|
|
 ادروب المغترب من الكويت الى ادغال الجنوب
|
ادروب عمر راجل منحوس كان امو مسمياة الفقر عارفين ليه عشان عامل
ليها غلاغل فى الحلة وبسببو دخل ابو فى مشاكل ماعندها حد وكان يتمنى متين يكبر عشان يختاه مرة وداه داخلية فى الريف عشان يتخلص منو لفترة الا جاه راجع بعد اسبوع ياولد الجابك شنو ابوى رفدونى من المدرسة ليه الكتب بتعاتى اتحرقت كيفن حصل دا ما عارف فى حاجة مولعة وقعت فيهم وحرقتم عاد دا كلام يدخل الراس ياولدى فى النهاية ابوه عرف القصة انو ادروب حرق الكتب عشان يدفا بيها من البرد.
والمشكلة وقعت فى امها الجيران الولد نطة بى جاى وعمل شنو المهم الايام مشت وبقى شاب وقال يشتغل ان شاء الله عتالة المهم محل ما يمشى مابتم يوم وفجاة جاتو فكرة الاغتراب قال يمشى العراق وامو قالت ليهو فقارتك دى ما ها تعيشك المهم الراجل اصر بس العراق والام طبعا حنينة قالت ليهو امشى اى بلد غير العراق قال لا بس العراق المهم ركب راسو وسافر للعراق ووصى امو احجزى لى بنت اختك زينب بس اول ما اقبض ها ارسل ليكم قروش مطر.
الود سافر وقعت شهر فى العراق وكان يتسكع فى بغداد لقى ليهو عراقى صاحب محلات كبيرة وطلب يشغلو ان شاء الله مساح بلاط الراجل قال يجربو اعمل كدا وافعل وهو بنيتو قوية وانبسط منو العراق وشغلو احا ما عمل شهر اتصل بى امو وقال ليها انا اشتغلت واول ما اقبض حا ارسل ليك وامو كمان بالفرحة انو الفقر دا يلقى شغل وكمان فى العراق تمشى تطلب ليهو بنت خالتو وهاك يا زقاريد وصاحبنا فرحان يجى واحد كويتى
صاحب العراقى ويشوف ادروب وهمتو يطلب من العراق انو يديهو الولد دا عشان يشتغل معاهو العراقى ينادى ادروب ويوريهو الكلام اداروب يوافق والكويتى يقول ليه هسى نمشى الكويت لانو فى اخبار تحركات عراقية ضد الكويت ادروب يطلب منو يمشى البيت عشان يكلم اصحابو ويلم هدوموا الكويتى يقول ليه اديهم تلفون وكان الهدوم انا ها اديك قروش بكرة تشترى بيها هدوم..
اخونا ما يكضب يركب مع الكويتى وعديل للكويت ولسة ما مصدق انو فى حلم او علم المهم وصلوا الكويت والراجل نزلو فى فيلا ووراه تلاجة مليانة بكل الخيرات وقال ليهو بكرة بجيك زى الساعة عشرة عشان اجيب ليك فلوس عشان تشترى بيها اكلك وهدومك واوديك المحل عشان تشتغل معاى ادروب بالفرحة قال يحتفل ما ينوم الليل كلو هاك يامشوى وهاك يامشروبات الفواكه....
مع الصباح ادروب يسمع طلق نار دا شنو دا الحرامية هنا كمان فى ولا شنو لكن النار تزيد واصوات النار تعلى وناس تكوريك والحكاية دى ما سك حرامية وادروب يلبد يقول تجيه طلقة طايشة احا اتارى صدام هجم على الكويت والدنيا انقلب والشوارع كلها سلاح وقوات عراقية وفجاة مجموعة من القوات العراقية تكسر بان الشارع وتدخل عليه وبعد التحقيق قالوا ليه تمشى من هنا ولا نديك طلقة ادروب فرتك من البيت ولقى جماعة ماشى السعودية ركب معاهم ومن هناك لم ليه قروش من ناس مشى جدة قال فى سودانية كتيرة هنالك بس نزلتو لموا ليك فيه ناس الكشة هويتك طبعا حتى الجواز خلاه فى البيت ماعندى هوية اقبض اقبض دفسوه فى العربية وبعد التحرى عرفوه سودانى طوالى للباخرة لسواكن من هناك شحد ليه حق المواصلات ركب لبورتسودان بس نزلتو فى السوق لموا ليك فية ناس الالزامية اقبض اقبض شغال فين ماشغال طوالى للمعسكر وبعد التدريب قالوا ليه فى طيارة الليلة المساء هاتوديكم بورتسودان الا نزلت بيهم فى جوبا ومن هناك للعمليات...
كتب جواب لى امو سلامات امى تحياتى من جوبا...
انا فى جوبا كدى نشوف بعد دا حظى دا يودينى فين..الله يخرب بيت صدام
|
|
 
|
|
|
|
هاشم نوريت
المسافر
فيس بوك
تويتر
انستقرام
يوتيوب
بنتيريست