|
Re: الزعل مرفوع... منطقة ميول هزلي (Re: المسافر)
|
يا مسافر هذا إبراء ذمه ، فقد تحتمل الكلمة أكثر من معنى وغالباً ما نأخذ بالجانب المظلم فيها ، لك الشكر على كل هذا التسامح وكل هذا الشموخ وكل هذا التواضع. أتمنى أن تسود بيننا روح المحبة والألفة والمودة وننبذ كل أسباب الفرقة والشتات والكراهية والعنصرية البغيضة والنظرة الضيقة للأشياء على الأقل في هذا الوطن السايبيري ونحقق بعضاً من أحلامنا وآمالنا وطموحاتنا التي لم تستطع كل الأنظمة التي تعاقبت على حكم السودان من تحقيقها. غريب أمرنا نكره بعضنا حتى ونحن لم نري بعضنا البعض ولا نعرف من هو زيد أو عمرو من الناس هنا إلا من خلال ما يكتب أو ما يستتر وراه من إسم حركي.
شكراً لكل هذه الإبتسامة الصادقة في غير ما تكلف أو زيف التي تضئ بها تلك الصورة التي تزين البروفايل خاصتك حتى لو كانت ما صورتك.
| |
|
|
|
|
|
|
Re: الزعل مرفوع... منطقة ميول هزلي (Re: almulaomar)
|
الاخ المسافر سلام وشوق شديدين كيفك يا اخوي انقطعت اخبارك منذ ان غادرت طرابلس الكلام دا لصاحب الصورة وليس لصاحب البروفايل الذي لا اعرف اسمه الحقيقي زي ما منزل علي البروفايل علي كل انا سعيد جدا جدا مبرؤيتك هنا ولك مني كل الشوق الا قليلا استبقيه لحد المرة الجاية اخوك محمد عبد الرحمن
| |
|
|
|
|
|
|
Re: الزعل مرفوع... منطقة ميول هزلي (Re: المسافر)
|
المسافة
Quote: إذا وجدت تعليقاً ساخراً هزلياً في بوستك موقعا بإسم المسافر إذا وجدت تعليقا مبهماً لا ينسجم مع خط كتاباتك القيمة إذا وجدت نفسك محصوراً بكلمات بويهمية متلككة
أرجوك لا تزعل |
إذا توقعتى أن أمر عليكم فى إحدى بوستاتكم ولم أفعل...
أرجوك لا تزعل
|
لا ولن يكون هنالك زعل منك ياأجمل مسافة بيننا
أبحجل
| |
|
|
|
|
|
|
Re: الزعل مرفوع... منطقة ميول هزلي (Re: المسافر)
|
وقد توصلنا لمرفة بعض جوالات البصل من الأرقام عليها ولأنها كانت مربوطة بسيور من لساتك العربات .. التى تصنع منها تموت تخلى .. وقد مات منذ اربة سنين .. كما غنى خمس سنين يا زينة الغالين , ولا يوجد غلاء ولم تزداد الأسعار فى الفترة .. وهى فترة الحيض والتىتهرب فيها البغايا من عملهن و تكون الونسة همهن .. واهتمت حكوته بمحاربة البغاء .. والبقاء لله وحده ..
| |
|
|
|
|
|
|
Re: الزعل مرفوع... منطقة ميول هزلي (Re: المسافر)
|
الحبيب المسافر اها هاك باقي الشوق اسمع ياخوي انا ما عندي برنامج عربي الجمله الواحدة بتاخد معاى 15 دقيقه فاحسن نتكلم بالسلك اها قت لى حمد السيد ساكن في اللعوته وبيتواصل مع اللبانه للخرطوم ازهري منو ازهري عبد الرحيم ولا واحد تاني انا قايم لخرطوم بعد اسبوع ان شاء الله هنشوف شطة كباشي الجرستك دي حكايتها شنو عندك اخبار قسم الباري اها قولي يا خوي تلفونك المسجل دا صح ولا زي اسمك المسجل كفايه علي كده ان شاء نسمع صوتك قريب Mohamed
| |
|
|
|
|
|
|
Re: الزعل مرفوع... منطقة ميول هزلي (Re: المسافر)
|
الأخ معتصم الطاهر كتبت
Quote: وهى فترة الحيض والتىتهرب فيها البغايا من عملهن و تكون الونسة همهن |
ما ليهن حق!!!!
