح مابعدك روح
امشي عليك الله شوف ليك زولةً بالكلام بتروح
ما انا البغشوها بالكلام واسال مني ناس فتوح
بمشي انا واخليك لي قلبك المجروح

أهلللللللا بى ناس مدنى الجميلة..
والله أبدعت..
واستمر عليك الله

تحياتى
ودعزة

أعزائى وعزيزاتى

أنا ما بعرف اكتب شعر ...وجنس الكلام ده ما بقدر عليهو
لكن ممكن أكتب ساكت

قالت ليهو:
..من الويب سايت ووب عليا...من بوست الحبايب فى (((ووبين عليا
من مرور الماوس والدبل كليك فوق الصورة البصبح عليها وأمسى عليها..مليون ووب
من رهبة الماسنجر من حروف الغالى ..وخوف النت من زعل الغالى...

لكن برضو الفول فولى زرعته وحدى وسأكله وحدى


ودى الشديييددد ليكم
غزال المسالمة

ود عزة يا ابداع

ود عزة
يا تغيان
والله العظيم ليك وحشة الف
قام اتعزز الليمون عشان بالغنا في ريدو
http://www.r3odi.com/eshtgna.html

الجميل فى الحوار اللزيز ده انه ود عزه رجع للبورد واتحفنا وكمان شايف ود مدنى الظريف ظهر لكم امتنانى

اخوكم كولا

الأخ كولا
الردود تاريخها قديم ومثلك ومثل رومانسى أسأل أين ودعزة؟؟؟؟
وأسال أين الباشا ، والخواض ، وسونا ، وبقية الرائعين





تحياتى



ناهد

والله بقيت زي الاطرش فى الزفه
الله ينورك يا ناهد

يا جماعة "ود عــزة، سافر مدينة تانية وحيرجع ، هو مش قاليكم حأبقى لزقة فى البورد ، معناها لازق لازق والله فرق علينا وعلى الشلة كلها فى مدينتنا دى .زى ما يمكن يكون فرق عليكم فى البورد.بس هو سافر ومشغول بحاجات عملية كتيرة ويمكن يرجع خلال اسبوعين تلاته..ورغم أن الدخول للبورد ممكن من أى مكان فى العالم لكن برضو بكون صعب لما الواحد يكون مشغول بأمور تانية لأنه البورد الرائع ده بينى وبينكم اليفتحو ما يقدر يقفلو بسهوله وأسألونى أنا العلى مذاكرة ورغم كده بطل عليكم
وزيكم نقول ربنا يرجعو بالسلامة 0...وسالم وغانم
لكن برضو ياقرشووووى مفروض تكتبوا غايب عشان هو المفروض يستأذن ويكلمكم بى السبب ،
ودى الشديييد ليكم
وتحياتى الخالصة
غزال المسالمة

غزووووولتى
سلام يا بتنا
لكن ياخى انا شايف كثيرين غايبين واديناهم فرصة قلنا الدنيا اختبارات وحاجات زى دى لكن ود عازة ما عنده اختبارات وما اخد اذن كمان
عشان خاطرك انا بخليه المرة دى
لكن الثانية بكتبه بالاحمر
انتى ذاتك وين يا ستى بقيتى يااااك وتمشى
تعالى تعالى يا عزيزة تعالى

قرشووووووووووووى
ليك وحشة كبيررررررة
واسطتى نفعت يعنى ،واهديتنى جميلة قدمتها لود عزة المشاكس عشان تانى ما يكاوينى
الله انت نسيت أنا مش قلت ليك عندى مذاكرة واللا اللوترى واحمحمحمحم نسوك الناس ياقرشووووووىل
ورغم المذاكرة أهو بطل عليكم مرة مرة ..
لكن الغايبين ديل قبلما تعاقبوهم لازم تعرفو منهم سر الغياب والزوغة
وياربى ..غاطسين وين ؟؟؟؟؟
لكن ودعزة لما يرجع حأقوليهو ..واكاويهو ..واقول ليهو والله مافى زول سأل عنك ولا فقدك فى البوردغير قرشووووى ورومانسى وبوب وناهد
وحأكاويهو أقوليهو معناها انت مامهم ولا حاجة

تحياتى وودى الشدديديدديدليك
غزال المسالمة

قالت ليها:
عملتى هكرز
ليه؟؟
وشلتى حبيبى من الفايل..وانا حالتى عامله فاير وول ومنزلة برنامج حماية ؟؟
وماعارفة الهكرزيات ممكن
ياخدو مجلد حبى من عين الاى اكس اى
تحياتى
غزال المسالمة

تحياتى ود عزه
الا حباب كلهم وحبيت اعمل شوية اضافه بس انشاء الله ما تزعل ود عزه
وبى المناسبه يا ودعزه وحشتنا كتير طمنا عليك على الاقل
النت ده حاجه عجيبة خلاص

تعرفت فيها على بنت

راسلتها في الميل .. وبدى قلبي ليها يميل

غابت عني أيام وليالي .. دورت عليها في كل مكان

دورت عليها في (google )و(yahoo) وكتبت ياناس ياهو

حبيبي تايه وين ألقاهو؟ .. ولا حد رد عليا!

