انقلاب معاكس-اللجنة الجديدة لبوردستان-التفاصيل بالداخل

نظراًلتأخير نتائج انتخابات دولة بوردستان ..فقد قررنا نحن المراقبون الدوليون الأخذ بقائمة التعيين استنادا للمادة (6) من دستور دولة بوردوستان والذى ينص على أن يتم تعيين رئيس وأعضاء لجنة الحكم فى حالة تأخير اعلان نتائج الانتخابات الحرة أو لأى سبب آخر ..)
لذا فقد تقرر أن يتم التشكيل الحكومى كما يلى :-
تغريد .....الرئيس ..بالتعيين وبالتزكية وبقرارات مجلس الأمن ..ولجنة ميتشيل ومقترحات تينيت وبى كل حاجة وغصبا عن عين أى تخين فيكم.
السارة.. مساعد الرئيس لشئون المرأة...ورئيسة لجنة حبال البشاكير وملاح تموت تخلى ده طبعا الباذنجان زمان تموت تخلى دى بدون مؤاخذة للحذاء هسه فى عهد مقطوعين الطارى بقت لى الملاحات...
الفوق ديل ناس ladies first

ننزل لى ناس Gents lastناسى قريعتى راحت .أنا و هم...

بكرى أبو بكر بكرى ((كملتو الباء والكاف والراء ياناس بكرى))...مساعد الرئيسة لو عاجبك مساعد الرئيسة للشئون الفنية والسيرفرات والنت...وتانى ما تغيب وتقول اتأخرت ساعتين عند الحلاق..
الصادق الصادق ..الرزين الهادىء وليس فى مكانه آخر للجرافيك والملتميديا وبرضو مساعد الرئيسة لشئون الأغنيات
يازول ...مساعد الرئيسة للشئون الأدبية..وبرضو مساعد مساعدة الرئيسة لشئون المعتمرين والحجاج
قرشو.....مساعد الرئيسة لشئون الموظفين أقصد الأعضاء أقصد تايم كيبر .. أقصد ألفة وبرضو مساعد مساعدة الرئيس لشئون الشربوت والذى منه.
ياسيكو ...مساعد الرئيسة للشئون القانونية ....وقاضى الغرام بالانابة..
بناديها...مساعد الرئيسة لشئون الحكمة ...لشئون الفرحة...لكل حديث ذى شجون.
سونا...مساعد مساعد الرئيسة لشئون الأغنيات.

ديل العشرة المطلوبين ...نجى للمطاليق مطاليق البورد ودى لجنة منبثقة عن اللجنة أعلاه..بس ما منبثقة من الرئاسه من التحت منها...... وهم:
*شماسى البورد شماسى
رومانسى البورد رومانسى
نكهة بن البورد بن بن
فاكهة البورد نوبا
وهكذا باشا البورد...وأم هناءالبورد ورحيل البورد ورمانة البورد وواحش البورد واحش فى ألف فى النص واحشنى...ومرشد وواعظ البورد وليد الخمسمائة ...وخواض بحور البورد الغائب الحاضر الخواض ومكسب البورد مكسب تن وايماءة البورد ايمو وسماحة البورد سماح السابعة..وطبيب البورد سوركتى وفاضل البورد فاضل..وتبلدى البورد تبلدينا وسنجة على عشرة البورد سنجاوى وأخصائية نفسية البورد نفسيات والجات يومين ومشت خاصامة البورد نجاة مسارات...وغرة جبين البورد الموصلى ومبدع البورد خالد عويس ...وسلطان زمن سودان جميل سلطان..ومرشد روحى البورد ايكروست..وعمدة البورد جدنا حسبو هو عم وجد وأب والأعضاء يختاروا منها حسب سنهم
وقمر فضى البورد سيلفرموون وزبيدية البورد ومس سودان البورد..ورسلت ليك أجمل خطاب البورد عمر مهدى ....
وتلميذ البورد...ود عزة..
واعتذر لمن نسيت أسمه سهواً ..........
فليهنأ البورد بلجانه وليشمخ بصوته قائلاً ((اولئك أعضائى فجئنى بمثلهم اذا جمعتنا يا(معاذ) المحافل



ود عزة
ملحوظة : تم تعيين المبدع/عمر رجب فى وظيفةمساعد الرئيسة للشئون الثقافية والابداعية..عفوا اسمه سقط سهوا من اللمة الفوق..
معذرة

