Post: #1
Title: عيد ميلاد سعيد يا بناديها
Author: masarat
Date: 03-01-2002, 08:01 AM
كل سنة و أنت بالف خير
كنت اود ان ارسل لك باقة ورد
ولكن ورود الشتاء بخيلة
بخلت على
ان اعطيك
باقة ورد
تماثل عدد ورودها
سنين عمرك الطويييييييييييييييلة
ايها الصديق العجوز
|
Post: #2
Title: happy birthday to you
Author: wadazza
Date: 03-01-2002, 08:12 AM
Parent: #1
ممكن شجرة لبلاب تناسب..
وكرتونة شمع ماليزى..وتورت سابع دور..
بعدين زى بناديها ده أكيد من ناس 1/1
ونحن اسه فى يوم 29/2عاد عيد الميلاد البحتفلو بلى بعد شهر ده يطرشنا ما سمعنا بيهو؟؟؟؟!!!
بعدين الناس متعودة تقول للزول العندو عيد ميلاد عقبال تطفى الشمعة الميه يعنى عايزانا يا مسارات نقولها لى بناديها وهو عمرة 100 سنة ودخل فى ال101
Happy birth day to you
happy birth day to banadieha.....أهاشوفو حتى فى الغنا تظهر شترا
تحياتى
ود عزة
|
Post: #3
Title: Re: happy birthday to you
Author: gootagood
Date: 03-01-2002, 08:20 AM
Parent: #2
ناس يوم 1\1 ديل كلهم معناها تسنين ساكت والشهادات بتاعة الميلاد في زمنم لسة ما كانت موجودة عيييييييييييييييييييييييييك يعني بناديها بي نظريتك دي يا ود عزة مفروض يكون من الناس الجاهدو مع المهدي
بركاتك يا بناديها
البياز
عوافي
|
Post: #4
Title: Re: happy birthday to you
Author: masarat
Date: 03-01-2002, 08:29 AM
Parent: #3
اخبرتنى جدتى لامى طيب الله ثراها
انه عندما ولد القطب بناديها
اختلت عجلة الزمن
وصار المكان ليس هو المكان
والزمان ايس هو الزمان
و صرخ الناس من الرعب ودخلوا الجوامع
يصلون و يرجون الخلاص
ولكن هتف لهم هاتف
على رسلكم يا هؤلاء
هذه اشارة خير
لقد ولد بناديها
الذى سينقذكم يوما
ووهبه الله فصاحة فى اللسان
لا مثيل لها قط
و سيعيش مئات الاعوام
فهو لاعمرى
لا تعد عمره بالسنون
بل بالانجازات
ولذلك
كل يوم هو عيد ميلاد سعيد
له
وهذا ما وجب التنويه عنه
|
Post: #5
Title: happy birthday
Author: wadazza
Date: 03-01-2002, 09:00 AM
Parent: #1
وأنا أخبرتنى جدتى لأمى ..أن سيأتى آخر الزمان شيخ ضارب فى الدياسبوراموغل فى حلم شائخ..تتفادى مسامعه ارتماءات الصوت..وتنتقى الأصداء النداءات العائدةفقط
ستقتحمه فرحة مفاجئة..تجعله يحلق فوق الطرقات الآهلة فيتبعه الأطفال..يهزجون ""الفرحان أهو الفرحان أهو..."
وقد سألت جدتى لأمى ((هل يمكن أن نراه ذات يوم ؟؟؟
فتململت جدتى قليلاًوأطرقت طويلاً ثم قالت:-
سوف تراه ولا تسمعه وتقرأه ولا تعرفه..سيسكن بيوت العنكبوت التى ستظهر آخر الزمان شبكة..وداخل تلك الشبكة ناد مثل نادى حلتنا الثقافى الاجتماعى الرياضى ..لكن نادى العنكبوت هذا لاجدار له ولا سقف ولا حوش ولا طاقة ولا عتبه يلتقى داخله كثيرون ويزرعون البوست جيئة وذهاباًيتناقشون ..يمازحون بعضهم البعض
سألت جدتى : وهل لهؤلاء أسماء؟
أجابت: نعم لكنها أسماء ليست لهم..ولا تعرف صاحب الاسم هل هو رجل أو إمرأة الا بالبروفايل
قلت وما هو البروفايل : ياجدتى
قالت : هو فايل وما هو فايل..
