Post: #1
Title: عاطف خيري
Author: رومانسي
Date: 03-02-2002, 12:15 PM
الجسد مصلاية الروح
الروح المفّوته كم وكِت
الوكت الموهّط في النزوح
طالع أعالى الفوق تحت
تحتك ينقّز في السطوح
رهن الأصابع ومنفلت
فالت إذا كنت الجنوح
وحدك مُنادِى ومتلفت
عاطف خيري
وصلة لمحبي شعر المبدع عاطف خيري
http://www.sudanpoem.com/k1.html
|
Post: #2
Title: Re: عاطف خيري
Author: قرشـــو
Date: 03-02-2002, 02:07 PM
Parent: #1
شفت يا فردة ما حقول ولا حاجة
لانك عارف طبعا كلامى
|
Post: #3
Title: Re: عاطف خيري
Author: رومانسي
Date: 03-02-2002, 02:09 PM
Parent: #2
وصل تب يا صديقي
افتح الاميل عليك الله
|
Post: #4
Title: Re: عاطف خيري
Author: تغريـــد
Date: 03-02-2002, 02:10 PM
Parent: #2
!!!!! رومانسي وقرشو
حكايتكم شنو الليله إنتو معاي
يعني أجي مارقه من بيت البكا
ما ارفع عيني إلا وألاقى الببكيني تاني
يعني ما عارفين كم انا مأسوره بهذا العاطف؟؟؟
|
Post: #5
Title: Re: عاطف خيري
Author: رومانسي
Date: 03-02-2002, 02:16 PM
Parent: #4
وما يحس باحساس الرعية الا رئيسهم
فلنشرب جميعا من هذا النبع الفياض
رومانسي
|
Post: #6
Title: Re: عاطف خيري
Author: تغريـــد
Date: 03-02-2002, 02:26 PM
Parent: #5
فلنشرب جميعا في صحة العاطف العطوف
سفـــــر
، لأنني نفـر
ويتخطفنـي الموت بدعـوى السفـر
يا صديق المخاطـر
حين يأتي المسافـر
لا تقل كيـف؟
بل أين ندس المعـاول
، بعد هـدم الضجـر
وإحتمال الأسى في صنـوف المهازل
معا سنرمـي حجـر
صـوب فاء السفـر
~عاطـف خيـري~
|
Post: #7
Title: Re: عاطف خيري
Author: قرشـــو
Date: 04-10-2002, 12:19 PM
Parent: #6
ريستنا الغالية تغريد
احاول ان اسأل عليك ولكن بطريقتى
ولا املك اكثر من ايراد نفس الكلمات ثانية فهى لا تنتهى ابدا
يا صديق المخاطـر
حين يأتي المسافـر
لا تقل كيـف؟
بل أين ندس المعـاول
، بعد هـدم الضجـر
وإحتمال الأسى في صنـوف المهازل
|
Post: #8
Title: Re: عاطف خيري
Author: DEEK_ALJIN
Date: 04-10-2002, 02:09 PM
Parent: #7
يا واقفه بين جرح السحاب .. وبين شهقة الارض البكر ماكان ده ريد
-----
عاطف ذلك الشاب النحيل البسيط الراقى .. دوما يتسكع بنا فى دروب الابداع ونحن فاغرين افواهنا دهشة واعجاب ومتعة وحاجات تانيه حاميانى ..اين انت ايها الغالى علمت اخيرا بانك ركبت قطار الغربه واخترت ارض الكنانه محطة لك .. لمن تركت الصادق الصدوق .. وبابكر الوسيله .. وبهنس وعثمان والبقيه ؟؟ الف مبروك اخيرا حلقت فى السماء التى تريد مع من تمنيت ان تعيش بقية العمر وزى ما بيقولو عقبال البكارى ..
اسف جدا قرشو وتغريد ورومانسى .. اشتاقه كثيرا فخلت انه ربما قرأ تلكم السطور ..