وما عندهن هم!!!
حتى في أقصى الأشياء ترتبض المآسي ناظرة المجس فما تحس إحساسا وإلا تنتفض تقارعك المأساة تلو الأخرى
فإن هروبهن لا يكفي الفراجة التراص خلف الصفوف ومحاذاة الكفوف عسى أن تهيج الدفوف دمعا هتوف فتنثني وادعة تلو أخرى معلنة زمان الرقص وانهاء نوبة الونسة وخاصة أنها لم تنسى الإغتسال من تلك الفترة التي ذكرتها فهل انت على هبة الإستعداد؟؟
| |
|
|
|
|
|
|
Re: الزعل مرفوع... منطقة ميول هزلي (Re: المسافر)
|
العزيز المسافر
كيف حالك ، حق الله بقا الله ..
ماك طيـّب .. اول آ جنا مالك ساعة عندك النضم السمح دا بتختلك عنوان لرفعي الزعّـيل ؟ ..
يا ابوحميد ، والله سردك جميل بالحيل ، وللذكريات دوما عبق يفوح كما رواح شجيرات الحنـّاء والجوّافة والتبر والقرقدان والريحان، وكما ريحة الجروف حينما ترتوي بدفقة ماء من " إندوريا " تمـّت صيانته بعد لأي واتـّساخ للعراريق وتلوّثها بـ "زيت الرّجعة" دون داعي! وكأنّما هو الدّاعي؟! فتختلط المشمومات !!
أعجبتني قصة " عبدالبارىء " وإصرار أهله علي إتمام الزواج ! وقد انفقعت ضاحكا مبسوطا حينما تخيـّلت المشهد بعرضته وصقريته وسيوفه أمام أهل الخطيبة، الذين أسقط بأيديهم ولم يملكوا الآ أن يصدقوا ما سمعوه ، حتي لا نقول ما عهدوه من " عوارة الجعليين!!" التي حوّلت بقدرة " أولاد جعل " الخطيبة إلي عروسة مطالبة بالمداخلة في اللحظة والتو !!
Quote: الجماعة قالوا ليهم نان نان مالو نحن جينا وبعدين العقد ما برضو زي الخطبة، بعد عقدو جماعتك حلفوا بالطلاق لازم ولدهم يدخل علي عروسوا وتسمع ليك الزغاريد والسيوف، أهل البنت خافوا ، قالوا ليهم مافي مشكلة إن دخل ما يدخل نحن خلاص الموضوع طلع مننا |
شكرا علي هذا الامتاع ،، ولك الود
| |
|
|
|
|
|
|
Re: الزعل مرفوع... منطقة ميول هزلي (Re: محمد أبوجودة)
|
Quote: منيف حلف يمين لازم أفطر معاه في مطعم بالنشاط .. ويقوم يطلع ليه كيس شطة من شنطته ويعبي ليك الفول.. عليك أمان الله ثلاثة يوم أنا راقد في السرير ما قادر أصل الحمام (لا مواخذة).. |
يا المسافر .. إنت متأكد أنه الشي ده ما كان صعوط؟ كدي حاول أتذكر .. لأن منيف ده بيلخبط الحاجات مع بعض.
