Post: #1
Title: !!!! المره دي بمناسبة أب زهانة ...رأيكم شنو
Author: تغريـــد
Date: 03-11-2002, 04:17 PM
حقو اول بالتبادي تعرفو حبك ما إعتيادي
أووه سوري يا حلوين ... قصدي اقول
اول بالتبادي سلااااام وإنشاء الله كلكم تمااااام
بس الاغنيه دي معلقه معاي الليله من الصباح
وأمبارح كانت الاغنيه بتاعت صباح النور عليك يا زهور
يا ربي ما يكون عندنا محللين نفسيين هنا في البورد ويورونا مدلول الحكايه دي شنو؟؟؟
انا حأفترض انه في... وبقول يا دكتور تعرف انا كل يوم بصحى وبتكون معاي أغنيه بقعد أردد فيها لغاية ما تجئ مواعيد النوم بالليل
ده يكون أسمه شنو يا ربي؟؟؟
وما بفرق مره أغنيه حزينه وشجن .. ومرات أغنيه تفاؤليه وسعيده
تعرفــــوا ..... !!!؟
ما ده الموضوع الجايه أقولو خالص ولا ليه أي علاقه
المهم يا شباب
شايفه انه في أخ عزيز انضم إلينا هنا وإختار لنفسه إسم أب زهانه
والظاهر انه الاسم ده معروف لدى الاغلبية منكم
نحن بقى علشان نكون معاكم في نفس النوته ونغني على نفس الوتر
كل واحد يورينا ليه إختار لنفسه هذا الاسم
مثلا
إنتي يا تغريد ليه إخترتي الاسم ده
ويا ود حبيب برضو؟؟
وقرشو
ويا زول
....
...
..
.
والسارا
ورمانه
فرانكلي
وعم حسبو
وكلكم كده
بس بالجد
بالجد
خلونا صريحين
مش نحن كلنا أخوان مع بعض؟؟
|
Post: #2
Title: Re: !!!! المره دي بمناسبة أب زهانة ...رأيكم شنو
Author: رومانسي
Date: 03-11-2002, 04:23 PM
Parent: #1
طيب يا استاذة تغريد يلا ورينا انت اول وارمي الحجر في البركة الساكنة
تغريد =؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #3
Title: Re: !!!! المره دي بمناسبة أب زهانة ...رأيكم شنو
Author: 3mak Hasabo
Date: 03-11-2002, 04:24 PM
Parent: #1
كان النشوف الجماعة ديل بقولو شنو؟؟
وياتغريد كتبت ليك تعليق فى بوست الديامى رمضان فى السودان ارجو ان ترجعى ليه
عمك حسبو...
|
Post: #4
Title: Re: !!!! المره دي بمناسبة أب زهانة ...رأيكم شنو
Author: تغريـــد
Date: 03-11-2002, 04:30 PM
Parent: #3
يا رومانسي ... خلي أسمي ده مفاجأة البوست
بس وعد مني انه حاكلمكم بيه
يلا ورينا إنت
عمو حسبو
بركه الاتأجل مشوارك علشان لو ما مشيى الحال
ما أكون انا السبب
وبس وحياة النبي انا داعيه ليك من هنا
وربنا يوفقك في مشاويرك
وكل شئ ولا بت الهنا
 ))
|
Post: #5
Title: Re: !!!! المره دي بمناسبة أب زهانة ...رأيكم شنو
Author: 3bdo
Date: 03-11-2002, 07:08 PM
Parent: #4
سلامات غرودتنا وسلامات كل الشباب
بالمناسبة...موضوع شبك الاغاني ده ...انا برضي مرات كده باكون شابك لي في غنية كدة محددة يوميا..واليوم التاني غنيه غيرها واوقات اشبك فيها من الصباح ...ده يكون من شنو ؟
3bdo
|
Post: #6
Title: Re: !!!! المره دي بمناسبة أب زهانة ...رأيكم شنو
Author: suna
Date: 03-11-2002, 07:15 PM
Parent: #5
أها أسمعوا دي كان تكضبوني ولا تصدقوني
زمان لمن كنت في السودان ووقت الزمن زين والشعر مغتي الاضنين
كان بتشبك معاي الغنية وانا طالع من المدرسة ولا من النادي ولا من اي مكان اجي وادندن ليك والولد ولا الكاشف في زمانو وحاتكم انتو دخلتي البيت أكان القي ليك الغنية زاتها شغالة في الرادي طبعا الحكاية مرات مرات بتصدق لكن مأكثر ما صدقت أها رايكم شنو
|
Post: #7
Title: Re: !!!! المره دي بمناسبة أب زهانة ...رأيكم شنو
Author: تغريـــد
Date: 03-11-2002, 08:00 PM
Parent: #5
3bdo سلااام يا
ٍSuna وسلاماااات يا
بالجد سبحان الله
