Post: #1
Title: نـــــداء عاجل
Author: gazalalmasalma
Date: 03-21-2002, 10:52 AM
الدكتور/ صلاح البندر- لندن-
الدكتور/ حسن الجزولى -لندن-
الأستاذ/ المنصور جعفر- لندن
الأستاذ/ محمد المهدى عبدالوهاب -لندن
الأستاذ/أحمد عبدالمكرم- لندن
الأستاذ/يحى فضل الله- كندا
الأستاذ/ عاطف أنيس أمريكا
الأستاذة/تماضر شيخ الدين- امريكا
الأستاذة/ هادية طلسم - أمريكا
والى كل المبدعين المنتشرين شتاتا مجتمعا فى دول هذا العالم ..
أقول :
إن فى هذا البورد متسعاً للحوار ..وساحات تكفى للصهيل والركض ...مقروء فى سودان الداخل وسودان الخارج وأنا أعلم بتجاربكم الثرة باضافاتكم الرائعة ببحوثكم القيمة بقصائدكم وأغنياتكم ورواياتكم ومسرحكم وفنكم الجميل.
ففى البورد موصلات جيدة لحرارة الالتقاء ...وبه أدلة بوصلة الاتجاهات..
كما أن سجل عضويته محاط بسرية تامه فمن أراد أن يكتب باسمه الصحيح فليكتب ومن أرد غير ذلك اسماً حركيا ..فكما يحب ويرضى..
ونتمنى أن يتسامى البورد بعضويتكم ويزداد فخاراً...فنحن ننتظر در اسات البندر فى المجتمع المدنى ...وبحوث الجزولى وتداعيات يحى فضل الله وقصائد ود المهدى عبدالوهاب وأغنيات وكتابات عاطف أنيس وأعمال كافة المبدعين ممن ذكرتهم أو لم أذكرهم...
فالبورد يتسع للجميل للحوار الوطنى السياسى الثقافى الفنى الرياضى الاجتماعى بكل الموضوعية والبنائية المطلوبتين...
أتمنى أن يستجيب مبدعو بلادى الشرفاء لنداء من أخ يحب أن يتعلم منهم وأن يتباهى بابداعاتهم
تحياتى
ودعزة
* ملحوظة لقد استضفت ود عزة فى هذا البوست وطلبت منه كتابة شىء أقوم بنشره كى استلهم منه خطوة أخرى
لذا وجب التنويه..
وربما تكون هذه الخطوة جديدة على البورد
|
Post: #2
Title: Re: نـــــداء عاجل
Author: قرشـــو
Date: 03-21-2002, 11:29 AM
Parent: #1
عزيزتى غزال المسالمة
جميل منك الاستهلال بنداء الأخ ود عزة فيكفى انه ود عزة ليكون كل حديثه دررا واننى اضم صوتى لكما وندائى والتماسى من اولئك المبدعين ان يأتونا ويتحفونا مما عندهم ..
فهلا استجابوا للنداء؟؟؟
|
Post: #3
Title: الى قرشوووا والرائعين
Author: gazalalmasalma
Date: 03-21-2002, 11:42 AM
Parent: #1
شكرا قرشووووووى -دلع كده
وانا قلت اعمل تجربة جديدة وكده،عشان اتشجع للبورد وطلبت من ودعزة مساعدتى
قال لى أى حاجة بجاملك فيها الا الكتابة..وقال لى اكتبى اى حاجة لكن لأنى خايفة من الموضوع الأول والانطباع الأول جاتنى فكرة هو يكتب الموضوع باسمه فى البوست بتاعى
وود عزة رغم مكاواته لىلكن كتب الموضوع ...وبينى وبينكم كنت عايزة أنوم على الموضوع وأقيدوا باسمى لكن عرفت نفسى حاتكشف فى المرات الجاية الحأكتب فيها ،ده لو ما اتكشفت من اول وهله
المهم حأكتب واكتب واسهم واعلق وأرد...
