Post: #1
Title: حاجة فيك
Author: seventy
Date: 03-05-2002, 01:26 PM
Parent: #0
سلام شباب سلام
انا على وعدي قاديكم قاديكم
وشايف رومانسي بيكمل ليكم القدة
وصراحة انا الحاجة دي مجنناني
عشان كدة اخترتها ليكم
ويلا في انتظارك يا رومانسي
حاجة فيك
هاشم صديق
حاجة فيك تقطع نفس خيل القصائد
تشده اجراس المعابد
توهتنــى 00 تعبتنــى 00 وجننتنــى
وجننت حرف الكــــلام
وبرضو ادتنى السلام
حاجة في شرف المدائن
وفي غرف كل السفائن
وجوة في عمق المناجم والعيون
حاجة زى ما تكون محلق في العواصف
فجأة تهبط في السكون
حاجة زى نقر الاصابع لما ترتاح للموسيقى
حاجة زى اخبار تناغم من جريدة
حاجة زى وتر الموانى لما يصـدح لى سـفينه
حاجة فيك لا بتبتدى 000 لا بتنتهى
خلتنى ارجع للقلم 00 واتحدى بالحرف الالم
واضحك مع الزمن العريض
وأنسف متاريس الطريق
واعرف متين ابقى المطر
وافهم متين اصبح حريق
حاجة فيك ...
|
Post: #2
Title: Re: حاجة فيك
Author: رومانسي
Date: 03-05-2002, 01:28 PM
Parent: #1
|
Post: #3
Title: حاجة فيك
Author: seventy
Date: 03-05-2002, 01:44 PM
Parent: #1
العزيز رومانسي
والله يا شيخ عقتنا عديل كدة
واتمنى انك تكون طوالي كدة
نشوف
seventy
|
Post: #4
Title: حاجة فيك
Author: seventy
Date: 03-07-2002, 12:36 PM
Parent: #1
سلام شباب سلام وراكم وراكم والزمن طويل
ودي إضافة جديدة
نورا
محمد الحسن سالم حميد
وكتين يضيع عرق الجباه الشم
شمار فى مرقه
يا نورا
من دربك التور نفس خيل الصبر
فتر خطاوى الشوق وراك
يانورا
ساعة الشموس الغر تهضلم
تلحق الصح فى المغارب
يستر الضو الكهارب
تستر المدن الضبابيه
السرابيه الكآبه
حائط التيه والطشاشات
فوق قفيك
يا ام عوارض
يا ام عوارض مو دعاشة
ماها شبوره و تقيف
جايى ليك يانوره غيمه
تملأ ماعونك خريف
يملأ عينييك ويفضل
يروى جواك العطاشا
مو دعاشه
يانفس فجرالقصائد يا بلادى
القطع قلب ..الروادى
باللواج الجاى .. وغادى
ده ماهو صوتك لاها صورتك
دى البترقش نادى فوق صدر الجرائد
ماها صورتك ......
انتي يا حضن الصحارى
شفع العرب الفتارى
البفنو الشايلة .. ايدوم
يجروا .. كايسين .. القطارة
ولا سراب الصحراء ..مويه
لاحجار سلوم ... موائد
حالكم البصرخ ... وينادى
ياوطن عند الشدايد
ياهدى الناس الحيارى
ياندى الفجر الببلل
نور عوينات الفقاره
جاى ليك يانوره آفه
آفه للسوس البنقر
نور عشيما داخرو فيك
اصلى لمن ادور اجيك بجيك
لابتعجزنى المسافة
لا بيقيف بيناتنا عارض
لا الظروف تمسك فى ايدى
ولا من الايام مخافه
يانفس فجر القصائد
ماضهب فى بعدى عنك
اصلى متغرب عشانك
راضى بالجايينى منك
ما شكيت شح الليالى
مابكيت لو شلتو حالى
رغم انو الحال بيفضح
الا كت فى الحاره بصرخ
يا وطن عز الشدايد
يا وطن عز الشدايد
|
Post: #5
Title: Re: حاجة فيك
Author: رومانسي
Date: 03-07-2002, 12:42 PM
Parent: #4
طبعا استاذ سفنتي ما ينفع نعمل اغنيتين في بوست واحد
عشان ما تقول الزول زاغ
بس عندك عندي نورا
وبتجيك ان شاء الله في حتة تانية
|
Post: #6
Title: حاجة فيك
Author: seventy
Date: 03-07-2002, 12:50 PM
Parent: #1
ماعندك مشكلة يا رومانسي
بس ما تنسى الدين دة لازم تسددو
|
Post: #7
Title: Re: حاجة فيك
Author: bunbun
Date: 04-08-2002, 07:52 PM
Parent: #6
سفنتي
عساك طيب
|
Post: #8
Title: Re: حاجة فيك
Author: semo
Date: 04-09-2002, 05:35 PM
Parent: #7
والله الحقيقة يا سفنتي شغل مبدع ومجهود مقدر وعلى فكرة نحن بنعيش على كلمات الراحل مصطفي سيد احمد علشان كدا ما تطول علينا بروائعه وعلى الأقل جرعة كل يوم رغم ان الجرعة الواحدة في اليوم ما بتكفي لكن ما عاوزين نجهدك أكثر من اللازم
والله يطول لينا في عمرك لا تتأخر علينا
ولك حبي وتحياتي
semo
|
Post: #9
Title: حاجة تمام
Author: gazalalmasalma
Date: 04-09-2002, 06:22 PM
Parent: #1
حاجة زى ما تكون محلق في العواصف
فجأة تهبط في السكون
ياسلام على الابداع..يعنى فعلاً تصوير شعرى قيق لعملية اللاتوازن
صح واللا أنا غلطانه
تحياتى لكم جميعا
غزال المسالمة
|
Post: #10
Title: حاجة فيك
Author: shammashi
Date: 04-10-2002, 09:38 AM
Parent: #1
والله يا سفنتي ورومانسي ابدعتوا زي ما أبدع هاشم صديق والراحل المقيم مصطفى سيد احمد
بوركتوا وأرموا قدام
|
Post: #11
Title: حاجة فيك
Author: seventy
Date: 04-11-2002, 09:54 AM
Parent: #1
الأعزاء
بن بن
سيمو
غزال المسالمة
والشماسي
لكم التحية على تواصل الابداع
ومصطفى سيد أحمد معين لا ينضب
وإنشاءالله التواصل بيينا موجود وممدود
ولكم تحياتي ورومانسي
|
Post: #12
Title: Re: حاجة فيك
Author: DEEK_ALJIN
Date: 04-11-2002, 10:43 AM
Parent: #11
هوياااااا سفنتى حاجه فيك انت ده
خلى .. قايلنا بنسكت ليك
حاجه فيك انت ... وتااااااااانى حاجه فيك
ديك الجن
__________________________________
واتمنيت لو كنتى معاى
|
Post: #13
Title: حاجة فيك
Author: seventy
Date: 04-11-2002, 08:21 PM
Parent: #1
ديك الجن
والله انا كنت مستغرب واحد مسمي نفسو ديك الجن كيف
بس يا دوب عرفتك على حقيقتك
وديك الجن والله يستر ما تكون ديك العدة
وبكرنا يجينا واحد يقول غنماية السوق
ولا غنماية الاشلاق
الله يكون في عونا
بس جنونك راقي شوية يا حبة
ولك التحايا
|
|