المسأله فعلا دايره ليها محلل نفسي
بس يا شباب لو لاحظتو الموضوع من شطرين
يلا سمعونا حلو حديثكم في الشطر التاني
)
|
Post: #8
Title: Re: !!!! المره دي بمناسبة أب زهانة ...رأيكم شنو
Author: waleed500
Date: 03-11-2002, 08:30 PM
Parent: #7
تغريد
لازلنا فى انتظار معرفة اسمك
هو بيقصد اى تغريد من التغاريد
يكون فى علمك هنالك تغاريد ما حلوه
|
Post: #9
Title: Re: !!!! المره دي بمناسبة أب زهانة ...رأيكم شنو
Author: 3bdo
Date: 03-11-2002, 08:40 PM
Parent: #8
الغالية تغريد
انا باذات ما اظن اني محتاج اوضح لانه عبدو دي فعلا اختصار لاسمي ..واخواتي كانوا لما يكونوا عايزين يدلعوني بيقولوا لي عبدو كفته (بضم الكاف ) شفتي الدلع ده كيف
3bdo
|
Post: #10
Title: Re: !!!! المره دي بمناسبة أب زهانة ...رأيكم شنو
Author: تغريـــد
Date: 03-12-2002, 09:45 AM
Parent: #9
This CoOoOoL Bro 3bdo
I’m Happy that we call you as your sis’s used to do,,, it’s really one of my pleasure))!!!
Aha Ladies & Gentlemen and who’s NEXT!!?
|
Post: #11
Title: Re: !!!! المره دي بمناسبة أب زهانة ...رأيكم شنو
Author: Bakhaf
Date: 03-12-2002, 10:31 AM
Parent: #10
off course you ya rayesnnnnna wala shino
|
Post: #12
Title: Re: !!!! المره دي بمناسبة أب زهانة ...رأيكم شنو
Author: يازولyazoalيازول
Date: 03-12-2002, 11:13 AM
Parent: #1
تغريد
عايز أعيد جملة كتبتها فى بورد معاذ أوضح فيها سبب حبى لبورد بكرى
فقلت
أنا أحب تغريد الطيور الصادق فى بكرى الصباح الجميل
ومن يوم ما عرفت انو رئيس البورد هنا هو تغريد
شبكت معاى أغنية فرفور
كلك كلك كلك حلو
ولما أكون فرحان بردد من غير ما أشعر
يا جمال دنيانا يا جماله الحبيب وايانا يا جماله
ولما أزعل أدندن وأقول
كلمتى المست غرورك وفرقتنا يا حبيبى
ولما أضحك بقول
الله خلق للنعجة ضنب والدقة بلاش بضم الدال
على وتيرة
الزهور صاحية وانت نايم
ولما أشوف واحدة عيونها حلوة تلقانى اقول من غير ما أحس
غير جمالكم مين السهرة
وعند سفر حبيب تأتى غصبن عنى
تودعنى وأنا مشتاق ليك
كان بدرى عليك
بس دى زاتها عندى معاها مشكلة وبطلت أرددها نهائى
لأن أى شخص ودعتو بهذه الأغنية لم يعد أبدا وأغلب الظن ينتقل للدار الآخرة
فماذا تسمى هذا؟؟؟؟
والله بكلمك جد
أما اسم يازول ما محتاج لى شرح
أمثلة من الأغنيات التى تعلق معى وكلها دقة قديمة خالص
قطر الخميس الفات الليلة يا حليلو ده الفرق الأحباب الليلة يا حليلو
الليلة وين حن على الزول مسافر يا ناس ودعتو الله
سألتو عن فؤادى
أجابنى ما هو عارف
الزهور صاحية وانت نائم
داعبت شعرك النسائم
يا صاحى همنا لزيارة أمنا مصر المؤمنة بى أهل الله
اللول اللول يا لولية بسحروك يا لولى الحبشية
صباح النور عليك يا زهور
الليل والليلة وحرق بى نار الكماين ديلة
كفى ولا أزيد
كفى
|
Post: #13
Title: Re: !!!! المره دي بمناسبة أب زهانة ...رأيكم شنو
Author: يازولyazoalيازول
Date: 03-12-2002, 11:16 AM
Parent: #12
بالمناسبة
نسيت أقول ليك
أبوى كان مسمينى
ود أبزهانة
ههههههههههههاى
|
Post: #14
Title: Re: !!!! المره دي بمناسبة أب زهانة ...رأيكم شنو
Author: قرشـــو
Date: 03-12-2002, 11:42 AM
Parent: #13
الريس تغريد
ياخى اول بالتبادى احمدى الله انه بتعلق معاك اغنية ودى براها رحمة
تخيلى واحد من الصباح قام علقه معاه باقى حلمة كان قرب يموت فيها ومن الصباح يلعن ابو اى حاجة ..
