Post: #1
Title: دكتور سوركتي .... ألفين حبابك
Author: Fadil
Date: 03-07-2002, 08:20 AM
Parent: #0
أنضم الى قافلة المنتدى الأخ العزيز الطبيب الجراح النطاسي البارع دكتور سوركتي .
وهوغني عن التعريف ، فقد ملأت شهرته الآفاق وكتبت عنه الصحف السعوديه بعد ترأسه لفريق طبي من الجراحين ، أجرى عملية جراحية معقدة لمواطن سعودي تكللت بالنجاح .
دكتور سوركتي رجل مثقف ورياضي وأستاذ جامعي ورئيس لقسم الجراحة بأحد المستشفيات السعودية علاوة على دماثة خلقه وخفة ظله .
أنه أضافة ثرة لهذا المنتدى ومكسب كبير لنا.
بختكم .
|
Post: #2
Title: Re: دكتور سوركتي .... ألفين حبابك
Author: رومانسي
Date: 03-07-2002, 08:25 AM
Parent: #1
مليون مليون مرحبابالمكسب الكبير وان شاء الله اضافة ثرة للبورد
وابقي لاجوة
وفي انتظار ابداع اليراع بعد ابداع المبضع
ويا بختنا بيك د
واقعد عافية
|
Post: #3
Title: Re: دكتور سوركتي .... ألفين حبابك
Author: raheel
Date: 03-07-2002, 08:38 AM
Parent: #2
مرحب دكتور سوركتى والف مرحب بس الجماعة ديل
ما اخموك انا عارفة ناس البورد حسع كل واحد اجئ
شايل مرضو وجاييك
فضولتى انا جيت بهنا لى كم يوم مالك
ماعبرتنى ولا خلاص عشان لقيت الدكتور
مرة تانية سلام للدكتور
|
Post: #4
Title: Re: دكتور سوركتي .... ألفين حبابك
Author: miss_sudan
Date: 03-07-2002, 09:07 AM
Parent: #3
ونيابة عن نساء البورداب وبناتهم نرحب بكم عضوا فاعلا في المنتدى
وعاوزين مشاركاتكم
|
Post: #5
Title: ما بقدر يا راحيل
Author: Fadil
Date: 03-07-2002, 09:17 AM
Parent: #1
رومانسي
مس سودان
دي المحرية فيكم
ولكما معزتي
راحيل
يا أم يوسف
شكراً بترحيبك بدكتور سوركتي
وأنا أقدر أشوف حروف أسمك وما اعبرك ؟؟؟
ومالك غبت علي كده ؟؟؟
وهو أنا ود شداد وود الحافظ بريحوني ؟؟
شماراتهم تملا قندران .
وانتي عارفاني بموت في الشمشرة .
أها يا عمري شمارك الجديد شنو ؟؟؟؟؟
|
Post: #6
Title: Re: دكتور سوركتي .... ألفين حبابك
Author: sourketti
Date: 03-07-2002, 01:24 PM
Parent: #1
أحبتى الاعزاء الفاضل وراحيل ومس سودان ورومانسى.....
لكم عاطر التحايا وأعذب أواصر الود والامنيات الطيبه ودمتم ودامت أيامكم وكلها سعاده وهناء وهكذا السودان وأهله ....والحمدلله الذى نسأله أن يجمعنا هناك بإذنه تعالى .....
