المطلوب من الإخوة معرفة اسم الشاعر والملحن والمغني وهناك جائزة قيمة هي عبارة عن البوم هذا الفنان ( سي دي ) ويمنع اشتراك الاخ ياسيكو لحصوله مسبقا على الالبوم
مِنِّي متعشِّمْ طلوعِكْ .. كُلِّي مستنيك تعودي .. ويغسل السّاحات رجوعِكْ في حشى أحراش الليالي منتظر بقّة شموعِكْ تشتلي الضّو في الضّهابة .. ترخي للجايعين ضروعِكْ يرجع الطير المهاجِرْ .. يملأ في الفجّاج ربوعِكْ ....................... في كلام النّاس بفتِّشْ .. بين عوينات المدارِسْ في صدى آذان المساجد .. ورنّة أجراس الكنائِسْ في إندهاشات العذارى .. في إرتعاشات الموامِسْ في بحر فرحان يبشِّرْ .. موجو لي جية النوارِسْ الرّوَاويس طَمْبروك .. وهزّ بيك في الدّارة فارِسْ ......................... بين سُكَات القرية أفتِّشْ .. بين هضاريب المدائنْ يا نسيماتاً تَكَرْبِتْ .. شايلة أشواق الجنائنْ لي جديول حلقو ناشِفْ .. أو عَرَق تُربال يكادِنْ في وشي الأفراح بفتِّشْ .. بين قفا اللّحظات أعاينْ بين سواقير الفقارى .. الجاية من تالا المدافِنْ
مَرّة طال اللّيل عليّ .. ووصلت الآهات مداها قلت لي النجمات مو جايي ؟؟؟ .. قالت الأيام تراها يا ضيا القمرا القُبَالي .. شوكة الظُّلْم الخيالي عَسّمَتْ فوقنا اللّيالي .. خُبِّي في إسراعِكْ تعالي
يا مناقيش العدالة بتنا فوق الصّبر عالة يا تعاويذنا وعَزَانا .. خلِّي نور الفرحة يطفُرْ من عوينات الحزانى صخرة الأحزان تقيلة .. واحنا ما بنملِكْ سِوانَا قولي هيلا هوب معانا
بالغت والله انا فتشت كل الكتب العندي وكل الاشرطه وبرضو ما قدرت اعرفها على العموم الحيفوز ده مبروك عليه ال سي دي وانا حاجزه الاجابه بتاعت الاغنيه الجايه ))
شوكة الظلم الخيالي عسمت فوقنا الليالي والله بالغت عديل بالغت بالغت بالغت بالغت بالغت بالغت بالغت بالغت بالغت غنية ما عارف عملت فيني شنو الله يستر علي ما حتفارقني تاني مشكورyasiko علي الترجمة صوت المغني دافي يديكم العافية يا الديامة والبواردة قولو آمين البياز عوافي انا ما قلت ليك قبيل يا ديامي وقبل ما اسمع الغنية اني (منك متعشم طلوعك )وقد صدق حدثي لانو العشم ما خاب دي ما محنة عجيبة
تسهيلا لهذه المسابقة إليكم هذه المعلومات : الملحن هو صاحب الصوت الذي تستمعون إليه ، وهو من الفنانين الهواة تخرج في جامعة السودان كلية الهندسة قسم الالكترونيات في نهاية الثمانينات وهو يقيم الآن خارج السودان في دولة اسكندنافية
نسبة لعدم تعرف رواد البورد على الاجابة الصحيحة ننشرها هنا وكلنا أمل في التجاوب في المرات القادمة أما الشاعر فهو محمد الحسن سالم حميد والمغني والملحن فهو عبد العظيم محمد منصور رد الله غربته
شنو ياديامى نحنا جينا متاخرين يعنى السى دى دا يطير مننا ساى؟ واقوك ليك حاجة حتى لو جيت بدرى ما كنت ح اعرفه. عليك الله بس شوفتا الصراحه دى كيف .مش تستاهل سى دى.. حاجة تانية اتخيل لى عبد العظيم دا فى المانيا مش فى دوله اسكندنافية محمد الحسن سالم حميد دا قريبه وكما اخاف الكضب حاله وللا انا قاصد عبد عظيم تانى المهم يامان انا اجتهدت معاك ..داير لى سى دى ماعارف. عمك حسبو...
والله يا عمنا حسبو فعلا عبد العظيم كان في المانيا ، ونسبة لصراحتك الفايتة الحد فالسي دي ما ضاع عليك وحايصلك بس اديني عنوانك البريدي في الماسنجر او على عنواني في الهوتميل
رائع انت كعهدى دوما بالديامة سوف ارسل لك العنوان على الهوتميل وليس من اجل السي دى ولكن ايضا من اجل التواصل والوداد وحبى الدائم للديامة وانت بس تامر وانا بين ايديك كل اهل البورت... عمك حسبو...
معليش انا فهمت غلط افتكرتك بتقصد الايميل ...معليش علي الدقسة العنوان البريدي هو: دولة الامارات العربية المتحدة ابوظبي مكتب بريد النادي السياحي 33418 احمد محمد الحسن دا العنوان كاملا
U A E ABU-DHABI ALNADY ALSYAHI POST 33418
بالعربي والانجليزي يا اخو في الانتظار البياز عوافي سلامي للكل معاك وخصوصا محمد المرتجي