Post: #1 Title: مبرووووك حاج إس دى بى ود أون لاين جابوليهو...بت Author: wadazza Date: 03-20-2002, 07:00 AM
مع اشراقة هذا الصباح...انطلقت الزغاريد فى حوش الحاج اس دى بى ودأون لاين بمناسبة قدوم مولودته الجديدة طفلة حلوة القسمات..فاتنة ..محلقة الوجدان رائعة كبلادى وشبابها الأخضر وقد.انضمت الى شقيقاتها الرئيسة الحارسة الفارسة تغريدووزيرة شئون النسوان السارة والغائبة الحاضرة نجاة محمود وبنت الهناء ورمانه ومس سودان وسماح السابعةوبقية العنقود.وقد تم اختيار اسم لها وهو ((غزال المسالمة واسمحوا لى بالترحيب نيابة عنكم بالمبدعة والرائعة/غزال المسالمة والتى ستمثل اضافة الى هذا البورد ..ومثلما فرحنا بالأمس بمقدم حيبيبنا مانوت...نرحب اليوم بالجميلة شكلا ومضمونا....المسيحية بنت الأقباط وحى المسالمة العريق..وهكذا هو البورد حوش الحاج يفلح فى غرس زهرة جديده مثلما غرس زهرات يانعات لايتحدثن الافى حضور الموجة الصباحية رحبوا معى بخفيفة الروح...ويا حاج اس دى بى جهز خرفان السماية وطلع ليها شهادة الميلادبسرعة مجرد ما يصلك الطلب وما تقول لى in process ويا حاج الصادق طلب من ودعزة ...لو عندك أى أغنية فيها المسالمة...زى..لى فى المسالمة غزال..واللا ..ظبية المسالمة...وللعدم نزل ساكن الموردة تحياتى وسنسعد بانضمام كل شخص جديد الى هذا البورد العملاق
اولا أنا بشكر ودعزة....على التقديم الظريف..واتمنى انى اكون اضافة زى ماقال.وانا من بدرى كنت متابعة البورد نظافته.وحلاوته.وحياتكم هو سيد البوردات ه وكنت متمنية الدخول.. وأهو دخلت!!!!ياحلوين..بس انا خايفة من اول موضوع دايما اول المواضيع دى دايما...بتخوف آآآآى فى أى حاجة اتوقعوا منى الموضوع الأولانى بس أشيل نفسى من طلعة سلالم البورد.. ودى الشديييييد ليكم
حللت أهلا ونزلت سهلا أو العكس ألف مرحب بيك فى دارك الثانى...أراك تتقدلين الخطى فى شارع الشنقيطى مهرولة نحونامقبلة بكل منعش وجديد...عسانا أن ندبرك بحب وحبيب وسلمت لنا يا غزال المسالمة وسلمت خطاك أخوك
جدي الخلاء الجفال غصن الجناين المال مرة زورني تعال ريح علي البال انا ناري نار مرحب بالغزال ونتمنى نشوف باقي القطيع والساعة ديك يكون الصيد ورد في حلة حمد مرحبابك الف
لي في المسالمه غزال نافر يغني عليه ولله انا المسالمه دي لي فيها زكريات حلوه ما بنسها وي شخص نشم فيه ريحهتا ساي ما بنفرط فيه ولله وربنا يحفظك وانشاء عقبال ما نشوفك عميد يا غزال المسالمه
حبايبى الحلوين بت الهنا Exorcist7 ياسيكو حبيب الكل تغريد أنا بشكركم من جوه قلبى وترحيبكم بى يدل على اصالتكم وعلى حبكم للناس وانا سعيده بيكم وسعيده انى دخلت الابتدائى من جديدوبالمناسبة انا ماسميت نفسى غزال فى زول بشكر نفسو ويقول غزال..أنا كنت عايزة أسجل الاسم /بنت المسالمة/لكن ودعزة وهو بالمناسبة فى نفس المدينة الشتاتية الأنا موجوده فيها..قال لى احسن غزال المسالمه رغم انه كاوانى كالعادة وقال لى انتى حلبية ساكت غزال شنو؟البركة فى المسالمة اللمتكم.. لكن قعد يتفلسف لى وقال غزال المسالمة عشان بتتبادر فى الذهن والخاطر أغنية لى فى المسالمة غزال كلما ذكر اسم المسالمة ...وقال دا ما اسم حسى وصفى دا اسم دلالى ايحائى.. وأنا حبيت اوضح ليكم ياحبايبى فى البورد قصة الاسم عشان ماتقولوا كمان عاجباها روحها.للدرجة السمت نفسها غزال.وانا جاياكم بمواضيع كتيره ونازلة ليكم بتقلى بس أدوها صنة