نصحوني ناس الخبرات .. قالو لي دور عليها في الشات

الشات ده مليان بنات من كل الألوان والجنسيات

دخلت الشات .. ودورت من بين القنوات

ما لقيت نكها من بين النكـــــات

كلمت لي زول من اليابان خبير في الكمبيوتر فنان

قلت ليهو هاو آر يو قال لي شنق ينق (فاين ثانكيو)

قلت ليهو أنا من السودان .. مشتاق لحبيبتي ولهان

و ده النك نيم ليها دلني عليهــا يا زول

أخد مني الزول النك وقعد يتكتك تك تك تك

لحد ما لقاها !..

قالي ( شونق يق يق يو ) تلاقيها في الآيسيكو

دخلت ليها في (الآيسيكيو)

ولقيت حبيبي اللي ضيعتو

و بكل لهفة وشوق كلمتو..

قالت لي : بدك شــو؟!

قلت ليها انتي البنت اللي أدور عليها من زمان

قالت لي : أنتا من أيا مكان؟

قلت ليها أنا من السودان

وراسي مثل الرمــان

وكرشي شوي مليان

ولوني أفتح من الخنفسان

قالت لي : شو أفتح من الخنفسان !

مامعئوله هيك انسان !..

أنا بدي راجل فهمان أبظاي متل السوبر مان

ولونه أبيض فتحان .. مافي منو في البلدان

ولأني حلوه ومن لبنان

وبمشي متل الغزلان

وطرفي حلو ونعســـــــان

و وجي ينور متل الشمــــــع دان

ما بأبل أتجوز من السودان !

والا أفريقيا ولابلوشتنا!

بدي ويحد فتحان أبيض مثل الأسنان !
ممكن يكون من لبنان
وإلا من شرق أوروبا
والا حتى من كردستان
لأني حلوي وبيضه من هذول أخلف صبيان

الزول بقى يقرى الكلام وهو زعلان
جالو اكتئاب وصار تعبـــــان
كره حياته وصار ندمــــان
ترك النت وهو غضبــــــان
وراح يدور على عروسة. سمرة
من كسلا و أم درمان

الأخ وليد
لن اتكلم على لسان ودعزة لكن ودعزة الذى اعرفه لايغضب ابداوليس المقام ان وضح لك مدى التزامة فهو لايتناول محرما ولا يدخن..ويقوم بواجباته الدينية
وأنا ما عايزة أدافع عنه أو اثبت لك شيئالكن فى جوانب لازم انت وجميع من فى البورد يعرفوها عن هذا الانسان بمعنى الكلمةبحكم أننى الوحيدة بينكم التى رأت ودعزة وتعرفه جيداً
فهو أولا معيد بنفس الجامعة التى أدرس فيهاوقد تعين قبل 4 اشهر..وهو يمكن فى عمرك أو أقل يعنى يوم 17/4حيكمل السبعة وعشرين حقو تفاجئوه بتهنئة عيد ميلاد..غير ذلك فهو صديق للأسرة وصديق لشقيقى الذى درس منه منذ أن كانوا بالسودان عشان كده ظنكم مايمشى بعيد فهو أخ مخلص وملتزم وفوق ذلك لايسعى ولا يؤمن اطلاقا بحب غير المشاهديعنى حب النت والماسنجرات ده ما من ناسو وحياتكم أ وموضوع الماسنجر الذى كتبه كان فى سبيل الدعابة والمرح فقط
ولايعكس شخصيته فى أى بعد من الأبعاد ..
وهو أسه غايب ويمكن يزعل منى لو لقانى كتبت كده لكن أنا قلت فى ناس لازم نزضح أبعادهم للآخرين لإزالة الحساسيات
وياوليد تأكد أن له صداقات مع أفراد أسرتك سواء فى الوسط الاعلامى أو الأكاديمى.ويعتز بها كثيراوعلى هذا الأساس يجب أن يتم التعامل بينكما لامجاملةفهو لايجامل فيما يراه صحيحاولن أعدك بأنه سيغير خطه من أجل صداقاته ولكن لكى تفهم طبيعة هذا الشخص والتزامه الفكرى الذى لايحيد عنه ولكن أملى أن تزال أى حساسيةمن هذا البورد الذى يعمره السلام والمحبة
تحياتى
غزال المسالمة

