رجعلك قليبى المهضلم ــــ محمد طه القدال

ردا على من تحدثوا عن أنعدام ثقتهم في قلوبهم.

رجعلك قليبى المهضلم
محمد طه القدال






رجعلك قليبى المضلم

يراجع صنوف الغناوى العصية

يراجع معاك الكلام القبيل استباك

الكلام المبهرج وخاوى

الكلام المزيف

ولا فيه غير احتلام وانفصام

تموت الحروف يوم تقوم القصائد

مقام الطبول والبخور

بشوفك جرايد شواكر حوامد

ولا هامى فيها

عليها المصائب تمام التمام

مغايص بتفرم حشاها

وغابئن بتنفخ بطون البسفو التراب

وحايح لهيب البتلفح تلهلب وتكوى الجلود

أتف القصائد

إذا ما القصائد دايره ليك البُكا

البصاحب .. رضا .. السردار

واتف القصائد اذا ما القصائد بتنزل مريده وتسبح بحمد الذى

ابتلك وهدانى الودار

طريتك وأنا الكنت قايل

خيالك معشعش جواى

سكنتك وما لاقى فجة

اخيرلك اقول البحرق حشاى

اخيرلك افضفض جراب الخبايا

أٌول الكلام البفكفك سوارك

يوقف جدارك ويرفع عضايا

تضيع الموز التغتى الكلام

أقول السكاكر أبتنى ورمتنى وكفانا

اقول العساكر تبارى الكبارى

وتفتش قلوب الجهال الشلوخهم هوية

واغنى الزيود والكنانة

كضب..

اقول البنات البفتحت صدورن

يقالدن رشاشك ويخلن حبيبن

كضب..

مراحك يعشى ويفشى

خضارك مرطب يندى الضهارى

ترابك مفرهد يقوم دخن لوزرعتو الحجارة

بلادك ولادك كروها السحالى

تسفر سعيتك تقنب تبارى

الجداد العقالى

تجوع يا البشدر خريفك

سوافى البطانة

ويمطر رزازك عزازا حصايا

وقموحك سنابل مشاط كردفالى

ابيت الكلام المغتغت وفاضى

وخمج

ولادك قصادك شعاع التحايا

يضوّوا الشوقو التلم الدوابي

يوروا الدروب للقلوبهم عمايا

عرقهم حبالك

وصوتهم مشانق

تلم الدقون الكبيرة

وتحدر فقر سمنتها الليالى الضليمة

بتهدر حرائق وتحمى البياكلوا المطايب

وتسجن بطون الجياع العرايا

وشوشهم سمر حرا اباطك

صفوفهم مرامك وحلمك حلمهم

رغيفة وكرامه وسلامه

مصانع بتحرق قبل تبدا فيها

مزارع بتيبس ونيلك ممد جنازة

وعقيدك وسيدك بيكتب ويمحى

وتبق المحايا

يا سلام عليك يا رائع

عارف الأغنية أنا ووالله يومياً باسمعا أكتر من مرة وبأنوم بيها
الكلمات قمة التعبير والمبدع مصطفى سيد احمد أبدع فيها إبداعاً لا يوصف

عارف بسبب الأغنية دي المدام كل يوم عاملة نقة
تقول ضرتا