سعادة الفريق ود عزة
برقيات تأييدنا جاهزة بس عشان ما يقولوا نحن بتاعين أىحكومة وأرزقية وكدة ننتظر بعض تفاصيل الانقلاب
هل هؤلاء الناس جبهة؟ ومن هو منظرالبورد؟ أقصد منو القال ليك أذهب الى البورد رئيساً وسأذهب الى السجن حبيساً؟ ولا داير تلم المطاليق ديل وتضيع زمنا فى مؤتمرات الحوار الما بتخلص ديك؟

سلام ياود عزة
شكرا على العمدة دى
لكن بس ياود عزة انا كنت عاوز اجكس واتصعلك فى الحفلات واعمل فيها عمك شفت وكدا
وهاك ياانتى وهاها ها وبالله وعليك الله واها قولتى متين وكدا ياود عزة
نعم كبرنا لكن فى حاجة اسمها المراهقة المتأخرة ودى عملوها عشان تعوض ما فاتك من مراهقة صبى وكدا..
بس ياود عزة تقول لى عمدة شكيت محنك

عمك حسبو...

العزيز مكسب تن
الثورات لاتفسر ...والبحث عن تفسير لهذا الانقلاب المضاد سيؤدى ببلاد بوردستان الى كارثة...انتو شعب لميض خلاص ...يا اخى بس ما عليكم الا تتحكمو ..أما ليه وما ليه وسجن وما سجن دى ما شغلكم...
بعدين ماتنسى حنضرب بيد من عفريتة كل من يشكك فى هذه الثورة المجيدة
بعدين شنو ناس الأمن قالوا انت يا مكسب مطلع اشاعات...يازول هووووى أحسن ليك
انت قلت أسماء اللجنة الجديدة هى نفس أسماء اللجنة القديمة ...لا يا مكسب...
مافى أى علاقة ديل ناس جداد خالص ..حتقولى بكرى ياهو بكرى داك أقوليك لا..اسم بكرى فى السودان حب أطرش ..وبكرى انقلابنا ده ماهمو بكرى اللجنة الفاتت..داك عندو صلعة ودا عندو جلحات..وانا عارفك لميض حتقول لى تغريد والسارا حأقول ليك لا ما هم..
الفى حكومتنا دى تغريد عجب السيد والساره بت قسم الله
بعدين ليه أنا أفسر ليك؟؟؟ انت مجرد شعب لايودى لايجيب ...يازول هوووى اتحكم وانت ساكت.


عزيزى الغائب الحاضر الجد حسبو..
بينى وبينك نحن داخرينك لى مقدرات الشعب عملناك عمدة بورد عشان تقعد وسطهم طابور خامس للمطاليق ديل....لكن الحاجات التانية ..الجكس..والقعدات والشيات والذى منه الكان بقولا واحد من سدنة اللجنة المنحلة وما منحلة..الاسمو قرشو..دى عندنا خطة ليها..غير خططهم الفاشلةفى العهد البائد.وأهم شىء كل ما نعمل حاجة زى دى نعمل حظر تجول...عشان شعبنا كلو كاتلو الشمار..
وياجدى حسبو...الجكس أصدق أنباء من الشعب
فى حده الحد بين الجدواللعب
والجد الواردة فى البيت ده هى انت بشحمك ولحمك..أها كده مبسوط
وبعدين فى البيانات نحن بنقول ثورة أجدادنا...
أها جبنا جد تانى...مبسوط اكتر؟
وما أوصيك أضرب الخونة...والعملاء وسدنة وسادنات العهد البائد..واضرب اكتر الشعب خاصة المطاليق ديل...
وماتنسى انت عمدة تفكر لينا فى طريقة سجن الجماعة ديل ...حتقول لى بيوت أشباح أقول ليك مابتنفع ...يعنى الأشباح لما يختوها فى بيوت أشباح دى مازيتهم فى بيتهم..حتقول لى زنزانة أقول ليك برضو فاشلة يا جد حسبو..ديل أصلهم مضيقنها خلقة كده...ولما تختهم فى زنزانه يا كا الأديتم الفى مرادهم..وما تقول نشنقهم واللا نضربهم بالرصاص...لا يا فالح ديل حيطلعو شهداونحن مافاضين عشان نخلى كل يوم فى عرس واحدة أرملة يعنى الماذون ده حيفضى لينا واللا يفضى ليهم.
المهم فكر فى طريقة....وماتنسى بعدين عندناقعدة ..وكلم الجماعة يجهزو الذىمنه
تحياتى
ود عزة...

ويموت فى الاشاعات..