Post: #1
Title: سوق الملجة
Author: wadazza
Date: 03-24-2002, 07:39 AM
كان للعرب قديما سوق عكاظ...فلماذا لايكون لنا سوق الملجة؟؟؟؟
لكل مايرد على الخاطر ..من ذكريات..وموضوعات مختلفة سياسية اجتماعية ثقافيةعاطفية رياضية فنية.....الخ
أقترح ...فقط...وأهلا بمشاركتكم أن أردتم فى جعل بوست سوق الملجة مستمراً
تحياتى
ود عزة
|
Post: #2
Title: Re: سوق الملجة
Author: banadieha
Date: 03-24-2002, 07:56 AM
Parent: #1
في تعقيب لي على غزالةالمسالمة جبت سيرة سوق الملجة..وسوق الملجة وما أدراك ما سوق الملجة هو قطعة أرض مربعة تقع خلف نقطة بوليس المحطة الوسطى بأمدرمان وسوق الجلود..ولا أعرف إن كان ليها اسم شبيه في أي منطقة من مناطق السودان..ولكن تشبيهك ليها بسوق عكاظ أداها معنى تاني..المهم السوق دي كانت سوق مسقوفة ومكونة من زنك راقي وهي الآن عبارة عن "سوق عشوائي" ولموم أكشاك وكم تعجبت عندما مشيت للمحلة ديك قبل 8 شهور ورأيت كيف تدخل العربات في زقيقات بعرض أقل من عرض وش العربية ذاتها وتشق طريقها داخلة على سوق الجزم والصاغة..زمان ياود عزة
|
Post: #3
Title: Re: سوق الملجة
Author: ghariba
Date: 03-24-2002, 07:58 AM
Parent: #1
انا اوافقك الراي
واول مشاركة هل صحيح ان ميدان المولد بالخرطوم جنوب باعوا
واصبح محلات تجارية
|
Post: #4
Title: Re: سوق الملجة
Author: رومانسي
Date: 03-24-2002, 08:26 AM
Parent: #3
في معظم مدن السودان يوجد سوق ملجة وهي دائما تسمس ملجة الخضار اي السوق الرئسي لبيع الخضار بالجملة لذلك نتوقع ان تكون المشاركات بي صفايح الطماطم وشوالات الليمون وربطة الخضرة (الملوخية) لووووووووووووول
|
Post: #5
Title: Re: سوق الملجة
Author: ALZOLZATOO
Date: 03-24-2002, 08:27 AM
Parent: #1
عييك ياخي والله ذكرتنا ايام زمان ياخي
وانا صغير كنت بمشي مع الوالد طوالي سوق امدرمان واكيد بنمش سوق الملجه وكنت بشتري مجلة ماجد من المكتبة الموجوده في الركن الجنوبي الشرقي منه والحاج بيمشي يشتري المجله بتاعتو من المحل القريب ليهو ( عماري نمره واحد ) هههههههههه يكه
والله زمن ياخي
ماعندك مشكله سوق الملجه سوق الملجه
بس شايفو عملهو موقف عربات
زاتو
__________
الذكريات صادقه ونبيله مهما تجافينا بنقول حليلا
|
|