Post: #1 Title: بيان من القائد العام لجمهورية بوردستان السودانية الديمقراطية Author: ودحبيب Date: 03-18-2002, 08:45 AM Parent: #0
بسم الله و الوطن العمداء و المستشارين الاتية اسماؤهم لهم الحق فى حذف و تعديل اى بوست تستخدم فيه كلمات او الفاظ بذيئة او لا يشبه عادات و تقاليد الشعب السودانى البطل اويتعارض مع دستور الجمهورية.و لا يواجه اى منهم اى محاسبة امام القائد العام بل سوف تكون محاسبته من عامة الاعضاء و يتم تجريده من منصبه بعد موافقة عشرة من الاعضاء البورد.وسوف تكون دورة هذه اللجنة 12 شهرا yasiko EXORCIST7 suna Fadil sourketti ود_شداد Elsadiq تغريـــد يازولyazoalيازول قرشـــو alsara Elmosley ودحبيب waleed500 shammashi bunbun banadieha ولكم حبى بكرى ابوبكر
Post: #2 Title: Re: بيان من القائد العام لجمهورية بوردستان السودانية الديمقراطية Author: رومانسي Date: 03-18-2002, 08:58 AM Parent: #1
شعب بوردستان الكريم شدو حيلكم الحكومة الجديدة كشفت ليكم عن العين الحمراء
Post: #3 Title: Re: بيان من القائد العام لجمهورية بوردستان السودانية الديمقراطية Author: salah dambawy Date: 03-18-2002, 09:25 AM Parent: #2
ما علينا بس نقول مبروك والرايحات اكثر من الجايات سورى الجايات اكثر من الرايحات
دمباوى
Post: #7 Title: Re: بيان من القائد العام لجمهورية بوردستان السودانية الديمقراطية Author: Rakoba Date: 03-18-2002, 10:35 AM Parent: #2
Congratulations for new members, and we wait much from them to promote this wonderful dissection board .
والله ياود حبيب مع احترامى ليك لكن الموضوع ده حيشمل حتى أفكارنا وفى البقدر يحذفها ويتجاوز الصلاحيات عشان كده نحترم نفسنا ويابورد جاك مغادر وننسحب بهدوء بهدوء والممنوعات دى بتتفصل برضومش حكاية ألفاظ بذيئة وخلافه دى أنا الحمد لله بعيد منها لكن طالما من الأول قلتو راى وراى آخر حقو تخلو مقص الرقيب بعيد أو تكون الصلاحية صلاحية الحذف لدى الريس والمسئول الفنى لكن سبعة واللا تمانية مقصات فيها قولان عموماً شكرا ووداعا والمرة دى جد بالجد والمرقنا من السودان حيمرقنا من البورد ليس هذا استباق للأحداث لكنه احترام النفس تحياتى ودعزة
Post: #6 Title: Re: بيان من القائد العام لجمهورية بوردستان السودانية الديمقراطية Author: madani Date: 03-18-2002, 10:20 AM Parent: #1
ياخي مالك مسخن كدا وعايز تعمل لينازي ناس جماعتنا ديك الفي السودان طبعا فعلاً أي كلام ما كويس حقو يتحزف وأنا في تقديري كلام الأخ بكري صاح لكن ما كل الناس الذكرهم ديل بيقدروا يحذفوا أي حاجة لأنو ولست خبيرا في هذا المجال لكن الشغلانية Technically ما ممكن يعني غير الرقيب مافي زول حيقدر يشغل مقصو
شماسى بوردكم مبروك عليكم وأنا كنت أول المهنئين لكن لما لقيت رصة رقباء لهم حق الحذف العملية دى ما عجبتنى وأنا حر فى كده الله انتو مش بتقولوا راى وراى آخر طيب المايخلينى لراى آخر ايه؟؟ويمكن أناالحياة سبقتنى واللا الأنا سبقتها ماعارف ويمكن لسه فينى النزعة الطلابية عشان اتخرجت قبل 4 سنة بس ويمكن ما عندى خبرة كبيرة فى تحليل المواقف لكن عندى الحس الداخلى البخلينى أقيف مع تحياتى
وهذا هو البوست الذى كتبته فى بوست التشكيل الوزارى الجدي قبل أن أقرأ تفويض ودحبيبللرقباء بالحذف رئيس وأعضاء حكومة بوردستان السودانية الديمقراطية
يا أبناء وبنات ملوك النيل...ورماة الحدق...ونبته وتهراقا وبعانخى ومملكة الفونج...وخيول الريح وجلسات الككر ومداعبات المناجل لجسد النخلة واسماعيل سيد الربابة وريكتا والمهدى والمك النمر.وودمسمار وود والنجومى .ومهيرة بت عبود وبنونة بت المك وعلى عبداللطيف والميرغنى وعبدالرحمن المهدى والأزهرى والمحجوب والقرشى وشهداء السيادة الوطنية ... ستحملكم النت خفافاًعبر مسئولية ناءت بحملها جبال كررى ...ضعوا سوداناً هنا على النت...سمواً باشواقه وتباريحه بأفراحه القادمات...بطلوعه الساعة الصفر صباحاً بنشيده المعتاد ويومياته المعتادة..وبالطبع لن نتخذ من البورد موقعاً بديلاً لوطن بديل ..فرقعة الشتات تتسع وتترامى أطراف الجوازات غادية رائحة عبر مطارات تظهر مفاتنهاوأخرى تلح فى السؤال...تراود أحلامنا عن نفسها فهل شق قميص الشواق عن دبر..سنسمو بهذا البورد لا لمضاهاة وطننا الشامخ ولكن لمضاهاة الواقع بالواقع ..الخطوة بالخطوة..