| |
|
|
|
|
|
|
Re: الزعل مرفوع... منطقة ميول هزلي (Re: Shinteer)
|
شانتير كلامك صح انت قايل ما شكيت في الموضوع لكن عيني للشئ شكل شطة ولكن فعايلها اسكت خلها تسويها بأيدك تغلب أجاويدك
تعرف هو عشان ولد خلاوي لما كان برلوم اسكت ساكت جنس عوارة هو مكي علي بلايل ، كانو ساكنين في غرفة جوارنا
تعرف مرة في اجتماع رابطة الإقتصاد إلا ألقى ليك منيف مرشحني (جمعية غير رابطة الكلية) الجماعة طبعاً كلهم لوو رؤووسهم وهمهمو انت اللتاريك راخي دنينك كدي ونحن ما عارفين إلا قمت اعتذرت بعد تشكراتي الشديدة للأخ منيف بأني لا استطيع أن أقدم أكثر مما يمكن أن يقدمه أي أحد غيري
طبعا بعد ما خرجنا من الإجتماع تعرضت لجنس استفسارات ، ليه منيف يرشحك ، ولابد تكون انت مرتب الموضوع، قلت ليهم والله يا جماعة إلا يكون الموضوع جاء كأنه الهام لأخونا منيف لكن شفت جنس ذرة..
| |
|
|
|
|
|
|
Re: الزعل مرفوع... منطقة ميول هزلي (Re: المسافر)
|
أستاذنا محمد أبو جودة مرحب بك على الدوام
طبعا كانت أجمل تجربة في الحياة الجامعية ، وخاصة جامعة الخرطوم والأخص فترة السبعينات والثمانينات إنه أنت وزملائك كتاب مفتوح وتجد أن جوانحك اتسعت لتشمل آخرين وخواصك أختص بها غيرك من هم في قرب أقرب فلا تستغرب ان قلت لك إن الرسائل التي تصلني أجدها عند بعد اصدقائي بعد فتحها أو تجد من يسألك ماذا كان تصرفك في الموضوع كذا وكذا ، فلا تتردد في الإجابة بالرغم من احساسك أن كذا وكذا شئ من خصوصياتك..
مرة وجدت أصدقائي محتفلين وأول ما وصلت بدأ الصياح وصل العريس وصل العريس، والقصة وصول جواب من الوالد يقول فيه إنه أختار لي عروسة وهم على استعداد لإتمام العرس في الإجازة مباشرة، قلت ليهم أنا في شنو والحاج في شنو ، قالوا لي حسك عندك تكتب ليه إنك ما موافق .. اكتب له انا جاهز موية ونور.. ونتيجة النصيحة انه التحويلة الشهرية التالية بلغت عشرة جنيهات على التمام والكمال وطبعاً بمرور الأيام هو تنازل عن اختياره بدون نقاش.
طبعا قسم البارئ كان شخصية حنونة وبريئة مغلفة بإندفاع أهلنا الجعليين، ولديه الكثير من التجارب التي يحكيها بإحساس صادق، ومن أغرب تجاربه تلك التي مرت به في جنوب السودان حين ذهب لزيارة عمه في إجازة نهاية عامه الجامعي الأول، وطبعا سحرته المناطق الجميلة والمجتمع الجميل ولكن عدم معرفته بالعادات المحلية أدخلت عمه في حيص بيص، ومن عادات الزواج المحلي أن يبدأ بالتفاهم مع البنت إلى مرحلة اسمها الكسر، وهذه المرحلة لا تتم إلا بعد أن يكون الزوج متيقن من مقدرته على دفع مهر البنت... لكن صاحبنا سمع عن الكسر وافتكر الكسر هو الكسر وراح كاسر.. فوجئ عمه بمجلس الأعيان يطالبه بدفع المهر لإبنه... والموضوع ما فيه أجاويد.. عايز توازل الزواج تدفع ولا عايز ترفض الزواج تدفع بموجب الصلح خاصة مع العائلات العريقة بالمنطقة،، والعملية كلفت العم نصف ثروته خاصة انه صاحب مقهى.. وارسل قسم الباري على وجه السرعة
| |
|
|
|
|
|
|
Re: الزعل مرفوع... منطقة ميول هزلي (Re: المسافر)
|
الاح المسافر لعلك عافية وصلتني للتو رسالة من الاخ حمد السيد ردا علي رسالة كنت قد ارسلتها له قبل ايام لاحبره بتاريخ وصولي الي الخرطوم ون شدة الفرح ارسل لي نفس الرسالة 3 مرات اخيرا نلتقي بعد 20 سنة من الفراق
عن الاخ قسم الباري ابو رؤي كيف لا اذكر قصة زواجه... وفاء كانت احدي طالباتي في فصل الاحصاء واذكر الاحداث التي سبقت الزواج عندما جاء اخوه الاكبر من الدامر ليثنيه عن الزواج.. تحدث الينا لكي نحاول ونقنع قسم الباري ولكن دون جدوي.
