Post: #1
Title: الفنانة المزعومةجواهر وقصة الغراب؟؟؟؟؟؟
Author: gazalalmasalma
Date: 03-23-2002, 09:32 AM
Parent: #0
رايكم شنو يا احباب فى الأخبار البتقول انه (جواهر)نكرت جنسيتها السودانية..
وقالت أنا ما سودانية ...أنا مصرية ؟؟؟
يعنى بالسهولة دى نتنكر لملون ميل مربع ..لنموذج تعدد ثقافات وأديان ..ولغات...بعدين جواهر دى ذاتها تطلع شنو؟ أول حاجة غناها لا لامى فى السودانى ولا المصرىهى قالت نوبى وحرام تتجنى على التراث النوبى العريق..بكلمات لا طعم لها وأغانى لا اصل لها ...ورقص...لا معنى له..
وبعدين كونها حصلت على الجنسية المصرية ما مفروض تتنكر لأصلها السودانى وحنقول ليها فى علماء ودكاترة وباحثين ومواطنين سودانيين على مختلف المستويات اخدوا جنسيات تانية لكن ..الجواز السودانى لسه معاهم دليل انتماء للوطن الغالى..
وحتى الاتخلو عن الجواز السودانى ما قدرو يتخلو عن وطنهم واهلهم وشعبهم
ويبقى ده كلام يا جواهر...والبقى عليك زى قصة الغراب الحاول يقلد الطاؤوس لا لمه فى الغربان ولا الطواويس..
والوطن غالى ...
واللا رايكم شنو؟
ودى الشدييييييييييييييييييد
|
Post: #2
Title: gazalelmasalma
Author: Ahlalawad
Date: 03-23-2002, 09:36 AM
Parent: #1
fonst size =+1>
غزال المسالمة - سألتنا عن رأينا - على كل حال أرى ان جسم السودان يتعافى كل ما تسقط عنه ورقة صفراء لا حياة فيها ولا نضرة .
|
Post: #3
Title: Re: الفنانة المزعومةجواهر وقصة الغراب؟؟؟؟؟؟
Author: suna
Date: 03-23-2002, 09:43 AM
Parent: #1
والله ياختي أنا مريحاني جدا حكاية إنتماء المفعوصة دي لأي شعب تريد فهي لاتشبهنا ولا نشبهها اللهم إلا السمرة وإختلافها عن اخواتناالسودانيات كبير جدا لاداعى لزكره هنا حفاظا على ماء الوجه
ومثل هذه المخلوقة نحمد الله على إنسلاخها من الجسد السوداني المعافى تمام من مثلها
أكرر الحمد لله أنها نكرتنا
|
Post: #4
Title: أوووووه أهل العوض ازيكم
Author: gazalalmasalma
Date: 03-23-2002, 09:43 AM
Parent: #1
كويس لقيتك يا أهل العوض أكيد ناس اهل العوض وصوك قالو ليك ما ترحب بالنسوان يا جنا.ولو عملت كده ده طرفنا منك...ليه مار حبت بدخولى للبورد؟؟؟؟؟
ورايك فى محله انه امثال جواهر اوراق صفراء تتساقط وعقبال الأوراق الصفراء التانية...وانت عارفها يا اهل العوض اكيد اهلك بحكو ليك عنها!!!!!
ودى الشديييييييييييييد
غزال المسالمه
|
Post: #5
Title: سوووونا الراقى
Author: gazalalmasalma
Date: 03-23-2002, 09:48 AM
Parent: #1
.
ســووووووووووووووووووووووووووووووووووووووووووووونا
ويسلم لسانك ياراقى
وده احساس سودانى اصيل غيور على وطنه ربنا يكتر من امثالكم...ويرجعنا بلدنا ونتلاقى هناك فى المحطة الوسطى...
ناحية موقف طراحات بحرى
وبالمناسبة المحطة الوسطى باقية على الاسم واللا غيرووووووه
ودى الشدييييييييييييييييد
غزال المسالمة
|
Post: #6
Title: Re: سوووونا الراقى
Author: قرشـــو
Date: 03-23-2002, 10:33 AM
Parent: #5
بت المسالمة ازيك
اول حاجة يا اختى جواهر دى مبروك عليها الجنسية المصرية وان شاء الله يطيب ليها المقام وده طرفنا منها وعليها يسهل وعلينا يمهل..
وحاتك ما فقدنا غيرها .. وجواهر مع السلامة
لكن انا المحيرنى بجد والله الانتشار الغريب والعجيب الاقته جواهر ده..
يعنى ما منطقى الاقيها كل اسبوع فى قناة فضائية ..