أرجو لكم التوفيق فى مهمة تلاقح الأفكار ووتفريج همومنا ...بفرحة عابرة أم مقيمة ..
فلنجعل البورد وسيلة نتعلم منها...اضافة ورؤى وأفكار ...طرائف ومداعبات أخوانية...سفر فى الحب والغرام ..والسياسة والحلال والحرام...وعرض الأزياء وتفتيح لون البشرة وكيفية وضع أصبع احمر الشفاه.على شفاه تحترق..وكيفية وضع الأصبع على جرح الوطن..ولنبحر فى ديننا الاسلامى الحنيف ونترك كل من لهم أديان أخرى الابحار فالبحر يتسع وليست به طرقات ذات اتجاه واحد.. ولنقرأ الأشعار والحلمنتيش ولنستمع للمدائح والأغنيات.. ولنكتب فى السياسة ونتكلم فى السياسة...لنقرأ تاريخنا وجغرافيتنا غير آبهين بالفواصل بين الصفحات..
تحياتى ود عزة
-------------------------------------------------------------------------------- فى اتحاد البرق بالأرض التى تمنح القبلة فى ليل التعب..
شماسى بوردكم مبروك عليكم وأنا كنت أول المهنئين لكن لما لقيت رصة رقباء لهم حق الحذف العملية دى ما عجبتنى وأنا حر فى كده الله انتو مش بتقولوا راى وراى آخر طيب المايخلينى لراى آخر ايه؟؟ويمكن أناالحياة سبقتنى واللا الأنا سبقتها ماعارف ويمكن لسه فينى النزعة الطلابية عشان اتخرجت قبل 4 سنة بس ويمكن ما عندى خبرة كبيرة فى تحليل المواقف لكن عندى الحس الداخلى البخلينى أقيف مع تحياتى
وهذا هو البوست الذى كتبته فى بوست التشكيل الوزارى الجدي قبل أن أقرأ تفويض ودحبيبللرقباء بالحذف رئيس وأعضاء حكومة بوردستان السودانية الديمقراطية
يا أبناء وبنات ملوك النيل...ورماة الحدق...ونبته وتهراقا وبعانخى ومملكة الفونج...وخيول الريح وجلسات الككر ومداعبات المناجل لجسد النخلة واسماعيل سيد الربابة وريكتا والمهدى والمك النمر.وودمسمار وود والنجومى .ومهيرة بت عبود وبنونة بت المك وعلى عبداللطيف والميرغنى وعبدالرحمن المهدى والأزهرى والمحجوب والقرشى وشهداء السيادة الوطنية ... ستحملكم النت خفافاًعبر مسئولية ناءت بحملها جبال كررى ...ضعوا سوداناً هنا على النت...سمواً باشواقه وتباريحه بأفراحه القادمات...بطلوعه الساعة الصفر صباحاً بنشيده المعتاد ويومياته المعتادة..وبالطبع لن نتخذ من البورد موقعاً بديلاً لوطن بديل ..فرقعة الشتات تتسع وتترامى أطراف الجوازات غادية رائحة عبر مطارات تظهر مفاتنهاوأخرى تلح فى السؤال...تراود أحلامنا عن نفسها فهل شق قميص الشواق عن دبر..سنسمو بهذا البورد لا لمضاهاة وطننا الشامخ ولكن لمضاهاة الواقع بالواقع ..الخطوة بالخطوة..