من هو اسماعيل محمد ? اتقصد اسماعيل عوض الكريم? يا حليلك الكبر حصل وخانتك الذاكرة هاهاها.... سمعت انه يعمل في جامعة الجزيرة ولكن ما اعلم انه عميد الطلاب.... تذكر قصة اسماعيل ومجتبي والمعجون? مرة اخونا اسماعيل كان قاطع معجون .. وكتها كنا في داخليات فلسطين.. فاسماعيل شاف ليك مجتبي شايل فرشته ومعجونه علي الفرشة.. يقوم يخت ليك فرشته في الاحواض البرة ويخش ليك الحمام عشان ستحم ويجي يتسوك بي مزاج... يجي اسماهيل يشيل المعجون من فرشة مجتبي ويتسوك بيه.... كانت ايام جميلة حقا....
قبل يومين ارسلت رسالة الي الاخ الفاضل الصادق الهاشمي لاقول له باني التفيتك هنا في سودانيز ان لاين ... رد علي وقال the guy with the "Imma" that is what I thought!!!!!!!!
خلاص يا زول انا تعب ... اتوقع مني مكالمة.. السلام عليكم ورحمة الله وبركاته
| |
|
|
|
|
|
|
Re: الزعل مرفوع... منطقة ميول هزلي (Re: المسافر)
|
المسافة العزيز..
ســـلام..
Quote: ولكن حافلتنا التي اختارت لك مقعد جوار حكواتي مثلي في سفرة ميمونة سوف تنسيك النزول في المحطة التي تعتادين النزول فيها، فما رأيك أن نستمر إلى ضفة النهر فالعبور لا يحتاج لذات صواري وأشرعة... |
موافقووووون..
| |
|
|
|
|
|
|
Re: الزعل مرفوع... منطقة ميول هزلي (Re: المسافر)
|
المسافررررر شوف عيني البقي لي (شنو ما عارف)?????????? انا حكيت ليك موضوع الهاشمي والمطار حك شديد....
Elhashimi:
Did you leave North America since 1986??? Our friend with the turban (Almusafir) claims that he saw you at Khartoum Airport catching a plane? Did you go to Sudan without me knowing??!!! Awaiting your response.
Mohamed
How come I go there without letting my best friend know that? At least I would have told you after I did the visit if it was a secret one. There was no opportune time for me to visit Sudan during 1994 when my beloved mother passed away. Then it was politically risky to go there. Why Alnao did not stop me, then to say Hi??? Later Hashimi
He said you were in a hurry to catch the plane... He tried to stop you,,, But you were running to catch the flight...
Mohamed
Hmmmmmmmmmm, Now it is up to you to believe me or him. I wish I had made it... Hashimi
I think he is confused,,, or may be he is confusing you with someone else. Or as I told him may be he saw your spirit....
Mohamed
المسافررررر شوف عيني البقي لي (شنو ما عارف)?????????? انا حكيت ليك موضوع الهاشمي والمطار حك شديد....
