|
|
 حلم الناس (قصيدة قديمة)
|
حلم الناس
حلم الناس الصابرة غلابة لقمة عيش وكلمة حنينه
جبرة خاطر بسمة فرحة لمت ناس في ساعة خير
حكاية الولد الأسمر الشايل ليهو علب ورنيش
اشيل واكشكش في ورنيشوا (ورنش ورنش)
أمكن زولا يرضي عليهوا لابد من أما تعطف بيهوا
والدا سافر بلد الغربة وكان متبهدل وكان مزلول
شان اولادوا وشان اخواتوا في لقمة عيش وكسره
حلال في بلد الغول والعسكر واما تسال في نبي الله
شان ما بتا تتم تعليما وتبقي أستاذه تقري الشفع
وتحكي ليهم حكاية الوطن الأكبر من كل الجبهة
وكل نفاق باسم الدين شان ما ننسي حكاية الغول والعسكر
ومات الغول وفضلوا العسكر يبيعوا اخصخصوا في خلق الله
باعوا بيتنا والدكان والشفخانة والإنسان
باعونا رخاص لي أمريكا وقالوا كمان حقوق أنسان
مافي حقيقة حقيقة وحيدة هي العسكر نفس العسكر
والجلاد ياهوا الجلاد لم تقول ليهم لا اطلع
كفا هيج وطايش بالتعزيب وبالتشريد وبالإرهاب تعارض ليه؟
تناضل ليه؟ ما مأكل نضمي وساكن نضمي ودؤاك كضاب
لازم اطلع ولدا شاطر شان ما احكي حكاية الغول والعسكر
وطنا داير يلم اولادوا يبدا ينامي و يبني مسارح ويبني مدارس
يعلم جيلا لسة ما جلي كيف الوطن أكون الدافع. عشق إنسان
وصوت تحنان صورة بترسم احلي مكان في أعماق وطني السودان
لازم يبقي الوطن إحساس قيمة مبدأ ودافع فكرة
لازم تبقي الكلمة رسالة لي الأجيال الجاية أمانة
------------------------------------
|
|
 
|
|
|
|
محمد ابو القاسم
فيس بوك
تويتر
انستقرام
يوتيوب
بنتيريست