Post: #1
Title: أنتبهوا ايها السادة الاعضاء
Author: ودحبيب
Date: 03-13-2002, 05:53 PM
بسم الله الرحمن الرحيم
الاشقاء و الشقيقات
السادة و السيدات
الاخوة و الاخوات
الزملاء و الزميلات
الاحبة و الحبيبات
الرفاق و الرفيقات
الزول و الزولات
بدات بالامس الانتخابات لاختيار مجلس العمداء الجديد و قد تقرر ان يكون المجلس الجديد من عشرة على النحو التالى
1-الرئيس
2-المسئول الفنى
3- المسئول الثقافى
4-المسئول ملتى ميديا و الغرافك
5-المسئول لشئون المراة
6-اديب البورد
7-الفة البورد
8-المسئول عن المالية و العضوية
9-مسجل العضوية
10-المسئول السياسى
و لتامين عنوان مركز الاقتراع من السفهاء-الطابور الخامس-المرتزقة-الحاقدين-المتمردين و اعداء الثورة رايت ان يكون الاقتراع مقفولا على الاعضاء فقط و تم ارسال رسالة بريدية على عنوانك البريدى المسجل للمنتدى المرجو المشاركة فى الانتخابات والمشاركة في الانتخابات واجب شرعي لكل عضو مسجل بالمنتدى ولمعرفة عنوان الاقتراع فى حالة فقدانك للرسالة يمكنك الاتصال بى على الماسنجر او الاتصال باى عضو لمعرفة عنوان مركز الاقتراع و المرجو من جميع الاعضاء عدم نشر عنوان المركز فى المنتدى او اى مكان اخر حفاظا على انجازات ثورة الانقاذ الاشتراكية-الاسلامية-الختمية-البعثية-الانصارية-الشعبية العظمى
ولكم حبى
المخلص بكرى ابوبكر 
|
Post: #2
Title: الانتخابات
Author: wadazza
Date: 03-13-2002, 06:13 PM
Parent: #1
ود حبييب..
ذهبنا لسوق ليبيا ...وشيلنا لجنة التصويت القفة ...المهم بديت ارمى الورق فى صندوق الاقتراع ...وعبيت الأوراق للمرشح الرمزو مفتاح والرمزو عنقريب والرمزو لوزة قطن...والرمزو كديسة والرمزومشط ((أكيدالرمزو مشط دا ما انت ياودحبيب))والرمزوملاح حبالوالرمزو صفا وداد والرمزو أزولانىوالرمزو حب الجميع والرمزو رمزو.المهم..مشيت مشوار قريب
وmeanwhile system was down
رجعت لى محل الصناديق طلع لى واحد من أياهم وقال:
already voted
المهم يعنى ما قدرت أرمى غير ورقة واحدة
أها الحل كيف ...حق الناخب حق مشروع
تحياتى
ود عزة
|
Post: #3
Title: ياود حبيب
Author: SOUBHI
Date: 03-13-2002, 06:25 PM
Parent: #1
عااااااد ياود حبيب
الناس شت سوق ليبيا و مرت على سوق الخضار واكندكت بالتراب والسكن والرماد قفل عويناتم ,انشاء الله الأجر عند رب العباد.
ماتبقى زي حكاية فارق لاتلم وانا اهوى الألم
يازووووول قول خير وانشاء الله القفة مابترجع فاضية
وابشر بالخير.
والله يديكم العافية
|
Post: #4
Title: وينكم
Author: miss_sudan
Date: 03-13-2002, 06:37 PM
Parent: #3
كل شوية نتاوق للاميل وما جاتنا حاجة
ننتظر لسع ولا شنو يابكري
|
Post: #5
Title: Re: وينكم
Author: wa7shny
Date: 03-13-2002, 06:47 PM
Parent: #4
لك التحية ايها الرجل المناضل من اجل شعبه وبلاده الذي يعمل دائما من اجل ان نكن فى العلا الى العلا ولك منا خالص التحايا ونسال الله لك التوفيق وان يوفقنا فى اختيار اعضاء مجلس قيادة البورد
ولكن ياود حبيب لم يصلني حتي هذه اللحظه صندوق الانتخابات
|
Post: #6
Title: Re: وينكم
Author: ودحبيب
Date: 03-14-2002, 01:14 PM
Parent: #5
يا شباب عوووووووووووووك
نسبة التصويت ضعيفة جدا مقارنة بعدد الاعضاء
اخاف عليكم من حكومة العسكر
|
Post: #7
Title: Re: وينكم
Author: yasiko
Date: 03-14-2002, 01:23 PM
Parent: #6
وين القصة يا ود حبيب
نحن كنا نايمبن يبدو الارزاق فاتتنا الصباح بدري
|
Post: #8
Title: Re: وينكم
Author: alsara
Date: 03-14-2002, 04:39 PM
Parent: #7
شكرا يا ولدنا
انا مشيت من الصباح ختيت كيسي و عصرتو بي طوبة... قلت امشي افرك باميتي و أعوس لي طرقة طرقتين ..اكان القى ليك ناس بناديها و قرشو شالوا كيسي جدعوه بعيييد و قاعدين فوق طوبتي.. امانه ما صوته جنس تصويت و لميت الخلق
الله يديك العافية يا ولدنا
ماك مقصر تب و الله
النمشي انادي ناس كلتوم و بخيتة ديك يلحقوا ليهم صوت صوتين
|
|