الغاليه
بنت المسالمه
خوالص تحياتى
وبشكرك كتير على كلامك ده بس ليكن فى علمك
الاخ ود عزه مع اننى بختلف معهو فكريا لكننى بكن له معزه خاصه
وهو انسان طيب ومن اسره محترمه وصدقينى كانت حابى ان تنشاء معه صداقه مميزه والى الان انا طامع فى اقامة صداقه معاهو
بشكرك كتير واتمنا ان تنقلى ليهو تحياتى لو هاتفك ولو اعطيتينى تلفونو بتصل بيهو اينما كان

الأخ وليد
دى ممكن تسميها مبادرة غزال المسالمة ...والحمد لله ما طلعت زى المبادرة العربية

وهو حيرجع من السفر أصلو سافر مدينة تانية غير النحن فيها عشان كده هو البتصل مرة مرة ولو اتصل حأكلمو بشعورك الجميل
وزى ما قلت ليك هو صديق كتيرين من أفراد اسرتك ويعزهم كتير وأكيد بعزك زيهم كمان

تحياتى
غزال المسالمة

الف حمد الله على السلامه
اخى ود عزه

شكرا أخوى وليد

تحياتى
ودعزة

يا جماعة أنا بقيت زول فارغة واللاشنو...شنو ماسنجرك مقفول وماسنجرك مفتوح؟؟
لكن اظنكم تتفقوا معاى لازم يكون فى تجديد نشاط بالحاجات الخفيفة ...والمرة دى قالت ليهو:

ماسنجرك مفتوح..
awayوانت اللى كنت
..وماسنجرك مفتوح
ناسيهو ناسى الناس
وعملت داون لوود
أب لوود يسل الروح
والكود أبى النجمات
والقوس فضل مفتوح
....


يلا كملوا ياجماعة
تحياتى
ودعزة

اخونا ودعزه بعد ما فتحت الماسنجر خلينا نرسل رساله عديل كده
عندما تكون سيدتى امام شاشة الحاسوب
وهل هناك من لا يحبك؟؟؟؟؟ صعب تخيل ذالك
أنت الآن يا سيدتي أمام الشاشة.
تجلسين صامتة كصمت الربيع عندما ينشد المطر..
وساكنة كسكون البحر عندما يطفو فوق القمر..وتهزه النجوم..
أناملك الرقيقة تتهادى بنعومة على لوحة المفاتيح...
تنقرين كنقر عصفور لطيف كلطفك,,,,,,,,,
وهو يشرب الماء من جدول عذب...كعذوبتك..........
أتخيلك الآن وأنت تبحرين عبر الشاشة............
تبحرين عبر مسافاتها.....تحاولين دخول المواقع......
تغوصين في موقع معين.....أو في بريدك .....
تبحثين فيه عن شعر..خاطرة.... قصيدة..قصة ..خبر ..,,
وعن كل ما كتبه ذلك القادم من متاهات الفضاء فيك..... تبحثين فقط عن حرفي ,,,,,,,,فمن أنا حتى أقحم نفسي في عالمك......أنا مجرد كاتب اكتب عن فضائلك وشمائلك ..وما تنفردين به عن الآخرين...
أتخيلك الآن وأنت تقرأين بنهم..تعيدين الكرة تلو الكرة...
ربما كانت هناك كلمات مبهمة....وربما بحثت عن تفسيرها....
وكم يسعدني أن أساعدك في ذلك..
أتخيلك وأنت الآن تلتهمين الحروف... تلو الحروف,,,
والمواضيع بعد المواضيع.....
لا تتوقفين ....تخشين أن يراك أحدا .....فقراءة الشعر عندك سر .....
وحبك للشعر سر ولك أسرار خاصة بك ...كم هي جميلة تلك الأسرار..
أتخليك الآن وأنت تنظرين للباب خلفك..خشية أن يفتحه احد.....
لا تريدين من أحد أن يقرأك عبر سطوري,,أو داخل خواطري ..
نسيتي يا سيدتي أني لا اكترث بذلك ..ولا يهمني ذلك..
فأنت داخل قلبي وبين جوانحي.......وهل هناك من لا يحبك؟؟؟؟؟؟؟؟
هل هناك من لا يود أميرة الوفاء والخصال الحميدة؟؟؟؟؟؟؟؟؟؟؟
أنا لا يهمني انك تدركين ذلك...المهم أن اكتب فيك...
الكتابة فيك بالنسبة لي شيء آخر ...
أنه.....هواء ....حياة....أوكسجين..سعادة..ليل ..قمر ..شمس..نهار..
نسيتي يا سيدتي أني لا اعشق فيك إلا طهرك,,
طيبتك... كرمك .......حلو أخلاقك...
وخفة دمك,,, وسرعة بديهتك التي تتميزين بها عن الآخرين....
أنت الآن موجودة أمام الشاشة لكنك أيضا في الشاشة... في كل حرف كتبته.. في كل موضوع سطرته,,
في كل قصيدة نظمتها...وربما الفواصل والنقط لا تخلو منك....من همسك,, من اسمك,,,, من عطرك,,,كل شيء فيك انساب هنا وانتشر هنا...
لقد ملأ المكان حبك..ونحن لا نريد سوى حبك..
فالكل يحبك...ويعشق اسمك..وهذا ليس غريبا ابدا..
الغريب والعجيب...أن يوجد على الأرض من لا يحبك..
وهذا مستحيل..ولا يمكن ابدا تخيله....................................

