بسأل..عن....؟؟؟؟؟؟؟؟؟

Post: #1
Title: بسأل..عن....؟؟؟؟؟؟؟؟؟
Author: wadazza
Date: 04-04-2002, 11:31 AM

ياجماعة بسأل عن وطن رايح..
وبسأل عن أمانينا المابتدينا صوت صايح
زى ما قال عمر الدوش وغنى وردى

حأسال عن:
ودحبيب
السارة
واحشنى
بن بن
ماكس تن
ياسيكو
أكروست
عم حسبو
مسارات
الشماسى
أهل العوض
الباشا
غزال المسالمة (ودى عندها مذاكرة)

ولآخرين
واسألهم:
ليه الغياب..
وأقترح أن تقوم رئاسة مجلس البورد..ممثلة فى العم قرشو الألفة بعمل بوست يومىللسؤال عن أى غايب خلال أنشطة اليوم
بعنوان ((أعزاء وعزيزات تغيبوا))

ليتحقق التواصل ..

تحياتى
ود عزة

Post: #2
Title: Re: بسأل..عن....؟؟؟؟؟؟؟؟؟
Author: banadieha
Date: 04-04-2002, 11:48 AM
Parent: #1

بنبوني..شرفنا أمس

والبقية..أين هم؟ ألم نقل بالأمس أن هذا البورد ليس لقاءا عابرا وأفترقنا؟ لا بد من مساءلة..فالصب تفضحه عيناه

Post: #3
Title: Re: بسأل..عن....؟؟؟؟؟؟؟؟؟
Author: قرشـــو
Date: 04-04-2002, 12:21 PM
Parent: #2

ود عازة يا رهيب
والله فيك الخير ياخى
وفعلا افتقدناهم ولكنها ايام امتحانات على ما يبدو فى كل انحاء العالم
عشان كده قلنا نديهم فرصة وبعد داك نقوم عليهم
ونوريهم العين الحمراء
والمكشن برا بصل
والله فكرتك حلوة واقتراح جميل
وحانرجع الظاهر للسبورة بتاعت يا زول نكتب فيها الغياب ونعلقها على الركن اليمانى الاعلى
تسلم يا غالى
والله غياب الاحباب صعب علينا ويخلينا دايشين حقيقة
فاضم صوتى الى صوتك واقول ليهم تعالوا لينا وةتعالوا وتعالوا
ونحن حقيقى فاقدنهم

Post: #4
Title: Re: بسأل..عن....؟؟؟؟؟؟؟؟؟
Author: yasiko
Date: 04-04-2002, 01:36 PM
Parent: #3

نحن هنا يا ود عزة وقرشو
يسال منكم المال وبوستجي اللوتري
قول آآآآآآمييييييييييييييييييييييييييييييين
طبعا العيال خلوك تسوي الدلالة يا قرشو اما ود عزة يبقى لي لسه
في البر لانو مافي واحدة بتتزوج خريج حديث السن
ام رايك ايه يا عمر مهدي
سلام ليكم من الاعماق
والله يا قرشو دي ما ايام امتحان لكن ايام سفر من الشرق للغرب
وربنا يديكم العافية
ويخلي الخواجة لينا كل ما تقيف قدامنا حاجة يرطن فيها حاجة
لذلك سنواصلكم اينما ما ذهبنا

Post: #5
Title: الأعزاء
Author: wadazza
Date: 04-04-2002, 03:26 PM
Parent: #1

بناديها..حضورك حضور العارفين
قرشو...أيها الرائع..دائما تتفرد فى الأتيان لنا..بما يضع بسمة على وجوهنا الباحثة عن ابرة البسمة بين شوك الاغتراب

ياسيكو ...أنت هنا فأهلا بالعودة ..القضية قانونية عاطفية فانت المستشار القانونى وبناديها العاطفى فليتم عقد جلسة طارئة بينكما لمناقشة حقوق الانسان حديث التخرج فى الزواج..ومن ستقبل به زوجا؟؟؟
وعلى هامش الاجتماع ده برضو ناقشو موضوع قرشو ..الاتفق على واحدة على الزواج وقاليها...لما سألتو عن موعد الزفاف...فى الاول عايز أكون مستقبلىLoL

وبرضو أعملوا جلسة سرية لمناقشة مستقبل قرشو...

