التشكيل الوزارى الجديد

بسم الله الرحمن الرحيم
نيابة عن لجنة الانتخابات المتكونة من لجنة العمداء المنحلة اعلن نتيجة الانتخابات و التى كانت نتائجها كالاتى
1-الرئيس
ا-بكرى ابوبكر –ودحبيب-22 صوت
ب-تغريـــد-26 صوت
2-المسئول الفنى
ا-بكرى ابوبكر-30 صوت
ب-Elsadiq –12 صوتا
3-المسئول الثقافى
ا-ود_شداد –18 صوت
ب-عمر رجب-11 صوت
4-المسئول ملتى ميديا و الغرافك
ا-Elsadiq –35 صوتا
ب-تغريد 3 صوتا
5-المسئول لشئون المراة
ا-تغريـــد-10 صوتا
ب-alsara-13 صوتا
ج-BitAlhana-10 صوتا
6-اديب البورد
ا-يازولyazoalيازول-19 صوتا
ب-Abulbasha- 4 صوتا
7-الفة البورد
ا-قرشـــو- 20 صوتا
ب-يازولyazoalيازول- 7 اصوات
8-المسئول عن المالية و العضوية
ا-Fadil-13 صوتا
ب-بكرى ابوبكر-8 اصوات
9-مسجل العضوية
ا-suna-7 اصوات
ب- بكرى ابوبكر-6 اصوات
10- المسئول السياسى
ا- bunbun–16 صوت
ب- sultan-7 اصوات
و تم تزكية
11- محامى البورد-ياسيكو
12-فنان البورد – الموسيقار يوسف الموصلى
13-حكيم البورد-د.سوركتى
14-مترجم و فكى البورد- EXORCIST7
15- شماسي البورد-شماسى
16- مستشار العلاقات العاطفية –بناديها
17- طباخ البورد-وليد500
اشكر كل الاعضاء الذين شاركوا فى الانتخابات و اهنى اللجنة الجديدة بنيلهم ثقة الاعضاء و سوف تصدر اللجنة الجديدة بيانا بهذه المناسبة فى الايام القادمة
ولكم حبى
بكرى ابوبكر
س.ع.لجنة الانتخابات

التهنئة موصولة للسيد الرئيس
تغريد
وللحبيب الحبيب بكرى ود حبيب
صاحب الرأى اللبيب
زادو قشطة وكوب حليب
قليبو أرحب من رحيب
شوف حلاة البورد الرهيب
بى جهود الشاب ودحبيب
خلاهو أبيض من حليب
ننسى أحزانا ونغيب
فى معانى الحب العجيب
بى نغيمن صادق أديب
يطرب العجزة وشبيب
نطرا للبلد المهيب
وكل زول مرضانن يطيب
ان شا الله حاسدنا اليغيب
وللبدور بوردينا بنجيب
حتى لو أضناه النحيب
بلقى من يطفى اللهيب
يا حلات بورديك ود حبيب
يا حلات بورديك ود حبيب

وللأعضاء الجدد الذين يشاركون معنا لأول مرة وعلى رأسهم
بناديها والفاضل وودشداد وسونا وبنبن وسوركتى والموصلى ووليد500
وياسيكو وشماسى EXORCIST7و

ولقدامى المحاربين
وأهنىء معشر القراء والمراقبين
وأقول لهم هنئيا لكم هذا المحفل النظيف

وفقكم الله
وترقبوا بيان اللجنة
وأبت هذه الكلمات الا أن تخرج
غصبن عنى
أستميحكم العذر إن خرمجت

التهنئة لكل اعضاء اللجنة الجديدة
امنياتى لكم بالتوفيق السداد من المولى عز وجل
والى الامام
عمك حسبو...

السلام عليكم ورحمة الله وبركاته
التهنئه لاعضاء مجلس قيادة البورد ونقف من خلفكم ونشد من ازركم
وربنا يوفقكم ويوفقنا لما فيه الخير والحمد لله رب العالمين

..
.
حسع يا جماعة انا شيباً دى قلت يا زول
يمكن قاصد بيها بناديها
انا طبعا لسانى فالت ، بكره الكنار تجى تقول لي
انحنا ما حناكيش والفيك اتعرفت .. سجمنا وكر علينا
بس جاات زى ماهى وهذا محمده والله بلا محابهعلى اداء فريق العمل والاداء الجماعى والممتاز فى ادارة البورد هنا