ولكم من الموده خرجين وماتبقى لها وحدها
ديك الجن
__________________________________________________
بس تانى لما بتسيبنى وتسافر .. خت فى بالك .. انو دنياى فى مدارك
|
Post: #9
Title: Re: عاطف خيري
Author: 7abib_alkul
Date: 04-10-2002, 02:25 PM
Parent: #8
هلا رومانسي العود احمد
محرب بالحبيب دييك الجن
انت عابره سكه فايت والا جيت قاصد تزور
|
Post: #10
Title: Re: عاطف خيري
Author: EMU إيمو
Date: 04-10-2002, 02:50 PM
Parent: #9
!!!!!!!!!!! رومانسي
الحنين يعاود بعد الستين
قرشو علمك بحكاية الرجال ولا شنو
|
Post: #11
Title: Re: عاطف خيري
Author: ديامي
Date: 04-10-2002, 04:59 PM
Parent: #10
ديك الجن لك التحية ولقرشو ورومانسي والبقية ، هل افهم من كلامك هذا أن عاطف خيري قد تزوج ؟ أخر عهدي به أنه كان يعمل بإذاعة كادقلي ، أرجو ممن يعرف عنه أي خيط يؤدى إلى تواصل معه أن لا يبخل علي به فهو نعم الصديق وقبلها نعم الطالب فقد سبق لي تدريسه في فصول التقوية في مدينة كريمة وأنا طالب في جامعة القاهرة بالخرطوم ضمن فعاليات العمل الصيفي لرابطة أبناء منطقة مروي ، وكذلك سؤالي عن عادل عوض خيري وهشام ؟؟؟؟؟؟؟؟؟؟؟؟؟؟؟؟؟؟؟؟؟
|
Post: #12
Title: Re: عاطف خيري
Author: رومانسي
Date: 04-10-2002, 05:24 PM
Parent: #11
إقتراح
نكر
صوتك صداك
غالطني
الزمن فيك
شهرت على الجفاف
وعدك، بطاقاتنا الخريفية
رجع فاضي الكلام مليان
معاكي اتبرجت غيمه
شهق جواى صوت جدول
مرقتَ علي المطر حفيان
لقيتك
والرزاز مدخل
وناديتك:-
اقيفى معاي
نشيل كتف الغناء الميّل
ونتخيل
حلم دونك بيتحقق!!
وقبلك خيل دماى واقفه على
شريانى تتشهق!
وعرف صوتك صداك،غنيتي
رشحّتَ حلقك لي إذاعات الشجر
والمنتظر من عودة المدعو
المطر
للمسادير ، والطنابير
واللسه في رحم القصيد
والدابو حسّ
وفى سوق عكاظ،
وبين مزادات الحروف
غّيبت رسمك واحتكرتك للظروف
للزمان الجايي ، واللحظة
اللى فاتت منى هسه
يا واقفة
بين جرح السحاب
وبين شهقة الأرض البكر
ما كان ده ريد
كان إحتمال
تغيير قوانين شهقتك
ما بين حديثنا ولحظة الفعل الحقيقى
وانتباهك إنتى
للشارع البيرجع تانى
لى نقطة بدايتو
وإنحيازك إنتى
للشارع البيرشح
من مسام رملو التوقع
وما إتعرف قانون نهايتو
غايتو
امشى
فى الدرب البطابق
فيهو خطوك صوت حوافرك
يا فرس
كل القبيلة تلجمو...يكسر
قناعاتها ويفر
يسكن مع البدو في الخلاء
ما يرضى غير الريح
تجادلو وتقنعوا
اقترحتك
لون اساسى
يمنح اللوحة ازواجية القراية
ويفتح الضوء
بين خطوط الريشة ، والخط
الإضافى الجايي من
شبكية الزول المشاهد
واكتشفنا الرسمك
وأنا
نفس التوارد فى الخواطر
وبرضو أرقام التذاكر
البيها سافرنا وشهدنا
انفجارك فى الأرض
يا سمراء
يا واضحه
ما غنيت
يوم جيتك صدفه
قبل ابداك كان غُصنك بشّر
ويوم ما كان احساسك مسرى
عرّج غيمك فيني ومطّر
ولحظة طار
عصفور من صدرك
رتّب فينا احساس بالإلفه
ودوزن عصب الزمن الأشتر
اتوكلت عليكى
وقلتَ:-
المارق منك داخل جرح الورده
وراسم فوقها غناوى الطل
والمارق منك
رجّع للغابات
الزنج الهاربه
وللعتمور العرب العاربه
وادى الكون
مفتاح الحل
والمارق منك
شادد عصب الورقه ، وحرفى
وراصد فى اللاوعي سكونه
مواعيد صحوه..حلمه..لونه
وشارى يقينك فى ظنى
وسارق لحظة إنى أفكر
المارق منك
مارق منك
أو
منى.!
