|
رحبوا بينا جاكم بلا
|
يوهــــــــــــووووووووو !!! أخيرا بقينا أعضاء .... باركوا لينا يا ناس بلاد برة وناس بلاد جوه !!! جاكم بلا وما إنجلا ... ولا بلاش بلا أجسن الباند ودث يعاكسنا تاني ...
مكنات
|
|
|
|
|
|
|
|
Re: رحبوا بينا جاكم بلا (Re: أحمد يونس مكنات)
|
يوهــــــــــــووووووووو !!! مكنات بينناأهلاً وسهلا بيك ويبدو لي إن الماكينة ديزل و100 حصان عديل كده ، وزي ما بقولو ناسنا الوصا - الوصية - بالمهله ، أها المكان ده داير نفس طويل عشان كده بتمنى ليك التوفيق والسداد والنجاح وونقص واوات اليوهو دي شويه. أهلا بيك ونورت
| |
|
|
|
|
|
|
Re: رحبوا بينا جاكم بلا (Re: almulaomar)
|
انا حارحب بيك يا مكنات قدام الجماعة ديل ..بس على شرط..تنزل لينا قاموس الشماشة كلو هنا ..لانى على جهل واعجاب واضحين فى هذا المجال
وعربيتى بتخسر كل راس ساعة والميكانيكية فى كل العالم ظاهر عندهم لغات... لغاية الان مصلحة فيها خمسة اجزاء..اخطرها الطرمبة وغيرت الترانزمشن والنور الطويل وغيرت قماش الزيت وباقى لى الصحن بس عشان اتفاهم معاهم
| |
|
|
|
|
|
|
Re: رحبوا بينا جاكم بلا (Re: Tumadir)
|
مرحب بيك يا مكنات يا أخطر ناقد في الراهن الجماعة افتكروك ميكانيكي لكن ما عارفين انت متخصص ياتو مكنات يا اخوانا الزول بتاع نصوص وكدا مش ديزل أو بنزين وقام قبل فترة عمل بلاوي في جريدة (الرأي العام) لما عمل قراءة لاحد نصوص محمد المهدي بشرى (لمن عيسي الحلو دنقر تحت التربيزة) وسمح بالرد الكتبو محمد المهدي مع انو كلو شتيمة وخروج عن (النص) . مرحب بيك يا مكنات وشيشك على البوستات احسن الجماعة يهربوا وكدا
| |
|
|
|
|
|
|
Re: رحبوا بينا جاكم بلا (Re: عادل فضل المولى)
|
مرحب بيك يا.....{مكنات} الجماعه فاكرينك مكنيكي وبتعرف لغة الراندوك (خليهم يقرضو على كده) وده احسن من معنى الاسم الحقيقي بلغة الشماشه يعني بتاع (جاكات) وكمان صحفي يعني بالواضح (وما آفة الأخبار إلاً رواتها) . المهم مرحب بيك الاديب الناقد احمد يونس من غير (مكنات) على الفضاء السايبري ومبروك على الاسم الجديد بس لازم تعمل ليهو سمايه
| |
|
|
|
|
|
|
Re: رحبوا بينا جاكم بلا (Re: Raja)
|
مرحبا بالناقد الأدبي المتميز أحمد مكنات. سييفهم الكثيرون هذا "البلاء" الذي تبشرهم به عما قريبً!! أعتقد أن انضمامك للبورد سيكون إضافة نوعية للمساهمات الجادة به، إذ يكاد البورد يخلو من النقد الأدبي التطبيقي.
أهلا مكنات.
| |
|
|
|
|
|
|
Re: رحبوا بينا جاكم بلا (Re: Raja)
|
أشكر كل الذين رحبوا والذين لم يفعلوا ، وأخص الأستاذة المسرحية الكبيرة ـ ليس سنا ـ تماضر ، والأستاذ رجاء التي تشبه الكرت الجميل الذي أرسلته .. وللأستاذة تماضر أقول : شكرا لعربيتك (الزوبارويس ) التي جعلت لقب جدي مثيرا في تحديه . وللعلم فإن مكنات لا علاقة له بالميكانيكية ولا برندوك الشماسة ، فهو رجل إستشهد في أم دبيكرات بقذيفة مكنة "machine gun"
| |
|
|
|
|
|
|
|