|
|
|
 Re: IQ راقصات عرائس النيل و، و بلهاء قطاع رحط وطنهم. (Re: اساسي)
|
حانعملك اييه يا اساسى اذا لم تكن ترى سوى (الأفخاذ)، فالرقص لا يتم (بالافخاذ) أنما هنالك عشرات الملامح التى يمكن الأنتباه أليها.
و من ناحيه أخرى مارأيك فى أقتران اسم السودان الوطن ب(الجرائم) الكبيره و التى كنت أحد الكشاركين فيها ؟
كم مره أديت (رقصة الحرب) قبل الأنقضاض على الضحايا...هيا يا اساسى حدثنا عن رقصة الحرب،
كيف تبدأ؟
ماهى الحركات التى تقومون بها؟
ماهى الأناشيد التى كنتم ترددون ؟
حتى متى حتى متى؟
هل سألت امك غتاءا الا تعترض على جهادك أن أتيتها قابضا بمصحفك و الكلاش؟
من مات منكم رقصا و بعث فى الجانب الاخر راقصا (للسلسا) مع احدى الحوريات!
هيا حدثنا...
فالمقام مقام رقص، و قد قدم امثالم الوطن رقصا على ايقاع (الدوشكا)!!!
حدثنا عن (الزفه)،
الليله ليل ياليله شهيدنا عرسوا الليله..
فالمقام مقام رقص و الزفه بها الملائكه.
| |
 
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
تعرفي لديك مقدرة فائقة في التحايل علي الموضوعات
نحن الان في موضوع وبالتفافية تحسد عليها اطول الافاعي تحولين الموضوع بقدرة قادر الي حرب وجنوب وقتال ...
ولكن دعينا نعود للموضوع الذي فتحتيه وردي عليه المقتضب والذي فتح افاقك لحكاية اضغاث اوهامك ... وفراياك
الان اعرف جيدا لما افريقيا ترزح تحت الجهل والتخلف والدونية بين العالم اجمع ... فاعجاز ماكيبا كانت اخف من ان تتحملها او كما تقولين
هذا العرض لا اعتراض عليها البته ان كان يمثل اصحابه وابديت اعجابي به المتحفظ علي الثياب لصاحبته مباشرة
ولكن اتحدي الان الان او قبل خمسة عشر عاما ان يقوم مثل هذا العرض بتلك الثياب ليس في مسرح الدولة ابدا ولكن في اي مسرح لحفل زواج
وانظري ما سيحدث لسنا هنا نتحدث عن دبابين
الحكومة ودبابيها ليس لهم ممثل لحضور حفلات الزواج الخاصة ولكن لما يقام رقيص العروس داخل ابواب مقفلة ... سمعت انه قديما كان يقام وسط الدارة ولكن اذا استبدل السودانين عاداتهم بالوعي فهذا اعتبره تقهقر الوري
علي العموم لا اطمح ابدا في اقناعك ولا اسعي اليه بوجه نظرك ولكن احببت ان اقول لك وردا علي حديثك عن رؤية الافخاذ ... مايزال الجنس اكبر السلع مبيا في بلد الانفتاح وان ابيت هذه غرائز في النفس البشرية امرنا وبكل الشرائع والاديان ان نوظفها توظيفها الصحيح
اذا كان العرض يمثل اصحابه فقط لا اكترث فليفعلوا ما شاؤوا باسمهم
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
الان اعرف جيدا لما افريقيا ترزح تحت الجهل والتخلف والدونية بين العالم اجمع.
الفهلوي اساسي.
قلت لينا افخاذ؟
بالضبط ذفارة لسان رسالي كيزاني من الطراز الاول!!
هل صدفة انو الكيزان هم افسق خلق الله في السودان؟
وهل صدفة الانحلال الفي خيالك المريض مربوط بالافارقة، هو بعض من ثمار اخلاقكم في السودان؟
علي الاقل الافارقة لايحتفلون بافخاذ الرجال، كما فعل ويفعل الكيزان واسيادهم!
بعدين الظاهر انك فعلا صدقت انك فعلا عربي، وانت بتتكلم عن دونية الافارقة، ايها "الخال"!
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Bashasha)
|
يا أساسى ، نقطة نظام من فضلك ، أنا حضرت شخصيا قبل أكثر من ثلاثون عاما عرضا فى مسرح الفنون الشعبية بأم درمان ابان عهد النميرى ، وكان يرأسه سمثنق فضل المولى (جياشى) اظنه عقيد وقتها ، وكنت حينها يافعا ، عرضا حضره النميرى وأحد الرؤساء الأفارقة ، وكانت الفتيات ترقص (بأفخاذ) مكشوفة ، ولم يكن الجمهور ينظر للأفخاذ بقدر ما كان يذوب مع الفن والوجدان الحقيقى لمعنى الرقصة المؤداه.
هذا فقط للتذكير بأن بعض أمخاخ الشباب مغسولة (بالليفه والصابون)
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Bashasha)
|
صديقي العزيز بشاشا _
عندي امل ان لا باتئ احد هنا ويقول لنا ان السودان "غير افريقي اصل
هنا الترتيب حسب الاقدم
Cush
Meroe
Christian Nubia
THE COMING OF ISLAM
The Arabs
انظر كيف يقرائنا الغير من خلال مكتبه الكونقرس _ هذه نبذه عن تاريخ "كوش" _ وانت تعرف يا استاذي بشاشا ان "كوش" الاوله في السودان _ والمسلمين والعرب جديدي عهد بالسودان _
هنا الترتيب السلسل _ كوش _ ثم مروي _ ثم النوبه المسيحيه _ ثم ثم ثم ثم _ قبل وقت ليس ببعيد _ اتي الاسلام والمهاجرين التجار العرب _ الاسلام في حد زاته ليس المشكله _ ولكن محاوله العرب الدنيئه لمسح الافرقه الي كانت معاشه في السودان _ هي المشكله _ ولا زالت _ فالمسلم يمكن ان يكون _ نوبيا _ عربيا _ او افريقيا _ والكل سواس _ ولكني سوف اهتم اذا حاولت مجموعه كا _ العرب _ بالسيطره علي المكان _ الذي هو في الاصل ليس مكانهم الاصل _ عندها سوف اقول لا ايها العرب _ لا ايها المستعربه _ نعم عش هنا _ كن اخي في الاسلام _ ولكن لا تحاول ايذائئ بافكارك التي _ تجرم من يرقص طربا _ وتقاليدا _ ويا استاذي بشاشا الحديث يطول ويطول _ وهنا النبذه عن كوش عسي ولعل _عرب السودان يقراؤن التاريخ _
Northern Sudan's earliest historical record comes from Egyptian sources, which described the land upstream from the first cataract, called Cush, as "wretched." For more than 2,000 years after the Old Kingdom (ca. 2700-2180 B.C.), Egyptian political and economic activities determined the course of the central Nile region's history. Even during intermediate periods when Egyptian political power in Cush waned, Egypt exerted a profound cultural and religious influence on the Cu####e people.
Over the centuries, trade developed. Egyptian caravans carried grain to Cush and returned to Aswan with ivory, incense, hides, and carnelian (a stone prized both as jewelry and for arrowheads) for shipment downriver. Egyptian traders particularly valued gold and slaves, who served as domestic servants, concubines, and soldiers in the pharaoh's army. Egyptian military expeditions penetrated Cush periodically during the Old Kingdom. Yet there was no attempt to establish a permanent presence in the area until the Middle Kingdom (ca. 2100-1720 B.C.), when Egypt constructed a network of forts along the Nile as far south as Samnah, in southern Egypt, to guard the flow of gold from mines in Wawat.
Around 1720 B.C., Asian nomads called Hyksos invaded Egypt, ended the Middle Kingdom, severed links with Cush, and destroyed the forts along the Nile River. To fill the vacuum left by the Egyptian withdrawal, a culturally distinct indigenous kingdom emerged at Karmah, near present-day Dunqulah. After Egyptian power revived during the New Kingdom (ca. 1570-1100 B.C.), the pharaoh Ahmose I incorporated Cush as an Egyptian province governed by a viceroy. Although Egypt's administrative control of Cush extended only down to the fourth cataract, Egyptian sources list tributary districts reaching to the Red Sea and upstream to the confluence of the Blue Nile and White Nile rivers. Egyptian authorities ensured the loyalty of local chiefs by drafting their children to serve as pages at the pharaoh's court. Egypt also expected tribute in gold and slaves from local chiefs.
