|
يا ربي راجعه متين؟
|
ممتدا من هنا عبر الغائبين وحتي حبلك السري يا امي حيث كانت اولي جرعات المحنه سببا في ادماني للحب و الحنين قاتل الله الشوق .. و مرغما يستمر الحنين
الطين مداه الشوق معجون بريد البيت الدم مدد للهم دمك ده دم الكل همك شقانا كتر ليلك صباحو يطل شق السكون الصوت ضج الانين مكبوت يا نلقا بكره الحق يا بكره ذاتو يموت
يا دنيا واسيهو بالحيل ظلمتيهو مال الخراب بالبيت من حضني شلتيهو يا ست شقانا الفات والجاي بالفيهو هل مر تاني عليك او حتي شفتيهو
يا مارقه من دمو من كل بقاع بلدي اتشتت ارواح في جيدك اتلمو ماسك مقالد الروح والشايلو من همو
يوم تنفتح ابواب نار الجحيم وحساب يا صاحب السلطان ياما الدوالي تدول يا تموت عشان تنجم يا رجيت صباحنا الجاي باكر تضوقو ندم
فتحت علي دروب كايس لدربك وين ما فتي من البال ما ملتي عن العين يا ست وريد الحب ست الضلام والنور شقي الجفا المشرور فجي الغياب بالجيه مدي المحنه جسور
بيناتنا والقلبين قطعت طريقها مشت يا ربي راجعه متين ؟؟!!!!!!!
|
|
|
|
|
|
|
|
Re: يا ربي راجعه متين؟ (Re: توما)
|
اها
مواعيد عشقي ما بتنهد اعلنها حبيب يثق في فعله خانته الايام لم يهتم تواطا معه الحب والحبيبه كفياه الم العالم حين يتواطا الحب و الحبيبه لتذهب كل العقبات الي قعر الجحيم ملعونه كل العثرات التي قد تسهل او تصعب المشي لانني و بلا اهتمام سامشي غير عابئ بالمسافه
يفصلني و سيد قلبي محيط و ارض شاسعه لكنها خصبه بالحنين تبحر سفينتي باتجاه مرفأه فيحتضنها بلا هواده
ذات شوق زاد عليهما امتد اثره الي المحيط هيجه الحنين فابتلع كلاهما
يا راجيني هناك في القيفه جاياك باكر اكيد
| |
|
|
|
|
|
|
Re: يا ربي راجعه متين؟ (Re: توما)
|
يا امسيات العشق والشعر الحنين هلا تقاربت الخطي الحزن ثوره عشقنا المكبوت والفقر المبين الظلم لوحه همنا المقروء في كف الجبين الحب ذاك الثائر الموهوم لا يكل ولا يلين
هلا توقفت السعاده عندنا والفقر ذاك الزائر اليومي هلا تمشيت قليلا خارج حدود الحي والمدينه والامسيات الحلوه الضحكات يا ليتها اكرمتنا بالمبيت وبالشرب المحلي بالحضور المتوج بك بنا بالام والاخت والاخ المهاجر والاب المسافر ابدا كثير جدا هذا فوق حد الاحتمال جميل لا يطيقه القلب ولا الاحساس نظيف تفر منه الجرذان المعشعشه في الوطن الوطن الميت في قلبي
| |
|
|
|
|
|
|
Re: يا ربي راجعه متين؟ (Re: توما)
|
اخت توما
لذيذ جدا ارغامك
فاكسري لنا ....... قنينة الشوق تفــوح لنا ....... زخات امطار شجونك فنصطف لنقول: يوم تنفتح ابواب نار الجحيم وحساب يا صاحب السلطان ياما الدوالي تدول يا تموت عشان تنجم يا رجيت صباحنا الجاي باكر تضوقو ندم
| |
|
|
|
|
|
|
Re: يا ربي راجعه متين؟ (Re: توما)
