أول صحيفة سودانية تصدر عبر الإنترنت من الخرطوم - أسسها خالد عز الدين و محمد علي عبد الحليم -------------------------------------------------------------------------------- رئيس التحرير: طارق الجزولي تلفون: 0912201125 -------------------------------------------------------------------------------- [email protected] Last Update 16 December, 2004 07:51:58 AM --------------------------------------------------------------------------------
ذهب الأبناءُ لمدارسهم .. وكعادتي كل يوم بدأت أعيد ترتيب الصالة التي تركها الأبناء بعد ذهابهم للمدارس .. تركوها مقلوبة راساَ على عقب.. ولكن رنّ جرس الباب فجأة ففتحته لأجد جارتي ( أم فهد ) في زيارة مفاجئه لنا ..ودار بيننا الحديث التالي:
أم فهد: صبحك الله بالخير يا أم مجاهد.
أنا: صبحك الله بالف خير يا أم فهد.
أم فهد: أقول يا ام مجاهد ..سامحيني على ها الزيارة ..ترى انا جيتك من غير خبر.
أنا: لا يا أمفهد أهلا بيكي.. وإنتي تزورينا في اي وقت يعجبك.
أم فهد: ترى أنا جاياكي أبقى أعرف صُح الأخبار السمعناها دي ؟
أنا: أي أخبار يا أم فهد؟
أم فهد: يقولون ها العام يسـوون عيد الثقافة عندكم..في الخرطوم ؟؟
أنا : آآي صحي ..السنه دي حتكون الخرطوم عاصمة للثقافة العربية .
أم فهد: زوجي بو فهد..وابني فهد يقولون هم ناويين يسافروا ديرتكم ..اصلو بو فهد قال بحب السودان والسودانيين.
أنا : شكرا يا أم فهد ..وأهلا بيهم في الخرطوم الف أهلا بيهم ..
أم فهد: بس في مشكلة أنا: كفى الله الشر .. مشكلة شنو؟
أم فهد: زوجي يقوول هو ما يفهم من حكيكم إلا (يا زول) و( شنو) و( آآي )..وما يدري إن كان يقدر يفهم الينقال في المناسبة ولا لا؟ ..وقاللي روحي لجارتك أم مجاهد وأجمعيلنا كم كلمة بالحكي السوداني ..عسى نقدر نفهم شي..ترى السودانيين ديل عفى عليهم.. خوش طيبين.. وبعد.. هم بدو مثلنا ..بس المشكله حكيهم مرة صعب مع انو عربي وعربي ميه ميه !!!!!
انا : لا يا ام فهد والله حكينا ما صعب بس انتو ما اتعودتو تسمعوه..
أم فهد: حِِنّا نفهم حكي المصريين من كترة المسلسلات ..ونفهم حكي الخليجيين منشان هم جماعتنا وديرتنا واحدة ..وصرنا نفهم حكي الهنود منشان هم عايشين معانا .. بس أخوانا السودانيين ( تًوْ ) سَوْولَهُمْ قناة فضائية .. للحين أُذنّا ما اتعودت تسمع سواليفهم .. دخيلك يا أم مجاهد خَبّرِي جماعتكم يراعوونّا شوي.. ترى ازواجنا وعيالنا رايحين ديرتكم ..وما نبغاهم يرجعوا وماهم فاهمين شي ..
أنا : أبشري يا م فهد ما يصير خاطرك وخاطر زوجك إلا طيب ..
وإلى هنا انتهى حواري مع جارتنا الطيبة أم فهد.
اليكم سادتي الكرام القائمين على برامج وترتيبات (الخرطوم عاصمة الثقافة العربية ) اليكم أهدي هذه الواقعة والتي أرجو أن تراعو من خلالها مطلب أبو فهد وإبنه في هذه القصة الحقيقية والتي تحمل جزءاً كبيرا من الحقيقة .. فكلما قللنا استعمال المفردات ( المحلية جدا ) .. وخصوصا في العروض المسرحية والأغاني الجماعية كلما كان وقعها على أذن المستمع العربي مألوفا ومفهوماَ..أما بالنسبة للتواصل العادي فلا أعتقد ان هناك مشكلة ..أخيرا أرجوألا اكون قد أثقلتْ ..ولكم تحياتي..
