Post: #1
Title: بيان هام
Author: ودحبيب
Date: 03-15-2002, 04:31 PM
Parent: #0
بسم الله الرحمن الرحيم
الأشقاء و الشقيقات..السادة و السيدات....الاخوة و الاخوات..الزملاء و الزميلات..الأحبة و الحبيبات ...الرفاق و الرفيقات..الزول و الزولات.....الأدباء و الأديبات لقد ظللننا نتابع نشاط أبناؤكم و مبدعيكم فى الشبكة العالمية و خاصة المنابر و المجالس و البرلمانات السودانية فى الشبكة العالمية والتى كان يسود فيها حكم الفرد و سيطرة القوى الرجعية - قوى الاستكبار العالمي – البعثيين-الناصريين- الكيزان-الاتحاديين-البهجويين-القرنيين-أنصار السنة-عملاء الإمبريالية العالمية-الشيوعيين-الملحدين,الشماشة-العربجية- الوداعيات و الأصوليين و المشاطات.....وهلمجرا
و من اجل دحر , كشف و نقد قوى الاستكبار العالمي و القوى الرجعية و عملاء الإمبريالية و القوى الطائفية و أصحاب النفوذ و الشيوعيين و الإسلاميين و من لف لفهم من بعثتين و ناصريين و جنوبيين و لاطشي الصور من مبدعينا
و من اجل مناقشة ظاهرة الشماشة , العربجية , المثقفاتية و المنظراتية بطريقة علمية.
و من اجل فك الغم,الدبرسة و القرف عن المدبرسيين واللاجئين فى الشتات
ومن اجل تبادل الكراك , الآراء و التجربة فى الثورة المعلوماتية
ومن اجل متابعة أخبار الوطن السياسية-الأدبية – الاجتماعية و الشمارات
ومن اجل إدارة ديمقراطية و جماعية
ومن اجل الاستمتاع بسماع غنية نادرة
ومن اجل نقة و ونسة مع الدبارسة و الشماشة فى الشتات وصحراء اريزونا و معسكرات اللاجئين فى اوترخ و ميونخ
قام أبناؤكم الشفاته فى جميع الوحدات باحتلال مبنى الإذاعة و كبرى شمبات و اعلان قيام ثورة الانقاذ-الشماشية-الشيوعية-الاسلامية-الاتحادية-الانصارية-الادبية-العربجية-البهجية- القرنية- الدبرسية_الهاكزية- الطبية-الدينية-الكمبيوترية-الفنية.....العظمى.رافعين شعارات و مبادئي الثورة المهدية ,جمعية اللواء الأبيض, الجبهة المعادية للاستعمار ,مؤتمر الخريجين ,كتاب الطريق الى البرلمان,أفكار آبو عاج,الثورة التصحيحية,اتفاقية أديس أبابا,ثورة شعبان,الاتحاد الاشتراكي,اتحاد الكتاب و الأدباء السودانيين ,ثورتي أكتوبر و مارس أبريل حركة أنانيا تو وقرنغ, مبادئي كوكا دام ,حزب البهجة,نكات و شطحات الدكتور عوض دكام ,أفكار و مبادئي ع.محجوب-الترابي - الاستاذ محمود و حاج صديق صاحب الرقم 13 ومجنون صينية القصر و باغانى مصطفى سيد احمد و وردى...و الكابلى و اشعار كل الشعراء الحلمنتيش و العامية بحل لجنة العمداء السابقة و جعلها لجنة انتخابات الى حين قيام مجلس قيادة الثورة الجديد بصلاحيات هى حذف ,مسح وتعديل اى بوست لا يلتزم بتوجهات الثورة و مبادئها و الذى تقرر ان يتكون من الوزارات التالية
1-الرئيس هو متحدثنا و ممثلنا فى المحافل و المؤتمرات الدولية و المحلية و ان يسعى الى حل وفض النزاعات الداخلية للأعضاء و ان يكون محايدا.و ان يكون نقاشه وطرحه للمواضيع داخل الراكوبة تمثل و جهت نظرة و لا تعبر عن وجهت نظر رئيسنا او رئيستنا الا فى حالة تمثيلنا فى الخارج و و فض النزاعات الداخلية
2-المسئول الفنى هو المسئول عن السيرفا ,مسح أعداء الثورة,العمل على تطوير المنبر
3-الآلفة عليه بحفظ الآمن و الغياب للراكوبة
4- المسئول السياسى القيام بإصدار بيانات الإدانة و الشجب فى عصبة الأمم ,جبهة الصمود و التصدى و الاتحاد الاشتراكي المنحل يعبر فيها عن وجه نظر كل فئات الشعب العاملة من شماشة - حكماء –بتاعات الشاى و الكسرة وكل الطوائف السياسية و اعداء الطوائف السياسية المسجليين فى البورد و ان يكون نقاشه و طرحه داخل البورد يعبر عن وجهت نظره الشخصية و لاتعبر عن وجهت النظر المسئول السياسى .
