7lamanteeeeeeeeesh

konta fi al web site beta3at al akh Abbas Tirab wa 3ajbtni ba3d al ash3ar al7lamteeshia 3ndooo, fa golta amte3kom biha brddo..

عنجليييييييزي



كل ما أقبّل وأعاين

mine ألقى عينيك جات في

good very حاجة

fineحاجة

مصنع كنانةsuger يا

مالية البطانة flour يا

fantastic banana إنتِ

رتينةmy eyes إنتِ

مابتجينا where is إنتِ

light إنتِ عينيك فيها

dark night إنتِ شعرك

rightإنتِ طبعك كولو

إنتِ نوروmy heart إنتِ

البدورو my love إنتِ

more tomorowعايز أشوفك

more tomorowعايز أشوفك

null

3ala al 7alamanteesh al lazeez da is there is any more in that web site !!
salam
urs sudany

ظريف جدا يا بيرل بس وين الموقع دا؟

hi all
looooooool@pearl ya sugar masna3 kinana inti zatik
walahi 3asssssssssal bs
thanx alot

حاجه فري قود وحاجه فاين يا بيرل
طيب ده برضو شعر حلمنتيش من ايام كنا طلبه في الجامعه بنسمعو
بس بالعربي هههههههههه يكه

صحن يرقش تقيف جنبو يمين تهرش
عرفتوهو ؟ ده ما اسمو الدش
قنواتو قريب 100 واخطر شئ الفرنسيه
مافيهو لحظات ونواصل البرنامج ولا بيقول اش اش
ده مافيهو نشره جويه وكان جابوها ما بتزهجو عارفين لي شنو ؟؟ عشان بتزيعه خواجيه
مره جاني صاحبي اسمو عماد شاف المزيعه الاسبانيه قال لي دي بت جدي
قلت ليهو بت جدك قلت ليها دي اسبانيه قال لي ماكلنا جدنا طارق بن زياد
والباقي نسيتو والله
هههههههههههه يكه

وهاااااااااك دى من عندى يا زوول زاتو
كتبتها فى كورة الهلال فى الكاس بتاع الكوس العربية عندى صحبى حبيب الكل هلالابى شاقلتو بيها
برضك تقوووووووول بتجيبو كاس
يا زوول حلم طقوهو فاس
عمك حبيب جاب المداس
قال نمشى هوى على الفراش
نحضر نشوف الكورة كيف
برضك تقول بيبجيبو كاس
ولقاها هى يا دوب بدت
لقاها فيها اتنين نضاف
يا دوب قعد يا دوب فطن جابوهو ليك بالجمبة ديك
واحمد النور العوير قال قال شنو:_ الكورة دى مالا كدى
ماسحنها بى ويكة دى
لا يا هوبا العجيب الكورة دى ماسحنها بى ام رقيقة
هاهاهاهاههاها يكة

نور العين

salaaaaaaam
wallahi ya noor al kalimat nice
lakin
binjeeeeeeeeeeeeeeeeeeeeebo

يانور العين انت انت انت وينك وين يانور العين
والله شعرك تمام وحبيب الكل يستاهل اكتر من كده وبعدين حبيب الكل مالو ومال الكوره ههههههههههههههه يكه

زاتو

______________

بشويش بشويش لمتن ياعليش تفك الباص ولا تدي بريش هههههههههههه يكه

shokraaaaan 3la mosharktom kolkom ya feraaaaad..looool..wala 3ammooooss... a7san nakhli al bosa6 a7mdii.....
fe3laaan al she3r da gadeem.... laken ahooooo that what i found..

لفيكس

حاجة عجيبة ودنيا تنسّي

ناس اغتربت تمشي المانيا

تمشي اليابان ونيوجيرسي

حاجة عجيبة وجات بالعكس

من الصين وللسودان

الجكس اغترب وباع الفيكس

واحدين قالوا جونا هنا

لأنو هناك حرارة الطقس

واحد قال بكين بالنص

للسوق العربي رماهم بوكس

وميه الميه بايركس

وبايركسنا كمان بايركس

السودان ضاع وضح النهار

من غير ما لبس

والشوارع دقداق تفتل دركسون

وتحل جربوكس

ومن الصحافة زلط وللخرطوم بالعكس

ثقيف مشرور وتهتز زي البترول

وما يفضالك كرسي

نهارك ضاع من تصبح لامن تمسي

ركشه هنا وركشه هناك وللصالح العام

أحالوا التكسي ..

الدفار جاك وهاك يا كوداك

تصل عرقان وقميصك وسخان

وحالتك يخسي

راسك زي سخّان يغلي غليان

وما يساوي الفلس

________________________________________________________________________

البتـــــــــــرول!


حباب بترولنا فرحانين

ولي جيتك رجينا سنين

طلعت روحنا قبّالك

وطلّعوا زيتنا معصورين

قالوا بطون ، تربطوها .. ربطانها

هم فكّوا .. بقت كرشاً تشيل جاهلين

قالوا دقون ، تربّوها .. ربيناها

هم حلقوا .. صبحوا مُلُس حلاتو حسين

قالوا تدكّوا .. دكيناها

بس جرّونا ليك خمسين

أخدنا السيك وفي قبولنا

ورق يا أخوانّا فيو "آسين"!