Once Egypt had established political control over Cush, officials and priests joined military personnel, merchants, and artisans and settled in the region. The Coptic language, spoken in Egypt, became widely used in everyday activities. The Cu####e elite adopted Egyptian gods and built temples like that dedicated to the sun god Amon at Napata, near present-day Kuraymah. The temples remained centers of official religious worship until the coming of Christianity to the region in the sixth century. When Egyptian influence declined or succumbed to foreign domination, the Cu####e elite regarded themselves as champions of genuine Egyptian cultural and religious values.
By the eleventh century B.C., the authority of the New Kingdom dynasties had diminished, allowing divided rule in Egypt, and ending Egyptian control of Cush. There is no information about the region's activities over the next 300 years. In the eighth century B.C., however, Cush reemerged as an independent kingdom ruled from Napata by an aggressive line of monarchs who gradually extended their influence into Egypt. About 750 B.C., a Cu####e king called Kashta conquered Upper Egypt and became ruler of Thebes until approximately 740 B.C. His successor, Painkhy, subdued the delta, reunited Egypt under the Twenty-fifth Dynasty, and founded a line of kings who ruled Cush and Thebes for about a hundred years. The dynasty's intervention in the area of modern Syria caused a confrontation between Egypt and Assyria. When the Assyrians in retaliation invaded Egypt, Taharqa (688-663 B.C.), the last Cu####e pharaoh, withdrew and returned the dynasty to Napata, where it continued to rule Cush and extended its dominions to the south and east.
(عدل بواسطة Muhib on 06-28-2004, 09:54 PM)
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
العزيز محب.
طبيعي ذي التراش بتاع مكتبة الكونقرس، لايزال يسوق علي انو تاريخ السودان، بل نفس هذا المسخ، لازال هو اساس مقرر التاريخ الي اليوم في دولة جلابة ذنوجة الشمال امثال الكوز الفهلوي متوهم العروبة اساسي.
ليه طبيعي؟
لانو بلدنا هامل بلا سيد او بلا وجيع، لانو المكوشين عليها من اخوال الشمال مصرين انهم عرب، ولذلك يدوسون بالنعال، ويبصقون في وجه سودان ما قبل دخول العرب.
عشان كده تاريخنا القديم شالوه الغربيين والمصريين بوضع اليد!
بعد ده كلو هذا الكوز البذئ جاي يتكلم عن افخاذ السودانيات ودونية الافارقة!
او يابكري ابوبكر، للاسف الشديد منبرك ده بمثل هذا التعدي السافر علي عروض بناتنا في فرقة العرائس، ياهو الداقي الدلجة. كان الله في عونك!
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Bashasha)
|
فاني اري ان اسم السودان الوطن اكبر من ان يعرض بافخاذ فتياته
ما اوضع هذه الكلمات... يا اساسى!!!
خبرنى ماذا فعلت انت بالذات ..او من معك لترفع اسم السودان الى اعلى من مقام الافخاذ؟؟
خبرنى كيف ساهمت "فكرتك" وفكرة وجودك ووجود امثالك فى ..المحارق والمجازر والمجاعات ..والمتاهات...وضياع اهل السودان وقد ولدتهم امهاتهم احرارا؟؟
احكى لى عن (نموذجك) الذى يرى السودان_الكبير_ بعيون ناقدة ... لا تخرج عن ثقافة التناسل ولا ترى النساء الا (شيئا) له افخاذ؟؟
ما رايك فى افخاذ النساء الجائعات فى الجنوب ودارفور وكسلا..وهن يقفن على حافة الموت..من جراء افاعيل المتحذلقين بالشرف والكبرياء؟؟
هل اعجبتك اثداء المرضعات التى جف عنها اللبن وهى تنشر فى شاشات التلفزيون والصفحات الاولى من مجلات وصحف العالم؟؟ هل تمثل السودان _الاكبر هذا بصدق اكثر؟؟
هل اعجبتك مشاهد الذبح من الاضان للاضان..التى يمارسها المتطرفون...ومشاهد التعذيب فى بيوت الاشباح ف السودان فلم تشعر بالغيرة على ضحاياه ولم تطرف لك عين ... تتسقط رؤية فخذ?
الحديث معك زمع نموذجك ..مضيعة زمن.
شكرا رودا على متانتك وصلابتك ووقوفك مع الحقيقة...
بتاتنا متفوقات ورائدات ...يرقصن بوعى ويقدمن فنهن بمسئولية...يجب ان افتح لهن ملفا خاصا بنضالهن فى الحياتين الاكاديمية والسياسية فى ماسيتشوستس... يحسدهن عليهن اقرانهن المولودات فى بلاد الحرية والفن.
اما نقدك الفنى للعمل فهو موقع اهتمام وجدارة...لا اجد لدى الرغبة الكافية للاسهاب فيها..مما اقرا...ترجو المعذره....
شكرا بشاشة..
,
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Ashrinkale)
|
Dear Roada,
Thanks for the deep expression about the art and the message that it can achieve for the nations and the humanity in general.
Dear Tumader,
I wish if I can write in Arabic right now, because I have much to say in Arabic, the tears are just coming out of my eyes after I read Roada words and yours too, yet we have long way to walk, I am so impressed by what you are doing for your country and your people, and you are absolutely right, you need not to waste time argueing with people who have no room for the woman in thier mind exept for sexual purposes, keep going, till I get Arabic,
keep it up
Bakry Eljack
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: صديق الموج)
|
الأخ صديق الموج
ليس لدي اعتراض على رقيص العروس كتراث وحين اطلعت على الشريط لم تزد نظرتي على انه عمل فني الا بعد عن كثر العجاج فنأيت بنفسي لأن مااملكه من رأي حول هذه العادة وليس الشريط يخصني وحدي .
اما سبب مداخلتي لك هو ايرادك ذكر ستنا سكينة بنت الحسين رضي الله عنها وعن آلها فكتبت جزء من الحقيقة واغفلت الجز الآخر ، نعم كانت ستنا سكينة رضي الله عنها وعن والديها حكماً بين الشعراء ولكن من وراء حجاب لاتراهم ولايرونها
والله من وراء القصد
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
، نعم كانت ستنا سكينة رضي الله عنها وعن والديها حكماً بين الشعراء ولكن من وراء حجاب لاتراهم ولايرونها
على عثمان العزيز ..كتر خيرك على هذه التبصرة..لكن يا صديقى ما دام
حفيدة الرسول ارتضت ان تحكم بينهما من وراء حجاب ولم تزجرهم او تستنكر فعلتهم تلك فما بال متفقيهو اخر الزمان يحاولون قتل الفرح فى نفوسناويحرمو ويحللوا حسب اهواؤهم تسلم،،
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
اخي صديق
شكراً لتفهمك قصدي .
الرسول الكريم كان يتذوق الشعر وليس حفيدته فقط
اما عن موضوع رقيص العروس
تريد أن تجرني لموضوع رقيص العروس ؟
انا رأي الخاص والذي تحكمت فيه بزوجتي أن رقيص العروس هذا إمتهان لكرامة المرأة حتى ولو كانت امام نساء فقط وفي حجرة مغلقة ، ولكني لا املك الحكم على احد آخر
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: ali othman)
|
Sudan Organisation Against Torture
SOAT Press Release: 28 July 2004
Attack on KUSU and Students from Nuba Mountains
On 27 June 2004, in the early hours of the morning, Khartoum University Student Union (KUSU) was attacked. The attack was carried out by sixty students armed with iron bars and homemade Molotovs. The attackers are members of the Student Branch of the National Congress Party (the ruling party). The students were allegedly aided by members of the security forces.
The attack followed a Nuba Mountains cultural exhibition held at KUSU, started on Tuesday 22 June 2004. The exhibition was organised by the Student Association of the Nuba Mountains at Khartoum University, an official society afflicted to KUSU. The exhibition reflects the traditional life style and customs of Nuba people including their traditional food and drinks , dances, clothing, and music. Among the exhibited items were traditional equipments used by the Nuba people for brewing a traditional alcoholic drink (marissa).
On Friday 25 June 2004, at the University’s mosque during the Friday prayers, the Imam stated that the presence of equipments for brewing alcohol in the Union building is against Islam and in breach of the Sharia laws. The speech sparked tension and confrontation between the Nuba Students and the NCP students.