5-مسئول ملتي ميديا و الغر أفك
6-أديب البورد
7-مسجل العضوية الأشراف على تسجيل الاعضاء الجدد وحفظ ملفاتهم فى أماكن آمنة يصعب على أعداء الثورة و السفهاء الوصول اليها
8-مسئول المالية و العضوية- الاهتمام بقضايا العضوية الاجتماعية و ضع خطة طوارى فى حالة و صول عدد الاعضاء الى ما يفوق طاقة السيرفا
9-المسئول الثقافي-الاهتمام بقضايا الثقافة السودانية و أجراء لقاءات مع الفنانين و المبدعين فى الشتات
10-شئون المرآة-الاهتمام بقضايا المرآة فى الداخل و الشتات
و ان يتم تعين المناصب التالية بالتزكية من الاعضاء
1-شماسي البورد
2-حكيم البورد
3-مترجم البورد
4- محامى البورد
5-فنان البورد
و سوف يكون يوم الاحد الموافق 17 مارس 2002 آخر يوم للتصويت المرجو من جميع الاعضاء الذين لم يتمكنوا من التصويت الذهاب الى اقرب مركز اقتراع آو الاتصال باى عضو بواسطة الماسنجر لمعرفة مكان الاقتراع و على جميع الاعضاء تآخى الحذر من السفهاء و أعداء الثورة
وقد تم بناء غرفة اجتماعات للجنة الجديدة مجهزه بأحدث البرامج المستخدمة لغرف الدردشة و جارى تطوير غرفة الاجتماعات السابقة وذلك لمناقشة قضايا الجماهير و الدبارسة و الأدباء بصورة سريعة و سوف يتم إعلان تكوين اللجنة الجديدة فى جميع الصحف المحلية و العالمية و الدكاكيين باسماء مجلس قيادة الثورة الحقيقية مع عدم ذكر لقب العضو المستعمل فى البورد
ولك حبى
بكرى ابوبكر
القيادة العامة قرب الحدود الامريكية-المكسكية
الجمعة الموافق 15 مارس 2002
|
Post: #2
Title: already voted
Author: wadazza
Date: 03-15-2002, 05:13 PM
Parent: #1
والله كلام ياودحبيب..والماعندو كبير ضارب على الطبل يفتش ليهو كبير..
وأتمنى فعلاً أن يكون هذا البورد ..بورد وحدة وطنية فى الهدف..وبورد تلاقح أراء فى المحتوى..وتكمن الصعوبة التى نتمنى لنا جميعاً اجتيازها بنجاح ..فى قدرتنا على حمل هذا التناقض محمل الصدق..