|
كنت أوهم نفسي بقدرتي علي التبعثر والشروق عند مغرب فكرتي كنت أشهد لهفة رحلتي إليك وأسمع أنفاس الشوق تغنيك كنت أرحل إليك في الصباح ولاأعود أبدا وما أن يأتي صباح جديد أشتهيك وأهم بالرحبل إليك رغم أني أقيم فيك ومدينتي بدلت إسمها بإسمك وروحي أصبحت أنت كم أحبك كم أحبك وأعشق الرحيل إليك وأدمن التحليق فيك كم كنت أغرق أغرق في عينيك وأغوص فلا أجد نهاية لسؤالي ولاأرغب في النجاة ..... إنه بحر الحب لاجواب فيه جربت الغوص في بحار عينيك كلها ولم أجد أعذب منهما ماء ولا أجمل منهما قاع فلآلئ الحب في عينيك لم يرها من قبلي إنسان وماءك لم يتزوقة غيري وكم منيت نفسي أن لا أرتوي منه وأظل أشرب للأبد
| |
|
|
|
|
|
|
Re: يا ربي راجعه متين؟ (Re: عبدالماجد فرح يوسف)
|
العزيزة شـــوق اسف توما
اهلا بيك تاني و تالت و رابع يا ملهمة الاشواق و شفيفة العبارة جد سعيدين بيك و بي شوقك المطر دا و سعيد كمان بي شوقك الشاق شوق حبيبنا و صديقنا العزيز عبدالماجد صاحب الاحرف النديه و المترعة. شكرا ليكم و لي شوقكم دا و انا جايييك يا توما اصلو خليت شوقي برا البيت بجيبو و بجيك لوووووووووووووووووووووول
ليك التحية قدر ابداعك و شكرا مطر
عبدالله وداعه الامين
| |
|
|
|
|
|
|
Re: يا ربي راجعه متين؟ (Re: توما)
|
الاخت توما اني لالهج لك شممانك لمعرفة رهابية بيننا فدعيني اركض خلف تفاصيلها .... وادني قطوفها قايتو انا من اسة بقي عندي حق السلبطة فيك فياللروعة ما تقولي انا ماعارفة اعمل لي كوم كيف .... متابعة جميع بوستاتك واعجبتني فكرة هواه تبادل الاحزان جداً بس بحاول القط اشارة الطلق المعرفي بالمسنجر وما قادرة لكن بقول ياربي راجعه متين
| |
|
|
|
|
|
|
Re: يا ربي راجعه متين؟ (Re: توما)
|
قال قائل
نحب الحياه اذا ما استطعنا اليها سبيلا
قال آخر
نحب الحياه اذا ما استطعنا اليها وصولا
مررت وهما منهمكين في اعداد الطعام
قال
نحب الحياه اذا ما شبعنا
وقالت
نحب الحياه اذا كانت حقيقيه وملئيه بالرغيف
قلت في سري بخجل
احب الحياه اذا ما احبك
احب التفاصيل الحقيقيه للعشق
وصنع الغد الموعود بالفعل
وغزل ملابس ذاك الصغير اذا ما اطل الغروب
وتهويه الغرفه من دخان السجائر
وذاك الضجيج اذا ما رقصنا علي دق تلك القلوب
وطرق حبيب يعود محملا بالشوق والمظله محمله بالمياه
وتلك الحياه
اتوق اليك
وانت الوعد
احن الي بنفسج نومي وياسمين الضيوف الذي لم اسقه بعد
| |
|
|
|
|
|
|
Re: يا ربي راجعه متين؟ (Re: توما)
|
مناهل تحياتي يا اللخت
طبعا احساس العرفه ده اذا صدق او كذب في الحالتين مكسب
نتواصل يا لطيفه
لكن هواه تبادل الاحزان عندو باقي جواي شكلي حاتمو ..تعالي اكتبي سمح؟
شكرا للاهتمام
| |
|
|
|
|
|
|