Elhashimi:
Did you leave North America since 1986??? Our friend with the turban (Almusafir) claims that he saw you at Khartoum Airport catching a plane? Did you go to Sudan without me knowing??!!! Awaiting your response.
Mohamed
How come I go there without letting my best friend know that? At least I would have told you after I did the visit if it was a secret one. There was no opportune time for me to visit Sudan during 1994 when my beloved mother passed away. Then it was politically risky to go there. Why Alnao did not stop me, then to say Hi??? Later Hashimi
He said you were in a hurry to catch the plane... He tried to stop you,,, But you were running to catch the flight...
Mohamed
Hmmmmmmmmmm, Now it is up to you to believe me or him. I wish I had made it... Hashimi
I think he is confused,,, or may be he is confusing you with someone else. Or as I told him may be he saw your spirit....
Mohamed
| |
|
|
|
|
|
|
Re: الزعل مرفوع... منطقة ميول هزلي (Re: المسافر)
|
الأخ النو
الأخ د. محمد أبو صلعة
تحياتي واشواقي الكثيرة
رجعتوني لسنين كتيرة لي ورا وذكريات جميلة ورائعة لا زالت متشنكلة في الذاكرة طبعا حأجهجهكم بالاسم الحركي وعدم الصورة لكن أكيد حتعرفوني لاحقاً
بمناسبة الأخ مجتبى وقصة المعجون، أتذكر مرة واحد قربيو رسل ليهو شبط من السعودية. كانت أول مرة يشوف ليهو حاجة من برة السودان بعد مغادرته لود المقبول. المهم الشبط كان عاجبو شدي ومرات كان بيختو تحت المخدة عند النوم. قمنا مشينا كلزيوم الدور التاني. أول ما قعدنا وطفوا الأنوار قام مجتبى رفع رجلينو في الكرسي القدامو وقاعد يقزقز في تسالي. واحد من الشماشة جاء ماري بين الكرساي حفيان ولبس لك الشبط وومشى. بعد نهاية الفيلم أخونا مالقى الشبط وضرب الجقلبة وحلف إلا يمشي لمدير السينما. المهم يسب ويلعن لحدي ما وصل الداخلية حفيان وكداري. وكان لمن يلبس الشبط دا ويجي يقعد في النشاط ويرفع رجل فوق رجل ويد المحاضرات عشان الجكس يتفرج في شبط الجن دا. الأخ منيف زرته في الجامعة مرة بعد عودته من الماجستير. بعدين قام نادى ست الشاي وقال ليها جيبي اتنين شاي وسجليهم على الحساب. بعد داك قام طلع كييس الصعوط وسف. لمن جاء يرمي السفة قام جر درج المكتب بتاعو وطلع ليهو قرطاس ورق رمى فيهو السفة ورجع القرطاس للدرج تاني.
ذكرياتك عن العمارة طه ابكتني يا النو وتذكرت أهلها وحسن سريرتهم وخفة دمهم حيث زرتها كثيرا مع الأخ اسماعيل الذي لم اسمع عنه منذ أن كان يعمل في وزارة الري أو الطاقة لا أتذكر.
جمال الشيخ طبعا في سفارتنا بلندن وأكيد سمعتهم بوفاة زوجته نجوى لها الرحمة. خالد الجعلي قابلته عدة مرات قبل عشر سنين حيث كان يسكن جار أهلي في الثورة وقد حضر زواجي ويعرض من بداية الحفلة لنهايتها التقول العرس حقو هو. يا محمد تتذكر حفلة عرس أخت جمال الشيخ في السجانة الحضرناها انا وانت ومجتبى وعوض بله.
