|
|
 جيتكم بعد لهفة وشوق..عضوة جديييدة فهل من (هكرفى)أو (مسكاقجلو) ؟؟؟؟؟؟؟
|
بسم الله الرحمن الرحيم
طالت جلستى وأنا أتابع المنبر الحر واليوم والفضل للأستاذ بكري والشكر له أنا الآن واحدة منكم أ رجو أن تطيب إقامتى بينكم.
كبداية أهديكم هذه الأبيات لنزار قبّانى
تصوّرت أن حماسى لعينيك كان إنفعالآ كأي إنفعال..
وأن كلامي عن الحبّ, كان كلامآ كأى كلام يقال..
وأكتشف الآن ..إنى كنت قصير الخيال
فما كان حبّك طفحآ يداوى بماء البنفسج واليانسون..
ولا كان خدشآ طفيفآ يعالج بالعشب أو بالدهون..
ولا كان نوبة برد..
سترحل عند رحيل رياح الشمال..
ولكنّه كان سيفآ ينام بلحمى,..
وجيش إحتلال..
وأوّل مرحلة فى طريق الجنون..
_________________________________________________________________________
يقشّّرنى الحب كالبرتقالة..
يفتح في الليل صدري ويترك فيه:
نبيذآ وقمحآ , وقنديل زيت
ولا أتذكّر إنى إنذبحت
ولا أتذكّر إنى نزفت
ولا أتذكّر إنى رأيت
يبعثرنى الحب مثل السحابة
يلغى مكان الولادة,
يلغي سنين الدراسة
يلغي الزواج الطلاق الشهود المحاكم
يسحب منى جواز السفر..
ويغسل كل غبار المدينة عنى
ويجعلنى من رعايا القمر..
_______________________________________________________
|
|
 
|
|
|
|
|
|
|
|
Re: جيتكم بعد لهفة وشوق..عضوة جديييدة فهل من (هكرفى)أو (مسكاقجلو) ؟؟؟؟؟؟؟ (Re: sara fadul)
|
سارة إحدى فارسات «عكس الريح»..
تكتب معنا أسبوعياً بالأضواء
عمودها المقروء إسمه «حنين»
ولها ديوان شعر مطبوع بنفس الإسم «حنين»
وهي امرأة بنكهة العذوبة
وعمق الإبداع
صغيرة في السن
كبيرة في الصدق والعطاء
وعميقة في الإحساس والنقاء
ويا بورداب الخرطوم
بكرة اشتروا الأضواء حتلقوها متألقة كالعادة
مقالها بكرة اسمو: فضيلتى
وهو يتحدث عن أعظم وأسمى المعاني الإنسانية
وطبعاً انا ما ح أكشف صفحتي قبل ما تصدر بكرة
شكراً ليك بكري
وياللا يا سارة
زي ما بهرتي القراء في السودان وري الجماعة ديل عكس الريح كيف؟!
وحنين كيف وسارة فضل كيف!
ويا بورد ما جاك زول
أها دي سارة يا سجيمان البتكتب معانا في الصفحة..
شفتها؟
وبعد ما جاتنا وفاق عثمان في المنبر
وسجيمان وشخصي
منتظرين سارة حسبو
ويكتمل فريق عكس الريح بالمنبر الحر
يعني ممكن نحررها من هنا ونرسلها لي فيصل محمد صالح رئيس التحرير وعضو المنبر من هنا برضو
بالمسنجر
ألف مرحب بالرائعة حنين (سارة فضل)..
| |
|
|
|
|
|
|
|
|
|
Re: جيتكم بعد لهفة وشوق..عضوة جديييدة فهل من (هكرفى)أو (مسكاقجلو) ؟؟؟؟؟؟؟ (Re: sara fadul)
|
و أحبّها وأظلّ أنسج من حرير نقائها
ثوبى وأشهر حبها
الجاهليّة نصّبتني صائبآ لما إهتريت بنورها..
فحملتها في جنح قلبى مشعلآ
وجعلت منروحى ملاذآ عندها
وأتيت متكئآ عصاي وقامتى
ترتاح في ظل توشّح ظلها
وأنا أبيت على إحتفائى بالهوى
لا فارقتها مقلتى
أو غاب عنى برهةطيف لها
ويجئ قلبى في حضور مشيئتى
متصورآ أشواقه
فيظل ملتهبآ بها
نار إبتعادى لحظة
هى كاللظى
والقرب منها جنّتى فوق السهى..
________________________-
الرائع الدكتور معز يامن يمارس مهنة الشعر ويهوى الطب
مليون شكر على الكلام الأنا ما أظن قدرو للدرجة دى على العموم الكتابة في حضورك حرام وصمتى أقدر على شكرك
| |
|
|
|
|
|
|
|
|
|
Re: جيتكم بعد لهفة وشوق..عضوة جديييدة فهل من (هكرفى)أو (مسكاقجلو) ؟؟؟؟؟؟؟ (Re: sara fadul)
|
أبو القنفد شكرآ على الكلام الجميل وإتمنى أكون عند حسن ظن الجميع
__________________________________
sympatico شكرآ
________________________
حمزاوى أنا نوبية ميّة الميّة وأموت في البلد وريحة البلدوشكرآ
________________________________________
إيمان المتفرّدة دائمآ بمواضيعها الشفافة والحساسة لك منى ألف شكر
_____________________________________
ترهاقا والملا عمر شكرآ علي الترحيب
____________________________________
ود قاسم الكرم كلو حقكم مرحب بيك وألف شكرآ
_________________________________________
سمؤل إبراهيم..أحسن حاجة عملتها أنك حتتعلم الرطانة(قوراتيسودلا)
_____________________________________________
keiga2000a شكرآ على الترحيب .