ياسلام ياوليد الحب جميل والكلام الحلو ده يستنطق الحجر والوردة الحمراء معلقة بيرق على اليسار..
والحب المستحيل دايما بكون جميل ...والحياة حلوة لما نكون حلوين ..
واحلم معانا بوطن تعمره المحبه ويعمره السلام وعندها سيلتقى كل العشاق دون حاجة الى محطات المسنجر..
وياوليد ماسنجرك مفتوح على الحياة وكده كويس

تحياتى
ودعزة

الاخ ود عزه
تحياتى
والورده الحمراء سوف تكون معلقه على اليسار لمدة ثلاثه ايام احتفاء بقدومك

شكرا وليدعلى ذوقك الرفيع
تحياتى
ود عزة
من كومبيوتر غزال المسالمة

يا جماعة ودعزة مسك كومبيوترى وحمانى اشتغل أهو ده قاعد جنب اخوى ومسك منى الكى بورد وعمل ردود..الله يجازى محنو..وانا عندى مذاكرة أعمل شنو؟؟؟؟؟
تحياتى
غزال المسالمة

غزال
تحياتى
ود عزة

ودعت ما سنجرك وقليبي انكوي

ود عزة تحياتي وأشواقي لك وللفول والبوش
وسامحني في هذا الإقتران الغير مقصود
أنت خليك إنسان لطيف وإحساسه رهيف عشان ما تخرب الدعوة من أولها وتبكي وتنوح
بعدين دايماً ما تقول الروب لأني لدي صلة وثيقة بالفول وفنونه وحركاته
وأسمع دي نصيحة مني
ما تكون جرسة لأنها ما مفيدة وخليك تقيل ومصيرك بكرة تتعلم من الأيام
ويا روز ما ليكي حق ... ما كان صحن فول ده الأصبح غراب البين وفراق حبايب
وخليكي رياضية والمسامح كريم عشان خاطر الناس الحلوين والسمحين ديل كلهم عليكي الله
حبيب بلده وليد
وليس وليد الكوز بتاع شمس الدين

شكرا أخوى وليد..وتحياتى
ليك
ودعزة

اخي ود عزة لك كل الود
حقيقة الرسالة دي جاتني قبل يومين كدا وطوالي اتذكرتك انا قلت خليني الحقها السوق وانا عملت ليها بعض الزيادات كدا عشان تكون ماشا مع موضوع الفول بس

رسمتـك في اعماق خيـالي ما انت فارس احـلامي
ماسنجـرك بيفـرحني وايميـلاتك دايما بتـفـرحني
وفـي الحالتين كنـت منتظراك وعاوزاك تتزوجني
حريقة تحرق الجبنة والفول البي سببو هجرتني
ومـــا كنت قـايـلاك كـده مـن قـولت تيـت تخـليـني

*****

انـــا زول حااااااااااار وانــتــي عكرتي لي مزاجـي
دلـــع الحــــريم ما بيــنفــع مــعـــاي انـا زول جعلي
لـكـن مــا يـهـمـك انا جاي بكرة وحفلتنا في شندي
وعـشــان تـعــرفـي حــبــي ليــــك عســلـنـا في مدني
كــم وكــم قــلــت لـيـك انـا عـاوزك تكــوني ام عيالي

*****

وانـتـو عـارفـين في الحـفلة الـجـاي منو استاذنا الموصلي
والــدعــوة مــوصــولـة ليكـم كلـكم وخـاصـة اخـونـا بكـري
والـكـروت حـا تجـيـكـم بـكـرة انــا اصـلي سـودانـي اصلي
وكل الفنانين جايين عشانا وياما نسـمـع اغـانـي واغـانـي
وعشان ضيوفنا كتار الحفلة في الاستاد والدخول مجاني

عذرا اخواني الجعليين وكمان ناس شندي وناس مدني عشان كنت عاوز اوزن القصيدة (البيسمع بي وزن القصيدة يقول دا ادريس جماع) ههههه