صمتنا لبرهة الى أن كسرت جدتى الصمت بصرخة مدويه
وهى ترفع كفيها:
((نادينا يا بناديها
لحظتها ...ضاعت ياء المنادى من كراسة قواعدى
وها أنا أبحث عن تلك الياء فى مدينة تعج بالياءات
تحياتى
ود عزة
|
Post: #6
Title: Re: happy birthday
Author: rummana
Date: 03-01-2002, 10:22 AM
Parent: #5
salam,
masarat
wadazza
gootagood
ســـلام يا بناديها
وكل سنة وانت طيب سواء كان عيد ميلادك اليوم أو يوم خمسة زي ما كنت متخيلة وعقبال ما تطفي الشمعة المية..يا قديم ..يا جيل مايو..يا أكبر مني
رمانة
|
Post: #7
Title: Re: happy birthday
Author: alsara
Date: 03-01-2002, 02:42 PM
Parent: #6
LOOOL@all of u
بناديها عندو عيد ميلاد زي بنتو؟ و الله ماشاء الله ...هذا زمن تلاحقت فيه الكتوف
و كل سنة و إنت طيب
يامن بوجودك و عبق كلماتك الدافئة
جعلت كل أيامنا عيد
ربنا يديك العافية و طولة العمر
لامن تبقى قدر حبوبات مسرات و ودعزة الحكيمات
|
Post: #8
Title: Re: happy birthday
Author: singawi
Date: 03-01-2002, 04:36 PM
Parent: #7
أما أنا فقد أخبرني شيخي
أنه في يوم مولد صاحبنا
نزل المطر وبرد الجو
وفرح أهل البلد
نط العجل وقفز الحمل
نزل المطر ونزل ونزل
هش الوفاء وطرب الإخاء
غنى العفاف ورقصت الفصاحة حتى سقط خمارها
فرأى الناس ما استتر من زينتها
فطربوا وشربوا
ونقرشوا وهترشوا
حتى صاح فيهم التواضع أن حسبكم
وأمرهم بكتم سره ففعلوا
وأسر لي شيخي ببعض بركات صاحبنا
وقال لي عرفت فأفهم .. وفهمت فألزم .. ولزمت فأكتم
وإني طوع أمر شيخي فلا تسألوني
ولكن أدعو معي لصاحبنا
ببركة العمر والعمل والمنقلب والمال والأهل والولد
تحياتي
العزيزة مسارات
تحية واحترام
كل سنة وانت طيبة
|
Post: #9
Title: Re: happy birthday
Author: bunbun
Date: 03-01-2002, 05:31 PM
Parent: #8
بناديها الحبيب
كل سنة وانت أطيب
|
Post: #10
Title: Re: happy birthday
Author: sama7
Date: 03-01-2002, 05:45 PM
Parent: #9
كل سنة وانت طيب يا بناديها
ومالهم الناس ديل حاسدينك كدا
ما تشتغل بيهم
وان شاء لو 100
برضو عمر الزهور عمر الهنا
|
Post: #11
Title: Re: happy birthday
Author: zozo
Date: 03-01-2002, 06:02 PM
Parent: #10
كل سنة وانت طيب يابناديها وماتزعل من كلام الناس ديل
يعنى شنو لو بقيت دفعة المهدى...ماهم ليهم دور كبير فى تاريخ السودان
|
Post: #12
Title: Re: happy birthday
Author: BitAlhana
Date: 03-01-2002, 06:13 PM
Parent: #11
بناديها
كل سنة وانت بالف خير وعقبال ملايين الشمعات التي تطفيها بأنفاس الصحة والعافية
|
Post: #13
Title: إلى شقائق الرجال فقط..السودانيات الحنينات بس
Author: banadieha
Date: 03-01-2002, 06:20 PM
Parent: #1
عشانكن إنتن بس بحافظ على الفرح السكني..وما بخلي كلامن شين إلا كلامكن الزين وكلام ود الأصول سنجاوي يدخل إضنيني..إصلي محسود والله محسود ياسماح..وناس ود عزة ديل من حسدهم لي متمنين لي ولادة البنات بس وفي الضلمة حادرين لي..مساكين ما عارفين أنا بموت في البنات أخواتي وفرداتي وحباتي..ومساكين ناس ديل ما بعرفوا الفرح إلا مرتين..مرة في الطهور ومرة في العرس..حتى ود عزة دا شوفنو كيفن حقار عايز يطلعني من مواليد 29 فبراير المساكين الما بحتلفوا بعيد ميلادهم إلا مرة كل سنتين أو اربعة سنوات ما عارف..زاد فرحي ودفق وسامحت الناس الدشنين عشان الناس الزينين..ومن دخل دار رمانة فهو آمن..أحبكم كلكم كما قال عمر رجب
|
Post: #14
Title: Re: إلى شقائق الرجال فقط..السودانيات الحنينات بس
Author: KOSTA
Date: 03-01-2002, 07:34 PM
Parent: #13
يا بنوده
اخضرت الاماسى و الاماكن يوم نزلت للكون بصرخة البداية
فكل بداية رهينة بالصراخ
ليس مهم متى
و لكن المهم حقيقة تواجدك
شوف ولدوا معاك كم واحد
و ما عاجبنا الا انت بالذات
و لك الدعوات
بان تكون اعمالك صالحات
وعمرك يا الغالى يحسبو بالمئات
و انت بخير لكل عام انصرم و لكل عام هو آت
|
Post: #15
Title: Re: إلىالرجال و شقائق الرجال فقط..السودانيات الحنينات بس
Author: banadieha
Date: 03-01-2002, 08:31 PM
Parent: #14
ياباشمهندس كوستا
الحمد لله
ما في حاجة عبث
أنتم تعيدون الأمور لنصابها دائما
بلطفكم
|
Post: #16
Title: Re: إلىالرجال و شقائق الرجال فقط..السودانيات الحنينات بس
Author: دباش
Date: 03-01-2002, 09:09 PM
Parent: #15
بناديها
كل سنه وانت طيب
وعقبال المائه
والدهن فى العتاقى
بس بينى وبينك طفيت الشموع فى كم نفخه
|
Post: #17
Title: Re: إلىالرجال و شقائق الرجال فقط..السودانيات الحنينات بس
Author: waleed500
Date: 03-01-2002, 09:49 PM
Parent: #16
كل سنه وانت حبيب الكل يا عم الكل
ود الدبلومسى
|
|