Post: #1
Title: بتزكرك
Author: REEL
Date: 03-12-2002, 11:12 AM
هدية لناس البورد العسل...اتمنى تدوني تعليقكم
و بهديها خاصة..ل بن بن..الخواط..تغريد ..الجديد ابزهانة
ود حبيب..بناديها
القصيدة اسمها.....بتزكرك
بتزكرك...
لامن..منايا اليتيمة جوايا بتندهك
والحنين يغلب قلبي الحزين
و اتابع في السنين
الصداها يرجع يسمعك
في مشاعري الرافضة..لونك
و شوقي البغالب فيني
و غصبا عني يسافر ..يحضنك
يجيبوا سيرتك..
و يملاني الكلام
واداري شتاتي..واواصل في السكات
ريحة الاماني النشوة ..تدخل فيني لكل المسام
اضج انا..و تحاوطني انت من كل الجهات
واهرب منك...وافتش بعدك للسلام
بتزكرك
لامن..نيلنا يتغير ازرقو...
واناجي مطر سماك واسالو...
ليه روحي لسه بتوالفوا...
وتنسى اساهو وتندهوا...؟؟؟؟
وا يا بلدي يا حبوب
|
Post: #2
Title: Re: بتزكرك
Author: bunbun
Date: 03-12-2002, 02:47 PM
Parent: #1
reel
اشكرك لمجرد فكرة الاهداء
لكن انتظر مساهمة بناديها
شيخ نقاد البورد
ومزيدًا من التجويد والى الامام
|
Post: #3
Title: Re: بتزكرك
Author: waleed500
Date: 03-12-2002, 04:56 PM
Parent: #2
قرنتيه
هاشم صديق - الخرطوم - 11/8/2001
قرنتية ........ لادبابة00برمائية
لا جاسوسة لا مدسوسة
لا غواصة روسية
لاجندية في
حركة لا مختلسة مال شركة
لاقصفت حدود فشلا
لاكسرت رصيف كسلا
ولا معروفة ختمية
قرنتية .....
لاصعلوكة لبست شورت..
لا بتعرف شنو الباسبورت
لامحتاجة جنسية
هي قايله النيل سقف بيتها
وقايله ضفافه محمية
جات منسابه عز الصيف
قايله الناس بكرمو الضيف
وقايله النيل امان والقيف
، وقايله العاصمه عصريه
***
قرنتيه جات بصغارها دايره الخير
لا شافت يفط تحذير
لا نزحت تكوس توزير
لا جاطت حركة السير
لا دارت وسام تقدير
***
لا مستلفة عشرين وش
لا بتعرف تعيش بالغش
كان محتاجه بس للقش
وجات احلامها دغرية
لا بلعت عديل السوق
لا نضمت بدون طايوق
لا كنزت دهب او ماس
لا ظلمت بدون احساس
لا عصرت شباب الناس
لا كتمت علي الانفاس
لا قطعت عشم بي فاس
لا داستنا زنديه ..
***
قرنتيه00
لا دست سلع في الخيش
لا شربت مريسة العيش
لا ضبطوها في التفتيش
لا سجنوها شالو الفيش
لا خانت قسم أو جيش
***
لا اجتمعت بمستر جون
لا أكلت مؤونة العون
لاسدت علينا الكون
لا سبت كتاب الدين
لا سامتنا حمرة عين
ولا باعتنا ضهرية
***
قرنتية ..
جات مشتاقه للخرطوم
تزور احبابها خايفه اللوم
تصيح وتنادي بالحلقوم
جنينة النزهة وين يا زول
000
لقت حال الجنينه خلا
حليل زمانها وحليل اهلها
لا قرنتيه لا أصله
لا صوت ككو لا بغله
لا حلوف لا اسدا مهاب بالخوف
لا نمرا يشد الشوف
لا ضل فيل لا تيتل جريهو جميل
ولا غزلان ولا طاؤوس يباهي الليل
لا زفة طيور ونعام لا نمرا دفر قدام
كل الشله يا قرنتيه في رمشة عين
احالوهم لصالح عام
تقول الدنيا مهديه
قرنتيه ..
جات زي ضيفه ما غاره
لا محتاجه لي فيزا ولا تصديق علي زياره
جات والشوق دموع حاره
تجدد في العيون الشوف
بين توتي وعلايل ابوروف
قايله الدنيا لسع سلام
ما خيم زمان الخوف
لسه هناك ضفاف حره
ما مطموره للمره
قايله الناس بعزو الضيف
ما بسوقوه لي حفره
وجوار القيف
ما بياكلوهو في السفرة
ومصيرو مخيف
قايله العاصمه ما غابة
وقايله حقوقها محمية
***
قرنتيه ...
لا قدلت في شارع القصر
لا حامت في وقت الحظر
لا خشت علي المامور
ولا نطت سلك او سور
لا دخلت علي امدرمان
ولا كسرت قفل دكان
لا دفرت علي التلفاز
لا عضت رجل فنان
لا زاعت بيان للناس
لا احتلت كمان حيشان
ولا نصبت شبك للحش.
جات بصغارا كايسه القش
تلاقي القوت صبح محظور وخير البقعه جوه السور .
سماحة الدنيا منسيه
***
قرنتيه لا بتعرف عجن او لخ وجات احلامها دغريه عجب ساقوها جوه الفخ عجب
من طولها وقعت طخ
عجب
سلخوها صبحية
ونحنا بنسلخ الانسان كيف ما نقدر الحيوان
عجب ....
والدنيا عصرية ؟!
قرنتية
لا دبابة برمائية
لا جاسوسة مدسوسة
لا غواصة روسية
لا جندية في حركة
لا مختلسة مال شركة
لا حزبية بعثية قرنتية
هاشم صديق - الخرطوم - 11/8/2001
قد تكون ما مطابقه مع ما ذكرتى بس عجبتنى وحبيت ادخلها معاك
خوالص تحياتى وليد
|
Post: #4
Title: Re: بتزكرك
Author: رومانسي
Date: 03-12-2002, 04:58 PM
Parent: #3
والله يا وليد حيرت باتا
|
Post: #5
Title: Re: بتزكرك
Author: waleed500
Date: 03-12-2002, 05:05 PM
Parent: #4
الاخ رومانسى
خوالص التحايا
|
Post: #6
Title: Re: بتزكرك
Author: تغريـــد
Date: 03-12-2002, 05:35 PM
Parent: #1
REEL العزيزه
ألف شكر على الاهداء
من ناحيتي ابحث جاهده لإيجاد هديه توازي عطاءك الفياض
فوجودك معنا يا غالية هو اجمل هديه
في إنتظار المزيد
دمتي
|
Post: #7
Title: الرئيسة
Author: رومانسي
Date: 03-12-2002, 06:09 PM
Parent: #6
|
Post: #8
Title: Re: الرئيسة
Author: EMU إيمو
Date: 03-12-2002, 06:55 PM
Parent: #7
عندما يخلع صيف ثوبه بعد شتاء مكفهر الوجه قاس
وعلى عقبيها يأتي خريف مجدب دون نداوة
هكذا تأتي ريل
قولي لنا أيتها الغالية من أي طريق جئتينا
أي كف مسحتك وعلى بحر الليالي حملتك نحونا
|
Post: #9
Title: Re: الرئيسة
Author: Elkhawad
Date: 05-19-2002, 04:30 PM
Parent: #8
العزيزه ريل
اين انتي لماذا توقف يراعك
من ان يخط لنا الجميل
اعزيرني اختي ان لم اري هذا البوست الرائع الا الان
فلكي العتبي حتي تعودي لنا
|
|