وتحياتنا أيها الانقلابى...لكن بيانك ده مفروض يكون الصباح بدرى كالعادة...انقلاب المغربية ده ماسمعنا بيهو....شاى واللا انقلاب؟؟؟؟
وزى ما قلت يوم الأحد آخر يوم...حنصوت قبل كده...بس لازالت المشكلة فى صناديق الاقتراع ...البترجع الناخبين
يازول هوووى إنت
((already voted
أمنياتى لكم بالتوفيق.....
ودعزة
|
Post: #3
Title: Re: already voted
Author: banadieha
Date: 03-15-2002, 06:50 PM
Parent: #2
إنت عرفت الرك وين
ياحاج أبكر
صدقني دا المفهوم العاوزين تكبيره عشان يغطي خريطة المليون ميل مربع
|
Post: #4
Title: Re: already voted
Author: waleed500
Date: 03-15-2002, 07:14 PM
Parent: #3
لك الود ايها الغالى
ونتمنا ان يوفقك الله الى ما فيهو مصلحة الجميع
اكرر شكرى على كل هذا الجهد
ونتمنا ان ينكتب فى ميذان حسناتك
|
Post: #5
Title: Re: already voted
Author: ودحبيب
Date: 03-16-2002, 02:58 AM
Parent: #4
الحبيب ودعزة-بناديها و وليد500
شكرا ليكم
حتى الان تزكية هولاء
فنان البورد=يوسف الموصلى
مترجم البورد=ايكسورت7
وحتى الان لم يحدد منصب الى وليد500
ولا زلنا نحتاج الى ملى هذه المناصب
1-شماسي البورد
2-حكيم البورد
3- محامى البورد
|
Post: #6
Title: Re: already voted
Author: bunbun
Date: 03-16-2002, 03:34 AM
ود/ حبيب/ جدًا
ود عزة
بناديها
وليد 500
اطيب تحية
ارشح الدكتور سوركتي كحكيم للبورد
وارشح الاخ shammashi
كشماشي البورد
بلا كشرة
|
Post: #7
Title: Re: already voted
Author: ودحبيب
Date: 03-16-2002, 03:44 AM
Parent: #6
اثنى اقتراح بن بن بترشيح
د.سوركتى=حكيما للبورد
الاخ شماشى=شماشى البورد
|
Post: #8
Title: Re: already voted
Author: يازولyazoalيازول
Date: 03-16-2002, 07:22 AM
Parent: #7
أرشح بقوة الأخ بناديها
حكيم البورد
إذ أنى كنت وما برحت أطلق عليه اللقب جزافاً فى البورد القديم وفى هذا البورد إذ أن الرجل والشهادة لله ينطق حكمة وعبقرية لم نشهد مثلها فى هذا الزمن العجيب
|
Post: #9
Title: Re: بيان هام
Author: nuba
Date: 03-16-2002, 07:55 AM
Parent: #1
By Ahmed Fouad Nijm
هنا شقلبان
محطه اذاعه حلاوه زمان
من القاهره و من كردفان
و سائر بلاد العرب و اليابان
و من فنزويلا و ايضا ايران
و من اي دار او بلد مستباحه بفعل السياحه مع الأمريكان
***
هنا شقلبان
محطه اذاعه حلاوه زمان
نقدم اليكم بكل اللغات
مراسح و سيما و جميع الفنون
صحافه و منابر و تلفزيونات
و خطب في جوامع و جبنه و زتون
و نقزح و نركب جميع الموجات
و نبحث و نفهم في كل الشئون
و دايما نلعلع في كل الحالات
و لا حد سامع و لا يحزنون
و تسمع ما تسمع دا ما يهمناش
لأن احنا اصلا بناكل بلاش
فخليك في نفسك و ما تخليناش
نسلط عليك القلم و اللسان
***
هنا شقلبان
محطه اذاعه حلاوه زمان
يسر الأذاعه و ما يسركوش
بهذي المناسبه
و ما بندعيكوش
نقدم اليكم