والاخ الفاضل الاسم على المسمى أسال الله أن أراه إنشاء العلى القدير وهو بصحه وعافيه فهو حقاً عمدتنا أينما حلّ....(الله يديهو العافيه ويديكم كمان)
|
Post: #7
Title: Re: Re: دكتور سوركتي .... ألفين حبابك
Author: BitAlhana
Date: 03-07-2002, 01:38 PM
Parent: #6
مرحب يا دكتور
أنا أخت الفاضل .. معليش ما جيت قبيل عشان الضبيحة وكده .. الفاضل قال يضبحوا عشانك ووقعت كلها على راسي انا -وباقي البنات مشوا صالونات التجميل ... غايتو ناس بس خليهم ساكت - مافي داعي من الاول نتشكى ونتبكى
وبعدين الفاضل كان داسيك وين من زمان ؟؟؟ لكن هو اكيد جايبك فوق رأي
المهم اسي حصل خير وانشاء الله المكان يعجبك
فضولي الليلة والليلة - سجمك الليلة ... ماتنط لي عيونك كدي .. عاارف براك
|
Post: #8
Title: Re: Re: دكتور سوركتي .... ألفين حبابك
Author: eyes of liberty
Date: 03-07-2002, 02:41 PM
Parent: #7
مرحب بالاخ د. سوكرتي
ونتمني ان يطيب لك المقام بيننا
|
Post: #9
Title: دكتور سوركتي .... ألفين حبابك
Author: Fadil
Date: 03-07-2002, 04:14 PM
Parent: #1
يا صفويه
انا ما قلت ليك خلي الرجفي ده
هسه الضبيحه دي خلتك تنفضي كلوشك في البنات المشوا الكوافير ؟؟
دكتور سوركتي رقم هام ونجم سامق
ولو ضبحنا ليهو مراحات ما بنوفيه حقو
غايتو ان شاء الله يطيب ليهو المقام بيننا
|
Post: #10
Title: Re: دكتور سوركتي .... ألفين حبابك
Author: 3bdo
Date: 03-07-2002, 05:10 PM
Parent: #9
الف مرحب بيك يا دكتور ...نتشرف جدا بتواجدك بيننا
امبارح انا بافتش لي نتيجة مباراة الهلال جيتنا انت بالخبر السعيد ... الله يفرحك ...بالمناسبة انا هلالابي نار ( عكس فرانكلي وبناديها )..وهم الاتنين عسل عديـــــل بس عيبهم انهم مريخاب
3bdo
|
Post: #11
Title: Re: دكتور سوركتي .... ألفين حبابك
Author: ودحبيب
Date: 03-07-2002, 05:53 PM
Parent: #10
الاخ العزيز الفاضل و جراحنا المبدع د.سوركتى
نيابة عن اسرة المنتدى و اصلة عن نفسى ارحب بك فى النادى والان ممكن نفتح عيادة بقيادته د.سوركتى و الطبيبتان للاستشارات الطبية للاعضاء ولك جزيل شكرى وتقديرى يا فاضل"ود البلد" لدعوتك للدكتور سوركتى
|
Post: #12
Title: Re: دكتور سوركتي .... ألفين حبابك
Author: KOSTA
Date: 03-07-2002, 09:36 PM
Parent: #11
د.سوركتى
حللت اهلآ
و نزلت سهلآ
انك لنعم الضيف
و انه لنعم المتكأ
و قبل ذلك
نعم المضيف الفاضل
و نيابة عن كل اعضاء جمعية اصدقاء البشاشة بالبورد
نقول ليك
خليك معانا
و كون دايمآ
هاشى
و باشى
و لا تخشى من الامباشى
و لا الغاشى
و لا الماشى
و لو داومت معانا ..، من دياشى
حنخليك يوزباشى
ماشى ؟؟
يا فضولى
سلامات
ياخى شوقنا ماسال جداول اديييييل كده
نبكى يعنى ؟؟؟
ام نكتب ليك جواب ؟؟؟
برضو مشتاقيييين
ابقوا عاااااافية
|
Post: #13
Title: Re: دكتور سوركتي .... ألفين حبابك
Author: sourketti
Date: 03-08-2002, 00:41 AM
Parent: #1
أخوانى وأخواتىالاعزاء حقاًأخجلتم تواضعى وأنا أقرأ مداخلاتكم وكلمات الترحيب فى نفس الوقت الذى أسمع فيه(أنا سودانى)من ود حبيب وأقرأ أبيات كوستا الرقيقه التى تفيض بشاشة مثل صاحبهاوالغريبه أنه الواحد فعلاً كان يوزباشى بس قبل 19 سنه ومع كل هذه الاحاسيس العامره بوجودكم تظل النفس مفتوحه لأكل شيّة الجمر من أيادى بنت البلدفى المهجر البعيد(صفيه) اللى خيرها سابق وهى من نفس البيت الاصيل والعِرق النبيل ونبقى بإذن الله دأئماً فوق ومنتصرين مثل هلالنا يا عبده اللى نتمنى يكمل مشواره بعد مباراة اليوم إنشاء الله .