حبايبى الحلوين بت الهنا Exorcist7 ياسيكو حبيب الكل تغريد أنا بشكركم من جوه قلبى وترحيبكم بى يدل على اصالتكم وعلى حبكم للناس وانا سعيده بيكم وسعيده انى دخلت الابتدائى من جديدوبالمناسبة انا ماسميت نفسى غزال فى زول بشكر نفسو ويقول غزال..أنا كنت عايزة أسجل الاسم /بنت المسالمة/لكن ودعزة وهو بالمناسبة فى نفس المدينة الشتاتية الأنا موجوده فيها..قال لى احسن غزال المسالمه رغم انه كاوانى كالعادة وقال لى انتى حلبية ساكت غزال شنو؟البركة فى المسالمة اللمتكم.. لكن قعد يتفلسف لى وقال غزال المسالمة عشان بتتبادر فى الذهن والخاطر أغنية لى فى المسالمة غزال كلما ذكر اسم المسالمة ...وقال دا ما اسم حسى وصفى دا اسم دلالى ايحائى.. وأنا حبيت اوضح ليكم ياحبايبى فى البورد قصة الاسم عشان ماتقولوا كمان عاجباها روحها.للدرجة السمت نفسها غزال.وانا جاياكم بمواضيع كتيره ونازلة ليكم بتقلى بس أدوها صنة
الحبيب ود عزة عهدناك آتياً الينا بالروائع دوما ولا شك ان غزال المسالمة ستكون رائعة مثلك يا حبيبنا الف أهلا بغزال المسالمة وكم نحن فى شوق الى كل جديد من وطن الجدود من رمز الاصالة والعزة وكم ستكون فرحتنا بك مجلجلة كضحكاتنا عندما ننبسط فأهلا وسهلا بك عزيزتى واعتذر علىالترحيب المتأخر وذلك بسبب فنى ليس الا ولا شك اننا فى انتظار مساهماتك الجميلة
Post: #14 Title: قرشيووووى الطاعم فى السن Author: gazalalmasalma Date: 03-21-2002, 11:03 AM Parent: #1
الود كلو ليك ياقرشو وجد معنوياتى فى السمامش عشان الرحب بى عزيز وألفةبفتح الألف لكن عشان هو كلو إلفه بكسر الألف صحى وخلينى أمزح معاك شويه يمكن تكون طاعن فى السن زى ما كان بكتبوا ليك البواردة زمان وانا كنت متابعة... لكن ديل ما عارفين طاعن فى السن معناها طااااااعم فى السن! انا سعيده بيك ياقرشيوووووى ...أها الندلعك ودى الشدديييييييد
غزال المسالمة
Post: #15 Title: Re: قرشيووووى الطاعم فى السن Author: banadieha Date: 03-23-2002, 05:49 AM Parent: #14
مافي زول فيهم أقرب مني ليك..من المظاهر..من الهجرة..من عبدالله خليل..من حي السوق..من العدني..من محمد حسين..من الملجة..من المحطة الوسطي..من ملعب كرة السلة وناس تادرس..لسوق الصاغة..ياأعز عزيز..ولو ما دا كلو جاب همه..يكفي بيني وبينك ودعزة
Post: #16 Title: Re: قرشيووووى الطاعم فى السن Author: قرشـــو Date: 03-23-2002, 06:56 AM Parent: #15
الغالية غزال الف شكر على مشاعرك الجميلة وكلماتك الرقيقة ودعك من اولئك الخبثاء الذين يقولون طاعن واشكرك ان حورتيها الى طاعم وكده كيه ليهم وخليهم يموتوا بى غيظهم .. شكرا ولا شك اننا موعودة بإنسانة فعلا ستثرى البورد وسنسعد بوجودها بيننا فالبدايات تبشر بانسانة حيوية ومرحة ودمها شربات بس.. الف اهلا بيك ثانية وكلنا سعداء بيك
الأخت/الغالية غزال ..المسالمة اولا اسف للتاخير بالترحيب بك فى دارك .مرحب بيك يا سيدتى فى منبرك ... شكرا ليك يا ودعزة لدعوتك لهذه الغزالة للمشاركة فى هذه الحديقة العامرة بامثالك من خيرة شباب بلادى
أكيد شكرى وتقديرى .على أصالة معدنك ..وترحيبك اتمنىانى أكون قدرو...نحن عايزين البورد ده فى العالى وده ..طموح ودحبيب ورفاقه وانا عارفة صعوبة المهمة لكن البورد ده حيكون خدمة كبيرة لينا ولوطنا ... وربنا يقدرنا على حمل المسئولية
غزوووووولتى انتى قدم السعد يا ستى وانتى الفرح اللمنتشر من بوست لى بوست تسلمى من النحس ياخى انتى لكن انتى صحى وقفتى العالم كله .. قصدى البورد كله ولكن ما نحس ابدا وقفتيه اعجاب واجلال وفرح وسرور بالمناسة يوم 11 سبتمبر ده يوم غير مجرى التاريخ فى العالم ولسه اثاره جايه.. البورد كان متعطل لاسباب فنية يا ستى ما كراع الحلب والله وما تاخذى فى خاطرك تعجبنى روحك الحلوة وود عازة دى من ما انتى انتشرتى عمل نائم دى غيرة دى ولا شنو يعنى ؟؟؟
برضو يختونا عكس الهواء؟؟؟؟؟مقبولة منك يا راجل ياظريف والله اللقيتو انت ناس ود عزة المجاورين ما لقوهو.واتدلع.....وأقدل فى الشوارع ... ومعقول أغير منك ياقرشو؟؟؟؟؟ليه الواحد بغير من نفسو... والله مع انه ما حصل لينا شرف شوفتك لكن روحك الجميلة موريانا ليك...انسان نراه من خلال السطور أصيل ورائع ومحب لكن قول لى سككان الصيد ده ..عندك ليه مروة؟؟؟
...ووحلةناس ودعزة....!!!!وبشكر بناديها الظريف على الترحيب الظريف