Post: #1
Title: إختيار
Author: suna
Date: 02-17-2002, 07:11 PM
Parent: #0
يامدغة في قلب الخوف
بتونس روحي وتحجي
بترجعي لعيوني الشوف
إتلومي دايما وإترجي
مشتاق أبداً ملهوف
واقف في دربك مترجي
وحجيجك بي قلبي يطوف
وجواي بتعمري وتحجي
أنا جيتك مكسور خاطر
جيتك مجروح
ولقيتك مخنوقة الصمت
الفي عيونك بالبوح
******
ممحوقة الزمن البين ضحكتك والخوف
مسكنك كل الانفاس الحية
سلمتك مفتاح الروح
لو تعرفي يوم هدهدتك
في ليل مستجدي القمره
اقدامك ماتت في الصحراء
وإيديك في البحر بتتوضأ
كم حائط بيناتنا إتهدا
والصوت من عندك ساور
طاوعت الرهينة وغنيتك
غنيت للمرأة الوردة
******************
أزهري محمد علي /غناء مصطفي سيد أحمد
****************
واقعدوا عافية
المريود
|
Post: #2
Title: Re: إختيار
Author: Elkhawad
Date: 02-17-2002, 07:21 PM
Parent: #1
حي علي الغاب وجاب
سونا الحبيب ماشرط وكدا
|
Post: #3
Title: Re: إختيار
Author: suna
Date: 02-17-2002, 07:29 PM
Parent: #2
الحبيب الخواض
والله اليومين دي مشغول حبتين
وعندكم الواحة التي نستفيئ بظلها
************************
المريود
|
Post: #4
Title: Re: إختيار
Author: قرشـــو
Date: 02-17-2002, 07:41 PM
Parent: #3
المريود سلام ياخوى
سلمتك مفتاح الروح
لو تعرفي يوم هدهدتك
في ليل مستجدي القمره
بالله الكلام ده جبتوا من وين
ده ما مووووووت يا صاحبى
|
Post: #5
Title: Re: إختيار
Author: رومانسي
Date: 03-05-2002, 10:10 AM
Parent: #1
اخي المريود
القصيدة لكن ما عزاب
لو قدرت اخي ان تعطينا لها بصوت الرائع ود سيد احمد تكون
عملت فينا معروف كبير
طبعا انا بسألك وانا مطمئن انك الخبير وما بتخزلنا
انا في الانتظار علي احر من الجمر
رومانسي
|
Post: #6
Title: Re: إختيار
Author: رومانسي
Date: 03-05-2002, 10:41 AM
Parent: #5
أبداكى من وين
أبداكى من وين .. وفينى منك لسة حاجات
من مخاوف ومن شجن
أبداكى من وين .. وظنى إنك
فكرة إعلان الحياة
وإنتهاءات العوارض والمحن
نفسى ألقاكى وأكون
أنا كلى من بعضك
أو .. بعضى من كلك بدن
وداير أبقاكى وأوحد دورة الدم
المقسمة بينى .. بينك .. والسحن
..........
أبداكى منى .. ولاّ منِّك
أبتديكى محل .. محل
من ياتو منفذ أدخلك
وكل المنافذ فيكى سدّاها النحل
من ياتو شارع أوصلك
وكل الدروب معطونة لى آخر الوحل
.. أستبيح كل الحواجز .. وأدخلك
من كلامك بدخلك
من بين مسامك بدخلك
من أى قاسم مشترك
وشبهة تشابه .. ادخلك
ونتلاقى نهرين من تسامى .. وإشتها
وأبداكى من حيث أنتهت عندك خواتم الإنتها
أبداكى .. وأخلع خيام عمرى المضى
وألقاكى مبسوطة اليدين
مفتوحة أبواب الرضا
أبداكى من لحظة أنستِكْ نار
وأخدت من قبسك .. هُدى
وأنا ضُمـّة زاهد
فى الدروب الما بتجيك
.. ولا بترجِّع ليا من تالاك صدى
أبداكى من وين ؟ ..
ازهري محمد /مصطفي سيد احمد
شنو يا سونا طنشتنا
رومانسي
|
Post: #7
Title: Re: إختيار
Author: قرشـــو
Date: 03-05-2002, 01:40 PM
Parent: #6
رومانسى
تسلم يا حبيب وهات من الروائع اكثر واكثر ..
كلام يدخل جوه العضم ياخى
|
Post: #8
Title: Re: إختيار
Author: رومانسي
Date: 05-18-2002, 02:49 PM
Parent: #7
العزيز المريود العريس في انتظار الغنية مموسقة
وطبعا انا متاكد انها ما بتقسي عليك
|
Post: #9
Title: Re: إختيار
Author: suna
Date: 05-18-2002, 02:59 PM
Parent: #1
حبيبي رومانسي
سلمت لي وطلب على العين والراس ولكن هذه الايام تدري ماأنا فيه من مشغوليات وملمات لأدري كيف أنتهي منها ولا متي انتهي
ولكن صدقا سأوفي بطلبك
ولكن بعد حين
|
Post: #10
Title: Re: إختيار
Author: bamseka
Date: 05-18-2002, 05:00 PM
Parent: #9
الغالى / المريود
جد كلمات فاقت معنى الابداع ,,,, تاملتها مرات المرات ,,,,فهى تهز الاحاسيس وتزهل الشعور .. بمعانيها وكلماتها ..الرائعة
فهذا حسن الاختيار من الكلمة ... يلا زودنا يا مريودنا ...نحن فى انتظارك
|
|