بنبوني: من القائل؟

حي قولي
ما
حي ووب
ما خلى ساعة الموت..يمه السراج مقلوب
إتشتت الرصاص في جسمو واتقسم
لاقاهو يتبسم
والحولوحبلو وكان
ريحة صاو تنشم
غير البطمن ناس
بي همهم حسيت
حارس مع الفرسان
حارس بلدنا البيت
إخواني علوا السور
أنا طوبة ما ختيت
ديل من زمان تاتيت
لا من كتبت قريت
وعرقنا ياما يدور
يمه اللبن والزيت
الكسرة والكراس
لي قشة الكبريت
وتقولي جيدا جيت
ياولدي جيدا جيت
راجع مع الفرسان
عبدالخالق العامر بحب الناس
قدامنا انفتح كراس
بخط ايديك
وضو عينيك
سطورو الغالية تتبسم
يايابا الشفيع الساس
ضلالة هجير الصيف
باتار البلد جوزيف
يوليو القلم والسيف
وضابط حر شديد الباس
مشينا ونمشي نتحزم
بمجد الشعب والنبراس
،حزبنا
قلبنا السواي وما حداس

لقيتها مكتوبة على هامش أحد الكتب، عندك فكرة يابنبوني؟ وبرضو تصحيح الماهو صحيح؟

العزيز بناديها
هم مقطعين من قصيدتين لمحجوب شريف
الاول ينتهي عندك ب
راجع مع الفرسان
وهي من قصيدة ياوالدة يامريم


...............
................
حي قولي ما حي ووب
ما خلّى ساعة الموت
يمة السرج مقلوب
إتشتت الرصاص في جسمو واتقسم
لاقاهو يتبسم
والحولو حبلو وكان ريحة صباو تنشم
زي التقول يوم داك يوم العرس يادوب
انا ما بجيب الشين
لو سقوني الدم والعسكري الفراق بين قلبك الساساق وبيني هو البندم
يُّمـة السجن مليان
رجالّة ما بتنداس
الختّو قبلي الساس
والشالو هّم الناس
والفات وليدًا ليه
وما مسّكو الكراس
ما سمعو يتكلم
ما نحن عود الفاس
فرسان حمى وحراس
في الحارة نتحزّم عشان القدر ما كاس مالاقي بيت يتلم
عشان ماالطواهو الجوع
المُتعب المعدم
والعسكري الفراق بين قلبك الساسق وبين هو البندم .. والدايرو ما بنتّم
ما تقولي شن سويت
ما تبكي ما سويت غير البطمّن ناس
بي همّهم حسيت
حارس مع الفرسان
حارس بلدنا البيت
إخواني علّو السور .. انا طوبة ما ختيت
ديل من زمان تاتيت لامن كتبت قريت
وعرقنا ياما يدر
يمّة اللبن والزيت
الكسرة والكراس
لي قشة الكبريت
وتقولي جيدًا جيت
راجع مع الفرسان
فايت الحدود واسيت
وتغني يا مريم
لينا وتجرّي النّم
والعسكري الفراق بين قلبك الساساق وبيني هو البندم
والدايرو ما بنتّم
يا والدة يا مريم


ولك الود ولا يصح الا الصحيح

نعم يابنبوني..لا يصح إلا الصحيح..أحيانا أصنقع لفوق وأقول أمدرمانيتي ناقصة..لآني ما بعرف محجوب شريف (اصلا من الجزيرة) معرفة شخصية..ولاني بحكم السن لم أسعى للتعرف على الأستاذ محمود محمد طه شخصيا.. المهم الذاكرة شاخت..القصيدة عندي مهمن كان شاعرها ما بعرفها إلا من الأول للأخر..تسلم ياسيدي..هل تصدق من أول عيني ما وقعت عليها وكنت بظن أنو كاتبها هو نفسه ذاك الشخص الفاضل الذي أهداني/أعارني تلك النسخة من ذلك الكتاب..بارك الله فيه وفيك