Post: #1
Title: والله ..ما الشربوت ؟؟؟؟!!!!
Author: wadazza
Date: 02-23-2002, 05:15 PM
Parent: #0
إلى الرائعين الذين ناصروا حردانى ....حسب ترتيب البوست ..وحسب اتيكيت
ladies first
تغريد* سارا*سونا* بن بن* بناديها*شرنوبى*عمنا حسبو وفى رواية أخرى (جدنا)*mxb6n
فرانكلى...
وهؤلا يمثلون التسعة المبشرين بزوال الحردة....
والله الشربوت ما عمل كده..رغم انو كان فيهو مروريه شويه ...
لكن حأقول ليكم أنا المتواضع ..بحب أحياناً أكسر رتابة الأشياء ..باحداث صدمة ما ..أو مقلب وهذا طبعى منذ أيام الدراسة ولعل طلاب جامعة الخرطوم ......كلية الاقتصاد والعلوم السياسية ..دفعة ؟؟؟؟!!!!لا ما حأقول سنة
كم ....يذكرون ذلك المشهور بالمقالب البريئة....المهم ...للتسعة المبشرين أقول ...أولاً نحن كلنا ..هنا بنتناقش وننشر ...ليس لتحقيق شهرة أو هدف شخصى فمعظمنا يكتب بأسماء حركية الأمر الذى ينفى أى صفة ذاتية ..وأنا شخصياً لاحقتنى وتلاحقنى الأسماء الحركية منذ أيام الدراسة ..لضرورات تنظيمية ...الى درجة أن والدى –رحمة الله عليه – قد قال لى ذات مرة(( يعنى اسمك الضبحنا ليهو خروف دا راح شمار فى مرقة ..لو عارفين كده كنا خلينا محل الاسم فاضى فى شهادة الميلاد))....المهم أخوكم بسيط...ولايحلم بأكثر من وطن حر ديمقراطى ..وبابداع سودانى ينطلق مارداً صحبة شعبه ...وأنا قارىء ومتابع للساحة الفنية والابداعية ..ولا أدعى أكثر من ذلك....وما ذكرته فى ((بوست الوداع ))يمكن تحليله بأنه محاولة لاحداث صدمة فى جسد هذا البورد الرائع باناسه الرائعين ...وأقول صدمة بمعنى أ، ألفت نظر القائمين على أمر هذا البورد بضرورة إعادة تصميمه على نظام التبويب بمعنى أن تكون الصفحة الأولى ثابته بأسماء الأبواب مثلاً : منتدى الأغنية – منتدى الشعر –
تشكيل – اجتماعيات – أخوانيات – ونسة .....الخ ، وذلك ضماناً لاستمرارية الموضوعات مهما كان نوعها علمية كانت أم ثقافية أم خفيفة فجميع ما يكتب على هذا البورد ومن وجهة نظرى الشخصية يمثل وعيا لمجتمع سودانى عريض تتقاذفه أمواج الغربة...
والله وما طالبنى حليفة هذا هو قصدى .....ولم يكن حردانى ناتجاً عن ضيق بالبورد بل من ضيق من نفسى الأمارة بالسوء...فجميعكم فى حدقات الأعين ....ولم أتعزز فأنا لست ليموناً......لأننى لم أحس فى يوم من الأيام
بطعم التعالى .....فأنا لست مهماً منذ أن هم رجل الأمن ((الشايقى))باعتقالى من منزلنا قبل فترة طويلة لأسباب
سياسية طبعاً ...وكان يستعجلنى للذهاب معه ..وكنت أتباطأ إغاظة له فى جمع حاجياتى ...وزدت على ذلك بأن أمسكت بالخلال لزوم تسريح شعرى ففاض صبر الرجل وصاح (((إنت القرضمة فى شنو ...والسريح انت ماشى حفلة واللا السينما... انت قايل نفسك شنو ؟؟؟شن نفرك يعنى ؟؟؟
أحس بقربى منكم .والله مش الأسماء حركية لكن حاسى بيكم قدامى وكل واحدة أو واحد متخيل ليهو شكل معين بس بناديها متخيليهو نصف شكل عشان جايب صورة نص ..وأتمنى أن نتواصى على الوطن وشعبه النيل ومبدعيه الشامخين .....
كل عام وأنتم بخير .....فالقادم أحلى ...والوطن جميل فى ظل الحرية والديمقراطية والسلام ...
((أفديك ياسِلْمْ أفديك
من فجراً بدرى تعال أو قبل صياح الديك
نتغدى ونشرب شاى
يا مطول من شاييك))) .
.....نعم يا حبيبنا محجوب طولنا من الشاى ....الشاى وشاى الشاى ...
|
Post: #2
Title: **
Author: wadazza
Date: 02-23-2002, 06:12 PM
****
|
Post: #3
Title: Re: **
Author: banadieha
Date: 02-23-2002, 06:21 PM
Parent: #2
آجــــي يالشربوت
|
Post: #4
Title: Re: **
Author: دباش
Date: 02-23-2002, 07:29 PM
Parent: #3
انتو وكت ما بتقدروا عليهو شاربنهو ليييييييييه
|
Post: #5
Title: محور الشر.....بوت
Author: wadazza
Date: 02-23-2002, 07:40 PM
وكت بناديها ودباش يقولو كده....
يعنى بوش حيقول علينا محور الشر.....بوت؟؟؟؟؟
|
Post: #6
Title: Re: والله ..ما الشربوت ؟؟؟؟!!!!
Author: 3mak Hasabo
Date: 02-24-2002, 01:04 AM
ياود عزة انت متاكد الشربوت دا ماكان مكسور
عمك حسبو...
|
Post: #7
Title: المكسور الكوز
Author: wadazza
Date: 02-24-2002, 07:31 AM
المكسور الكوز بس !!!!!
ياعمنا حسبو وانت كنت وين غاطس
وقرشو وين ؟؟؟
كلنا فى الشربوت سوا
تحياتى ياعمنا ...وفى الحسبة جدنا حسبو
حفيدك
ود عزة
|
Post: #8
Title: Re: المكسور الكوز
Author: 3mak Hasabo
Date: 02-24-2002, 02:52 PM
Parent: #7
انا قاعد ياود عزة انت الشربوت المطشطش عينك وبعدين انت ما سمعت بالحاصل لقرشو؟ امشى اقراء البوست بتاع قرشو سكران بحلال.
عمك حسبو...
|
Post: #9
Title: Re: والله ..ما الشربوت ؟؟؟؟!!!!
Author: قرشـــو
Date: 02-28-2002, 02:51 PM
كلام يا عوض دكام
يعنى يا ود عازة الحماية كده
والشربوت ما كان مكسور زى ما قال حبيبنا
طيب بجيبك الصيف يا مشمش
ياخى الحمد لله انك رجعت لينا وكويس الشربوت خلاك تفك اخرك وتقول لينا حكاية الشايقى وصدقنى كنت قايلك حاتقول نكتة العسكرى الشايقى مع ابو داؤود رحمه الله..
عموما انت سيدنا وتاج راسنا ياحبيبنا والله ما كان هاين علينا لكن الكلام كان صعب ..
وانت عارف الم الفراق
واكان ما عارف اسال فلانة العاوزة تسيبنى وتمشى
|
|