During the attacks, several students were hurt; four of them were critically injured. Their details are as follows:
1. Adel Abd Al Rahim Aowshi, 4th year Faculty of Education
2. Nasir El Din Musa, 5th year Faculty of Education
3. Muntsar Ayoub, 2nd year Administration
4. Abd Al Nasir Ali, 2nd year Economics
Two men from the 2nd year Mathematics department suffered light injuries. They are:
1. Waeil Taha (Member of SOAT's student network and KUSU the Council of 40s)
2. Hashim Al Taib
Some of the attackers have been identified. They are:
1. Abd Allah Al Zubair Bashir Taha, 4th year Science
2. Wasil, 4th year Science
3. Al Niel Al Fadil, 2nd year Economics
4. Al Tahir Al Amin Abd Allah, 4th year Abd Allah
5. Anis Omer, Graduate of Omdurman University
6. Abd Al Ziaq, Graduateo of Al Jazzera Univeristy
Additionally, during the attack several offices were burnt, including the Administration office, Sports office and the Media office along with the appropriation of student union documents and meetings minutes.
The failure of the GOS to control its own organs and affiliated members contradicts the declared government commitment to the Machakos Protocol (July 2002) and the subsequent 6 protocols based on this protocol including the Declaration signed on 6 June 2004 in Nairobi, Kenya. SOAT would like to recall the GoS’s position on the status of national Capital, “The National Capital shall be a symbol of national unity that reflects the diversity of Sudan. It administration shall be representative. Khartoum shall be the capital of the Republic of the Sudan.” In addition under article 2.5.2, “All human rights and fundamental freedoms as specified in the Machakos Protocol, and in the Agreement herein, including respect for all religions, beliefs, and customs shall be respected and enforced in the National Capital, as well as throughout the whole of Sudan”.
SOAT urges the Government of Sudan to respect its obligations as party to the International Covenant on Economic, Social and Cultural Rights, which under Article 15 recognizes the “right of everyone: (a) To take part in cultural life”. Furthermore Article 15(2) states that “The steps to be taken by the States Parties to the present Covenant to achieve the full realization of this right shall include those necessary for the conservation, the development and the diffusion of science and culture”.
SOAT strongly urges the Government of Sudan to:
i) Order a thorough and impartial investigation into the circumstances of these attacks, in order to identify those responsible, bring them to trial and apply the penal and/or administrative sanctions as provided by law;
ii) To guarantee that adequate reparation is provided to the above mentioned students
iii) Guarantee respect for human rights and fundamental freedoms, including freedom of association throughout Sudan in accordance with national laws and international human rights standards and conform to Machakos Protocol and all the subsequent agreements.
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
العزيزة روضة
كلما قراءت لكى كلما ازدت اعجابا وفرحا بهذا الوطن الجريح
فبرغم هذا الجرح الاليم تنجب ارضه روضات يانعات يزددنا القن كل يوم رغم الظلمة الطاغية
فى ارجاء وطنى فلكى كل التحية والحب ايتها الرائعة دوما
وكلما قراءت تعليقا لامثال اساسى
قلت قلبى على وطنى
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: الواثق تاج السر عبدالله)
|
أعرف إحداهن..
بحكم أنها ابنة عمة.. وأخت.. ترعرعنا سويا في بدايات الصبا.. ثم جذبتنا الأقدار بعيدا عن بعضنا ووزعتنا على أطراف العالم.. ثم عدنا والتقينا هنا بعد أعوام تفوق التسعة أو العشرة
مهتمة بالقراءة.. الحرة والأكاديمية.. تقرأ في مجالات العلوم و السياسة برغبة داخلية صادقة في حمل شعار للتغيير لما حولها.. قالت لي أنها كانت تفكر في مجالين عندما وصلت عتبة الجامعة.. مجال القانون و الحقوق، و مجال علوم الرياضيات و الهندسة.. ورغم الإختلاف الكبير بين المجالين إلا أنها كانت تملك تبريرا واضحا لكلاهما.. فهي ترغب في أن تكون عاملا في معادلة التغيير الإجتماعي في واقعها الذي تراه داخل بلادها و خارجه.. وهي في نفس الوقت تملك حبا للرياضيات كان دوما مصدر تعجب من جانبي.. إذ أنني رغم تخصصي الهندسي لا أملك أي "حب" غير أكاديمي للرياضيات و علومها بشكل خاص.. والغريب أنها في زمان أصبحت فيه مهنة التعليم غير محبذة لهذا الجيل.. نجدها، كحالة نادرة، شديدة الرغبة في أن تصبح معلمة.. و هي فعلا قد مارست مهنة "التعليم" من قبل لطلبة في عمرها ويصغرون عنها بقليل.. في الرياضيات.. وقد كانت تجربة ناجحة لها أورثتها المزيد من الرغبة في مهنة التعليم
كان سارية -أخي ابن تماضر- في إجازة لنا في السودان التقينا فيها لفترة وجيزة.. كان لديه "قفشات" عجيبة لسانية ذكية و نحن ما زلنا صغارا.. قال يوما و هو يسمع عمته و صديقتها تمدحان في فتاة يعرفانها.. قال قولة لم نتوقعها منه و هو "الشافع ود المغتربين".. قال "بت السرور .. أريتا بتي"!!.. و كان الكل يضحك، و أنا أضحك و أقول في خاطري "من وين الولد المفعوص ده بجيب الكلام الكبار كبار ده؟".. هذا على الرغم من أن "المفعوص" يصغرني بشهرين فقط .. تحديدا (سبعين يوما).. و هو اليوم ليس "مفعوصا" على الإطلاق، و هذه قصة أخرى.. على العموم فإني اليوم لا أجد تعبيرا أفضل في حق أخته و أختي من "بت السرور.. أريتا بتي" .. و مدام ما "بتي" .. برضو ما مشت بعيد، وجات "أختي".. والحمد لله..
لا أريد أن أكيل المدح.. فحسبي أنها تمثل حلقة من تسلسل القامات النسائية المشرفة من نسل "شيخ الدين جبريل" ..
وعلى ذلك نقيس فيما قيل عن رفيقتيها و صديقتيها
ما دفعني لقول كل هذا.. هو أنني أرى مثالا حيا على أنه "الما بعرفك يجهلك".. وإلقاء الإهانات نجده سهل جدا.. و تحضرني هنا مقولة للأستاذ محمود سمعتها اليوم في سياق آخر ولكنها تنطبق هنا بشكل كبير.. وهي مقولة تتحدث عن معاني سامية من الرحمة بالخلق.. وخصوصا من يسيء إليك ويؤذيك.. يقول الأستاذ "أنفقوا للناس من أعراضكم".. ونرجو حقا أن نكون من "المنفقين" ففي هذا وحده نجد العزاء.. يا تماضر و"أخواتها" أو "بناتها".. أو"عرائسها"..
*ملحوظة: ليس في ما كتب أعلاه إشارة من بعيد أو قريب لرأينا في العرض الفني بذاته، خصوصا من الناحية الفنية، إذ ليس للرأي الخاص في هذا المنحى هنا قيمة نقصدها
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Yaho_Zato)
|
لا حولة ولا قوة الا بالله
شنو الدنيا كلها شانتير
يا حلوين كدي روقوا المنقة شوية , وافهموا الكلام , دا موضوع طرح للنقاش هنا , يعني انا ما فتحت البوست في البداية, وما دام طرح للحوار من حقي اقول راي , حسب ما جاء في الحوار , لذا انا قلت راي , وراي دا الانا مقتنع بيه , فالجوطة والبكاء دي ما محلها هنا , الفنان في المسرح بتفلق بالبيض الفاسد والطماطم اذا الجمهور ما رضي ,
بعدين شايف في جماعة بدأو يتفاصحوا وينكروا علي حتي سودانيتي , طبعا ما بيهمني , يكفيني انه البيقولوا كدا منكم . مثل مطاريد الجبال , علي العموم مازلت اتحدي ان اري مثل هذا العرض في دار او منزل زواج ولو لاقارب عارضيه , وبعد داك تعالوا اتفلسفوا عن الوطنية والوطنية غرب
مازل السودان يحتفظ ببعض اختراعات منها:
الحشمـة
من حقي اقول ان العرض دا مادام باسم السودان فدا ما بمثلني من حقي اختار العرض الاوافق علي انه يمثلني , واكرر العرض اذا مثل اصحابه فلا اعتراض لدي اما اذا كان باسم السودان جميعا فمن حقي اوقل راي فيما يعرضني للعالم ... اذا ما الفرق بينكم وبين الكيزان البتلعنوا صباح مساء فيهم حين يختاروا في السودان دون مشورتكم البرنامج الذي يمثل السودان من مشروع حضاري وغيره ...لو لو شاوركم كنتم سترضون ... ؟؟؟
بشاشة ... انا لم ازد حرف او عبارة من عندي تراها سفيهة انت انما رددت كلامات قديستك رودا والتي لا اظن انها تتحدث (بتوراة ) منزل
اعتقد جازما انك رددت علي قبل ان تقرا ما كتبته قديستك...اما افخاذ رجال الكيزان وخلافه فلا تهمني والواضح بتكرار حديثك عنها انك خبرتها جيدا
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
الكوز الفهلوي اساسي
عايز تقول رودا هي القالت:
| Quote: فاني اري ان اسم السودان الوطن اكبر من ان يعرض بافخاذ فتياته. |
ولا ده رد علي كلامها حسب فهمك انت ليه؟
واذا فهمك مريض، هل ده مسؤليتها؟
ثم يارسالي ليه لفظك دايما عاجز؟
بغض النظر عن كلام اي انسان، هل صدفة انك اخترت مفردة بذيئة كهذه لتعبر عن ما يعتمل داخلك ككوز معروف عنكم الانحطاط الخلقي وذفارة اللسان؟
طبعا اي انسان سوي بي معني غير كوز، كان عبر عن نفس الراي بي مفردات غير مفرداتك دي.