وسؤال ثاني وعندما تصبح الرباط عاصمة الثقافة العربية حايفهمو مغربي ولا جزائري كيف. وأقول لأم مجاهد وبالبرغم من تحفظاتنا علي تبني الخرطوم لفكرة العاصمة العربية الثقافية, إلا أنني أتساءل لماذا نغير ونبسط ونسهل ونترجم كلامنا حتي يفهمه هؤلاء الضيوف؟؟ وإذا فعلنا ذلك فماهي الفائدة من دورية العاصمة الثقافية بين قطر وآخر؟ أليس الغرض من ذلك تسليط الضوء علي ثقافة ولغات وعادات تلك الدولة المضيفة؟؟؟ أليس كذلك؟؟ أعتقد أن طلب أم فهد وجيه وواقعي , العيب شنو إذا قمنا بتوزيع ونشر كتيبات ثقافية وأخري تفسر كلامنا السوداني القح ده؟؟
12-17-2004, 03:40 AM
محمد الامين احمد محمد الامين احمد
تاريخ التسجيل: 08-28-2004
مجموع المشاركات: 5124
الاعزاء عبد الماجد فرح محمد الامين ان كلمات "يا زول" "آآآآي" من الكلمات التي يستخدمها العرب في اطار السخرية من السودانيين....وهي اصبحت شائعة ومعروفة في كل البلدان العربية...والعرب عموما سوي اكانوا في منطقة الجزيرة العربية او الشام اوشمال افريقيا يسخرون من طريقة الكلام العربي السوداني ونطق الحروف ومخارجها وفي نظرهم هي عربية بلكنة افريقبة... وهذه حقيقة ...لقد شاهدت برامج منوعات مصرية ولبنانية تسخر من طريقة الكلام السودانية من خلال تقليداغنية ازيكم كيفنكم ..والمامبو السوداني...العرب يؤمنون في قرارة انفسهم ان الخرطوم ليست عاصمة عربية فكيف يجعلونها عاصمة لثقافتهم..وعلي كل حال يبقي الاحتفال السنوي باختيار عاصمة ما عاصمة للثفافة العربية حسب "الدور" احد برامج الجامعة العربية الفاشلة حتي تجد لنفسها عملا.
12-17-2004, 04:06 PM
محمد الامين احمد محمد الامين احمد
تاريخ التسجيل: 08-28-2004
مجموع المشاركات: 5124
عندما يقوم شخص منهم بنطق الكلمات (آى ) او (زول) على سبيل المثال، ينطقها شكل خاطئ، طوالى نقوم نصلحوا و نعرفوا النطق الصح بدل ما نصر وشنا و نزعل، كده تنتشر المفردات السودانية وبعدين يسخروا من شنو، نحنا الساس عندنا قوى و زول دى فى المعجم فى و اسه شايف الجماعة السعوديين بقوا يدخلوها فى اشعارهم، والله عافى منكم يا سودانيين السعودية
و يعدين نحنا بنقول زول و هم بيقولوا (ريييال)(راقل)(زلمه) ده لو قلبت فصاحة، لكن برضو (آآآآى) دى نحنا بنقولها، و تعتبر ميزة فى الحديث السودانى، فلماذا التهرب.
نعم اتفق معك ان الجامعة العربية حاليا لا محل لها من الاعراب منظر ساكت بس !
و شكرا
12-17-2004, 04:24 PM
Bashasha Bashasha
تاريخ التسجيل: 10-08-2003
مجموع المشاركات: 25803
مااعلام، بقدر ما مافي صلة! اتخيل الرياض عاصمة للثقافة الافريقية! ما"لافقة" مش كده برضو؟ بعد عمر برضو المسخ بتاع الخرطوم عاصمة للثقافة العربية، ماحيلفق!
فقط البديهة دي باهظة جدا جدا!
لكن تقول كده لي منو؟
12-18-2004, 10:08 AM
omar ali omar ali
تاريخ التسجيل: 09-05-2003
مجموع المشاركات: 6733
Quote: و لماذا نجعلهم يعتقدون انها سخرية عندما يقوم شخص منهم بنطق الكلمات (آى ) او (زول) على سبيل المثال، ينطقها شكل خاطئ، طوالى نقوم نصلحوا و نعرفوا النطق الصح بدل ما نصر وشنا و نزعل، كده تنتشر المفردات السودانية
الاخ العزيز محمد الامين في اعنقادي ان المسألة ليست مسألة خطأ في النطق بقدر ما هي مسألة سخرية "كده عديل" واكبر دليل ما يأتون به في مسلسلاتهم ومنوعاتهم التلفزيونية...وشكرا
Quote: فى نفس المسلسلات يسخرون من انفسهم و فى مسلسلاتنا نسخر منهم، و فى نكاتنا كذلك
الاخ العزيز محمد امين اري ان هناك فرقا بين ان تسخر من نفسك وان تسخر من الآخرين
المشكلة ان سخريتهم هي تعبير عن استهجاتهم لادعاء مستعربة السودان الانتساب اليهم..فلذا يسخرون من العربي السوداني ..من طريقة نطقهم للحروف ومخارج الالفاظ لديهم...واذا افصحوا قالوا ان السوداني طلع ابو كوندليزا رايس كما جاء في اللنك.....وشكرا
شكرا للاخ عماد علي جلب هذا المنلوج الذي يسخر من السودانيين...وهذا قليل من كثير.. التراث المصري بالذات يحفل بالكثير من المنلوجات والنكات التي تسخر من السودانيين ..احد اقدم تلك المنلوجات ربما قيلت في الثلثينات او الاربغينات هو منلوج ...سرقوا الصندوق يا محمد لكن مفتاحو معاي...والنيل ايديه في ناحيه ورجليه في الناحية التاني.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
omar ali
عبدالماجد فرح يوسف
محمد الامين احمد
Bashasha
فيس بوك
تويتر
انستقرام
يوتيوب
بنتيريست