عشان كده احمد ربك وخليك كده طوالى واشترى الاورغن بتاعى عشان يساعدك فى الغناء..
ههههههههههههااااااااى
اما حكاية الاسم دى
طول ما انتى بعيدة منى ما حاتعرفيه
ولو قربتى خلى اضانك جوه الطرحة دائما
واكان مرقت بره تلومى نفسك والوكت داك تعرفى معنى قرشو شنو..
يعنى ابقى على اضانك عشرة
********
يااااه ذكرتونى اخونا سنجاوى الله يطراه بالخير
واظن اخونا سونا ويازول ديل عندهم الحاسة السادسة لكن بشكل توارد خوطر وكانها خلف الغيم تظهر فى شكل شجن وتصدق على الواقع ..
انا شخصيا ما حاودعك يا هشام ابدا اسافر من غير وداع ..
هههههههااااى
|
Post: #15
Title: Re: !!!! المره دي بمناسبة أب زهانة ...رأيكم شنو
Author: 7abib_alkul
Date: 03-12-2002, 12:03 PM
Parent: #14
مسأله انك تعلق في غنيه زكرتني قبل فتره انا كنت معلق من الصباح غنا لكن بي سببه يا تغريد والوالده الله يديه العافيه قالت لي يا ود انت خالك ميت البتغني ليه شنو قام جاني خاطر كدا قال قول ليه:الميت في قبوره والحي في سروره ولحنت ليها كمان انشاء الله البيت دا بقي معلق معاي اسبوع
وكل ما اجي جمها اغني واصفق واغني ليها ولحد هسع ماسكه لي القصه دي مع انه ليه اكتر من 7سنه
|
Post: #16
Title: Re: !!!! المره دي بمناسبة أب زهانة ...رأيكم شنو
Author: Dr_Bringy
Date: 03-18-2002, 12:32 PM
Parent: #15
غرد يا كناري وحاكي العندليب ... ناس تغني وناس تغرد وناس تعلق فى الغناء .... بس يا حبيب الكل انت الصورة دى اختها وانت معلق وين ياخي؟
يا ريسنا ويا حارسنا ويا مغردنا .... والله الاعراض القلتيها دى ما أدونا ليها فى المدرسة لكن فى الغالب بتكون من فيروس معدي بيتكون من خليتين ... ح ... ب....العلاج يكمن في زيادة معدل التغريد اليومي إلى حين دخول العصفور إلي القصر الجمهورى ..وإزاعة البيان رقم واحد.. وتحيا قوى الشعب المغردة
|
Post: #17
Title: Re: !!!! المره دي بمناسبة أب زهانة ...رأيكم شنو
Author: ALZOLZATOO
Date: 03-18-2002, 03:29 PM
Parent: #1
العزيزه تغريد
طبعا الناس بيباركو ليك عن المنصب الجديد ماعارفو تمه كيف انا لكن لو مادخلتونا معاكم في الحكومه دي ح اعمل ليكم شكل في كل حته شكل بس ههههههههههههه طبعا قصة الواحد تعلق معاهو اغنيه او خاطره امر طبيعي وانا قبل يومين واحد قال لي اسمع طولنا ماسمعنا حاجه قلت لي والله اخر تعليقه مابتعجبك اغنيه بدايتها قوود مورنج ليدز هههههههههههه قال والله انت الكلام مابيغلبك
لكن انا بالنسبه بقول يمه خلتني الظروف ابقى فنان للحروف يايمه
زاتو
|
|