Post: #1
Title: امل وبدر ومحاوله طمث الهويه
Author: 7abib_alkul
Date: 03-02-2002, 11:45 AM
من منا تعلم الكتابه والقراء دون ان يمر عبر امل وبدر وكان القاسم المشترك لكل السودانين لكن في محاوله لتغير هويتنا السودانيه الفكريه قتلت امل وشرد بدر من الكتاب وجاونا بغريهم في محاوله لتغير فهم اطفالا نواه التغير او بالصح فيران تجارب يحاولون من خلالها تطبيق نظرياتهم الخرقاء في فهم الثوره اعتقادا منهم انهم بذلك ينجحون في ما يرموا اليه ولكن هيهات ان يفاحوا في ذلك فا امل وبدر قد انتشروا في فكرنا وفهمنا ومجتعنا وتخطو حدود الكتاب ذلك لن ينجحو الا اذا لاشونا من الوجود
وعاشت امل وعاش وبدر
وعشت يا وطني
|
Post: #2
Title: Re: امل وبدر ومحاوله طمث الهويه
Author: تغريـــد
Date: 03-02-2002, 04:38 PM
Parent: #1
حبيب الكل ... الهيئة انه الكلام الفوق ده مهم جدا
بس انا بعتذرك منك مقدما على سؤالي الاعتراضي ده
ولو في مجال اعرف منو أمل وبدر ديل؟؟
|
Post: #3
Title: Re: امل وبدر ومحاوله طمث الهويه
Author: suna
Date: 03-02-2002, 04:51 PM
Parent: #2
يازعيمة كدي اتفرجخي في الجابرة دي النحكي ليك قصة بدر وأمل ديل
ديل ياستي كانو في كتابي الاول
بدرسونا ليهم في الابتدائية زمن كانت ابتدائية طبعا الحكاية قلبت وبقت مرحلة أساس
اها كان معظم الكتاب امل كتبت وبدر قراء وكلام كتييييييييييييييييير (ما القالوهو آخر الليل سوا)، اها تاني في شخصيتين وهم سهام وإلهام سهام بنت من بنات حلفا وإلهام بنت من بنات الخرطوم وكدا وبرضو محمد الولد الطيب
اها عرفتي الحاصل
واقعدي عافية
|
Post: #4
Title: Re: امل وبدر ومحاوله طمث الهويه
Author: masarat
Date: 03-02-2002, 07:48 PM
Parent: #3
انت هنا تتباكى على امل و بدر
وجيلنا يبحث عن بتول و هل عادت بتول عند الغروب ام ماذالت فى الوادى
و كذلك نبحث عن عمارة و امه و كذلك الدجاجة الحمراء
و فى القولد التقيت بالصديق
و لقد تم طمث الهوية بتطفيش المذكورين اعلاه من ذاكرة الاطفال و استبدالهم بامل و بدر
فهلا عادت نفيسة
لترجع لنا هويتنا
الدود فوق العود
ابوك موجود
حسن البطل
|
Post: #5
Title: Re: امل وبدر ومحاوله طمث الهويه
Author: 7abib_alkul
Date: 03-02-2002, 10:10 PM
Parent: #4
عزيزي مسارات (امل وبدر) وفي القولد التقيت بالصديق) والدجاجه الحمراء) وزينب قفت العنب) كلهم طردو من زاكره اطفالا وعندما ابكي امل وبدر فاني ابكي السابق زكرهم وغريهم ممن شكلوا فهمنا ووجداننا
فلا نتختلف في اي منهم نبكي
ولكن يجب ان نعرف كيف تعود امل وبدر والسالف زكرهم
|
|