مرة واحدة اتعلم تتحمل مسؤلية ما اغترفت يداك، او بطل تمسحها في اقرب واحدة، واعتذر.
واضح كل الناس دي استنكرت لغتك العاجزة.
اما كلامك عن اني خبرتها، فيحكي عنك ويقوم دليل اخر علي مدي انحطاط اخلاقك كرسالي ورفيق للتجاني!
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: humida)
|
هي اقدلي
وسكتي الخشامة
وانزلي
في العادي كــــــــــي
اقدلي
-
بس الشريط لم يساعدنا لمشاهدة واضحة للعرض
لكن بس اي واكس اي واكس اي واكس
كان حضرنا ويا ما حضرنا وحجيتكم ما بجيتكم
وشن بتشوفوا الما شفتوه في بيتكم
كمين اربعين سنة الا شوي
عمتي ام شلوخاً ستة
طلت لقت البنيات يعلمن في بنتها ونحن وليدات قادين في ضل الليمونة
البرش الطويل مقلم بأحمر ذهبي مصبغ عرض البندات الطويلة
عمتي قالت ليهن يا بنياتي عاد اقيفن اوريكن
عندها في داك الزمن كم قول ستين سنة
شبدت الشعرات شوف عيني مشن شمال مشن يمين رجعن شمال رجعن يمين ومع الدعة نزلن عند الكعبين
هوي الليلة عمتي
ياود شن شفت دي كان بسموها عاقدة العقلة
تمسك الشعر من النص وتقدة عشان ساعة الرقيص ما يتشتت في الواطة
هوي الليلة عمتي ده شنو
اول قالولك الحرير شن بمرقو من السحارة
والفنادك البتدق دورين تعبي الصنادل والسلال
الناس البتقيف تهتم الحيط وتحفر التلال
شن بتشوف الماشفتو عند اماتك
مسك العشاري الما بفتو ظفر
كر العود الحر
فوقو دقر
هو الليلة عمتي دستور يا اسيادنا
لاحقها نضر
تعلم العلامية
وحالته هادي
تحصد البرود
وتكمل مواسم القطاع
وكل الكبت صبت فوق راس لا انتكى لا شكا
والقدلة هيلوا
شن بتقولو
شوي خشامة قولوا
| |
|
|
|
|
|
|
|
|
 Re: IQ راقصات عرائس النيل و، و بلهاء قطاع رحط وطنهم. (Re: المسافر)
|
التحية للاستاذة رودا
التحية والاحترام اوجهها للخالة او العمة الفاضلة العزيزه الاسالذه تماضر نحن نفخر بكم ايما فخر واعزاز
لا تبالو بمثل هذه الامراض النفسية التي تلقي هاهنا فانتم اكبر بكثير من هذه السخافات والجهالات الفارغة الغبية الساقطة
هذا بدل قول شكرا يتفوهون بمثل هذه التعليقات السمجة المغرضة
لكي/ن جميعا اجمل التحايا
علي احمد
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: humida)
|
العزيزة رودا الرجاء تزويدى باللينك حتى اتمكن من مشاهدة العرض
وقبل ما اشاهد العرض
سيرى يا تماضر فوق فوق
سيرى يا تماضر فوق وفوق
تماضر شيخ الدين تلك النخله الباسقه العالية الانيقة الراقية التى لا يطالها الاقزام
حقوق ملكية النص لود قاسم كما قال لى فى اول مشاركه لى مع بعض الاضافات منى
ممكن يا رودا ان ازودك بايميل شخص فى هذا البوست ولانو مافى مسنجر وهو ما شاء الله مارق للرباء والتلافه فانا لا استطيع ان افرط فى عنوانى البريدى
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: humida)
|
سلامات رودا والجميع...
والله كان الواحد متابع البوست وما داير يتداخل لان الراى قد قلته من قبل...
بس حبيت أذكر الأخ حميدة بإرجاع ردوده التى حذفها من قبل فى بوست آخر...
لأن تجميع الردود قد يتيح لى على الأقل دراسة التناقض البيّن فى ردوده...
فمن ناحية يصرح بأنه من جيل الانقاذ (1970---2004) و لا يعلم كيف كانت التقاليد فى الماضى ونشأته فى بيئة العيب والحرام...
ومن ناحية أخرى مازال يشارك وينثر فى تصريحاته يمين وشمال...
كما أحب ان أنوه الأخ حميدة ان القطيعة فى الإنترنت (حرام) شأنها شأن القطيعة فى أى مقام آخر...
فلو كان عندك أى كلام هنا...
الرجاء مناقشته هنا...لأننى لن أتابع ردودك فى سودان دوت نت...
وشكراً
أنور فتح الرحمن أحمد دفع الله
AnwarKing
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: AnwarKing)
|
انوركنج ..
لسع كلامك مبهم ..
بالنسبة للتباين في رأي ..
احتمال انك ما فهمت قصدي ..
ودا مشكلة عندك ..
ممكن تحاول تحلها ..
بعد ما تنتهي من رسالتك السامية ..
والاستاذة تماضر بنفسها جات ردت ..
ونفت في ردها انه كلامي يكون فيهو اساءة ..
كما زعمت حضرتك ..
وانا ما بقدر اسئ لتماضر ..
لاشياء بعيدة من البورد ..
نرجع لمداخلاتي ..
وممكن تقرأ ردي الموجود هنا ..
الفن رضيت ولا ابيت ..
عندو احتمالين فقط ..
يا يعجبك .. يا لا ..
ونحن الشكل ذوقنا ..
بما انه الذوق مقياس للفن ..
حياتنا .. الممتدة عبر سنين الانقاذ ..
والما شفنا فيها الحاجات دي ..
شكلت عندنا .. ردة فعل ضد اشياء كثيرة ..
فوقع العرض في خانة .. ما عاجبنا ..
وشوفنا فيها اساءة للسودان ..
وحاجات كتيرة ..
بس دا ما بلغي الرأي الآخر ..
ولو ضربنا رأسنا في الحيطة ..
وانت واحد من جيل الانقاذ ..
لكن الظاهر عليك ما اتأثرت بالوضع ..
من باب لكل قاعدة شواذ ..
ولا انت زول مدرع .. ما عارف ..
المهم ..
حبيت انقل العندي ..
سواء عجبك .. ولا ما عجبك ..
سواء عجب تماضر .. ولا ما عجبها ..
ما دي الديمقراطية .. البتتكلموا عنها ..
لمن تجي لحدي عندكم بتحرقكم ليه ..
اما عن القطيعة ..
وكلام اللمز بتاعك دا ..
فاللاسف ما فهمته ..
ممكن تتكلم عديل ..
وكان عندك حاجة افضل انك تقولها طوالي ..
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: humida)
|
Quote:
اما عن القطيعة ..
وكلام اللمز بتاعك دا ..
فاللاسف ما فهمته ..
ممكن تتكلم عديل ..
وكان عندك حاجة افضل انك تقولها طوالي .. |
مالو... ما كعب الزول يذكرك (لو نسيت)...
كتب الأخ smasm:-
Quote:
حميـــــــــــــــــــــــــدة
طبعا اعجبني رأيك المنشو في سودانيز أون لاين
ولو كنتا مشترك هناك كان نزلتو قبلك
لكن العن ابو الواسطة
بس داير أقول ليك ماسح ردك ليه؟؟؟
ثاني نقطة : منو القال انو دي ثقافتنا السودانية
ثالثا منو الأدا تماضر الحق انها تقدم رسالة الى كولن باول بأسم السودانين
وأخيرا يا حميدة أرجو انك ترجع ردودك هناك
وببجي راجع لأنو انا ممغوص شديد من المهزلة دي
|
فكان ردك الآتى:-
كتبت:-
Quote:
والله لانه هناك ..