|
Post: #13
Title: Re: عاطف خيري
Author: khider
Date: 04-10-2002, 06:21 PM
Parent: #12
هاكم يا محبي عاطف اغنية غير معروفة لة
يا باقي النهار الفي حنان وديني للبيت ولا صيوان البكا
ما اديت قفاي شمس البنات عشان ملامحك امسكا
و ملصت حزني علي الرصيف كل العصافير مشركة
و تحياتي عاطف اذا كنت تقراء ما نكتب
|
Post: #15
Title: Re: عاطف خيري
Author: khider
Date: 04-10-2002, 06:25 PM
Parent: #13
نعم تزوج يا ديامي وهو الان بقاهرة المعز
|
Post: #14
Title: التحية لعاطف ولك يا اخ رومانسى
Author: Halema2
Date: 04-10-2002, 06:23 PM
Parent: #1
الاخ عاطف انسان راقي واصاحب كلمات جميله مافي شك في ذلك ...........
التحيه له ولكم جميعا بدون فرز......
و انا اليوم سعيدا جدا لانى قدرت اكتب بلعربى ...يعنى بعدا استعدو للبري الاصلي............مع تحياتي
|
Post: #16
Title: عاطف خيري
Author: seventy
Date: 04-10-2002, 07:08 PM
Parent: #1
رومانسي
غايتو أمشي في الدرب البطابق
فوقو خطوة وصوت حوافرك
يا فرس كل القبيلة تلجمو
يكسر قناعاتو ويفر
يسكن مع البدو في الخلاء
ما يرضى غير الريح
تجادلو وتقنعو
يا سلااااااااااااام عليك ياحبيب
والله الواحد فعلا كان محتاج أول ما يخش من الصباح يلقى
حاجة زي دي وينك ياخ من زمان
وعايزين نواصل يا حبيبنا
|
Post: #17
Title: تحيه قلبيه
Author: HighTower
Date: 04-11-2002, 05:18 AM
Parent: #1
السلام عليكم ..يا رومانسي..وبقية العقد المتفاني في الاعجاب بعاطف خيري..
انا كنت عايز افتح موضوع كده ..وانتو الحمد لله سبقتوني ...وفتحتو براكم ..
حتي التقي بيكم بكره ..بي كلامي العايز اقولو...لحدي بكره ...عايزكم كللللللللكم كده ...تشرحو لي القصيده او المقاطع دي ..انا قريتها قبل كده ..واظنو حافظها برضو ..وهي من قصيدة مسادير علي ما اظن...بس العايزو منكم لحدي بكره زي الوكت ده ..تشرحو لي الابيات دي ..ما شرط زي شرح الاساتذه بتاعين الثانوي العالي ..اي حاجه انشاء الله بيت بيتين...بالذات ..تحتك ينقز في سطوح دي!!!!!!ولحدي بكره...ارقدوا عافيه
|
Post: #18
Title: شكرا رومانسى
Author: nahid
Date: 04-11-2002, 07:15 AM
Parent: #1
فعلا يا رومانسى عاطف خيرى يستحق منا كل ذلك فلتنشلر المزيد لهذا الرائع
تحياتى
ناهد
|
Post: #19
Title: Re: شكرا رومانسى
Author: DEEK_ALJIN
Date: 04-11-2002, 09:00 AM
Parent: #18
ديامى لك التحيه
علمت قبل فتره ان عاطف مل التلجيم وهو زلك الفرس الزى دوما مايكسر قناعاتو ويفر واثر الانتقال الى القاهره بعد ان تزوج وعلى ما اظن انه يسعى ليكون ضمن اخوانا اللوتراب
وانا برضو بسال عليهو مدن مدن يا ديامى واتمنى ان يقرأ ما نكتب حتى يكون التواصل بيننا
ام هشام الخيرى فالصدفة وحدها جمعتنى به قبل سنوات فى جامعة الجزيره وحينها علمت بانه لا يقل عن عاطف فى نظم القصيد .. ولا ادرى اين هو الان ...