لكن بس خلاص سودانّا بتصلّح

وتبقى "أمبّدة " زي "برلين"

تعال شوف كيف جنيهنا يعود

مكانو الفاتو ليهو سنين

جنيه حيساوي اتناشر

ما "دولار" "استرلين"

مزارعنا بتدّور جد.. مزارع فول وأب سبعين

وزيت السمسم قصب سكر ..بنلغي بطاقة التموين

نسوق عرباتنا نص الليل ..ونحرقوا ليك جِنِس بنزين

وتبقي الكهرباء بي بلاش

لا أمطار أبت تهطل ..ولا طوربينا خشّاها طين

والغسالة كهربا بل .. تكوي براها لو عايزين

تعال شوف ليك جِنِس تكييف

ونوم يا زول لحدي اتنين

بدل سودان .. نكون صفران .. نكون بويضان

ونبقى بويض ومرتاحين

والطب زاتو يتطّور .. نركّب للمريض قلبين

دكاكين حقّت اسبيرات .. كلاوي كِبَد أذين وبطين

دكاترة يجونا من برّة..دكاترة يجونا من لندن

عشان القحّة والتسنين!

علاج مجّاني ندفع ليك لو تمرض

منو البمرض! يقيسوا الدم ميّة وعشرين

والتعليم يكون ثورة .. تعم الناس ويفهموا زين

عشان ما يسامحوا زي أوّل

الياكل الناس باسم الدين

يجينا وزير كلامو كُتُر

يخت الخمسة في الإتنين

حندخل عاشرة وحداشر

قراية الجامعة بس سنتين

ينظّر زي فلان داكا ..محامي من أهل لينين

والبسقط ننجحوا لو وحيد أمّو .. عشان مسكين

ونلغي مدارس الوزرا..وينجحوا ناس خلف والزين

والقانون صريح واضح .. مصدّق لي كل زول بيرين

تعال شوف المشاكل عاد ..بيري وبيرك اتفتحوا

وياخ سلّفني طن بنزين

وعايز لي استخدام بتاع علماء فللك اتنين

وعالم ذَرّة متمكّن .. عشان ياخ ولدي ساقط دين

آدم موسى من دارفور

عاوز ليهو بيّاعين للتنباك .. عشان أصلي

يكونوا هنود وجامعيين

وواحد عندو كافتيريا .. خَلّى الحبشة والصومال

قال لبنان وسن عشرين

عاد بنّوتنا باراً جد..مع لبنان واستنطبول

بنات تلقى الشَعر مترين

وما غاليات عِرس الواحدة بي ألفين

ونتبوبر عاد جِنِس بوبار ..كلامنا يكون طرف نخرين

أكيد سوداننا بتطوّر

لو حاكمنا كل سارق ..وكل غدّار بس سنتين

أكيد بترولنا راح يطلع .. وبنسيّروا بالعديل والزين

بس البترول هو ما بنزين..هو الإيمان صحيح ما غِش

هو شرع الله ما تلوين

كيف بترولنا بس يطلع

بترولنا الدهب ..ماسات في المنجم

ومنجّمنا ياهو الدين


________________________________________________________________________

بووووبي!


احيييييييييييينا!

أحي أنا ! ويا بختنا ! ويا حظّنا!

وأحي أنا!

قالوا في تعليمة في حيّنا

اتلمن أُمات عيون فيهن هَنا

وأُمات جضوم حديهن هِنا

سيقاناً زي القَنا ..

والله أخير حقاتي أنا!

ديل كمان منو الجابوم هِنا!؟

وبدت التعليمة ..

يا بِنيّة يلاّ .. فرفشي وما تختشي

"أدوك فلّة؟" نحمد الله

"أبوكي في؟" متوفّي!

"ماما في؟" ما بتقول شي!

"أخوك في؟" ده لي شنو، ما بسو شي!

وإظنّك كمان بتكفّتي!

"كلبكم في؟" ما بعضّي!

هو كيف يعضّي..

هو زاتو من عمايلك يا فلانة

عقلو منّو طشّ فرّ

بقى لا بفرز الجوّة جوّة ،

لا بعرف البرّو برّة

هو زاتو استغفر الله

وسط كلاب الحِلّة ليهو زِلّه

اتلمّوا ليو كلاب الحِلّّة

يا بوبي "هَو" بي الجنبة دي!

ويا بوبي "هَو" بي الجنبة دي!

واحنا بنقول يا بوبي لأ ، حبّة إختشي

لو إنت سِتّك ما بتختشي

إنت إختشي

يا بوبي "هَو" أهما شي

وا خسارة مجتمعنا

وا خسارتك يا قيمنا

والما بقول "بي الجنبة دي"

هم فقط فيهم أملنا

ويلاّ أكبر يا أملنا

ويلاّ فرهد يا أملنا

_____________________


bas dair akooooon lik ay 7aja....