|
|
|
 Re: عاجل من الخرطوم - تكاليف الشاعر الانسان محجوب شريف بالمثوال امام نيابة الجرائم الموجهة ضد (Re: almohndis)
|
كشف الشاعر السوداني محجوب شريف أنه أبلغ بضرورة مثوله أمام نيابة الجرائم الموجهة ضد الدولة بعد ظهر اليوم الخميس 09-12-2004. وقال شريف الذي كتب كلمات أغنية "مساكن شعبية" للفنان المصري محمد منير علاوة على عدد من الأغنيات للفنان السوداني محمد وردي إنه لا يعلم أسباب الاستدعاء، لكنه "لن يسمح للهواجس والخوف أن ينتاباه".
وقال شريف لـ"العربية.نت" إنه كان ينبغي اعتقاله على الفور إذا كان قد أقدم بالفعل على ارتكاب "جريمة" عوضا عن ابلاغه كتابة مساء أمس بالمثول أمام هذه النيابة. ونوّه إلى أنها المرة الأولى التي يتم فيها استدعاء كاتب سوداني لنيابة الجرائم الموجهة ضد الدولة، مشددا أن "الابداع ليس جريمة"
وأضاف شريف الذي يعتبر أشهر شاعر سوداني يكتب باللهجة العامية أنه غير معني بفاعليات الخرطوم عاصمة للثقافة العربية 2005. وفيما إذا كان رفضه المشاركة بهذه الفعاليات وراء هذا الاستدعاء، قال إن لديه اعتراضات على هذه الفعاليات أهمها الوضع السوداني بصوف بلاده متعددة دينيا وثقافيا.
ولم يستبعد وضعه في السجن مشيرا إلى "قوانين الاعتقال التحفظي" التي لا تزال سارية بحسبه.
ولفت إلى رفضه القاطع الانتساب لاتحاد الكتاب السودانيين الذي يجري الاستعداد لانشائه في الخرطوم "تحضريا للعاصمة الثقافية" بحسبه، ولا تستقطب أية تحضيرات في هذا الاتجاه عنايته.
يشار إلى أن شريف اعتقل لمرات عدة ابتداء منذ 1971 في عهد الرئيس الأسبق جعفر نميري، وتم وضعه في السجن لـ 3 سنوات ابتداء من 1989 نتيجة مواقفه المناهضة لحكومة الانقاذ في السودان.
ولشريف دور مؤثر في الأغنية والقصيدة الوطنية في السودان حيث يشير نقاد ومتابعين إلى أن قصائده التي تغنى بها الفنانان السودانيان محمد وردي ومحمد الأمين أسهمت في تشكيل خارطة الغناء الوطني في هذا البلد.
(تنويه لازم): نظرا لأن القراء العرب لا يعرفون في الغالب من قصائد أستاذنا شريف كان واجبا اللفت إلى "مساكن شعبية" التي غناها محمد منير
| |
 
|
|
|
|
|
|
|
|
Re: عاجل من الخرطوم - تكاليف الشاعر الانسان محجوب شريف بالمثوال امام نيابة الجرائم الموجهة ضد (Re: almohndis)
|
يا بهلوي أمسك قوي
أوعك تقع
نكل بمن لا يرعوي
وأرخي السمع
أخد الحذر ثم الحذر من كل شئ
ضلك تحدق فى النظر ما تختشي
لو كشكشت صفقة شجر
روح وانزوي
خلي المشي
يمكن خطر
يا بهلوي
واطلق رصاص على كل شئ
على كل نسمة تمر وما تأخذ إذن
على كل كلمة بدون جواز
علم عصافير البلد تكتب تقارير الجهاز
علم شبابيك المدن علم فوانيس القرى
وكل عيدان الذرة
خلي النمل يدخل صفوف المخبرين
خلى الرذاذ يكتب تقارير الجهاز
أحسن تعبي الشعب أغلبه فى قزاز
ركز بشدة على الجياع
ركز لو تستطيع أو حتى قدر المستطاع
أخسف بكل الكادحين سابع أرض
أرجم رجم
صادر من الليل النجم
صادر من البحر الجزر
أشطب ولا تقبل عذر
وش الصباح
قصقص جناحين الرياح
جمد شرايين الحياة
وأنفي الأمل
الفى اكتشاف النار
وتقسيم العمل
المحتمل تلقى الملاذ يا بهلوي
*****
صحيت بالمؤذن وحالتك تحزن
مرقت وسرقت الوبال
معكز ملكز بسيخة ونعال
مكتف ملتف بأغلظ حبال
وغيرك بخزن جميع الغلال
يسرق ويهرب جمال
باسمه اللواري تهد الكباري تباري الجبال
سيادته يتدبر شئونه الأماسي
يرش الحديقة ويرص الكراسي
ما بين الغواني ورنين الخماسي
تعاين تشوفه تقول دبلوماسي
يمضي ويرضي ويهدي المحال
كمان لو تلاحظ صديقه المحافظ
وقالوا الملاحظ عيونه الجواحظ تباري الريال
حليلك بتسرق سفنجة وملاية
وغيرك بيسرق خروف السماية
وفى واحد لو تصدق بيسرق ولاية
