مالو العربي

الاخوة رفقاء البورد والبوستات
السلام عليكم ورحمة الله
لاحظت ان كثير من البوستات تكتب اما بالغة الانجليزية الصرفة او باللغة العربة لكن باستخدام حروف انجليزية واحياننا بعض الردود باللغة الالمانية او لغات اخري
بالنسبة للغة الانجليزية الصرفة هناك بعض الاخوة المامهم باللغة الانجليزية غير شامل يعني كثير من البوستات لا تاخز حظها الكامل من الاطلاع وغالبا ما تكون الردود عليها من بعض الاخوة فقط
بالنسبة للغة العربية المكتوبة بالحروف الانجليزية والله العظيم انا شخصيا واحد من الناس ما بفهمها كويس لانه نصها حروف وارقام عشان كدا بتجاهل اني اقراها واعزب روحي وسمعت من بعض الاخوة هذا بالنسبة للعربية بالحروف اللاتينية
اما بالنسبة للغات غير العربية او الانجليزية فهي غالبا بين شخصين وانا من رائ الشخصي انه افضل استخدام الماسنجر من البورد في مثل هذه الحالات يعني وكت انحنا ما فاهمين مافي داعي البورد يتملي بي شئ مافي داعي ليهو
عموما عزر كثير من الاخوة ان الكيبورد لا يدعم اللغة العربية عندهم عشان كدا هذه وصلة لكي بورد عربي سهل جدا في استعماله واظن بعد كدا مافي عزر
فاللغة العربية هي لغتنا جميعنا اهل البورد وهي العامل المشترك الثاني بيننا غير اننا سودانين ارجو من الاخوة ان يهتمو بهذا الجانب كي تعم الفائدة
وصلة للكيبورد العربي
http://gesah.net/keyboard.htm

رومانسى
اوافقك الرأى تماما
فانا شخصيا لا اقرأ اى بوست باللغة الانجليزية خالص واضيف ان هنالك البوستات الطويلة جدا والتى تبعث على الملل يعنى بعض الناس بنقلوا من مواقع ثانية حبذا لو اختصروها حتى لا يصيبنا الملل..
اللغة العربية اخى الكريم لغة القرآن الكريم ولغة أهل الجنة وليس هنالك اروع من ذلك وان لم نكن نحن من اهل ذلك فما اقل من ان نتشبه بهم علنا نكون منهم..
شكرا رومانسى على الملاحظة وارجو ان يطلع اكبر قدر من الاعضاء على هذا البوست حتى يعود عربيا كما كان كل زواره

الاخ رومانسي
اولا لك الشكر علي هذا البرنامج القيم النادر
واوافقك الراي في الكتابات المطولة وعلى وجه التحديد العربية المكتوبة بحروف انجليزية

salam
just tell me
now i'm in the uni
and there's no arabic keyboard
so what can i do

r u asking me not to reply to any post?

سماح
احىىىى انا منك
انا اساكك فيك من بوست لى بوست وانتى زى ود الموية ما قادر اقبضك
ياخى الزول ده فوق ما عمل ليك رابط..
وانتى شنو الخواجة النزل فيك يعنى
ما كنتى بتتكلمى عربى زى الترتيب
منو القال ليك ما تردى ياخى
ونحن نقدر نبقى براك
لكن ردى بالعربى ..
مشكلتك محلولة بالرابط الفوق
اوكى ..
اتفقنا؟؟؟

أوافقك يا رومانسي اللغة العربية هي لغتنا الجميلة و نستطيع أن نعبر بها بصورة أفضل مهما تمكننا من لغات أخرى

انت قرشو دا الليلة لافي البوستات كلها ان شاء الله خير الشي شنو راكب 999
راكب ليك نجدة؟ والله سادي وردية؟

والله يا حاج حمد الفتنا والله يديهو العافية غايتو هو دائما بحسسنا انه كلامنا البنكتبو دا عندو قيمة والحمد 90% علي الاقل من البوستات دي هو رادي عليها اما باشادة او توجيه مهزب غايتو البورد دا بدونو ما عارف كان كيف ياهو زولنا وانحنا ناسو وكان غبنا بسأل منناالله يديهو العافية
نقطة سطر جديد
يا الفتنا انا كان هرجلت ولا غبت تاني ما تكتبني انا غايتو صاحبتك بالكلام الفوق دا
ماحريف عليك الله
رومانسي