بالله سلم لي على الهاشمي وقول ليهو لسع يا ها شطارتك ديك وللا السياسة خربتك
تحياتي ومودتي ولي عودة
| |
|
|
|
|
|
|
Re: الزعل مرفوع... منطقة ميول هزلي (Re: shammashi)
|
عارفين مرة ونحن في رابعة قامت عزمتنا ماجدة عبد الوهاب موسى حفلة شاي في بيتهم في العمارات كحفلة وداع لأحد أساتذتنا الهنود. طبعا مجتبى أول مرة يشوف العمارات ويشوف التفاح وكانت معانا خديجة. قام الأستاذ الهندي شاف خديجة غريبة وقاعدة جنب مجتبى فقام سألو عنها. مجتبى اتجهجه وداير يقول للهندي دي خطيبتي وماعرف الكلمة بالإنجليزية. قام رد على الهندي وقال ليهو SHE IS MY FUTURE WIFE
وانا قاعد جنبو قال لي بالله الهندي دا اسي ما ود ...... ما يخلينا النرش التفاح دا تاني حنلقاهو وين. بمناسبة ماجدة اتذكر انو يوم كان عندنا محاضرة ماركتنق بالمساء وكان في نفس اليوم كليتنا لاعبة في دوري الكليات. في نص المحاضرة قامت الكهرباء قطعت وحمدنا ربنا. قامت ماجدة من شنطتها طلعت ليها بطارية نورا قوي جداً. أها قام د. أحمد حمزة مسك البطارية وبقي يشرح لينا في CURVE علي السبورة. قمت انا براحة قلت يلها المرة الجاية طلعي جنريتر الجماعة سمعو وقعدوا يضحكوا. قام >. أحمد سأل بتضحكوا مالكم وقام عبد الباسط كردش كلمو بالحاصل. فاشتاط زعلا وطردني من المحاضرة.
| |
|
|
|
|
|
|
Re: الزعل مرفوع... منطقة ميول هزلي (Re: المسافر)
|
الشماسي كيفك ياخوي والله مشتاقين .... هاهاهاها عرفتك بس ما هاقول ليك انا بفتش علي جمال الشيخ احمد عثمان لي زمن ويا ريت لو تقدر تجيب لي تلفونه..
سمعت بخبر وفاة زوجته منذ فتره .. رحمة الله عليها... اتذكر زواج اخت جمال as if it was today.... البعيو ابدع ابداع الليله ديك......
الاخ المسافر علمت من الهاشمي ان اخونا معاويه خوجلي قد توفي منذ زمن بعيد..له الرحمه والغفران يا رب...لقد امتعنا بصوته الجميل لما كان بيغني اغنية يا جوهر ....
الشماشي الحفله حضرناها انا وانت ومجتبي وعوض بله وقسم الباري الجعلي وعز الدين السمين ويمكن احمد الطيب راجل انصاف واسماعيل عوض الكريم احمد.....
يا حليل ناس العمارة طه... تذكر ترابيزة الضمنه والحاله اللي كانت فيها من كترة الخبط.... وحلف طه بركات ....
نواصل...........
| |
|
|
|
|
|
|
Re: الزعل مرفوع... منطقة ميول هزلي (Re: shammashi)
|
اها جيتك راجع تاني يا شماشي ما دام قلت Marketing لازم كنت في قسم ادارة الاعمال او المحاسبه... بقي كده التخمين اسهل............ هل كنت تحب ال Substitute Exams زي عيونك بسبب او بدون سبب ????? هل كنت تحب ال Special meals ???? هل انت طويل ??? هل كنت ولا زلت في دولة الامارات ??? نقشتك ولا لا ????