ويالله يالغايبين الباقين تعالو

تحياتى
ودعزة

Post: #6
Title: Re: الأعزاء
Author: suna
Date: 04-04-2002, 09:29 PM
Parent: #5

ياود عزة لكن والله فات عليك زكر جماعة كتاااااااااااااااااااار كمثال لا الحصر
الدكتورة السارة صاحبة الحروف البنفسجية الانيقة
وحبيبنا ود شداد سيد الكافتريا ولا خايفين من الديون
MEوبتنا المشاكسة ست الاراء الجادة
وحبيب الكل صائد الروائع الصادق الصدوق
وناسا كتار اتمنى أن يعزروني إذا سقطت أسمائهم سهوا أخوكم النوم مزغلل عيونو
========================================
ولكم المودة

Post: #7
Title: Re: الأعزاء
Author: wa7shny
Date: 04-04-2002, 10:08 PM
Parent: #6

السلام عليكم ياود عزه يا عزيز
فيك الخير وكتر خيرك والله وبارك الله عن سؤالك عنا فعلا انا كنت مسجل غياب لكم يوم كده كانت عندي شوية شغله والحمد بخير وعافية
واشكرك جزيلا اخ عزيزاً

Post: #8
Title: Re: الأعزاء
Author: yasiko
Date: 04-05-2002, 03:20 AM
Parent: #7

الاخ ود عزة
حقيقه لا اعتقد ان هنالك حقوق للانسان حديث التخرج في مملكة الانسان السوداني الحالية بل عليه واجبات يجب ان يؤديها قبل الزواج وعلى راسهاالذهاب الي الخدمة الالزامية وفي هذه الظروف من المنطق لن تقبل به انثى لانه معرض للتلف الجسماني ان لم يكن الفناء(God forbid)
وبالطبع لن تعرض انثي نفسها لاقدار الاستخلاف
وهو امر غير مضمون
لذلك انصحك بالعودة الى معسكر الخدمة لاتمام الفترة المتبقية عليك(بعد الهروب)حتى تثبت لياقتك للعمل اولا ثم بعد ذلك ننظر في طلب الزواج اذا عدت سالما
اما بخصوص اجتماعي مع اختصاصي الشئون العاطفية فاعتقد الاجتماع غير مجدي لصعوبة التقاء العواطف والقانون
والسبب الثاني هو موت غناي قرشو قبل سنوات خلون
الا انه لازال متشبث بالحياة العاطفية

Post: #9
Title: تانى بسأل
Author: wadazza
Date: 04-05-2002, 07:58 AM
Parent: #1

أولا أرحب بعودة المبدع الهادىء ...واحشنى..والذى لم يقصر يوماً فى تزويدنا بمواد المعرفة العلمية..فأهلابه فى بيته

ياسيكو
يعنى راحت علينا ..يا عزيزى ياسيكو ...1111
بالله حاول يمكن تلقى ليك ثغرة قانونية صغيرونة كده !!!
يا عزيزى انت ضليع فى القانون معقول تغلبك حكاية حقوق الانسان حديث التخرج دى؟؟؟
طيب لأسوأ الفروض ...ممكن يستخلف ؟؟؟

سونا
دكتورة السارة مكتوبة وش ...هل تدرى يانعسان..يطهر النوم كبس عليك
وفعلا مفروض أذكر ودشداد ومى والصادق الصدوق ظهر أمس فى بوست ومشى..
لكن طبعا فى كتيرين فات على أن أذكرهم فلهم العتبى..
شكرا ياسونا يا رائع وبالله خليك ورا عزيزنا الخواض وما تخليهو يغيب تانى
تحياتى لكم جميعا
ودعزة

Post: #10
Title: Re: تانى بسأل
Author: yasiko
Date: 04-05-2002, 01:33 PM
Parent: #9

يا حبيب ود عزة
الاستخلاف ممكن
ولكن يجب ان تحسن الاختيار من الاول
وهو شرط صحة في صحيح قرشو
لك الود

Post: #11
Title: ياسيكو
Author: wadazza
Date: 04-05-2002, 03:38 PM
Parent: #1

الغالى ياسيكو
looooL @ صحيح قرشو

قرشو الجارى ورا اللوترى عشان يستخلف فى جماعة سبتمبر 11 واللا غيرو...

تحياتى
ود عزة

Post: #12
Title: Re: ياسيكو
Author: sari_eleil
Date: 04-05-2002, 04:07 PM
Parent: #11

احماحم نحن هنا سقطنا سهوا ولا شنو
أحرجتونا والله الزول يشوف ليهو بيت تاني ولا شنو
((((((((((((((((((((((((((((((((((((((((((((((
دي كلها زعلة

Post: #13
Title: Re: ياسيكو
Author: yasiko
Date: 04-05-2002, 04:35 PM
Parent: #12

ساري الليل(دابي الليل) شرابو سموم
معليش تزعل وتنسى

Post: #14
Title: سارى الليل
Author: wadazza
Date: 04-05-2002, 05:21 PM
Parent: #1

سارى الليل عذرى انو كترة المحبة بتنسى الكلام والله فى البال
ولك العتبى حتى ترضى
تحياتى
ودعزة