سلام يا ناس والله رغم انى رجعت البيت لكن عجبتنى الفكرة وبكتب بها الان
مشكور يا رومانسى
بس قبيل كانت مشكلة وقت برضو

وانت يا قرشو ساكى الطبيخ ولا شنو لوووول

الاخ الكريم رومانسي
والاخوة و الاخوات الكرام

فعلا اللغة العربية هي لغتنا ولغة القرآن فوق كل شئ
لكن لا نستطيع ابدا ان نرغم الناس بالكتابة بها مطلقا فهذا الكان هو عبارة عن بيت كبير به جمع غفير من الناس تختلف افكارهم ورغباتهم وهوايتهم وحتى طرحهم للمواضيع لذا كان علينا ان نبحث عن المواضيع التي تلائم متطلباتنا ونترك ما لا يهمنا او يعنينا ولا يهم ابدا اللغة التي كتب بها هذا الموضوع او ذاك

مجرد رأي
ولكم مني كل محبة واحترام

ولله يا رومانسي وقعت لينا في جرح عديل كدا وخاصه انه في ناس كدا اجزهتم مدعومه بالعربي وعاملين لينا فيه انجليز والكلام ليك يا المطيره عينك

لوووووووووول@حبيبنا
الحمد لله انا غايتو جنى وجن طيير ا لعيون
بعدين انا كنت فى الجامعة اولا
ثانيا انت عارف طباعتى بالعربى منتهية
ثالثا دى خليها فى سرك

وينصر دينك يا فرانكلى

الأخ الكريم فرانكلي
شكرا على تعليقك واوافقك فيه ألف في المية
مع احترامي للجميع وآرائهم أعتقد انه كل انسان من حقه اختيار واستعمال اللغة البتريحه في الوقت البريحه ومافي داعي لفرض مزاج الآخرين عليه ولا يحتاج الانسان أن يقدم اعذار وحجج واسباب لاستعماله للغة معينة دون الاخرى
وللجميع احترامي
رمانة

الاخ فرانكلي
الاخت رمانة
السلام عليكم ورحمة الله
كان ذلك مجرد اقتراح وليس فرضا علي احد
ولكن كان السبب الرئيسي لذلك هو ان نستمتع بما تكتبون وان لا نحرم من فهم ابداعكم ولكم الخيار
رومانسي

البورد ده اسمه سودانيز يعني نحنا ما خواجات عشان نكتب بغير العربي وماغالبنا نكتب بالانجليزي
لكن في ناس هنا مفروض نراعي ليها ولا شنو

يا رومنسي الله يسامحك خليتنا زي ناس اولي ابتدايئ .نحوص لحدي ما ناقي الحرف,والاملاء دي خليها ساي اكعب من نس سنه اولي,عليكم الله انجلزينا الكعب ده مالو ما تخلونا علي , والله ان دايره لي 10 ساعات عشان ما ارد لي علي موضوع
any way
شكرن ليك ما قصرتا معانا
نون

روماسى الله يخليك دا انا كنت بعانى عشان اكتب بالعربي احيانا كوبي و بيست وانت ادري والواحد مشتاق عديل كده للتعبير بلغتنا السودانية الطاعمه و بينى بينك فى كلام كدا ما بتقال بلغات اجنبية وكلو ما اتمناه الكلام ياكون لسا محكر في الراسى

العزيز رومانسى

اوقعتنى الصدفه وانا فى اولى نت على ايميل استاذنا الرائع الكتيابى فبادرت بارسال رسالة له وكم اسعدنى رده وهو يقول
لماذا لا تكتب بالعربيه انها لغتنا التى تعبر عن مابدواخلنا وبها نضحك وحتى نبكى ثم اهدانى رائعته لمحتك .. وللاسف رومانسى لما اشتد عودى فى النت فقدت الاتصال به وانقطعت لغة التواصل بيننا .. وكم اتمنى مراسلته الان

اقول هذا لايمانى بالكلمه العربيه .. ووقعها على الدواخل .. وماتخلقه من مدارات تتغلغل فى الذات حد الهدهده واحيانا حد القرقره .. فكم من كلمات كانت دربكينا يقدد الدواخل شبرا شبرا .. وكم من كلمة كانت بلسما يشفى الجروح الغوار


ولك معزة حد السفه


ديك الجن