طلما هذا المكان مليان بالناس الرائعة
ودى الشدييييييد ليكم
غزال المسالمة
|
Post: #4
Title: Re: الى قرشوووا والرائعين
Author: قرشـــو
Date: 03-21-2002, 12:01 PM
Parent: #3
غزال
يا ستى اهو انتى كتابة والله وكتابتك زى العسل
يلا انسى ود عازه وفكيه عكس الهواء
وجنس كتابتك دى حرم كثيرين ما بقدروا عليها
يلا اتشجعى واتحفينا وقولى لينا الحاجات الحلوة الود عازه ذاتو ما بعرفها
وحقيقى انتى رائعة يا بت
وظنى فى ود عازة كان فى محله
وشكرا للدلع يا غزولتى
|
|
Post: #5
Title: Re: الى قرشوووا والرائعين
Author: ودحبيب
Date: 03-23-2002, 03:44 AM
Parent: #4
Thanks
|
Post: #6
Title: Re: الى قرشوووا والرائعين
Author: zico
Date: 03-23-2002, 05:56 AM
Parent: #5
حقيقي زمان كان لي في المسالمة غزال وفعلا كان نافر وكنت بغني عليهووكان قلبي خاضع ليهو يا حليل ايام الجامعة ويا حليل ايام السودان عموم
اثرتي فينا الشجن اختي غزال المسالمةفمرحبا بك وبمقدمك الكريم ونتمني ان تكوني اضافة حقيقية للبورد وعلي الاقل تمسكي لينا ود عزة ونقدر نقول لقينا لينا زول يحنسو لمن يزعل مننا
جست كدنج
مرحا بك ومرحا بكل الجدد
|
Post: #7
Title: ترحيب
Author: gazalalmasalma
Date: 03-23-2002, 09:24 AM
Parent: #1
قرششووى ...شكرا على التشجيع...على مواصلة الكتابة وفك ناس ودعزة عكس الهواء ...وانت ما عارف ناس ودعزة ديل لو فكوهم عكس الهوا برضو الهوا عندهم صلاح!!!!!!!!!المهم بوعدك انى أحاكتب بدون مساعدة وما تمسكو لى البوست الأولانى ...وأى حاجة تانية تقولو كتبها ود عزة هو ذاتو قال لى
يابت أفرزى عيشتك فى البورد وكل زول حر فى بوستو...!!!!!!
ودحبيب...الأصيل..المبدع ..فى غاية الفرح على ترحيبك رغم انك كتبت كلمة واحدة بس لكنها تعنى ملايين الكلمات..
زيكو...ذكرياتك فى حى المسالمة تستاهل عدم النسيان...وغزلان المسالمة تمام..ويكفى انه الحى سكن فيه شعراء فى قامة سيدعبدالعزيز وأبوصلاح..
ودى الشديييييييييد ليكم
غزال المسالمة
|
Post: #8
Title: Re: ترحيب
Author: EMU إيمو
Date: 03-23-2002, 09:33 AM
Parent: #7
حلوة يا غزال يا مسالمة
تقدم يا أبو أنيس
خلفك غزال عظية
|
Post: #9
Title: شكرا ايمو
Author: gazalalmasalma
Date: 03-23-2002, 09:38 AM
Parent: #1
شكـــــــــرا ايمـــــــــــــوEimo
وحنتقدم..وحقيقى ناس البورد هنا اسرونى بذوقهم ولطفهم وتشجيعه
ودى الشدييييييييييييد
غزال المسالمة
|
Post: #10
Title: يا غزال بتاعنا
Author: منوت
Date: 03-23-2002, 08:26 PM
Parent: #1
يا غزال بتاع نحن و ما غزال بتاع ود عزه بس ، لكن بتاع عزة بس ، عازه في هواك ، نهنا الجمال نهنا سودان.
كلام بتاع غزالنا جميييييييييل شديد و نداء بتاع انتم كمان جمييييييل ، لكن غزال بتاعنا ليه ما برسل نداء لمبدعين من جنوب ؟ زي سماني لوال ، زول بتاع مأساة يرول ، و شول دينق مخرج باذاعة بتاع ام درمان، و ديرك ألفريد , احسن زول بتاع رقيص في معهد بتاع موسيقى و مسرح.
______________- و نحن روحان حللنا بدنا
|
Post: #11
Title: wowo nice topic
Author: omar_ragab
Date: 03-23-2002, 08:30 PM
Parent: #1
salam
thx 4 ur nice topic
iam busy with inviting famous singers and poets to join us this baord
as u see alustaz almosely has accepted our invitation
u will see more new comers
we need one hand
thank u allll
love u allll
|
Post: #12
Title: معليش أنا نسيت
Author: منوت
Date: 03-23-2002, 08:35 PM
Parent: #1
أنت كمان يا غزال نسيت ناسات من شمال ، زي خطاب حسن احمد ، و سلمى شيخ سلامه ، و بشرى فاضل و كتييييييير
_________ و منقو كمان
|
|