أرجو لكم التوفيق فى مهمة تلاقح الأفكار ووتفريج همومنا ...بفرحة عابرة أم مقيمة ..
فلنجعل البورد وسيلة نتعلم منها...اضافة ورؤى وأفكار ...طرائف ومداعبات أخوانية...سفر فى الحب والغرام ..والسياسة والحلال والحرام...وعرض الأزياء وتفتيح لون البشرة وكيفية وضع أصبع احمر الشفاه.على شفاه تحترق..وكيفية وضع الأصبع على جرح الوطن..ولنبحر فى ديننا الاسلامى الحنيف ونترك كل من لهم أديان أخرى الابحار فالبحر يتسع وليست به طرقات ذات اتجاه واحد.. ولنقرأ الأشعار والحلمنتيش ولنستمع للمدائح والأغنيات.. ولنكتب فى السياسة ونتكلم فى السياسة...لنقرأ تاريخنا وجغرافيتنا غير آبهين بالفواصل بين الصفحات..
تحياتى ود عزة
-------------------------------------------------------------------------------- فى اتحاد البرق بالأرض التى تمنح القبلة فى ليل التعب..
ولكن ما أورده بكري أعلاه لا علاقة له البتة بما تخوفت أنت منه فهو حسبما قرأته وفهمته يتعلق بالسباب والشتائم والبذاءات الخارجة عن النص. أما الرأي والرأي الآخر ومقارعة الفكر بالفكر وإختلاف وجهات النظر وإحتداد الحوار والتعصب لما يعتقده كل فرد والتطرف في الطرح كل هذه ليس من حق أحد أن يتدخل فيها لا بالتعديل ولا بالتصحيح ولا بالشطب والحذف
شنو يا ناس الواحد يأخد ليه مشوار لحدى الدكان عشان يجيب متطلبات القعدة يلقي الدنيا مقلوبة .... والله يا بكرى الظاهر عمر البشير قريبك وهناك وجه شبه فى الصلعة الظاهرة علي اخره ... طيب مبروك عليكم السلطة بس نحن عايزين نعرف الحيستشهد أول منو فيكم عشان نحاول نرد ليه الجميل ونخلفوا في اهلوا ... سيرو ونحن بجانبك
أنا موافقك تماما من حيث المبدأ، وأضيف أن حذف بوست بالكامل لورود كلمة نابية فيهو إقتضاها السياق هو أمر مستفز، ومن الأفضل أن تحور الكلمة أو تحذف ولكن بعد أن يتلقى الكاتب مسنجر من أحد العشرة المكلفين بذلك يسترعي فيهو إنتباهه إلى تلك الكلمة ويقترح عليه أن يحورها أو يحذفها بما لا يخل بالمعني الذي يريده، والمعيار يجب أن يكون هو إلتزام الجميع بالخلق السوداني السمح والعفيف مع مراعاة أن الحوار الساخن يستدعي مفردات ساخنة، ولكن في حالة لجوء أحدهم إلى الشتيمة المباشرة وبالألفاظ البذئية فإن جميع البوردجية لن يقبلوا ذلك وبالتالي فحذف البوست برمته لن يعترض عليه أحد
وإليك ياودعزة أمثلة لما أراه مقبولا ولا يخدش الشعور ولننظر كيف يراه غيري؟
من النكت القديمة في واحد سوداني جاي السعودية جديد ومرة دخل ليهو محل سندويتشات فلافل شامية وقام صاحب المحل سأله زي ما بسأل الزبائن عن مكونات السندويتش الطماطم والمسقعة والبقدونس والطرشي والطحينة والشطة والبيض والفلافل فقام أخونا رد عليهو قال ليهو سوي كل حاجة إلا جنى الجداد
وقبل فترة حكيت لشايننق ستار في البورد التاني قصة المرأة التي جات راكبة جمل عشان تسالم النميري في واحدة من زيارته للأقاليم في السبعينات وكان النميري راكب على اللاندروفر وتقديرا منه لظروف سن المرأة الكبيرة قال ليها ياحاجة اصلو ما تتعبي خليك في محلك أنا بجي أسلم عليك في جملك
يقال أن الدكتور عوض دكام الله يرحمه كان مسافر خارج السودان وتقابل مع السودانيين في البلد ديك وسألوه يادكتور كيف حال البلد؟ قال ليهم والله ياجماعة البلد حالها زي حال الكدايس في المعاشرة: الفوق يكوركو والتحت يكوركو
