Post: #1
Title: لمحتك
Author: seventy
Date: 03-04-2002, 01:59 PM
سلام شباب سلام
كل سنة والجميع بألف مليون خير
شباب انا عايز اقدكم شوية بروائع الاستاذ
مصطفى سيد أحمد
طبعا دة اذا وافقتو
واذا رفضتو برضو بقدكم
كل يوم بقصيدة من روائعه
لمحتك
عبد القادر الكتيابي
لمحتك قلت بر آمن بديت احلم
ألملم قدرتى الباقية
واشد ساعد على المجداف
تلوح لى مدن عينيك
وترفع لى منارة بسمتك سارية
وبديت احلم
كلما الريح تطارد الموج
ازيد إصرار
واحلف بيك اغير سكـــــة التيار
واقول يا انتى يا اغرق
تلوح لى مدن عينيك
اخاف الضفة ترجع بيك
ترجع بيك قبل الحق
أخاف غيم المنى الشايل
تسوقو الريح ويتفرّق
أخاف وأخاف ..
واشد ساعد على المجداف
واجيك بى قدرتى الباقية
حطام إنسان موسّم بى شقا الدنيا
ومقسّم قلبه في الاحزان
أجيك فنان
أشد أوتارى وأحكيلك 00
حكاية إنسان وهب لي سكتك نفسه
ورسم صورتك على حسه
وربط ساعد على المجداف
وقال يا انتى يا اغرق
وألاقيك يا امانى سراب
مواهبى عليه تتدفق
أخاف وأخاف
أخاف وأخاف
|
Post: #2
Title: Re: لمحتك
Author: رومانسي
Date: 03-04-2002, 02:29 PM
Parent: #1
اها شنو ليك
تجيب قصيدة نديك ليها مموسقة
رومانسي
|
Post: #3
Title: لمحتك
Author: seventy
Date: 03-04-2002, 03:59 PM
Parent: #1
والله يا رومانسي رهيب عديل كدة
وشكرا ليك يا سيدي
بس خليك على الوعد
ونشوف بكرة
|
Post: #4
Title: Re: لمحتك
Author: رومانسي
Date: 05-11-2002, 05:23 PM
Parent: #3
افتقدتك اخي سفنتي اين انت
نحتاجك في هذا الزمن الكعب
اظهر وبان عليك الامان
|
Post: #5
Title: Re: لمحتك
Author: EMU إيمو
Date: 05-11-2002, 05:40 PM
Parent: #4
الحبيب سفنتي
حاجة فيك
وكل يوم يومك
الصديق رومانسي
سلام كتير
حكي لي أخ صديق بالسودان
قبل حضوري إلى المملكة
وطلب مني التعرف على مجموعة
أصدقاء مصطفى سيد أحمد
والإنضمام إليهم
هل انت منهم؟
|
Post: #6
Title: Re: لمحتك
Author: رومانسي
Date: 05-11-2002, 05:45 PM
Parent: #5
ا ادري ما تقصد ايمو
اذا كنت تقصد جسما بعينه فانا لم انضم له
ولكن ان كان عشقا وولها للاستاذ
فانا في الامام
الحمد لله معي وسفنتي جميع قصائد الاستاذ التي تغني بها مكتوبة
ومغناة
وكنا بصدد مشروع لذلك ولكن غياب سفنتي وزواج المريود ولد لدي الانتظار لتحقيق الحلم
ودمت ايمو
|
Post: #7
Title: Re: لمحتك
Author: EMU إيمو
Date: 05-11-2002, 05:56 PM
Parent: #6
شكرا
رومانسي
ما أقصده هيكل
كما عرفته من الراوي
ومقرها جده
|
Post: #8
Title: لمحتك
Author: seventy
Date: 05-12-2002, 09:00 PM
Parent: #1
سلام يا حبايب
معليش ظروف الدنيا والشغل والغربة حرمتني من لقياكم
وحقيقي افتقدت البورد وافتقدتك يا رومانسي
لكن هانت كلها ايام والواحد يرجع زي ما كان
ونواصل سرد اغنيات المبدع ابو سامر
لك التحايا مجددا اخي رومانسي
ولك ايمو
ولكل شلة البورد
|
Post: #9
Title: Re: لمحتك
Author: قرشـــو
Date: 05-12-2002, 09:27 PM
Parent: #8
سفنتى
الحمد لله على سلامة العودة والله ليك وحشة
شنو لا احم ولا دستور تختفى مننا كده فى زحمة الحياة
انت ما عارف نحن بدونكم حيارى ياخى
الحمد لله على السلامة وبالله ما تختفى ثانى
وجميل ان تأتينا وفى معيتك شىء من روائع الراحل المقيم مصطفى سيد احمد
وشكرا يا رومانسى على سرعة التناغم
وسلمت
|
Post: #10
Title: Re: لمحتك
Author: semo
Date: 05-13-2002, 05:31 PM
Parent: #9
الأخ سفنتي
اولاً حمد لله الف على السلامة والبورد نور بوجودك وبابداعات الراحل مصطفي سيد احمد والله يأخي العزيز عارفين ظروفك حاول لا تطول علينا الغيبة
وايضاً التحية موصولة للأخ رومانسي وربنا يوفكم ويسدد خطاكم
ولكم مني اجمل تحيه
Semo
|
Post: #11
Title: Re: لمحتك
Author: رومانسي
Date: 05-13-2002, 06:10 PM
Parent: #10
والله يا سيمو انت الفقدناك
وليك وحشة الف كدا
بالله ما تطول علينا الغياب تاني
واقعد عافية
|
|