بسيبوا الموضوع ..
وبمسكوا ليك في رقبتك ..
وانا صادفت وردية انوركنج ..
وعشان انا عارفه زول كويس ..
وما حبيت ازعل منه
سحبت ردودي ..
عشان الموضوع ما يستفحل ..
المهم ..
تماضر شيخ الدين .. قدمت مادة ..
تقلبنا ليها وردة فعلنا ..
بتكون حسب الجو المتربين فيهو ..
في مغالطات كتيرة في الامر
وبيني وبينك .. انا رجعت درجتين لورا ..
تجربة بسيطة ..
لو عندكم صورة قديمة ..
يعني من خمسة وتمانين ولي تحت ..
اتفرج فيها كويس ..
بتشوف سودان تاني ..
|
المرجع:-
http://www.sudanforum.net/forum/viewtopic.php?t=36024&p...72b4b234c0bcc208ae0f
ان شاء الله وقع ليك الكلام!!!
أنور
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: humida)
|
Quote:
النقاش في سودانيز اون لاين ..
نصه تطبيل وخالي من المضمون)1( ..
ودا رأي ذكرته هنا عدت مرات ..
والدليل ..
اتهام احد اعضاء البورد بأنه يزني بأمه(2( ..
والسبب الاختلاف في الرأي ..
|
)1(
هذا رأيك...نحترمه...فهل لنا بالمثل...ام من بعدك الطوفانّ!
(2(
رجاءً لا تبتر النص من سياقه....فهذه مصيبة نعانى منها هنا....
Quote:
الحاجة التانية ..
انا لمن أكتب رأيي ..
بكون من أجل النقاش ..
|
النقاش بيكون مؤسس على معلومة.... وانت قلت:-
Quote: ورجعت درجتين ..
في انه دا ما تراثنا ..
وجاءت مداخلة الاستاذ الموصلي ..
انه فعلا من التراث .. وموجود
ومداخلة من الموصلي ..
خالية من الاغراض .. الاخري ..
تجعلك تتمعن في كلامه ..
وفعلا رجعت لصور قديمة ..
ولقيت انه الشئ دا موجود ..
|
يعنى المعلومة كان ناقصاك حينما أقحمت نفسك فى النقاش.... ودا فى جيلنا يسمى:-
ما ناقش وداير يناقش!!!
وشكراً لك على المعلومة بتاعت (لانه دا اسمه .. ذي ما انت عارف طبعا ..
Discussion Board )....
فهى أحد الخدمات التى تقدمها الإنترنت...كما البحث عن المعلومة قبل الأدلاء بآرائنا...
ختاماً... لا أحمل لك أى شئ شخصى...لأنك أخ فى النهاية والبداية...
أنور
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: AnwarKing)
|
عفوا .. انور ..
اثناء ما كنت بترد ...
انا عدلت الرد ..
عذرا ..
لانه ما وجدت في القائمة ..
فعلا انا كانت فايتة علي حاجات كتيرة ..
ومن خلال النقاس .. استفدت كتير ..
وما كنت عارف .. انه من شروط الكتابة في هذا البورد
انه البني أدم يكون عالم .. بكل شئ ..
البركة فيكم يا عزيزي ..
وبالمناسبة ..
اكيد ما ضغينة شخصية ..
لانه دا عالم افتراضي ..
| |
|
|
|
|
|
|
|
|
 Re: IQ راقصات عرائس النيل و، و بلهاء قطاع رحط وطنهم. (Re: Roada)
|
العزيزة رودا وضيوفها الكرام..
ليلة البارحة أتيحت لي أول فرصة لمشاهدة عرض (عرايس النيل).. طبعا بعد مجهودات من كوستاوي.. مشكورا..
وحقيقة قرأت كل ما كتب عن العرض.. ويا مؤمن يا مصدق اتخيلت وانا ببدأ المشاهدة اني حأشوف عرض (خارج)..
وبعد كل فقرة.. كنت أقول.. يمكن لسة..
وتنتهى فقرة لتأتي أخرى أجمل لا ارى فيها غير نسمة جميلة من البلد وصوت بديع يملأك شجنا وعاطفة.. غناء محمد أدروب.. وبرضو أقول.. لسسسسة..
المهم.. العرض انتهى.. ولم أجد ما كتب فيه المعلقات والفتاوى والاستنكار..
وطبعا أصبت بخيبة أمل كبرى  ..
هل العرض الذي شاهدته هو نفسه المقصود..؟
غايتو الوصلة اداني ليها كوستاوي.. بتاعت مركز كيندي للفنون..
---
حقيقة لازمة التوضيح:
انا شخصيا عندي رأي واضح اعلنته مرارا في رقيص العروس - عموما - مع تقديري لآراء من يحبونه ويرونه تقليد وموروث.. مع ملاحظة اني لا ارفض دعوة لحضور (صبحية) او أمنع نفسي من الاستمتاع ببعض الاغنيات الحلوة.. (من فريع البان - كوريا - سووووحي)..
--
ملاحظاتي الأخرى تتفق وملاحظات الجميع في الإضاءة.. وعدم الانتشار على كل الخشبة.. وضرورة وجود راقصين شباب..
وبس..
التحية لتماضر وفرقتها الجميلة..
ولك رودا على الكلام الفوووق..
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
شكرا على البوست القيم واحى راقصات عرائس النيل واستغرب الى متى البعض يتشكك فى مورثاتناالثقافية فرقصةالعروس ابناء جيلى عاصروها فى فترة الثمننيتات وكانت بالنسبة لنا والجميع اخص الرجالة بمثابة الفصل الاخير من نهاية العرض الجميل فرغم الملابس التى كانت ترتديها وكمية الاسورة التى تزين كثيرا من مفاتن جسدها لم يخطر ببال احد مثل ما يفكر فيه البعض والى الان ما زالت الثقافة المصرية متمثلة فى (رفصة عشرة بلدى ) تأخذ مكانها فى ضروب الفن عبر الروايات الحديثة والافلام الجديدة وحتى افخم الفنادق بمصر تستقبل زوارها بتلك الرقصات فهذه هى تقافة شعب .فما احرى ان نشجع نشر ثقافتنا قهى تمثل تاريخ شعب بأكمله .
لك تحياتى
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
Quote: انت يا بشاشة ..
الواحد لو خالفكم الرأي ..
في أي حاجة ..
وما جا يطبل زيكم |
يا اخ حميدة.
قالوا الحرامي في راسو يشة!
مافي زول جاب سيرتك، ولامعروف عننا بنطبل. بعدين راي شنو البتعبرو عنو بي مفردات خليعة ذي "افخاذ"؟
بعدين ماعامل فيها راقي جدا، هل صدفة انو بذاءة ذي دي فاتت عليك؟
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Bashasha)
|
بشاشة ..
بنفس منطقكم ..
هو ما شاف غير الافخاذ ..
وانت ما شفت غير الكلمة دي ..
لو مسكت كلامه .. واديتنا كلام مقنع ...
بكون أحس ..
وما هنا بس .. في اي اختلاف في الرأي معاك ..
بجد انه الطرف الآخر .. كوز ظلامي حقير ..
تكون دي صدفة ..
ويا عزيزي ..
عندك مقدرة عجيبة علي زج نفسك في المشاكل ..
قاعدة ..
حتي التطيبل .. يحتاج لضبط أيقاع ..
طبل لينا .. بفهم ..
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
طول عمره الفن في صراع مع التخلف و دايما الفن هو المنتصر
طرح أساسي و على عثمان غث و لا يعبر الا عن التخلف الاجتماعي
قصير العمر و منبت الصلة بمسيرة الأنسانية. أنا شفت البنات
ديل في تورونتو و أعتقد أن امهم و مدربتهم علمتهم انو دا
فن و مش قلة أدب. أفخاذ قال! أفخاذ في عينك ياخي!!!!
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: mustafa mudathir)
|
الى جميع المشاركين فى النقاش..
لا اجد الوقت الوقت الكافى للكتابة ولكنى اتابع بالقراءة كل ما تكتبون..فكل هذه الاراء هامة جدا بالنسبة لنا..واشكر لكم اهتمامكم بالعرض..سوى كان بالنقد الهادم او الرد العادم او التشجيع والاعجاب فكلها فى مصلحة العمل..اهم حاجة كمان انها شهادة للعمل بانه ما عابر ولا محايد..وان فى فحواه وطرحه جدل..ما..تفتقده كثير من الاحداث.