ود حبيب القومة ليك يا رجل بقامة وطن و التحية لكل اعضاء اللجنة و وفقنا الله و إياكم
ودعزة أتفق معك تماما في ما ذهبت اليه عن إختلاف وجهات النظر في تقدير ماهو بذئ ... فهناك كلمات بينة البذاءة و معظمها يتم حذفه اوتماتيكيا عن طريق الفلتر ...و لكن المحك الحقيقي يأتي في المشتبهات.. فما قد أراه أنا بذيئا قد لا يراه غيري كذلك و العكس... أفضل حل هو إتباع ما كنا نفعله قديما في اللجنة السابقة و هو أن يقوم عضو الادارة الذي لاحظ الاساءة بارسال إيميل لبقيةالاعضاء عبر الايميل المشترك للادارة لتقرير إن كانت الكلمات تستحق الحذف أم لا ...و يقوم بحذفها فقط إذا رأى أغلبية اعضاء الادارة ذلك ....و أعتقد أن يعطى كل من بكري.. الصادق.. تغريد و قرشو حق الفيتو و التصرف السريع دون الرجوع للآخرين لما لمسناه منهم من حكمة و حيادية و رجاحة فكر
والله ياود عزه انا بتفق معاك تماما لانوا مجلس قيادة البورد لا اشك فى كفاءتهم ولكن من المفترض ان يقوم بحذف مايري بذاءة من قبل اشخاص محددين وكما اشارت الساره لذك وعينت نفر باسماءهم واضيف انا اليهم الساره لما أراه من كفاءة عالية جدا لتفهم المواضيع والردود الحلوه والمواضيع الشيقه فليكن لهولاء حق الفيتو فى التصرف واتمني من الاخ ود حبيب ان ينظر فى لذلك وللاعضاء صلاحية فى حدود التعامل مع وزاراتهم وليس اليهم الحق فى حذف او قص مايفهمونه بفهمهم ولك الله ايها الرجل المناضل ودحبيب وسائلين الله ان يثبت اقدامكم لما فيه خير راكوبتنا وضل الضحي اللي بنرتاح فيه من التعب ودائما بهذا الجد والى الامام الى مانظبوا اليه
الاخ ود حبيب وبقية اللجنة الف مبروك من كل قلبي ...فعلا خيار صادف اهله .. لا نشك اطلاقا في كفاءة اي من اعضاء اللجنة ...بس وين فرانكلي ؟ ..ده اهم زول ..الله يوفقكم
الحبيب ود عزة احترامي وتقديري لشخصك الكريم ...الرقباء موجودون من قبل في هذا البورد ...ومسألة الحذف والتنقيح ليست جديدة...وانت عارف البيحصل شنو في البوردات احيانا ... بس ما تاخد الموضوع ضد وليد بالتحديد... وما اعتقد انه الاخ وليد حيشتغل ديكتاتور ويقص يمين وشمال في البوستات ..فهو شخص محترم وواعي لكل ما يفعل ..ونحسبه عند موقع المسؤولية الحبيب ود عزة ... نحن في هذا البورد نكن لك تقديرا خاصا..فالرجاء انك تكون ديمقراطي وتقبل بالنتيجة مهما كانت 3bdo
Post: #21 Title: Re: بيان من القائد العام لجمهورية بوردستان السودانية الديمقراطية Author: EXORCIST7 Date: 03-18-2002, 05:41 PM Parent: #1
الأخ الفريق أول بكرى أبوبكر نشكركم على إختياركم لى فى مجلس قيادة الثورة ونشكركم على ثقتكم ونرجو الله أن نكون عند حسن ظنكم، نؤيدكم ونشد من أزركم وسوف نكون جندا مجندة تحمى البورد وتزود عنه ظلم الأعادى والمرجفون فى المدينة من سفيه الكلم وساقطه وكل ما يمس عقيدتنا ويدنس عرفنا الجميل ، أما ما يخص الرأى والرأى الأخر فله فى أنفسنا متسع بقدر مساحة الحلم الطليق، فلن نشنق الحلم الوعد ولا الحب القضية... والسلام الله أكبر والعزة للسودان العميد أركان بورد
القومة ليك يا رجل بقامة وطن و التحية لكل اعضاء اللجنة و وفقنا الله و إياكم wlalhiii my word is mashalla god bless you iam so proud of you i love you allllllllllll
Post: #23 Title: Re: بيان من القائد العام لجمهورية بوردستان السودانية الديمقراطية Author: دباش Date: 03-18-2002, 08:23 PM Parent: #1