و لا تقرفوش
شحاته المعسل
بدون الرتوش
شبندر سماسره بلاد العمار
معمر جراسن للعب القمار
و خارب مزارع و تاجر خضار
و عقبال املتك امير الجيوش
ما تقدرش تنكر تقول ما اعرفوش
ما تقدرش ايضا تقول ما اسمعوش
شحاته المعسل حبيب القلوب
يزيل البقع و الهموم و الكروب
يأنفس يأفين
يبلبع حبوب
و يفضل يهلفط و لا تفهموش
و تفهم ما تفهم دا ما يهمناش
لأن انت فاهم
و عامل طناش
ح تنكر و تحلف
ح اقولك بلاش
ح تتعب دماغنا و تتعب كمان
***هنا شقلبان
محطه اذاعه حلاوه زمان
لأن المخبي ظهر و استبان
و كل المسائل بدت للعيان
و طلعت حكاوي و نزلت كمان
عن التهربيه و عن كيت و كان
و عن محسوبيه
و عن العبان
ظهر في المدينه كأنه الطوفان
وغرق مراكب وسوح غيطان
و بعض المراكب ح تغرق كمان
و ازمه مساكن و ازمه امان
و عالم بياكل في عالم جعان
و ريحه مؤامره في جو المكان
محطط خيانه مع الأمريكان
لدبح العشيرة و حرق الجيران
و فيه ناس بترغي
و لازم بيان
كما ابلغونا جميع الودان
لهذا و تلكم كمان
نقدم اليكم
عروسه و حصان
شحاته المعسل
و هذا البيان
***
هنا شقلبان
محطه اذاعه حلاوه زمان
بسم الله
سلام عليكم و سلمون و موز
و اما المسائل فهنجف و لوز
فيا اخوتي و يا اخوات
اليكم بياني كما هو آت
***
جميع المسائل تمام التمام
و كل الكلام ده مجرد كلام
فصبرا جميلا و لا تقلقوش
و شغل الضغاين انا ما اقبلوش
ما فيش اي حاجه
على الطلاق و العتاق بالتلاته ما في اي حاجه
و قدر كمان ان في اي حاجه
ما فيش اي حاجه
ما لوش اي لازم الجدل و اللجاجه و عيب ان عيل يسوق السماجه و يعمل لي باللو و يعمل ديباجه
انا بطبعي ضضد السماسره الكبار
بحكم المنافسه و حكم الجوار
لكن مش في طبعي اني اعمل فضيحه لواحد زميلي هبش كام صفيحه
و كل اللي جاي مش قد اللي رايح
فيا ايها الشعب صهين تفلعص
مساء التنفس مساء الروايح
***
اخويا الأمير بزرميط الأيراني
بعت لي السنه دي عزمني و دعاني
انا قبلت طبعا و روحت العزومه
و كانت وليمه ما تحصلش تاني
دا ايه المحمر و ايه المكمر و ايه الصواني
انا دماغي تعبت و لفت صراحه
من الفخفخه و الهنا الأصفهاني
هناك يعني مثلا
اذا شربت طافيه تمز بكوارع
و بسطرمه ضاني
ما شفتش هناك ناس بتحقد عليهم
و لا ناس بتشتم فلان الفلاني
لأنه اشترى عزبتين من شطارته و حكمة ادارته
و طلع مباني
و بعد الوليمه استلمنا الهدايا
مفضض و مدهب
و قز و قيشاني
و طبعا اخويا الأمير قاللي حاجه هاقولهالكو طبعا اذا الوقت ناسب
ح يطلع لي عيل بدون اي حاجه و يعمل لي فلحس و يقعد يحاسب
دا حقد اشتراكي انا ما اقبلوش و لو دا ابني انا ما اعتقوش
***
كلام عن سماسره و كلام عن دعاره
حاجات مش صحيحه جمل مستعاره
و عايزين يخلوا البلد اردخانه
و عايزني اسيب البلد من زمان
و انا مش ح اسلم و اسيب الأمان ولا بالبوليس و النيابه كمان
فيا ايها الشعب كمل جميلك و صبرا
و اذ لم حتيجي المصاري و تاكل و تشرب كما يآتيلك