ولعيون الحريه أهدى سلامى ولكم وطبتم وطابت أيامكم.....وللفاضل لينا كلام كتير مع التنزيل لسع ما خِلص بس خلينا نتقابل ونشوف نسوى شنو نروق بيهو حالنالغاية ما نلم فى المطلوب...ولنا عوده إنشاء الله
|
Post: #14
Title: Re: دكتور سوركتي .... ألفين حبابك
Author: BitAlhana
Date: 03-08-2002, 05:56 AM
Parent: #13
يا دكتور سوركتي جيتك صااااااااااااااااااااااااااااادة
والله مرحب بيك ... بس أول ما قريت تعريف الفاضل ليك بانك دكتور جراح في السعودية
رجعت بذاكرتي الى الوراء لعام خلى – حيث كنت مع الوالد أطال الله في عمرة في رحلة استشفائية في مدينة الرياض - السعودية
تذكرت هذه اللحظات كانها حدثت اليوم و استرجعتها منذ ان حطت بنا الطائرة في مطار الرياض وكان في استقبالنا كل الاهل والاحباب – وكيف مرت الايام سراعا حتى صدر الامر الملكي بعلاج الوالد في المستشفى العسكري بالرياض وكيف سارت بنا الايام ونحن نترقب ماتجود به الايام وما يقتضيه العلاج
وقد كان المقدر و المكتوب والحمد لله وتقررت العملية الجراحية في اليوم التاسع من شهر ديسمبر
و أحدثك دكتور سوركتي عن المواقف الرائعة التي وقفها كل الطاقم السوداني وغير السوداني العامل بالمستشفى العسكري .. والتي كان لها أبلغ الاثر في تخفيف الالام عن الوالد اولا وعني انا والوالده ثانيا"– وعن كل الاحباب – الذين حملوا الامر برمته على عاتقهم .. كبارا وصغارا..
عزيزي دكتور سوركتي
ماذا عساي اقول لك عن مبضع الجراح السعودي ويده الماهرة المدربة الدكتور فقيه – والذي كان له الفضل في نجاح العملية بعد فضل الله عز وجل – و الدكتور فقيه الذي وافق مشكورا على طلب الاطباء السودانين الذين طلبوه بالاسم للقيام بهذه العملية الجراحية الدقيقة .. والذي لم يتردد لحظة ولم يتأخر- سلمت يمينك يا دكتور فقيه
وعبرك دكتور سوركتي انقل سلامي وشكري لكل الاطباء السودانين العاملين بالمستشفى وعلى رأسهم دكتور ساوي ودكتور زيادة والشاب الهمام دكتور محمد تاج الذين وقفوا من والدي موقف الابناء لابيهم – وكنا كلما نحتاجهم أو لانحتاجهم نجدهم قيد انملة .
والطاقم الجميل من ملائكة الرحمة زميلات الوالدة ورفيقات دربها واللائي ابرزن الوجه الحسن للمرأة السودانية العاملة – والتي تحمل هموم أهلها وهموم أسرتها الكبيرة والصغيرة وتدير أمورها بكل اقتدار برغم صعوبة الغربة
و لا أتسى اعمامي كبار السن والذين يراعون تحركات المرضى من مكان الى اخر – كم ملأوا ايامنا صخبا وضحكا – وبثوا فينا الاطمئنان والطمأنينة
لكم أن تتخيلوا هذا الكم الهائل من أهلنا السودانين الطيبين والحنان والذين لم تغير الغربة شيئا من اصالتهم ونقاءهم الفطري
كل هولاء وأخرون غيرهم هم الدينمو المحرك لهذا المستشفى الضخم والذي تجد فيه المرضى من مختلف الجنسيات
دام فضل الملك ودام عز المملكة – ودمت دكتور سوركتي انت وصحبك – وربنا يرد غربتكم
وشمار قبل الاخير – الفاضل جاء السودان وعمل كرامة – أمهاابن وحيران ابونا الشيخ الصايم ديمة – ما حصلت .... ومن الالف الى الياء
شمار أخير ... البشير ده المعرسها لها شنو ومتل الجماعة ديل بره السودان ؟؟؟
اخيرا دكتور سركتي .. ااااااااااااااااي ده البري ده البري
|
Post: #15
Title: أطباء سعوديون يزرعون أول رحم في تاريخ الطب البشري
Author: ودحبيب
Date: 03-08-2002, 06:59 AM
Parent: #14
أطباء سعوديون يزرعون أول رحم في تاريخ الطب البشري
لندن ــ تاج السر كنه:
أجريت أول عملية جراحية لزرع رحم بنجاح تام علي سيدة تبلغ من العمر 26 عاماً، وأحيا هذا النجاح الأمل في نفوس آلاف النساء اللائي لا أمل لهن في الحمل الا عن طريق الوكالة حتي الآن، وفي المملكة المتحدة وحدها تلجأ 15 ألف سيدة سنوياً الي علماء الاخصاب لمساعدتهن علي الحمل لأنهن عاجزات عن الحمل نتيجة لأورام خبيثة في فم الرحم او بسبب علاج سرطان الرحم او ميلادهن أساساً من دون رحم، وهنالك حوالي مائتين فقط منهن يجدن سيدات علي استعداد للحمل لهن بالوكالة، وهي عملية قاسية نفسياً ومشحونة بعواطف انسانية مؤلمة.