______________________________
أحمد الشايقي لك منى كل الودّ وأهديك أبيات هذاالشاعرالمرهف محمد بادى..
أهاتى بيك وأحلم فيك وعارف نفسى
من غيرك بقايا جراح
ريشة على مهب الريح في زمنآ نسايمو رياح
هواجس زول بدون أبعاد ولغز ستايرو ما بتنزاح
ولوحة جميلة جاها الليل وطمس ألوانها بالأشباح
غير ملقاك ما برتاح
ولا بتلم مع مع الأفراح
وعمري يكون مناحة شوق أعيشو براي نويح ونواح
وأصبح زى لآلئ القاع
بدون غواص ومجدها راح
وكنز جواهرو مقفولة وقفلوا معاهن المفتاح
وين ألقاك مامعروف
وجفنى مسهّد بالدموع مسروف
وأنا إسمك شايلو تعويذة بيطرد منى شبح الخوف
هناي ومناى يوم ألقاك فوق عش بالزهور مسقوف..
__________________________________________-
| |
|
|
|
|
|
|
|
|
|
Re: جيتكم بعد لهفة وشوق..عضوة جديييدة فهل من (هكرفى)أو (مسكاقجلو) ؟؟؟؟؟؟؟ (Re: sara fadul)
|
سجيمااااااان ما تعمل لي فيها عجوز عارفاك كويّس لغاية كدة وكفايةقبل ما تقول إنى مكسّرة فيك
بالمناسبة متابعة كلامك كلّو مرات اضحك ومرات أزعل لأنك ساعات بتظلم المرأة السودانية
وبرضو إنت أحلى قلم في البوردسلمى لأم الخير
______________________________
محمد سيد أحمد شكرآ على الترحيب
_____________________________
حاتم فاروق سعيدأهلآ وسهلآ.. وهذا بعض من حبري..
شوقي لك كقطعة حلوي في فم طفل صغير
تذوب وتذوب وأذوب معها.
| |
|
|
|
|
|
|
|
|
|
Re: جيتكم بعد لهفة وشوق..عضوة جديييدة فهل من (هكرفى)أو (مسكاقجلو) ؟؟؟؟؟؟؟ (Re: sara fadul)
|
أولهام يا ستي سارة خليني أرحب بي أحمد القاضي في البوست بتاعك ده زي ما عمل د.معز بخيت
ويا القاضي الف مرحب بيك وفي إنتظار مساهماتك .
ويا سارة من بعد الترحيب ســــــــين سؤال صغيروني كدة لو سمحتي عن اللغة النوبية :
الكلام النوبي ده مالو صعب في نطقو هنا لامن ينقري ؟
وليه ما عندو حروف تانية غير العربي ؟ ولا عندو حروف وإنطمست وبقت ما معروفة ؟
وأصل اللغة كان شنو ؟
ومادام لا إنتي لا كتيرين من الدخلوا ورحبوا بيك هنا ما بعرفوا كتير في اللغة النوبية ممكن نقول ده مسح لي فئة مختارة بي صورة عشوائية يوضح بعدنا عن جذورنا ؟
كيف نرجع اللغة النوبية وكل اللغات الحية لي حياتنا ونخليها رافد أساسي في بحر التنوع السوداني ؟
وكيف ح تسهمي في نشر التراث النوبي هنا في البورد أو في غيرو ؟
وتاني ياومرحب بيك
أبنوسي
| |
|
|
|
|
|
|
|
|
|
Re: جيتكم بعد لهفة وشوق..عضوة جديييدة فهل من (هكرفى)أو (مسكاقجلو) ؟؟؟؟؟؟؟ (Re: sara fadul)
|
tabaldy لك الودّ كلهوأسئلتك عن النوبة واللغة النوبية سأفردلها بوست تانى إنشاء الله.
______________________
حسن الملك أيها النوبى الراقى شكرآ على الترحيب وإمتنانى على من يدرينايا
صوت الريح
_____________________________________
العزيز ولياب شكرآ على مرورك وبصراحة ما فهمت ولا كلمة.. أنا قلت معرفتى باللغة محدودة جدآ حدود مسكاقمى وويا فينا و أمنقة كري ولك التحيّة
_______________________________________________
ود المايقوما لك التحيّة وزيّك كدة محسية أصلية
______________________________________________________________
محمد الأمين أحمد شكرآ على الترحيب ولك منى التحيّة..
___________________________________________________________________________
لؤي شكرآ على الترحيب ولك منى الودّ..
| |
|
|
|
|
|
|
| |
sara fadul
Raja
ودالعباسية
Adil Isaac
Elsadiq
Dr. Moiz Bakhiet
Saifeldin Gibreel
Ehab Eltayeb
إيمان أحمد
ترهاقا
ودقاسم
samwal ebrahiem
keiga2000
سجيمان
mohmmed said ahmed
waleedi399
جمال ادريس
Safa Fagiri
Adrob wad Elkhatib
خال فاطمة
حسن الملك
ولياب
محمد الامين احمد
لؤى
خضر حسين خليل
فيس بوك
تويتر
انستقرام
يوتيوب
بنتيريست