Re: يا ربي راجعه متين؟ (Re: عبدالماجد فرح يوسف)
|
العزيزة توما سلام
شكرا تاني على الابداع المتواصل بس يا توما قلت اصبر اتم الشوق و الشوق ابا ينتم و قلتا احسن انطم لووووووووووووووول وهو جبتا لي حتة شوق قلتا ادفقا في شوقكم دا ان شاء الله يقوم شجر انا مالي لووووووووووووووووول
الشوق مداهو الشوق جوة الحلق مربوط منضوم مجرتق ريد اتخاتفنوا خيوت من الطبيعة تشيل حس صوتك المكبوت يا امي كيف الحال اشتقتا لي البنوت لي اللمة جوة البيت الصفقة و الزغروت لي شارع الحلة لي الما بنوها بيوت لي النامو تحت الضل ما عرفوا شدر التوت لي الباتو جيعانين و القاسموا الكتكوت في حبة القمحة وسابوا الرزق مختوت في مخزن السلطان و الداروا في الملكوت انا شوقي لي القاعدين لي البي السهر ممعوط و الشالوا صبرم توب ما لبسو ورق التوت لي الشبعوا ما ماكلين لي الاكلوا حس الصوط فوق الحشى المغلوب بالمرة عدموا الصوت تموها موية حق والحق سطر مفطوط من دفتر الاحساس الفينا كان مفروط و الليلة كيف النيل؟ يا امي كيف النيل؟ دا الكان زمان مبسوط ما شفتو كشّر يوم لا في مراكبوا بجوط يا امي مشتاق ليك شوق الحشى المزلوط مشتاق لي ريحة الطين للبورة و المحروت قوليلي اوصل كيف باقي الدرب عكنوت
يا امي مشتاقين ليك التحية تفوت طيبين وجد سائلين عنك بنسال يوت و ان كان سؤالك لي كيفن نهارنا بفوت
بنقولوا مستورين وتوب الستر مبهوت كيفن سترت الحال ان كان عرقنا زيوت ان كان بناكل ذل كيفن نجيب القوت؟ نتوضى نار الشوق والشوق حلف ما يموت و ان كان يصلح الحال و الله نحنا نموت وتكوني انتي وشاح جوة الفرح منحوت بس سيدي سيد الهم حكّم علينا الموت و ان قلنا ما بنموت بديما بطن الحوت نكتب علي الصلصال مشوار املنا شخوت نرسم جبين الخوف خطين علي المسكوت و السم يبل الجوف و الجوف مكجنه موت يتمدّا في الكرعين يدي الكرش شلوت وياخد من المألوف يبقالنا برضو سكوت وان مرة قام اضحك ببقى الضحك مخفوت
لندن 08.12.2004
| |
|
|
|
|
|
|
Re: يا ربي راجعه متين؟ (Re: توما)
|
توما
مازلت اقراك وما زلت اتفاجأ كل يوم
ياخي انت كتابة عديل كدا
لدي كمية من بوستاتك اريد التعقيب عليها
باذن الله افعل قريبا
كل احترامي
وتحاياي
| |
|
|
|
|
|
|
Re: يا ربي راجعه متين؟ (Re: اساسي)
|
تـــــــوما.. بعيدا أجلس أرغب طلوع الشمس علي الشواطئ.. أنثر هذياني مع الصباح.. فشوقك...شمس أضاءت فجر هذا اليوم.. والضوء ياتي من بعيد.. كلمة ونغمة.. واصلي.. سلملم...
| |
|
|
|
|
|
|
Re: يا ربي راجعه متين؟ (Re: توما)
|
يا اساسي شديد
انت بتمشي وين اول حاجه ..وتجي بعد كل الفين بوست
ما تطول الغيبه وشكرا ليك للاعتقاد الجميل ده
وفي انتظار تعقيباتك كمان
مع وافر الود والاحترام
| |
|
|
|
|
|
|
|