ودا أصل الحكاية وضروري النضال
ضروري النضال
| |
|
|
|
|
|
|
|
|
|
Re: عاجل من الخرطوم - تكاليف الشاعر الانسان محجوب شريف بالمثوال امام نيابة الجرائم الموجهة ضد (Re: almohndis)
|
صحيت بالمؤذن وحالتك تحزن
مرقت وسرقت الوبال
معكز ملكز بسيخة ونعال
مكتف ملتف بأغلظ حبال
وغيرك بخزن جميع الغلال
يسرق ويهرب جمال
باسمه اللواري تهد الكباري تباري الجبال
سيادته يتدبر شئونه الأماسي
يرش الحديقة ويرص الكراسي
ما بين الغواني ورنين الخماسي
تعاين تشوفه تقول دبلوماسي
يمضي ويرضي ويهدي المحال
كمان لو تلاحظ صديقه المحافظ
وقالوا الملاحظ عيونه الجواحظ تباري الريال
حليلك بتسرق سفنجة وملاية
وغيرك بيسرق خروف السماية
وفى واحد لو تصدق بيسرق ولاية
ودا أصل الحكاية وضروري النضال
ضروري النضال
ضرورى النضال
ضرورى النضال
| |
|
|
|
|
|
|
|
|
|
Re: عاجل من الخرطوم - تكاليف الشاعر الانسان محجوب شريف بالمثوال امام نيابة الجرائم الموجهة ضد (Re: almohndis)
|
الاسم الكامل إنسان
والشعب الطيب والديَّ
والحزب حبيبي وشرياني
أداني بطاقة شخصية
مـن غير الدنيا وقبالو
قـدامي جزاير وهمية
المهـنة بناضل وبتعلـم
تلميذ فى مدرسة الشعب
المدرسة فاتحة على الشارع
والشارع فاتح فى القلب
والقلب مساكن شعبية
وديني محل ما توديني
شرد أخواتي وأخواني
فتش أصحابه وجيرانه
خليني فى سجنك وأنساني
فى سجنك جوا زنازين
أرميني وكتف إيديَّ
علشان مستقبل إنساني
وعشان أطفالنا الجايين
والطالع ماشي الوردية
وحياة الشعب السوداني
فى وش المدفع تلقاني
قدام السونكي حتلقاني
وأنا بهتف تحت السكين
والثورة طريقي وأيامي
معدودة. وتحيا الحرية
| |
|
|
|
|
|
|
|
|
|
Re: عاجل من الخرطوم - تكاليف الشاعر الانسان محجوب شريف بالمثوال امام نيابة الجرائم الموجهة ضد (Re: almohndis)
|
بقيت يا وطني زي منفاي
مطارد ومستباحة دماي
عساكر من دروب تايهات مداي
قدامي خطاي ووراي
وذنبي هواي ليك يا موطني ومناي
وذنبي ولاي وإنك سيدي ومولاي
تعيش يا ذنبي طول ما عشت معاي
لا عنك بحيد لا جاي بفوت ولا جاي
فديتك يا مديد القامة
يا شعباً سديد الرأي
وقلبي عليك يا حجراً حنين دفاي
أقبل وين أفوتك وفى حماك حماي
أسيب عزاي أسيبه وكيفن ألقى عزاي
فى وحشتي وسلواي عيونه وبحة الغناي
نخيلك ثمرة ضو صباي
ونيلك فى جواي هامد هميم جرّاي
وقبضة إيدي مسكة رمحك الرماي
أطالع فى صحارى الليل
مطالع صبحك الضواي
فديتك لو بقيت منفاي
فديتك لو بقيت مرساي
| |
|
|
|
|
|
|
|
|
|
Re: عاجل من الخرطوم - تكاليف الشاعر الانسان محجوب شريف بالمثوال امام نيابة الجرائم الموجهة ضد (Re: almohndis)
|
محجوب شريف سيحتفل بهذه الخرطوم
غنى ياخرطوم غنى
شدى أوتار المغنى
ضوى من جبهة شهيدك
أمسياتك واطمئنى
نحنا منك ريح وهبت
نار وشبت
فى وجوه الخانو اسمك ياجميلة
ونحن ياست الحبايب من ثمارك
فى دروب الليل نهارك
وقبل مايطول انتظارك
نحن جينا
وديل أنحنا القالو متنا
وقالوا للناس انتهينا
جينا زى ما كنا حضنك... يحتوينا
لما فارسك فينا هبَّ
وعبَّ حجرك بالمحبة وبالأماني
صحى نار الثورة تاني وجانا داخل
زي شعاع الشمس من كل المداخل
وهز بالمنشور وبشر
ياما فرهد فى عيونك غصن أخضر
وفرحة أكبر من شجونك
والسلاسل يا جميلة
يوم ما كان ميلاد شهيدك
يلا غني ولاقي عيدك
ولى ثمارك لقي ايديك
جيل مكافح حلَّ قيدك
فى غضبنا الحر ولافح
وياما باكر وفى زنازين العساكر
نبني مجدك ومهرجانك
وكل قطرة دم عشانك
ولى جديدك يا جميلة
| |
|
|
|
|
|
|
|
|
|
Re: عاجل من الخرطوم - تكاليف الشاعر الانسان محجوب شريف بالمثوال امام نيابة الجرائم الموجهة ضد (Re: almohndis)
|
عمنا و استازنا محجوب شريف ربنا يديك العافية ....
