عودة صلاح ضرار

أزف البشرى هنا لجميع الأخوة والأخوات
عن نجاح المبادرة الطيبة التى قام بها
مامون
روبنسون
شرير والبرتقالة

من البورد الآخر وزيارة الأخ صلاح ضرار فى منزله واقناعه بالعودة للكتابة فى البورد وقد رديت على البوست فى بورد معاذ وقلت فيه



مأمون
روبنسون
شرير والبرتقال
صلاح ضرار

يا جماعة حرام عليكم ومعانا كمان فى جدة
لا لا لا ما بصدق

أول حاجة خلونى بجد أشيد بكلام شتات الفوق
وأقول ليه كلنا ذلك الرجل

يا شتات أنا عرفت صلاح شخصيا ودى تزيدنى شرف وتكفينى
الرجل ان شا الله يوم شكرو ما يجى
بقيت أخاف أشكر زول على الهواء
عشان الكلام بجيب الكلام
واللبيب بالاشارة يفهم

كنا فى اتصال هاتفى بعد ظهر اليوم
فى موضوع يختلف تماما عن البورد وناس البورد

الراجل أخو أخوان صحى صحى
عزمنى يوم عشان أقابل الشرير والبرتقالة
وخلانى ألوص يجى ساعتين أفتش فى السودانية القاعدين قدام مكتبة الملك فهد لما وصلت الدويرة الكبيرة حقت برحة المطار القديم
وهى أكبر دويرة رأيتها فى حياتى

على فكرة الدويرة يعنى الصينية
شوفتو كيف بقينا نتكلم زى المغتربين حقين السعودية
looooooooool

وعرفت أنه اتصل على فى الموبايل عشان يقول لى غيرو المحل
وقاعدين فوق النفق

المهم يا صلاح أمانة فى ذمتك تلمنى بالجماعة ديل

دى من ناحية
ومن ناحية تانية

أول يوم قابلت فيه صلاح
سألتو
يا صلاح انت كاتب سودانى مرموق وعندك مؤلفاتك مش كده؟؟؟؟
الإجابة كانت مدهشة بالنسبة لى
وعرفت يا ما تحت السواهى دواهى
وعرفت يا ما فيك ناس يا دنيا
وعرفت أن الرجال كنوز
ودخرى
وأسرار
وبحار
وغواصين
وحراس رزق

وللأسف فيهم
الدلدول
وفيهم العوير وفيهم الهوين وفيهم البهمة وفيهم العوقة وفيهم الخايب العايب

لكن زى ناس صلاح ديل
يمين بميلوا الكفة وبملوا العين وبشرفوا البلد وبسدوا الفرقة وبقدوا عين الشيطان وبيصرعوا للعدو وبتموا للناقصة وبيعطفو على اليتيم والأرملة والمسكين

زى ناس صلاح ديل كان خلو البورد
نحن القاعدين ليها شنو؟؟؟؟؟

وبركة الجاب الأجاويد النتيجة المفرحة
وصلاح لمعلومية الجميع لمن يكتب هنا بكتب بى هناك

لأنو أسد عديل
وما سائل فى زول

صلاح صاحب مبادىء متينة ودين قوى

صلاح واحد من أنضف من لقيت فى حياتى

صلاح

ربنا يغتى عليه

والسلام عليكم ورحمة الله تعالى وبركاته

تهليل

لا إله إلا الله.. محمد رسول الله

بركه الجيتنا تاني راجع ... فهو والله لكرم من شخصك المميز
والبركه في صلاح ضرار يا زولي الخلانا نشوفك
ليه يعني الغيبه دي؟؟
ولا عايز تعرف قدر شنو نحن بنشتاق!!؟

يا زول

يا ارباب
يا رائع
لك الشكر على اعلامنا بعودة الاديب الاريب
صلاح ود درار
المنتصر بالله ابدآ

اخى صلاح

مع كل المرارة ( و الشطوط كمان ) التى تجابهنا فى هذه الحياة ، صدقنى مع اول اطلالة لأى وجه من الوجوه التى نحب ... تتبدل المرارة الى طعم الحياة الزاهى.....فما بالك ان كان من يحبونك كثر و بقدر عدد اميال مساحة بلادنا الرائعة
و لانك مرهف و شفاف و نقى و اصيل و صاحب مبادى شامخة و ثابتة
فلا يجرمنك شنآن قوم على ان تترك البورد لهم
سر فى رعاية الله و فى حفظه المكين
و انثر روائعك الاخاذة ولا تتلفت لصوت ناعق
و يكفى حب اخوتك لك
و من لنا باديب مثلك ؟؟؟

و يا مرحى بعودتك الجزلى الينا
و يا لروعة البورد بقلمك الزاهى

و فى انتظارك

اهلا وسهلا بالاستاذ ضرار ومرحبتيين حبابك والبورد نور وعودا حميدا انشاء الله ولك التحية والشكر للاخوان الذين قاموا بالذهاب للاستاذ ضرار والعودة به

يا تغريد ويا كوستا ويا واحشنى
ويا معشر القراء
نسيت أقول ليكم شتات قال شنو
شتات قال


الاخ العزيز مامون
الاجاويد الافاضل ..مامون ذاتو
شرير والبرتقاله
ROBENSON

اجمل تحيه وارق سلام وانبل مشاعر
وكل الاشواق
بارك الـلـه فيكم ووفقكم دوما لما فيه
الخير ..قبل ايام شاهدت بوست الاخ العزيز
صلاح درار ..وقلت فى نفسى يا ابوصلاح دا ما
كلامـك ..شميت ريحه وداع وكده ..لم يطاوعنى
قلـبى عـلى قراءة البوست ..والـلـه العظيم لم
اقـرا مـا جاء فيه حتى كتابة هذه السطور ..ابت
نفسى ومحبتى وتقديرى للاخ صلاح على قراءة كلمه
وداع منـــه ..مهما كانت الاسباب ..للاخ صلاح
مكانتـه التى تليق به وبامثاله ..القليب
فكيف يسبنا حبيبــنا ..له عاطر الود
والتقدير ولكم ..يا اجاويدنا الشكر
اجزلـــه وعظيم الامتنان
ودامت المحبه ودمتم

اخوكم

شتات


شوفو الناس ديل بحبو بعض قدر شنو؟؟

تغريد
كيفك يا حارسنا وفارسنا ويا بيتنا ومدارسنا

يا ريس براك شفت
أجمل وأروع استفتا

منتظرين نتيجة الانتخابات بفارغ الصبر
عشان كده لبدنا شوية
كنت عايز اكتب البيان الانتخابى بتاعى
لكن فضلت أترك الأمر للجمهور

تصدقى يا تغريد لمن شفت الولد بتاع غزة الأمبارح كسب المليون فى برنامج كيف تكسب المليون
وحياة الله اتذكرتك

عارفة السبب شنو؟؟؟
اولا شطارة الولد وذكائه اللماح ذكرنى بيك
وبعدين النغنغه والراحة اللقاها
خلتنى أقول يا ريتا يا يابا حال تغريد
أصلى بدور ليك السمح

وان شا الله انتى وخطيبك كل واحد فيكم يكسب مليون

عشان تنومى يا تغريد

سهرك بيسهر بلد بى حاله
وهمك بزيد على الهم همين

وبلاش تفارق
خليك هنا أحسن

مش كدة بتقول الأغنية؟؟؟؟

تصبحى على خير