وقالت صحيفة (غارديان) التي أوردت النبأ في صدر الصفحة الأولي من عددها الصادر امس ان أطباء أمراض النساء والولادة في المملكة المتحدة قد رحبوا وصفقوا لهذا الانجاز العلمي البارع، وعلي رأسهم كبير اخصائيي أمراض النساء والولادة بمستشفي شيلسي الدكتور ريتشارد الذي قام بمحاولات رائدة في هذا المجال ولم يكتب لها النجاح، ووصف العملية بأنها رائدة وتستحق الاشادة والاعجاب، وقال البروفيسور لويس كيث من جامعة فورتويست الامريكية ان هذا الفريق الطبي قد اجتاز آخر الحواجز في طب زراعة الأعضاء البشرية.
وكان فريق من الأطباء السعوديين يتكون من وفاء الفقيه وحسن رفاع وحسين جبّاد وأنس المرزوق قد قام باجراء هذه العملية المعقدة، في مستشفي الملك فهد للأبحاث الطبية في مدينة جدة، علي سيدة كان قد تلف رحمها نتيجة لولادة قيصرية أعقبها نزيف حاد وكانت ترغب في انجاب طفل آخر، ولكن بعد مرور 99 يوماً اضطر الفريق ذاته لازالة الرحم المزروع بسبب تجلط الدم، ولكن الاطباء يرون ان العملية كانت رائدة وناجحة ومهمة وفتحت مجالات واسعة أمام الطب وزراعة الأعضاء البشرية.
وقد قام فريق الأطباء السعودي بنشر تفاصيل هذه العملية في المجلة الدولية لطب أمراض النساء والولادة امس الأول وقد قوبلت بكثير من الاشادة والترحاب.
|
Post: #16
Title: Re: بت الهنا مشتاقين
Author: raheel
Date: 03-08-2002, 10:24 AM
Parent: #15
والله عديل كدة مشتاقين بعدين نحنا قلنا ليك تمشى معانا
الكوافير ابيتى الشكية ليك شنو
فضولتى
انتا المراحات يعنى شنو وعارفاك بقيت تسك الشمارات
اكون عديتك ولا شنو
د سوركتى
والله الفاضل وبت الهنا من يوم من جيت البورد اضبحو فى الخرفان لحى حسع وانا انضف فى الكمونية
انت الكمونية دى مش مضرة بالصحة بالله قول ليهم
تانى اجدعوها بدل ما اعذبونا بيها كدة
|
Post: #17
Title: Re: البنسلين يا تمرجى نادو الحكيم يا تمرجى
Author: raheel
Date: 03-10-2002, 06:26 AM
Parent: #16
عرفنا الدكتور مشغول بين المستشفى والعيادة الا التمرجى
ود الفاضل مشا وين قافل العيادة مالك يا ولدى كل يوم نجئ
نلقاها مقفولة والممرضة بت الهنا ذاتها مافيشة تكون
مشت الكوافير اصلها زعلانة من يوم الضبيحة
عبدو ياسلام عليك يا هلالابى انت اها مباراة الليلة كيف
وسيبك من فرانكلى وبناديها المريخاب ديل
|
Post: #18
Title: إليكم أحبتى....ألفين حبابك
Author: sourketti
Date: 03-10-2002, 06:33 PM
Parent: #1
يا بنت الهنا حمداً لله على سلامة الوالد وربنا يديهو طولة العمر ويشفيهو من كل بلا ودى هى المحريه فى أهلك أينما كانوا ورسالتك برُمتها تم نقلها للزملاء بالمستشفى العسكرى بالرياض وترقبى ردودهم ....ومسئوله من الخير ... كان حاريه ما لقيتى لى بتنا "نهاالسر"لغاية أسع ولاّ شنو الزوله كانت كل يومين تلاته معانا بالتلفون وفجأة إختفت بس إنشاء الله تكون بخير وعيالها وأهلها..