الاهم انه ردا على تساؤل سماسم..
ثالثا منو الأدا تماضر الحق انها تقدم رسالة الى كولن باول بأسم السودانين
ارجو الا تضع الكلمات فى فمى..ارجع للرسالة وشوف نحن بنتكلم بالنيابة عن منو؟؟
اما تدخل امريكا فى السودان فهو لم يكن من جراء مخاطبتنا له..فاليوم كان اصلا مخصص للسودان..والمعلومات البعرفوها عن السودان هنا فى البيت الابيض..اظن ما بعرفوها عنه فى القصر الجمهورى..فما تخلط اوراق التاريخ..كل الحاصل انهم ما كانوا معترفين بكلمة ابادة لاسباب تتعلق باتفاقية السلام..وحفر ابار البترول وماكانوا ناويين يلمسوا الحكومة السودانية فى دارفور حتى لا يضيع النفط ..وده السبب الزعل ناس الامم المتحده فى الاحتفال..بدعوى اننا احرجنا الحكومة الاميريكية...ارجو ان يكون هذا التوضيح شافيا..لك...
تناقشوا ..فان الحوار لا يضر احدا..وعندما اجد الوقت الكافى اعدكم بالتداول ...والشيل والخت.
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
الأعمال الفنية تقيم بالمعايير الفنية فقط.
وربما يقيم كل عمل فني بمعايير بنيوية من داخله فقط.
تطورت الفنون وتتطور بسقوط كل المحاولات لإقحام معايير غير فنية عليها, مهماكانت تلك المعايير.
التراث السوداني وعاداتنا وتقاليدنا متنوعة جداًُ وذلك مصدر ثرائهاوجمالها.
كل طالباني يريد أن يفرض عليها قالباً احاديا بالكلمة في البورد او بالسيخ في الجامعات أو عصابات النظام العام مصيره الفشل المحقق. وقبلهم أغلق البيوريتان كل المسارح في لندن في القرن الخامس عشر بحجة أنها بيوت الشيطان لكنهم إندحروا فكان شيكسبير والنهضة.
الباقر
| |
|
|
|
|
|
|
|
|
 Re: IQ راقصات عرائس النيل و، و بلهاء قطاع رحط وطنهم. (Re: Elbagir Osman)
|
الاخ الحبيب حميده سلام
لك كامل الحق في ان يعجبك العرض او لا
اما التعريض والقول الفاحش في اخواتا لنا فهذا مانرفضه جملة وتفصيلا ونعتبر من يلمز ويغمز بهذه الاشياء موتور ومتهوس يجب ان يلجم وقولي انهم مرضي نفسيون قولا متواضعا وهزيل امام اقاويلهم الساقطة
اما الشكر لانسانا حاول وبحسن نية ان يقدم نمازج للتراث السوداني
فهذا متوقع من الذين يقدرون هذا التراث والثقافة اما من لا حس لهم ولا شعور بقيمة هذا التراث والثقافات يلجئون الي مثل من لجئي الي هذه الاقاويل السمجة القبيحة
مع تحياتي
علي احمد
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
التحية للمتداخلون
انا فى الحقيقة ما كنتا عاوز ادخل فى الموضوع دة لكن كدى بس عندى سؤال واحد؟
انتوا اسم السودان دة مش ممكن نرفعة بتسمية اعلامة
من الاطباء او المهندسين او الرياضيين ؟؟؟
يعنى ما لقينا الا الرقيص نرفع بية اسم بلدنا؟؟
دة مجرد سؤال بعيدا عن المهاترات
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
شكرا لكل المشاركات المشاركين.
لماذا أمثال فرقة عرائس النيل هى الضوء فى أنفاق الظلام التى خلقها أسوأ أهل السودان عبر سنوات من صناعة الخوف و الخرافة ؟
و لماذا تم أعلاء قيم التخويف و الخرافة لتصبح هى القيم (الكريمة) رغما عن سطحيتها وسذاجتها و قيامها عى صور متخيله لاتوجد سوى فى اذهان خالقيها؟
لماذا نعتقد أن أمثال فرقة عرائس النيل نورا فى نفق ظلامات أنفسنا الى فرضت علينا، فأتهمنا بها؟
أى فرض علينا أهل السؤء هؤلاء القهر وجردونا من أطلق العقل لملكاتنا الأبداعية ، رجال و نساء، فى كل المجالات دونما حدود؟
لماذا كل تلك الخطوط الحمراء و لماذا يخاف صناع الظلام و مستورديه الظلاميين من أمثال فرقة عرائس النيل؟
لماذا يخاق صناع و مستوردى الظلام من كل مبدعة أو مبدع مختبر لقيمهم القديمة؟
لماذا نعتد بامثال فرقة عرائس النيل و نرسل أخبار عروضها الى صديقاتنا و اصدقاءنا من الشعوب الأخرى؟
هؤلاء الأصدقاء الذين تعودوا على رسائلنا لهم المطالبه بتضامنهم مع هزيمتنا الأنسانية يوما بعد يوم ؟
لأنهم يدخلون الفرح فى قلوبنا و على عيوننا، ذلك الفرح الذى نادرا مانتذوق أو مانتذكر.
لأنهم يجعلوننا نبتسم، و نصفق و ننفعل و نضحك، ونبكى، و نتذكر...
أنهن يخاطبن ارواحنا التى نكدتم عليها بوجوههكم الكالحه و (المصروره) فيما تبقى من ثياب زراق أمهاتنا...
ديمه، أو دائما ، أوجهكهم كالحه مصروره.
أنهن يجلبن بعضا من الفرح، و بعضا من الحياه و بعضا من الجمال ...و كل الأنسانية .
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
رودا ..
لديك مقدرة عجيبة علي الخطابة ..
والزج بالكلمات الرنانة ..
التي تعجب .. من به صمم ..
ومعها ايضا مقدرة علي " زحلقة " الموضوع ..
لأغراض اخري ..
ما نتحدث عنه هنا ..
عرض فني ..
قابل للانتقاد .. والأخذ والرد ..
وهذا ديدن الفن في كل الدنيا ..
لماذا نحن دايما .. شاذين ..
ولا نتقبل الرأي الآخر ..
السودان اكبر ..
من عمل فني ..
واكبر من ان تدافعي عنه انتي .. او انا ..
اذا استوعبتي أن هذا السودان .. وطن بحجم دولة ..
اكبر من ان يكتبها كيبورد ..
فأظن ان اغلب مشاكلك ستجد طريقها للحل ..
نحن ننقاش هنا .. عرض فني ..
وليس مشكلة دارفور ..
او احدي مشاكلنا الحيوية ..
مثل عدم الزواج .. من قبائل معينة ..
وعدم انصهارنا يالشكل المطلوب ..
مجرد عرض فني .. كله حسنات ..
حتي وأن اخفق ..
فاللمجتهد .. حسنة ..
وكرر المحاولة .. مرة أخري .. !
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
Quote: التحية للمتداخلون
انا فى الحقيقة ما كنتا عاوز ادخل فى الموضوع دة لكن كدى بس عندى سؤال واحد؟
انتوا اسم السودان دة مش ممكن نرفعة بتسمية اعلامة
من الاطباء او المهندسين او الرياضيين ؟؟؟
يعنى ما لقينا الا الرقيص نرفع بية اسم بلدنا؟؟
دة مجرد سؤال بعيدا عن المهاترات |
لا أود أن أهاتر، و لكن لم أجد ما أقول سوى أنك أنسان (جلف) و (جاهل).
فالتاريخ البشرى منذ بداياتة الأولى عرف الأنسان ككائن (مبدع)، و عرف أن العلوم و الفنون و الآداب لا تطور أو تتقدم كل بمعزل عن الأخرى. و هذا حديث طويل طويل.
أقرأ تاريخ قدماء المصريين، و تاريخ الأغريق و الرومان. أنظر الى ماتركوه آثار، أن رأيت مخططات الأطباء و المهندسين و الرياضين و حسب (أبقى قابلنى)... سترى الرقص و الموسيقى، جنبا الى جنب مع علامات أبن رشد و الرازى، و ابن خرادزبه و الخليل... أيام تطور العلوم و الفنون عند المسلمين !!!
أقرأ تاريخ الصين لتعرف كيف أن العلوم و الفنون و الموسيقى و الرقص دايما يتزامنا!!!