و تغرق في بحر العبيد و الجواري
و ترسم حياتك حسب ما يرائيلك و تملا الحواري فساقي و قصاري
تسبح بحمدك و تشكر جميلك و فضل الزباله و طفح المجاري
ختاما سلاما و احر كلاما
ضرورا يسود الهدوء و الوئاما
فماذا و الا ح طربقها والله و اهرب فلوسي و اسافر قواما
سلام عليكم
و سلمون و موز
بصفتي رئيسا
و ابا
و جوز
|
Post: #10
Title: Re: بيان هام
Author: ديامي
Date: 03-16-2002, 08:19 AM
Parent: #9
بالنسبة لمحامي البورد فإذا لم يكن تم ترشيحه فارشح الأخ ياسيكو لخبرته الطويلة في هذا المجال
واقترح ان يكون هناك رقيبا لغويا للبورد فالأخطاء اللغوية كثيرة جدا واحيانا تدعو للأسف
|
Post: #11
Title: Re: بيان هام
Author: تغريـــد
Date: 03-16-2002, 08:26 AM
Parent: #10
أثني على العزيز ياسيكو
واؤيد على إقتراح ""رقيب لغــوي"" .. فعلا نحن بحاجه له
|
Post: #12
Title: Re: بيان هام
Author: ودحبيب
Date: 03-16-2002, 08:46 AM
Parent: #11
اديبنا المنحل
حكيم البورد=طبيب البورد
الحبيب نوبا
شكرا للقصيدة ودى نوع المشاركة البتتوقعها من ناس كتشنر و وترلوا اصلها مدينة رائعة و يسكنها خيرة ابناء بلادى
اثلث ترشيح ياسيكو المقدم من الاخ الحبيب ديامى و الرئيسة المنحلة
|
Post: #13
Title: Re: بيان هام
Author: تغريـــد
Date: 03-16-2002, 08:51 AM
Parent: #12
LoOoOoOoOoL @ الرئيسة المنحلة
 ))))))))))))
|
Post: #14
Title: Re: بيان هام
Author: yasiko
Date: 03-16-2002, 10:49 AM
Parent: #13
شكرا يا ديامي ويا تغريد
لكن هل عندكم مشاكل تجيب قروش
ونحن متخصصين احوال شخصيية
حلوة دي مش كده
وكلكم عاملين عزابة
حتى حسبو وقرشو
|
Post: #15
Title: معاناة
Author: Ahlalawad
Date: 03-16-2002, 11:01 AM
Parent: #1
اهل العوض يعاني
|
Post: #16
Title: Re: معاناة
Author: تغريـــد
Date: 03-16-2002, 11:06 AM
Parent: #15
بتعاني من شنو يا أهل العوض؟؟
نحن هنا لرفع كل أشكال المعاناه من العوض وأهله
|
Post: #17
Title: Re: معاناة
Author: رومانسي
Date: 03-16-2002, 11:06 AM
Parent: #15
سلامتك والالم بيزول الكفارة ليك يازول
|
Post: #18
Title: Re: معاناة
Author: قرشـــو
Date: 03-16-2002, 11:47 AM
Parent: #17
الزعيم بكرى
والاخوان الحلوين والاخوات اللطيفات
اخيرا قدرت ادخل من اول امس تصدقوا
عشان كده الناس لقيتها مبرطعه زى ما عايزة بس كويس الزعيم والريسة الغير منحلة موجودين وكمان الاديب الغير منحل ايضا..
طبعا انا اضم صوتى لكل من رشح علما للقيام بمهمة ما هنا وخاصة محامى البورد ده انا عندى ليه استشارات بالكوم
ملح طبعا يا فردة
ما فينا من اتعاب ولا يحزنون المهم افتح مكتبك وتلقانى اول الزبائن
وين باقى الحلوين مختفين يا جماعة
اظهر وبان يا انت
وكل سنة وانتوا طيبين بمناسبة راس السنة الهجرية وتعود والبورد سجل الرقم الاول فى المواقع العربية والسودانية قبلا..