ولك من الموده خرج واحد وماتبقى لها وحدها
ديك الجن
_____________________________________________________
يا كنا نبيعك يا نسرق ... اخترنا النار الضلها بيحرق
|
Post: #20
Title: الحاصل شنو!!؟
Author: HighTower
Date: 04-12-2002, 05:12 AM
Parent: #1
حتي الان مافي زول اشتغل بي ...ولا حتي رومانسي سيد الموضوع...علي اي حال ..انا تاني بترجاكم ..رجاء غير وابق...واعيد طلبي ...عايز واحد طيب يحن علي ويشرح او يحاول يشرح لي بيت بيتين ..مقطع مقطعين..من الشعر القالو اخونا رومانسي في البدايه ...بالذات ...تحتك ينقز في سطوح...لاني قلبتها بي جاي بي جاي ...غلتني عدييييييييييييييييييييييييييييييييل كده..وبرضو الا القاكم بكره ...ارقدوا عافيه
|
Post: #22
Title: Re: الحاصل شنو!!؟
Author: DEEK_ALJIN
Date: 04-13-2002, 03:33 PM
Parent: #20
اخونا البرج العالى لو صحت الكلام
اشعار عاطف خيرى لوحات تشكيليه رائعه
تحس فقط ولا تفسر
حاول اتخيل اللوحه وحسها واكيد سوف تعيش فى عالمنا
ديك الجن
___________________________-
مرقت على المطر حفيان لقيتك والرزاز مدخل
|
Post: #21
Title: جالوص
Author: أبنوسة
Date: 04-12-2002, 12:33 PM
Parent: #1
جــالــــوص
معتوهه ، معتّقه
ومنعتقه
نوافير إنتشاء ، حِشمه ، وحَمار العين
تنقّى من القبور السكلبه
ومن بيت بكاك زيف المعزين
تضحك
كلما وقعت مصيبه
تمشى على العجين
وتلخبطو ، ترطن إذا جاها الحنين
يا بت
بيوت الهجعه كيف
وغبار شوارعك ماشى وين
زقاق يفتش في زقاق
كتمه وضلمه
وإنعتاق
أنا فيكى لامونى المساجين
سُكاتك منازل
حلال الحرام
سكاتك علىّ حين أهش الحمام
سكاتك عليك لما تصحى المسام سكاتك عليهم
سكوت والسلام
صوتك وكت قطع البحر
قّبال مراكب العُمده ضهر النيل عِرق
والشمس فوق حبل الغيوم
شّرت جلاليب النعاس
ناشف غرب ، مبلول شرق
والمطر
زى شُفّع العيد ، تدخل غرف كل البيوت
حكمة الجوع الشّرح للأرضه
كيف تقرأ المرِق
وقبال يقع فوقك سقف
يتنحنح الجالوص
أمرق على مهلك
مروق الحناء من ضفر العروس
وأصعد على مهلك ، صعود البذره
والروح والشموس
مبنيه مدن الخوف
من طينة آخر الليل
وأنا فى سقالة الشوف قدح البصيره تقيل
فاتح زريبة الجوف تمر ق تخش الخيل
على كيفها
كيف معلوف
ضهر المظنه يشيل
وأنا ظنى طنيتو
للنيل غريق في النيل
الليل ولا فى بالو ليل
ساكت يغنوا على القمر
واجعنى فى البحر السُكات
وسكّتنى فى الوجع البحر
يا بت صباح الطير
وين البلد ركّت
ما عاد هواك يفتح في الكتمه
شباك النزيف
وين تكيتْك في الغيمه
شطيف النجوم
ريف الجسد - صدرك - سبلوقة اللبن الحريف
داسينى فيكى نضُر
والأنبياء فاتوا
وأنبياء بين بين
قاعدين في ضل النار
داسينى فيكى نضُر ، وفى الغفله
جوا الكفار
طارت حمامة الغار
لاقونى ناشف ومُر
ما ذنب جلد الطار لو غنوا بيهوا شُتر
ما تخافى الله معاك
وكل الملايكه سُمر
|
Post: #23
Title: Re: جالوص
Author: رومانسي
Date: 04-13-2002, 03:38 PM
Parent: #21
اخي البرج
ما تقول ما اشتغلنا بيك
ولكن انا شخصيا
خفت من تشويه اللوحة
الفنية التي
رسمها
المبدع
باي تدخل مني
قد يخل بالمعني
المقصود
فالشاعر يقول وكل يفسر حسب هواه
والنص يتحمل علي المخيلات
فاعمل فيه
مخيلتك وستعيش داخله
وكل يغني علي ليلاه
وانت غني
|
Post: #24
Title: يا رومانسي
Author: HighTower
Date: 04-14-2002, 05:47 AM
Parent: #1
وانا فوق سقالة الشوف...قدح البصيره تقيل..