لايمكن لشعب أن يبدع فى أحدى المجالات دونما الأخر ، أرجع الى تجربة عصر النهضه التى بنى عليها كل ما تأكله و تشربه و تلبسه ، و تتعالج به و تتصل به و تركبه، و تسمعه و تشاهده، و ووو
فها هو العالم العلامه ، الفاهم الفهامه السيد هشام يبدع لنا طريقا (لرفعه) و تقدم العلوم و الرياضه السودان دونما رقص!!!
القصة يا سيد تكمن برمتها فيما قلت!
أنكم تريدون أن تبدعوا عالما خالى من الفرح، و من أرفاع أى من المشاعر الأنسانيه الراقية و الغير تلك التى لاتعرفون غيرها.....(البهيميه)
جلف، جلف، جلف
ومن ناحية أخرى (هل هنالك من حاش) الأطباء أو المهندسين، أو الرياضيين من أن يرفعوا أسم السودان ، أو يرفعوا عليه الفاتحه؟
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
حميده كتبت:
Quote: رودا ..
لديك مقدرة عجيبة علي الخطابة ..
والزج بالكلمات الرنانة ..
التي تعجب .. من به صمم ..
ومعها ايضا مقدرة علي " زحلقة " الموضوع ..
لأغراض اخري .. |
ياريت، أن الكثيرين من الذين أتحدث معهم هنا كما ترى ، حالات متأخرة من الصم و البكم و سوء الحيله و قلة البصيره و الجهل و قصر النظر، و الشعوذة و التخلف، و الدجل ...و...و العمى كمان!
فلازال البعض يأتى (وبكل نفس فاتحه) فى هذا القرن ليقول أنة يريد ان يرفع أسم السودان بعد أن
يحزف (الرقص) !!! و سيأى مهووس آخر ليقول لابد من حذف الشعر، و أخر لابد من ألغاء الموسيقى و لابد لابد من ألغاء ...الخ ..، حتى يمتد الأمر الى الابد من ألغاء حياتنا!!!
أى هوس هذا؟
ليس هنالك من زحلقه و لاهم يحزنون ، أنما البعض هو الذى يزحلقنا الى هاوية أسفل سافلين.
كتبت:
Quote: ما نتحدث عنه هنا ..
عرض فني ..
قابل للانتقاد .. والأخذ والرد ..
وهذا ديدن الفن في كل الدنيا ..
لماذا نحن دايما .. شاذين ..
ولا نتقبل الرأي الآخر .. |
أقرا كلام الأستاذ الباقر أعلى هذا البوست، و انا اتفق معه تماما.
نحن ليس ضد النقد الفنى للعمل الفنى الذى قدمنه هؤلاء المبدعات ، و لكن هل تم نقده فنيا فعلا ؟
لقد تمت محاكمته (أخلاقيا) وفقا لأسوا معايير البهيمية و الجلافه و هذا هو الأختلاف.
Quote: السودان اكبر ..
من عمل فني .. |
ماهى العلاقة بين السودان كوطن وأى عمل فنى؟؟؟
أى أنك تقارن بن الهواء و الشنطه!!!
مقارنه غير (علميه) أى لشيئن مختلفين نوعيا!!!!
كتبت:
Quote: واكبر من ان تدافعي عنه انتي .. او انا ..
اذا استوعبتي أن هذا السودان .. وطن بحجم دولة ..
اكبر من ان يكتبها كيبورد ..
فأظن ان اغلب مشاكلك ستجد طريقها للحل .. |
أذا ما أعتقدت أنك أصغر من أن تدافع عن و طنك، فهذا شأنك، أما أن تقرر ان هذا الشخص او ذاك ليس من حقه الدفاع عن أو تقديم بلده، فهذا ليس من شأنك، فالبعض منا يرى أن يقدم بلده عبر أبداعه، و أن كان رقصا!!!
كتبت:
Quote: نحن ننقاش هنا .. عرض فني ..
وليس مشكلة دارفور ..
او احدي مشاكلنا الحيوية ..
مثل عدم الزواج .. من قبائل معينة ..
وعدم انصهارنا يالشكل المطلوب ..
مجرد عرض فني .. كله حسنات ..
حتي وأن اخفق ..
فاللمجتهد .. حسنة ..
وكرر المحاولة .. مرة أخري .. ! |
أن تناقش عرض فنى كما قلنا، لابد من مناقشته فنيا. و أن لانربط أبداعنا بمن نحن (دة بعدك) فماقدمنه راقصات عرائس النيل نموذجا لكيف ينفعل المبدع بما يدور فى بلده، وهذا عكس ماتعودنا عليه من الضلاميين الذين يقدمون ماهو مبستر و مصطنع و غير صادق...
ليس من القلب...
و هن و نحن مستعدين (للحسنات)
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
كويس يا رودا انه نفسك بارد بالرغم من نتانته لكن اهو نصبر
واستغلال لهذا النفس البارد نتحاور براحة براحة بعيد عن المطبلاتية الفوق ديل ....
بدون اي احكام مسبقة وتصنيفات للمتاحور ومن ناحية عامة بس
الكلام كدا ...
العمل الفني قدم باسم السودان اي هو يمثل السودان المنطق بيقول كدا
طيب ما دام العمل الفني بيمثل السودان فمفروض يكون خاضع لموافقة الاغلبية من السودانين ورضائهم بانه العمل دا بيمثلهم ..اوكي ... اها انا من الناس الشايف انه العمل دا ما بمثلني او بيمثل قناعاتي وصورتي الداير اعكسه للاخرين ... وما وكلت زول يمثلني بعمل زي كدا
ودا تماما زي ما انك بترفضي المشروع الحضاري حق الكيزان ... يعني لو كان الكيزان قدموا نشيد جهادي من نوع جهادنا وما جهادنا
بالتاكيد حتقولي انه ما بيمثلك .. فبالله ومن وجهة نظر عادلة بالرغم من ايماني بانك والعدل علي طرفي نقيض وطول خصام الا اني اطمح في ان اسمع ردك علي كلامي الفوق دا تحديدا بدون اي التفاف ..هل الوقت داك رفضك بيكون عنده مبرراته للمشروع الحضاري المفروض عليك انه يمثلك ورفضي لما قدم ليس له مبررات ولا كيف ؟
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: humida)
|
سلام
حقيقة انا بدخل المنبر هذا اكثر للقراءة فقط
ومن الملاحظ
وسوف اختصر الكلام
هنالك طبالين في شتي كلام تماضر ومواضيعها سواء كانت هادفة ام لا واكثر البوسطات ردودا وكل الردود مقدودة ليس لها طابع مفيد
مثال
ياسلام عليك يا طماضر وما شابه ذلك هذا يدل على التطبيل من زوي عدم الموضوع
ثانياً
مواضيع طماضر اعظمها لنفسها وكتاباتها لشخصها بالدارجي كدا بتحب تكتب عن روحه...
وثالثاً
العرض كان في منتهي الاهتذاء باسم السودان والمواطن السوداني
رابعا
اتمني ان يكفو الطبالين وردودهم الغير مجدية
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
لا يارودا ..انت مخطئة..
الانسان لا يحتاج للفنون...
ولكن لانحلال..ما.. فيه..
يتزيا بزاهى الملبس..
ويتمايل طريا
ويعشق الحقول والبيادر
ويغنى لها
ويطرب للعصافير ..والناى
ويتعطر..ويكتحل ويلبس اصداف البحر..
ويخرج عن الملة
لانحلال ما...يجب ان ان يحاربه "ولاة الامر" يحاكى الوان الطيف...وفروع الاشجار والورد..ويرسمها على حيطان المنازل والكهوف..ويرسم افكاره واحلامة على جدران المدن...ويعلق "صورة" طفلته الجميلة على باب قلبه...
لانكسار..فى ارادته الحديد...يبكى الانسان فى العشق ويكتب الشعر ... ويغنى...
لشىء ..منهزم فى دواخله...هذا الكائن ..العابث...يعزف الموسيقى ويحاكى ..حفيف النسيم فى البحر ..او قصف الرعود فى ليالى المطر..
ماله وذلك؟؟ ... فهناك الطعام والكساء والمسكن..وامراته تغسل اقدامه وهو يجيد اغلاق الابواب..من ورائه ويعرف كيف يحمى عرضه بالسيف والرصاص..ان اراد.
ماحاجته الى الحب والدمع والرقص فى مواسم الحصاد..اذا كان شجاعا ...يهزم الاعداء..ويفتح الارض ويغتصب النساء ..