ياود حبيب الجماعه ديل مو ساهلين تب ومشوا كتير ربنا يوفقهم كمان وكمان...
يانجاة كيف الواحد ينشغل عنكم وعن شماراتكم وأخباركم .....هو إنتو بتتنسو؟
الفاضل يمكن بعد شويه يحول لمسقط ....أصبروا ساكت الراجل واقع شكر ساكت للطيش فى ناس عمان.... وسمعت تحت تحت بيستف فى عفشه لهناك..
الليله وينك يا عبدو ولا يهمك وهاردلك والجايات أكتر من الرايحات والاولاد وصلوا بس ما ركزوا والعزاء فى المورده اللى ما قصرت وهزمت الفهود الكينى فى بلده 1/صفر
|
Post: #19
Title: Re: إليكم أحبتى....ألفين حبابك
Author: raheel
Date: 03-12-2002, 07:56 AM
Parent: #18
د سوركتى انا عندى وجع قلب جابو لى الفاضل ادينى العلاج
بسرعة جدا عشان احتمال اروح فيها
|
Post: #20
Title: عندي خمة نفس
Author: shammashi
Date: 03-12-2002, 09:07 AM
Parent: #1
يادكتور أنا عندي خمة نفس وبطني طامي وقعورد
فاهم حاجة؟
|
Post: #21
Title: Re: عندي خمة نفس
Author: KOSTA
Date: 03-12-2002, 11:17 AM
Parent: #20
يا شماشى
سلام
انت قعتورد و لا قعتجيك حمى ؟؟
LOOOOOOOOOOOOOOOOOOL
يا د.سوركتى
سلامات
و مثلها لاخونا الفاضل
ابقوا عااااااافية
|
Post: #24
Title: Re: عندي خمة نفس
Author: raheel
Date: 03-12-2002, 01:24 PM
Parent: #21
اها يا دكتور عندى صداع شببو بت الهنا واوعك
تغشنى تدينى بندول وادول وحاجات الدلع دى
وحاتك من اندرال وانت ماشى
|
Post: #22
Title: Re: دكتور سوركتي .... ألفين حبابك
Author: يازولyazoalيازول
Date: 03-12-2002, 11:26 AM
Parent: #1
الف أهلا وسهلا بابن ودنوباوى الهمام
وحبابك عشرة
عارفك زعلان منى عشان موضوع الايمل الرسلتو قبل ثلاثة شهور وأنا ما قمت بنشر الخبر
بس والله نفسى أكلمك شخصيا وأوضح وجهة نظرى
ولما تسمعنى حا تعذرنى
على العموم حبابك مليون
|
Post: #23
Title: يسلم قلبك العامر
Author: Fadil
Date: 03-12-2002, 12:21 PM
Parent: #1
رحوله
يسلم قلبك العامر بالحب
وتسلمي لينا يا اميرة
طيب لو دكتور سوركتي اداكي العلاج وبقى قلبك كويس
أنا قلبي البشفيهو منو وشنو ؟؟؟
آآآآآآآخ منك انا
|
Post: #25
Title: وصفات للاحباب.....
Author: sourketti
Date: 03-12-2002, 09:43 PM
Parent: #1
ياراحيل أظن العلاج بسيط كلها خطفة رِجل مرة تانيه لابوظبى أو العكس ناس أبوظبى يردوا الزياره والامور تسلك وبنت الهنا دى ما تخوفك وهى بعيده كتير.
يا شماشى شكواكم بالحيل دايرالا شايقيّْن ضليع يترجمها والوِردى تكون من المِرارياسويلك فحص وتعال صادى تلقانا فى اللفه ...
يازول وينك إنت والله ليك وحشه ولا يهمك والله يرحم الفقيد وأنا عارف الظروف والحج ورسلت ليك التعازى بس أظنك برضو ماشفتها....عموماُ ولا يهمك والبينا عامره....والجايات أكتر من الرايحات..
يا دولى علاجك موجود بس قابلنى بعدين ونشوف الموضوع سوا
|
Post: #26
Title: Re: وصفات للاحباب.....
Author: raheel
Date: 03-17-2002, 08:08 AM
Parent: #25
يادكتور المرض زاد على لا قدرت اخطف رجلى
لابوظبى لاناس ابوظبى خطفو رجلهم لى اعل شنو
ولا حتى بهناك ما قاعدة اشوفهم
|
|