الهمبريب
عما قريب الهمبريب يفتح شبابيك الحبيب
والحال يطيب يا محمد احمد تستجم
البيت يتم تتلم تلم
تفرح فرح تحلم حلم
كم تطمئن
حقك يجيك لا فيهو شك يمكن
ويفوتوا هم والعدل يعم
وتغني أم كادت تجن
كبر الولد جوه السجن فاقداهو هي
دا كلو كلو كلو ينتهى
زولاً تريدو وتستهيه
تلقاهو في .. لا فى السجن لا مختفي
لا يقولوا ليك ما تمشي ليه
زولاً تريدو وتشتهيه
تلقاهو في .. لا فى السجن لا مختفي
دا كلو كلو كلو ينتهى
عما قريب الهمبريب
يفتح شبابيك الحبيب
والحال يطيب يا محمد احمد تستجم
| |
|
|
|
|
|
|
|
|
|
Re: عاجل من الخرطوم - تكاليف الشاعر الانسان محجوب شريف بالمثوال امام نيابة الجرائم الموجهة ضد (Re: almohndis)
|
اشاهد الان تلفزيون السودان
و زول بي دقن كبيره يتحدث عن الخرطوم عاصمه الثقافه
والله مهازل والله مهازل
يابا مع السلامة
يابا مع السلامة يا سكة سلامة
في الحزن المطير
يا كالنخلة هامة
قامة واستقامة
هيبة مع البساطة
اصدق ما يكون
راحة ايديك تماماً متل الضفتين
ضلك كم ترامى حضناً لليتامى
خبزاً للذين هم لا يملكون
بنفس البساطة والهمس الحنون
ترحل يا حبيبي من باب الحياة لباب المنون
روحك كالحمامة بترفرف هناك
كم سيرة وسريرا من حولك ضراك
والناس الذين خليتم وراك
وعيونم حزينة بتبلل ثراك
ابواب المدينة بتسلم عليك
والشارع يتاوق يتنفس هواك
يا حليلك حليلك يا حليل الحكاوي
تتونس كانك يوم ما كنت ناوي
تجمع لم تفرق بين الناس تساوي
نارك ما بتحرق ما بتشد تلاوي
ما بتحب تفرق من جيبك تداوي
الحلم الجماعي والعدل اجتماعي والروح السماوي
والحب الكبير
في الزمن المكندك والحزن الاضافي
جينا نقول نفرق نجي نلقاه مافي
لا سافر مشرق لافتران وغافي
وين عمي البطرق جواي القوافي
يا كرسيه وسريرو هل ما زلت دافي
يا مرتبتو امكن في مكتبتو قاعد يقرا وزهنو صافي
يا تلك الترامس وينو الصوتو هامس
كالمترار يساسق يمشي كما الحفيف
كم في الذهن عالق ثرثرة المعالق والشاي اللطيف
تصطف الكبابي اجمل من صبايا
بينات الروابي والضل الوريف
احمر زاهي باهي يلفت انتباهي
هل سكر زيادة ام سكر خفيف
ينده للبنية يديها الحلاوة
والخاطر يطيب
يدخل جنو منو محبوب الشقاوة
يستنى النصيب
الدفو والنداوة السنا والعبير
كالغزلان هناك في الوادي الخصيب
حيث الموية عذبة والغصن الرطيب
كم تحت المخدة اكتر من مودة
للجنا والغريب
عش وعشب اخ
ضر جدول من حليب
يابا ابوي يا يابا
الشمس البتطلع بلت منو ريقا
والنجمة البتسطع فيه تشوف بريقا
الندى في حركتو يطفيها الحريقة
ننهل من بركتو زي شيخ الطريقة
شاييهو وطرقتو والايدي الصديقة
يلا نسد فرقتو حب الناس درقتو
يا موت لو تركتو مننا قد سرقتو
كنا نقول ده وقتو لكنك حقيقة
النفاجو فاتح ما بين دين ودين
نفحة محمدية دفئاً كالضريح
ميضنة كم تلالي جيداً في اليالي
مجداً في الاعالي
مريم والمسيح
قلباً نبضو واصل ما بين جيل جيل
ما بين كان وحاصل او ما قد يكون
ما بتشوف فواصل الا الذكريات
وآلام المفاصل بعضاً من شجون
يابا مع السلامة يا سكة سلامة
في الحزن المطير
| |
|
|
|
|
|
|
| |
almohndis
atbarawi
خالد عمار
Abdel Aati
مأمون التلب
لؤى
Yasir Elsharif
mahdy alamin
الواثق تاج السر عبدالله
nassar elhaj
abdelgafar.saeed
HAMZA SULIMAN
Raja
Dia eldin khalil
nada ali
فيس بوك
تويتر
انستقرام
يوتيوب
بنتيريست