وماحاجة الاوطان..للاناشيد..اصلا؟؟ وما حاجة الثوار للغناء؟؟
سيجىء اليوم الذى يعتلى فيه "الرجل الحق" قلعة الحكم..فى "سوداننا الكبير" وستعود فئران الفن الى جحورها..ويتم اسكات صوتها الى الابد...
وقد بدا عصر الفتح..
فلا تخلطى ورقك يا رودا..يا انثى من قبيلة مجهولة ...وعقل لا يناسبك ولسان طويل..
لا يحتاج الانسان الى الفن...انه يحتاج للالغام...والحروب.
ولا تحلموا بعالم سعيد.
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
Quote: خطاب الاسلام السياسي بمختلف مدارسه يدخل فى صراع معقد ومتعدد المستويات مع الواقع،سياسيا اولا ثم فكريا و ثقافيا.اينما تميل كفة هذا الصراع يميل وضع المراه،حين يميل الميزان ناحية وعى جديد و مستنير يتنامى وضع المراه ويتحسن، وحين يميل الميزان نحو الوعى التقليدى والمحافظ وما يمثله من قيم قبليه مغلقه يتدنى وضع المراه .
القران حمال اوجه ولا ينطق انما ينطق به الرجال، فى عصور الانحطاط والتاخر يتم اخفاء "النساء شقائق الرجال" ويتم اعلان ورفع "النساء ناقصات عقل ودين" ويتم انتاج خطاب يعزف على مختلف نغمات التخلف التى تتجاوب معها مخزونات الخوف والكبت ، ومن النص القرانى يقف تراث التخلف عند "كيدهن عظيم" ويمتد هذا الكيد من الكلمه للنظره للفكره و لا يتوقف عند الافخاذ فقط. يتم تحويل المراه الى الكائن المثير للشهوات المحرك للغرائز الباعث على الفتنه واحبولة الشيطان، ويصبح الحل الوحيد هو الوأد الذى كان يمارسه العربى البدوى فى الجاهليه ،لكنه الوأد داخل اللباس الاسود المغلق تماما الا من فتحات للعيون، انه المعادل الموضوعى لعملية "الدفن" على سطح الارض درءا مقدما للشبهات وعملا بالمبدأ الفقهى الاثير "درء المفاسد مقدم على جلب المصالح" وهو مبدأ يعنى جوهريا المحافظه على الحال كما هو مهما كان حجم التخلف، اذا كانت الحركه وتحقيق المصالح يحتمل - مجرداحتمال- ان تفضي الى بعض المفاسد، وهى فى حالتنا هذه ان تنزع المرأه الخيمه السوداء عن جسدها وعقلها، ويالها من مفاسد.
هل نحن ازاء خطاب دينى ؟ يمكن ان نقول ذلك،لكنها ليس كل الحقيقه, فى جوهره هو خطاب تخلف وازمه قد يتخذ هذا الخطاب الدين او لغة السياسه او الاجتماع او الاقتصاد او الشعوبيه واجهة له، لكنه فى الحقيقه يبقى خطاب تخلف يتناول بعض اعراض الازمه الشامله فى مجتمعاتنا لا ليحلها بل ليعيد انتاجها ويصبح جزء فاعل فيها لانه يكرس تزييف الوعى بالازمه نفسها و بتسطيحهاوتقديم الاسئله الزائفه والاجوبه الاكثر زيفا س: لماذ نحن فى ازمه؟؟؟ ج: لاننا ابتعدنا عن الدين.
س:كيف نخرج من الازمه؟ ج: بالرجوع للدين، الاسلام هو الحل.
نواصل |
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Roada)
|
اساسي.
من الذي يملك الحق لكي يمثل السودان ؟ هل توجد هناك لجنة توزع تصاد يق لتمثيل السودان؟ وما هي معايير تلك اللجنة, أن وجدت اصلاً في التعامل مع مبدعين مثل تماضر شيخ الدين التي تعيش بعيداً عن وطنها احتجاجا على وجود ظلاميين أمثالكم في السلطة؟
يجب أن يعلم السودانيين أن تاريخ السودان لم يبدأ عام 1989م.
بل هو تاريخ الجبهة الإسلامية المشين.
دينق.
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: mohammed alfadla)
|
رودا مساء الخير
اشد على كل يد تهدهد فينا ماضى افراحنا وتعكس جزء اصيل من ثقافتنا، وكل الاحترام لتماضر وفرقتها
لدى ملاحظة ارجو ان تأخذيها مأخذ الجد كعهدى بك
قلت فى بعض الردود:
{ ياريت، أن الكثيرين من الذين أتحدث معهم هنا كما ترى ، حالات متأخرة من الصم و البكم و سوء الحيله و قلة البصيره و الجهل و قصر النظر، و الشعوذة و التخلف، و الدجل ...و...و العمى كمان!}
الاترى فى هذا الرد تمييز غير مقصود وقع على الصم والبكم واللذين فقدوا/ن ابصارهم/ن؟ اليس هناك اجحاف ما غير مقصود وقع عليهم/ن بمقارنتهم بالجهلاء؟
ولك معزتى
| |
|
|
|
|
|
|
|
|
|
Re: IQ راقصات عرائس النيل و، و بلهاء قطاع رحط وطنهم. (Re: Ishraga Mustafa)
|
Quote: لدى ملاحظة ارجو ان تأخذيها مأخذ الجد كعهدى بك
قلت فى بعض الردود:
{ ياريت، أن الكثيرين من الذين أتحدث معهم هنا كما ترى ، حالات متأخرة من الصم و البكم و سوء الحيله و قلة البصيره و الجهل و قصر النظر، و الشعوذة و التخلف، و الدجل ...و...و العمى كمان!}
الاترى فى هذا الرد تمييز غير مقصود وقع على الصم والبكم واللذين فقدوا/ن ابصارهم/ن؟ اليس هناك اجحاف ما غير مقصود وقع عليهم/ن بمقارنتهم بالجهلاء؟
ولك معزتى |
العزيزه أشراقه،
شكرا لك لحساسيتك المفرطه، و شكرا لك لتنبيهى.
و الحق أننا فى أحيان كثيرا لا ننتبه الى أن ما نأتى به من أقوال أو افعال قد يكون غير مسؤل، فالى اى مدى ما نعتقد انه (عادى) و نردده دونما حرج قد يكون (عنصرى) أى يتعالى على مجموعه بعينها؟
فماذكرتى صحيحا، فحديثى به تمييز غير (مقصود)، و أنا أسحبه و أعتذر عنه، و أقر أنه غير شديد الحساسيه تجاة الصم و البكم و العميانين ، و غير لائق، و غير مبرر.
فالتمثيل هنا غير لائق.
لك الشكر ياعزيزتى على تنبيهى. و أكرر أعتذارى لأى من هذة المجموعات .
| |
|
|
|
|
|
|
|
|
 Re: IQ راقصات عرائس النيل و، و بلهاء قطاع رحط وطنهم. (Re: Roada)
|
Quote:
العمل الفني قدم باسم السودان اي هو يمثل السودان المنطق بيقول كدا
طيب ما دام العمل الفني بيمثل السودان فمفروض يكون خاضع لموافقة الاغلبية من السودانين ورضائهم بانه العمل دا بيمثلهم ..اوكي ... اها انا من الناس الشايف انه العمل دا ما بمثلني او بيمثل قناعاتي وصورتي الداير اعكسه للاخرين ... وما وكلت زول يمثلني بعمل زي كدا
|
بـــــــــــــــــــــس
الأخ أساسى من متى كان رأى الأغلبيه فى السودان له قيمه؟؟؟؟؟؟؟؟؟
لو فعلا بتؤمن برأى الأغلبيه للدرجه دى بالهى قول لى أيه رأيك فى الاستولوا على السلطه فى السودان بقوه السلاح و من غير أخذ رأى الأغلبيه أو موافقتهم؟؟؟؟؟؟؟؟؟
| |
|
|
|
|
|
|
| |
اساسي
Bashasha
يازولyazoalيازول
Muhib
Tumadir
abdelrahim abayazid
humida
Bakry Eljack
nada ali
صديق الموج
Kostawi
فرح
الواثق تاج السر عبدالله
Yaho_Zato
المسافر
degna
samia gasim
AnwarKing
Raja
بلدى يا حبوب
Hussein Mallasi
Elbagir Osman
Hisham Amin
Deng
mohammed alfadla
Ishraga Mustafa
فيس بوك
تويتر
انستقرام
يوتيوب
بنتيريست