البيان لكن فى السلك يا زعيم
وجميل اعطى اشارة خضراء للكل للكتابة بلا تعصب وبلا تشنج..
انا جنى وجن التشنج ده يا جماعة
سلام يا كرام
|
Post: #19
Title: سبب المعاناة
Author: Ahlalawad
Date: 03-16-2002, 12:31 PM
Parent: #1
إما أنني مسطح أو ان البيان غير هام
|
Post: #20
Title: Re: سبب المعاناة
Author: raheel
Date: 03-16-2002, 03:11 PM
Parent: #19
طبعا د سوركتى حكيم البورد بلا تزكية
مصحح لغوى يازول3
|
Post: #21
Title: بيان هام
Author: shammashi
Date: 03-17-2002, 08:33 AM
Parent: #1
والله يا ود حبيب بيانك شرط عديل كدا وجاء في الصميم لليفة
بعدين ياود عزة ضحكتني بقصة بيان المغرب دي . لكن إنت عارف ناس تغريدالعكاليت ديل زي ناس عمر البشير ما ينفع معاهم إلا إنقلاب المغرب.
بالنسبة لترشيحي لمنصب شماسي البورد فإني أشكركم للطيش لهذا الترشيح الذي اعتز به واعتبره قلادة تزين عنقي. لكن حقوا تكونوا ناقشين إنو هنالك شماشة صناديد ولن يستطيع من كان مثلي أن يجاريهم مثل رومانسي والزول ذاتو . فهؤلاء فتية آمنوا بقضية الشماشة ورضعوا فكرهم لمن فطموهم وفطموا حنانم ذاتو . لذلك فإنني أري أن يتولى أحدهم هذا المنصب الخطير. وأنا لن ابخل عيهم بالمشورة متى ما دعت الحاجة.
وأرشح الأخ المرهف صلاح الباشا لكي يكون مسؤولا ثقافياً
لكن ياجماعة عندي ليكم راي إنو قرشو دا لازم يتفور من منصب الالفا لأنو بيغيب كتير. والله رايكم شنو
|
Post: #22
Title: كلام شماسى لشماسى
Author: wadazza
Date: 03-17-2002, 08:42 AM
Parent: #1
أخونا فى الشماسى..
والله شمس البورد ما كتيره عليك..الهجيرة لينا والضل لمين ؟؟؟
وبينى وبينك..
سنكحت الرجة..بس مفتاح انجليزى..المغمض أضانو اتلهى بالفردة المية..والله ضحاكاتو دى فى مكنة جرس الروصيرص..
الا قول لى معلقة السكر..شال شوال الفتريتة؟؟
تحياتى
ود عزة
|
Post: #23
Title: معاناة
Author: Ahlalawad
Date: 03-17-2002, 08:49 AM
Parent: #1
الاخ رومانسي والاخت تغريد - شكرأ للاهتمام ، سبب معاناتي هو هذا البيان ، لم أفهمه أو
بالاحرى السوفتوير بتاعي لم يكن كومباتبل مع طريقة الطرح
|
Post: #24
Title: الخواض
Author: shammashi
Date: 03-17-2002, 09:08 AM
Parent: #1
يا جماعة الخواض دا الظاهر عليهو غواصة فاكينو لينا جماعة العهد البائد.
أضربوا المندسين والسدنة بيد من حديد. قف
أي واحد يعمل نقة أدوهو في المليان
ولا نامت أعين الجبناء
|
Post: #25
Title: أهل العوض
Author: shammashi
Date: 03-17-2002, 10:00 AM
Parent: #1
سوري يا جماعة أنا أقصد أهل العوض في البوست الفات وليس الخواض
,أرجو من الأخ الخواض الصفح
|
|