ام ان الحكاية وراءها ما وراءها
لا اشك فى ذوق اولئك القائمين على امر القنوات اياها ولكن هل منطقى ان غناءها اعجبهم .. أم أعجبهم شىء آخر؟؟
لست أدرى
وزى ما قلتى العقبال للباقين وقشة ما تعتر ليهم
|
Post: #8
Title: Re: سوووونا الراقى
Author: رومانسي
Date: 03-23-2002, 10:38 AM
Parent: #6
وداعا يا ظلام الهم علي ابوبنا ما تعتب
ومرحب بي غزال الحب قرب تعال ما تبتعد
|
Post: #7
Title: Re: الفنانة المزعومةجواهر وقصة الغراب؟؟؟؟؟؟
Author: Rakoba
Date: 03-23-2002, 10:36 AM
Parent: #1
صحيفة المشاهد السودانية عدد الخميس
مطربة مغمورة تسمى «ظواهر» أو ربما «جواهر»
عبد اللطيف الهادى
مساء أمس الأول جلست أمام التلفاز و«لسوء» حظى تسمرت أصابعى الممسكة بالريموت على الفضائية المصرية الثانية حيث تصادف عرض برنامج إسمه «دندنة» مع فنانة مغمورة إسمها «ظواهر» أو «جواهر» لا أدرى .. وأشد ما هالنى إجابتها على سؤال أحد المشاهدين والذي كان محوره تنكرها لسودانيتها فكان ردها أنها «سمراء» من «النوبة» فى جنوب مصر وأن أجدادها «هاجروا للسودان أثناء فترة «التهجير»!!
صدقونى لو قلت لكم إننى «تقيأت» بعد سماع هذه «الظواهر» أو «الجواهر» التى كانت تأتى «بحركات» تؤكد فعلاً أن لا علاقة لها بالسودان ، فالسودان الذى أنجب مهيرة ورابحة الكنانية وفاطمة أحمد ابراهيم والخنساء ونعمات مالك وسعاد ابراهيم احمد وآمال النور وحنان النيل وزينب الحويرص لا يتشرف بمثل هذه الفنانة النكرة .. ومبروك عليك «تهافتك» الوضيع لنيل الجنسية المصرية .. وعلى هذه المطربة صاحبة الغناء والرقص الخليع أن تعلم أن أهل حلفا ودنقلا لم ولن يتنكروا لسودانيتهم ولم يقولوا إن جذورنا فى «صعيد» مصر .. وعليها أن تعلم أن أعظم فنان فى أفريقيا «محمد وردى» لم يخلع «ثوب» سودانيته ويكفيه أنه فنان السودان الأول بل يعتبر من أعظم وأفضل من تغنوا باللغة العربية فأين هذه «النوباوية» من هذا «السودانى» العملاق؟!
ويا «ظواهر» مش «عيب أوى» أن تقولى بأن شرحبيل أحمد فنان سودانى من «أسوان» .. وياخسارة جواز السفر السوداني الذى تحملينه وتطوفين به «ملاهى» الوطن العربى إبتغاء عرض فنك الرخيص من شاكلة «أسمريكا» و«أبيضيكا» و«المصرى الأسمرانى» ومبروك عليك «مصطفى».
|
Post: #11
Title: Re: الفنانة المزعومةجواهر وقصة الغراب؟؟؟؟؟؟
Author: قرشـــو
Date: 03-23-2002, 11:05 AM
Parent: #7
أحبتى
اورد لكم أدناه حديث اخت مصرية فى موقع آخر
____________________________________________________
وأحب هنا أن أوضح شيء ألا وهو أن النوبيين منقسمين في مصر والسودان فأنا مثلا لي حوالي 50%من العائله موجود في السودان 0 ولذلك إذا تقابلت مع أي أسره نوبيه من مصر أو من السودان ننسي الجنسيه ونتعارف علي أننا نوبيين فقط
فلذلك دائما في حوارتنا ننسي موضوع الحدود والجوازات والبطاقات0
_________________________________________________
انها نوبة
|
Post: #9
Title: المسالمة
Author: Ahlalawad
Date: 03-23-2002, 10:49 AM
Parent: #1
الاخ/الاخت غزال المسالمة
- عموما سمعنا بظبية المسالمة وسمعنا بغزال البر يا راحل لكن أول مرة نسمع بغزال المسالمة - عموما الف مرحب بيك وشرفت دارك وبيتك ومطرحك . طبعا أهلنا وصونا أن نبعد النتاية من الضكر والبيضة من الحجر . وبنحاول .لكن ما بعرف
|
Post: #10
Title: لى فى المسالمة غزال
Author: gazalalmasalma
Date: 03-23-2002, 11:04 AM
Parent: #1
قرشووووووووووووى شكرا على التعقيب الظريف زيك..
