الهلال رشوا

والله يا جماعة أنا هلاللابي من ما قمت لكن والله الرشة بتاعة أمبارح دي عجبتني شديد ومبسوط عديييييييييييييييييييييييييييييييييييييييييييييل كدا.
يا جماعة نحن حقو ننسى حاجة إسمها كورة دي ونقيف من المشاركات الخارجية دي لمن ناس البشير ديل يفرتقوا.
ياخي اللعيبة تقول ضاربنهم جمكسين والله ضارباهم ملاريا ما تعرف يوقعوا ويقوموا زي الشافع البيتعلم يادوب في المشي. وتشعر بعدم خماسهم وعدم رغبتهم في اللعب زي الجارهم من نخلريهم . إن شاء الله نخرينكم يتقطعوا.
بعدين شفتوا الا÷بل داك حارس المرمى يوم المبارأة المع السوريين كان بيتهابل كيف ويتعابط وبعدين الحركة العملا لمن صد واحدة من ضربات الجزاء حركة سخيفة ويستحق عليها عقوبة قاسية.
وبعدين الخلاني أضحك قالو هيثم السعودي لقوهو متناول منشطات

الناس ديل عقلهم اتلحس ولا فاطين سطر منشطات شنو دا يكون ماكل ليهو كمونية مع أم فتفت في سوق الناقة وجا ركب الطيارة.
الجماعة ما عرفوها قالو منشطات
آل مشطات آل
بلا لمة

طبعا دا احساس الكتيرين وانا واحد منهم ومشهور عني أني لا أحضر مباراة أحد طرفيها فريق سوداني واكون حايم إلى أن تنتهي حتى اسأل عن النتيجة . امبارح كنت متوقع النتيجة دي لكن كنت خايف من خمس صفر أو ما شابه ذلك . بالنسبة لهيثم هناك بعض الظرفاء من يظن أن الموضوع عبارة عن سفة صعوط تم تفسيرها خطأ من جانب اللجنة الفنية . واقعدوا عافية

زمان شن قلنا ما قلنا الطير بياكلنا اها دي نهايتها يهلالاب فضيحة بجلاجل وجنس بهدلة ودا هو المستوى الطبيعي للكرة السودانية ليس مجاملة للمريخ او الموردة ولكن هذه هي النتيجة المتوقعة والطبيعية لفريق سوداني مهما علا شانه فنحن ما زلنا في اولى سنة كورة فنرجو من المسؤولين اذاكان هنالك من هو على قدر المسؤولية فحدث ولا حرج مناطحات بين المسؤولين والاتحادات وادارات الاندية وللحديث بقية