محمد الحافظ ... ود الدامر ... والبقية - هجرة عصافير الخريف

الهواء هناطيب ونظيف
والألسنة عفيفة ونقية
والقلوب مشرعة أبوابها لأحتضان الأحباب
والهجرة في مواسم الشوق الحلو حلم العصافير التي تبحث عن الصفاء والنقاء والمودة .
لا أقول أهجروا أوكاركم فالنسى قديمو تاه .
لكن أقول أدونا طله يا حلوين .

ود أمى الفاضل

لقد ناضلت نضالا عنيفا محاولا شرح وجهة نظرك تلكم ولكنى ووجهت بموجة عارمة من الاحتجاج والتذمر من قبل فئة كبيرة من البورد المعاذى وصلت لحد السب والشتم

فماذا تسمى ذلك يا حبيب؟؟؟؟

أنا أسميها
مرمى الله ما بترفع

هشومه ود أمي
نحنا ما بنروج لسودانيز أون لاين
ولا بنبخس مجهودات معاذ المقدرة
فكل أناء بما فيه ينضح
نحن فقط عايزين نتواصل مع اصدقاءنا حيث أتيح لنا الجو النقي والهواء النظيف .
وود الحافظ وود الدامر وبقية الأخوة هناك والذين لم يشرفونا بعد بحضورهم ، لهم عندنا مكانة خاصة .
والمانع شنو أنهم يشاركوا هنا وهناك ؟؟؟؟؟

مافى مانع

مش كده ؟؟؟؟

الفاضل
يا زول

كيف حالكم وازيكم
يا الكا الناس ما زيكم

نحن معاكم وما هماكم


مشتاقين والله يا الفاضل

اب آمنه الحبيب
والله ليك وحشه يا قبيلة
فعلاً انتو معانا ما همانا
ونحنا معاكم ما هماكم
والجماعة ديل مالم ماخدين باركنق كده ؟؟
يعني مالم ماخدين موقف ؟؟؟
حلوه باركنق دي مش كده ؟؟
أنا شايف واحد اسمو البتار بحرض فيهم
لكن لو فهم المقصد بتاعنا ما بكتب كلام زي ده
وعلى كل حال البورد عامر بي ناسو الحلوين الزيك كده
وربنا يخلي لينا ناس تغريد ويازول وبكري وعمر رجب والصادق وبقية المبدعين الذين يصوغون روعة البورد فيخرج أكثر ألقاً ورونقاً .

الأعزاء
الفاضل
يازول
أبامنة
صوتي معاكم ننادي
كل الحلوين بهناك يدونا طلة
و الله عالم دايرين شوفتم و ونستم الحلوة

الخال يا زول
التحيه لك
انت يا خال ما تدردق لينا صاحبك وحبيبك
الشايقى يجى ويدينا طله بجاى
اموت ليك كان ما حنسته

الأحباب

الفاضل الفاضل

والله فاقدنك للآخر، مشتاقين ليك زى يوم الماهية، دى بمناسبة الفلس يعنى، طبعا الجماعة كلهم موجودين، السر فى السودان لسه ويوميا انا معاهو بالماسنجر، ولمن يجى أكيد حيجيكم بى جاى، وهو غاطس مع هباش وبقية الزهرات الحلوه بى هناك، ود الحافظ عندكم طبعا، وامشو حنسوهو انتو يمكن يرضى ويجى
بمناسبة الشايقى، والله هو برضه مختفى حتى بى هناك، وهسه كنت مفكر اشد ليهو سلك تخين اشوفه ماله

عايزين نعمل لينا ركن بى جاى برضه عشان الهكر ديل كلهم يتلمو بى جاى برضه، انا عارفن ما بجو الا بموية السكر، لكن اصبر لى ليهم بسوط ليك فيها مخدر بالدس، وخليهم يجو يشربو
رايك شنو نعمل لينا جحر هنا زى خيمة كول كده يعنى عشان اللمه، وانت اختار ليك أى اسم، وانا فى انتظارك