الاخ رومانسي....شكرا علي التعقيب..الجميل
ما كان ممكن اعقب علي كلامك بي مقال ..فآثرت انو يكون موضوع تاني...طالما انكم في معرض ..اظهار اجمل ما قاله عاطف خيري....انا بقول....وانا فوق سقالة الشوف ..قدح البصيره تقيل..بيت الشعر ده لو ما قالو عاطف خيري...لي يوم القيامه ما كان حا يتقال ...لكن برضو حقو تدوني رايكم في موضوعي...وعلي فكره ..انا مسافر 3ايام كده وراجع ...ولحدي ما القاكم ...ارقدوا عافيه
|
Post: #25
Title: Re: يا رومانسي
Author: رومانسي
Date: 06-05-2002, 07:50 AM
Parent: #24
| اقراك مرة صاح عاطف خيري | أقراك مره iiصاح
عكس إحتشادك في iiالحضور
هل غاب معاك وعى iiالطريق
أم بيكي زكانى iiالزمن!
ماشيك وعرفك يا iiحريق
في غماماتك iiبجن
فرهد غيابك iiأغنيات
ظلت أراضي اللقبا iiبور
وبلقاكى يا كل الطيور
مسجونه
والحريه iiسور
وبلقاكي بيناتنا iiالثبات
وبيناتنا شمس iiالبكرة
في لحظة iiمخاض
طول الوجع رشّح
مواطن العافيه iiفيك
خلانى أرجع iiوأبتديك
وأقراكي من كل iiالجهات
وما بين أقابلك iiومشتهيك
كان حلمك الأول iiترف
وكنتى الصبيه الغايبه في زحمة iiحُجا
وكلمة iiشرف
وكنتى الزوايا iiالميته
في متحف خزف
وكنتي الوصايا العشره ، واللون الشحيح
سميّت مساحتك iiحِكر
كل البيحلمو iiبالشمس
هجّرتَ من واقعك عبث
سكنّتَ فيك ضد iiالسكون
كل الي كان ممكن iiيكون
طارت
ضفيرتك ليك iiغُنا
جدلة صبر
وطولة iiنفس
وما بين أقابلك وجيت iiعليك
كان عندي iiليك
بس iiنحن
والجرح iiالثري
وخيبة أمل أم iiالشهيد
فى الكلمة والوجه iiالجديد
وكان إحتقان نبض iiالزمن
نومة iiطفل
فوق iiالدّمن
يا صاحيه بالحاصل علي
يا iiنايمه
عن فقرى iiالبليد
سميت منافيك iiالوطن
صارت مناحاتِك iiنشيد |
|
Post: #26
Title: Re: يا رومانسي
Author: DEEK_ALJIN
Date: 06-12-2002, 06:55 AM
Parent: #25
رومانسينا ...صباحك ياوطن
شقيش تتكسر لقطتك
دسيتك منك لى بكره
هدهدتك .. حجيتك .. بت فى عيونك .. معاك وبدونك ..
خوفك عليها .. يشيلها ويغتغت فوقها .. ويحتحت دواخل صفق
تنوم تشتهيها .. تقوم تلقى فيها منامك صدق
ونمت
ديك الجن
|
|