مبروك للحيكومه الجديده سيرو ونحن من خلفكم ربنا يوفقكم
Post: #24 Title: Re: بيان من القائد العام لجمهورية بوردستان السودانية الديمقراطية Author: ودحبيب Date: 03-18-2002, 10:04 PM Parent: #23
كل الحبائب و الاحبة شكرا ليكم جميعا و توضيح بسيط هو ان المقصود بعادات و تقاليد الشعب السودانى الصور الفاحشة و العارية
Post: #25 Title: Re: بيان من القائد العام لجمهورية بوردستان السودانية الديمقراطية Author: sari_eleil Date: 03-18-2002, 10:58 PM Parent: #24
سلام من الله على الجميع رغم أني كالاطرش في الزفة لانه مشيت قريب و جيت لقيت الحصل حصل و لكن رقم ذلك تهاني الحارة من كل قلبي للقيادة الجديدة ونحن معكم اذا أصبتم أما اذا أخطاتم فسوف نقم حتى ينصلح الحال وبعدين في معارضة بدأت من الان روقو المنقة شوية و أجدد ولائي وأتمنى أن يوفقكم الله عشت يا سودانا عالي
Post: #26 Title: Re: بيان من القائد العام لجمهورية بوردستان السودانية الديمقراطية Author: نفسيات Date: 03-18-2002, 11:54 PM Parent: #25
salam shabeeba whats you been up to? its been a while i didnt access the sdb. i hope you all having fun.
Post: #27 Title: Re: بيان من القائد العام لجمهورية بوردستان السودانية الديمقراطية Author: نفسيات Date: 03-19-2002, 00:02 AM Parent: #26
dear abo baker i didnt find my post(musabagat nafseyat). i wish its still there, cause alot of valuable info on it. im free now to contiune my musabagat.
Post: #28 Title: Re: بيان من القائد العام لجمهورية بوردستان السودانية الديمقراطية Author: قرشـــو Date: 03-19-2002, 07:04 AM Parent: #1
الأخ بكرى لك التحية والتجلة وللموقع الامنيات الطيبات بأن يكون الاول فى سماء الانترنيت يحمل اسم سوداننا الحبيب عاليا ويصبح منارة لكل سودانى ولكل من يريد ان يعرف شىء عن السودان او عن اخلاق السودانيين وهننا ومن هذا المنطلق اوافق الاخوة واظن انه لم يختلف اثنان ابدا اعلاه فى الرأى إذ أننا جميعا نلتزم بالاخلاق السودانية ولكن من عاش فى البورد الآخر يعرف ان هنالك فئة ضالة تود تشويه كل جميل وليتك اخى ود عزة لو كنت هنالك ورأيت ما رأينا حتى هربنا عندها لعذرت الأخ الكريم بكرى فهو لم يقصد ابدا حجر حرية الرأي بل هو من اوائل الناس اكتواءً بذلك واكثر الناس دعوة للراى والرأى الآخر ولو تجولت فى هذا البورد منذ البدء لتبين لك ذلك ولكن اخى كل المقصود منعه وحجره هو البذاءة التى لا تشبهننا اخى الكريم وقليل منها يفسد أمزجة الآخرين ويعطى انطباعاً لا نرضاه للسودان فكل من يكتب هنا اخى يمثل السودان وكل غريب عن السودان عندما يزور هذا الموقع يعتبر ان هذا السودان وكل ما يصدر عنه هو صادر عن السودان ولذا عزيزنا ثق انه لن يقوم احد بمسح أو حذف رأى حر ابدا بل كما اسلفت للبذاءات المعروفة للك والواضحة للعيان وهذه ليست خافية على أحد ... اشكرك د. السارة على حسن ظنك بنا ولكنك العقل كله ولو كان لنا خيار من يمثلنا لاخترناك عزيزتى الفاضلة فانت فينا كل العقل وكل الحكمة وكل الاباء والشمم فانت حواء السودان التى نعتز بها ونفاخر ونتغنى بها..
Post: #29 Title: Re: بيان من القائد العام لجمهورية بوردستان السودانية الديمقراطية Author: ودحبيب Date: 03-19-2002, 07:15 AM Parent: #28
الله ينصر دينك يا قرشو وشكرا ليك يا حبيبنا الغالى للتوضيح