رومانســـــــى شكرا على الترحيب الرومانس خالص
راكوبه شكرا على الاضافة الرائعة
أهل العوض...
برضو تقول على الأخ......؟؟؟؟وانت القلت قبل كده انه تغريد ورحيل بشنباتهم!!!!!! 
بعدين ليه ما سمعت بغنوة لى فى المسالمة غزال جاهل بغنى عليهو
أنا زعلانة منك يا أهل العوض ...لكن برضى فرحانه بيك وبحضورك الرائع فى البورد
ودى الشـــدددددديد
غزال المسالمة 
|
Post: #18
Title: قالوا : الزراف ركوب الجن !! أما لغزال فى المسالمة ...0
Author: EXORCIST7
Date: 03-30-2002, 03:50 PM
Parent: #10
أما الزبد فيذهب جفاء وأما ما ينفع الناس فيمكث فى الأرض
الحمد لله، السودان ينفث تفثه كل حين لأنه أرض الطيبين والصالحين ...فلا حاجة لنا لإمثالها
والسلام
|
Post: #12
Title: الغزال
Author: Ahlalawad
Date: 03-23-2002, 12:08 PM
Parent: #1
الاخت غزال المسالمة – لك التحية :
اولا العتب على النظر وغلطانيييييين يا ستي – ياخوانا نحن قدر دا ما بنقدر عليه بالراحة علينا . بتجينا ام هللا هللا . طبعا سمعت بغزال المسالمة النافر . ان شا الله يكون ربنا هداهو اليومين ديل .
بعدين ياخ دا ما أنا اللي قال على تغريد ورحيل انهم بشنباتهم - والله ما أنا
حقك علينا ويخرب بيت اللي يزعلك .
|
Post: #13
Title: Re: الفنانة المزعومةجواهر وقصة الغراب؟؟؟؟؟؟
Author: ALZOLZATOO
Date: 03-23-2002, 02:37 PM
Parent: #1
غزال المسالمه
لك التحيه
الغراب برئ من التشبيه بجواهر الغراب حاول ان يكون جميلا وندم على فعلته وجواهر اجتهدت على ان تكون غير جميله وهي فخوره بذلك وشتان مابين الثرى والثريا شكرا للمصريين الذين ازاحو من وجه السودان كابوس 0 هههههههه يكه
زاتو
قالت شنو ع الكورنش ازعلو لا لا ههههههه يكه
___________
جدودنا زمان وصونا علي الوطن
|
Post: #14
Title: Re: الفنانة المزعومةجواهر وقصة الغراب؟؟؟؟؟؟
Author: sama7
Date: 03-23-2002, 03:06 PM
Parent: #13
انت يا زول زاتو ما قلت لى كانت فردتك
مالك قلبت عليها
|
Post: #15
Title: Re: الفنانة المزعومةجواهر وقصة الغراب؟؟؟؟؟؟
Author: ALZOLZATOO
Date: 03-23-2002, 03:14 PM
Parent: #14
سماح انتي الليله مؤجزه ولا شنو ماليه البورد كلو سماح سماح ههههههه يكه مبروك المتوسطه وعقبال الدكتوراه
انا متين قلت ليك جواهر فردتي هههههههه يكه
صاحبي كان بعرفها قال كانت بتبيع شاي في بورتسودان زي مابقول ليك
زاتو
_________
الخشبه قالت للمسمار ياخي حل عني شويه فلقتني
المسمار قال ليها لو شفتي الضرب العلى راسي كنتي عذرتيني
|
Post: #16
Title: Re: الفنانة المزعومةجواهر وقصة الغراب؟؟؟؟؟؟
Author: sama7
Date: 03-23-2002, 03:23 PM
Parent: #15
شكرا والله ولا انتبهت ليها
صاحبك دا ما ياهو زاااااااااتو زولنا
بهدين انت ما قريت بوست رحيل ولا شنو
مهما كانو الاصدقاء ما مفروض ننكرهم
بعدين انت لاقينى وين
and today is weeeeeeeekend
o mosh kida easter holiday kaman
يعنى برى شديد تانى
|
Post: #17
Title: Re: الفنانة المزعومةجواهر وقصة الغراب؟؟؟؟؟؟
Author: Pearl
Date: 03-24-2002, 05:23 AM
Parent: #16
loool al masryeen shno kaman 3shan tamshi lihom? e7na al 3ndana ma gadreen 3lihom...3la al 3omom al 6yoor 3la ashklahaaa taga3..
|
|