يا بكري
انت غلطان فى وضع الثقافى مرتين
اظن قاصد الاولى الفنى
والتانية الثقافى ، اتحنا على العموم زولنا فوزناه ثقافى ويبقى ثقافى حتى لو طعنوا فى الانتخابات حلفنا
نقاوم.. نقاوم
لا بنتراجع ولا بنساوم
يعنى سيك سيك ودشداد معلق فيك
..
.
الف 1000 مبروك
عقبال الاجيال القادمة واطالب بالائحة والدستور يعنى الدورة كم شهر ؟؟
عشان نجهز لرئيس الوزراء شدو

الكنار
والله الشعب السودانى دا لا بعجبه العجب ولا رئاسة عمر رجب
بس دى اول انتخابات ديمقراطية سودانية خلى بالك من سودانية دى وتفوز فيها امراة ،،مبروك للجميع

يا زول
مبروك بعدين انتت م متين بطلت الخرمجة
بس والله خرمجة على شوكلاته
مبرووك مجدداً،، منو البوزع الشربوت لا قصدى الشربات

ود/ حبيب/ جدًا

التحية والتقدير وانت تجعل سودانيز اون لاين والممارسة الديمقراطية
الحقيقية فيها امرًا ممكنًا .. مبروك للجميع

مسئول العلاقات العاطفية؟
اليسار

المؤهلات: إنو تلقالك زولا سمح يشعلل جواك فرحا ما يهمد
تعافر فرح
وتدافر فرح
وتنوم فرح
وتصحى فرح ود فرح

نحنا المحلقين
ما بنندلى للرعية..إلا إذا كانت فرحانة
نحنا المتفائلين
ما يهوب علينا مهموم
ولو كنت مهموم
مر على ود عزة
يشيل همك بلذعة واقعية
أو عدي على واحشني يعزم عليك ويوريك دعاء الهم والغم
ولو ما لقيتو..رومانسي في

وترقبوا البيانات التالية

رئيس وأعضاء حكومة بوردستان السودانية الديمقراطية

يا أبناء وبنات ملوك النيل...ورماة الحدق...ونبته وتهراقا وبعانخى
ومملكة الفونج...وخيول الريح وجلسات الككر ومداعبات المناجل لجسد النخلة
واسماعيل سيد الربابة وريكتا والمهدى والمك النمر.وودمسمار وود والنجومى .ومهيرة بت عبود وبنونة بت المك وعلى عبداللطيف والميرغنى وعبدالرحمن المهدى والأزهرى والمحجوب والقرشى
وشهداء السيادة الوطنية ...
ستحملكم النت خفافاًعبر مسئولية ناءت بحملها جبال كررى ...ضعوا سوداناً هنا على النت...سمواً باشواقه وتباريحه بأفراحه القادمات...بطلوعه الساعة الصفر صباحاً بنشيده المعتاد ويومياته المعتادة..وبالطبع لن نتخذ من البورد موقعاً بديلاً لوطن بديل ..فرقعة الشتات تتسع وتترامى أطراف الجوازات غادية رائحة عبر مطارات تظهر مفاتنهاوأخرى تلح فى السؤال...تراود أحلامنا عن نفسها فهل شق قميص الشواق عن دبر..سنسمو بهذا البورد لا لمضاهاة وطننا الشامخ ولكن لمضاهاة الواقع بالواقع ..الخطوة بالخطوة..

أرجو لكم التوفيق فى مهمة تلاقح الأفكار ووتفريج همومنا ...بفرحة عابرة أم مقيمة ..

فلنجعل البورد وسيلة نتعلم منها...اضافة ورؤى وأفكار ...طرائف ومداعبات أخوانية...سفر فى الحب والغرام ..والسياسة والحلال والحرام...وعرض الأزياء
وتفتيح لون البشرة وكيفية وضع أصبع احمر الشفاه.على شفاه تحترق..وكيفية وضع الأصبع على جرح الوطن..ولنبحر فى ديننا الاسلامى الحنيف ونترك كل من لهم أديان أخرى الابحار فالبحر يتسع وليست به طرقات ذات اتجاه واحد..
ولنقرأ الأشعار والحلمنتيش ولنستمع للمدائح والأغنيات..
ولنكتب فى السياسة ونتكلم فى السياسة...لنقرأ تاريخنا وجغرافيتنا غير آبهين بالفواصل بين الصفحات..

تحياتى
ود عزة