Post: #1
Title: رادى ست النفر **
Author: wadazza
Date: 03-24-2002, 10:13 AM
Parent: #0
ولا تسألونى ...ماهو الرادى ومن هى ست النفر...السؤال محول بكامله للظل العالى ممثل طائفة اجدادنا القدماء بهذا البورد...جدناالحبيب حسبو...
وبالله ياعم/ جد حسبو...أحكى لينا القصة ؟؟؟...
عشان تواصل الأجيال ...وعشان كمان نعرف منك صحى الحب زمنكم كان يتم بى نفس الطريقة الاكتشفتو بيها النار ؟؟؟؟؟
أصلو حفيدك مسكت فى طرفو شرارة...
تحياتى
ودعزة
|
Post: #2
Title: Re: رادى ست النفر **
Author: 3mak Hasabo
Date: 03-24-2002, 02:23 PM
Parent: #1
ياود عازة
كل التحايا لك
قصة رادى ست النفر حكاية طويلة .لكن الجميل فى الموضوع انو ست النفر كان اسمها اسم تانى وقالوا الظروف مشت بيها لبلاد الفراعنة وهناك قابلت الملكة است نفرت وقالوا قامت غارت منا ولمن رجعت السودان دايرا تسمى روحا ذى الملكة لكن الاسم طار ليها وسمت نفسها ست النفر..
اما حكاية الحب دى مااكتشفناها ذى النار لكن ولدونا بيها لكن بيها اكتشفنا النار . وياولدى لو مسكت طرفك الا تأكل قلبك حتين تفكك دا لو فيها فك..
عمك حسبو...
|
Post: #3
Title: جد حسبو
Author: gazalalmasalma
Date: 03-24-2002, 03:53 PM
Parent: #1
شكرا جدنا الحبيب حسبو...وأول مرة أشوف جد يشجع حفيدو على دخول النار!!!!!!
وزيدنا فى الكلام .....كلام حلو..
وبالمناسبة دى زمنكم كانوا فى ناس (نفر قليل ) يقولو عملو دقون وسبح ومسكوا الحكم عندكم ...وست النفر ذاتا جلدوها ...عشان لقوها تتكلم مع واحد فى تلفون الحجر...الواحد ده كان انت واللا واحد تانى !!!؟؟؟
ودى الشددددددديد
غزال المسالمة
|
Post: #4
Title: Re: جد حسبو
Author: 3mak Hasabo
Date: 03-24-2002, 04:02 PM
لا لا ياغزال المسالمة ست النفر جلدوها اهلها لانو لقوها بتاكل فى لبان ماكسى واهلها قايلنها عاوزا تنتجر..
|
|