| |
|
|
|
|
|
|
Re: الزعل مرفوع... منطقة ميول هزلي (Re: المسافر)
|
الأخ المسافر
معاوية خوجلي ، رحمة الله عليه، كان من اقرب الأصدقاء لي. وكان نقيا وبريئا كالطفل. قابلته صدفة في مطار الخرطوم فسألني عن سبب مجيئي المطار فأخبرته أن لدي بعض الأمتعة الشخصية المشحونة كارقو وأود أن استلمها ولا أدري من أين أبدأ الإجراءات. فمكان منه إلا أن نهرني صائحاً خلاس اتلوثت بعفن المغتربين وبقيت تاجر شنطة وجاييني عشان أساعدك. وأردف قائلا أنا لا اسمح لك ولا لنفسي بعمل مثل هذا (إلى تلك اللحظة كان يفتكر انني أعلم أنه يعمل بالمطار وجئت قاصدا له). فحلفت له أنني لم أكن أعلم بأنه يعمل في المطار و لا أرغب في أي شي وليس لدي ما أخاف عليه من الجمارك. فكان أن عزمني فطور بي فول مصلح وبعد الفطور قال لي يللا قوم أمشي شوف عفشك وين.
عليه رحمة الله
الأخ الضريس حسب آخر معلومات لدي يعمل بالسعودية وقد كان عضوا قبل عام بهذا المنبر .
تحصلت على تلفونك في البروفايل وساتصل بك لاحقا
سلام
لكن عمتك بقت زي حقة ود الجبل.
| |
|
|
|
|
|
|
Re: الزعل مرفوع... منطقة ميول هزلي (Re: shammashi)
|
سلامات الشماشي والمسافر ياخي اتصلت بالسفاره السودانيه في لندن وقالو لي جمال الشيخ كان هناك قبل 9 سنين .... يعني معلوماتك قديمة جدا... لما اصل الخرطوم يوم الاحد ان شاء الله هاسال منو في الخارجيه او اغشي عم الشيخ لو لسع شغال في السوق الافرنجي.....
اها يا شماشي قلت لي عرست قبل 10 سنين بس?? غايتو يا ناس الخرطوم حكايتكم حكاية .... يعني الواحد يعرس بعد ما يشوت فوق الاربعين
كنت اتصال بالاخ عز الدين السمين في السعوديه قبل سنتين بعد انقطعت اخبارو..
سلام محمد
| |
|
|
|
|
|
|
Re: الزعل مرفوع... منطقة ميول هزلي (Re: المسافر)
|
د. محمد
معلوماتي عن السودان في عام 1996 زرت جمال الشيخ بالوزارة ، ولكن فيما بعد أظنه انتدب لعض السفارات الأفريقية، لست متأكد، والده بنفس المكان في عام 1996 خيطت لديه لبسة سفاري
سفرك بكرة قالوا
لازم تجهز ليك هدية لحمد السيد، وفي امكانك تستخدم نفس القياسات القديمة عشان هو في نفس شكله داك لا زاد لا نقص، (متدرع بالجينز ، يعني (متجنز)) يعني مافي داعي لبدلة، ممكن تشوف ليك كم جينز (جاك بلانص) ضد التمزق ضد النشل.
يمكن أن تكون مع الهدية نظارة شمسية نوع بيرسول ( جيمس بوند) جزمة كاوبوي بطانية تموت تخليها
بمناسبة الامناسبة والمسائل المهجراتية لو الواحد قدم اللوتري وجاء هناك بقدر يدافر في الزحمة دي، أصلوا بقينا ابوات بنيات ووليدات
| |
|
|
|
|
|
|
Re: الزعل مرفوع... منطقة ميول هزلي (Re: ترهاقا)
|
الأخ الحبيب أحمد
مانسيتك
ودوام على بالي
كل ما مر على بالي لحن لمصطفى، تخيل كم لحظة في اليوم، اذكرك في طلتك البهية مع المجموعة الموسيقية في حفلات الجامعة.. ولا جمال يعادل جمال أيام عطبرة..
وتخيل لدي مجموعة من ستة شرائط وصلت مباشرة من الدوحة ( مدني النخلي)
بس قلنا يمكن تكون مشغول شوية واتابع في أخبار الشبل من ذاك الأسد في بوست آخر، طبعا مازلت بالسعودية.. ام تحولت لموقع آخر؟
مع تحياتي لأسرتكم الكريمة
محمد
| |
|
|
|
|
|
|