|
أنت يا عيد.......
|
Quote: عيد بأية حال عدت ياعيد
عيد بأية حال عدت ياعيد بما مضي ام لأمر فيك تجديد.. اما الاحبة فالبيداء دونهم وليت دونك بيد دونها بيد..
الولي قرية كبيرة او مدينة صغيرة وحالمة تحتل قلب منطقة الحلاوين ومحافظة الحصاحيصا مسقط الرأس ,ومرتع الطفولة والصبا, لها بالفؤاد الآف الذكريات وملآيين المواقف . طافت بذهنى ذكريات الاعياد وعلقت بجدار الذاكرة وابت ان تفارقه هذه الايام. ذكري صلاةالعيد وهى تكاد محفوظة, عن الاضحية الشرعية وشروط الضحية وقصة سيدنا ابراهيم وابنه سيدنا اسماعيل عليهم السلام والذبيح وان (يا ابراهيم قد صدقت الرؤيا),( وفديناه بذبح عظيم),وان ليس العيد من لبس الجديد ولكن من خاف يوم الوعيد ,ومن اتى بطريق فليرجع بغيره فان الملائكة تقف علي ابواب الطرق..,وكل الناس قد تراصو وجلسوا في صفوف يرتدي معظمهم الجلاليب والنساء والاطفال في ازهي الملابس والحلل.. بعد انتهاء الصلاة تقابل كل الاهل والاصدقاء ,والذين فد يكون اخر لقاء لك بهم العيد السابق,ويتبادل الجميع التهانى والامانى ومباركةالعيد(كل عام وانتم بخير) و(كل سنة وانت طيب) و(والعفو ..لله والرسول) وما جد في زمن العولمة مثل(انشاءالله العيد الجاي عريس وصلاح ادريس) وللطلبة (خريج وفي الخليج) و(الله احميكا و اوديك امريكا)وغيرها.. بعد ذلك يتوجه الجميع للديار والمنازل والبيوت التى تكون قد اكتملت وازينت واخذت زخرفها وقد طالت النظافة حتى الشوارع والطرقات حيث تكتمل الزيارات للاهل والاصدقاء والاقارب وخاصة كبار السن والجميع في فرح وسرور.. تاتى بعد ذلك طقوس الاضحية حيث خروف الضحية وكبش الفداء, لتقوم بكل تلك المراحل من نحر ونفخ وسلخ وتكسير ثم تقطيع وبعد ذلك المرارة والشية التي تنتشر رائحتها في كل الارجاء والانحاء.. يقضي الناس جل يومهم في فرح وانتشاء وفي المساء تقام الندوات والمحاضرات والمهرجانات التى تتنافس في اقامتها الاندية وروابط الشباب والطلاب.. وفي ايام التشريق تستمر الافراح ويتواصل السرور والبهجة بنفس الوتيرة حيث مناسبات الزواج والاعراس التى تزداد في ايام الاعياد هذه لتضفي جوا من الغبطة والسعادة.. هذه خواطر انداحت بالذاكرة اهديها لكل الطيور المهاجرة ورد الله غربة الجميع... |
|
|
|
|
|
|
|
|
Re: أنت يا عيد....... (Re: Ehab Eltayeb)
|
هذا موضوع كتبته في العيد السابق2003 وهاهي الاعياد ..العيد إثر العيد تأتي وتمر ويظل حال البلد واقف وتظلل النفس دوما امنيات بمشاركة الاهل الافراح ..ولكن يظل في النفس شئ من حتي...
ونظلل نردد:
عيد بأية حال عدت يا عيد*** بما مضي ام لامر فيك تجديد..
اما الاحبة فالبيداء دونهم*** وليت دونك بيد دونها بيد..
وكل سنة والجميع بالف خير,,,
| |
|
|
|
|
|
|
Re: أنت يا عيد....... (Re: Ehab Eltayeb)
|
صرخه00 جميعنا نقف على حنين وذكرى00 و عندما نقف على الاطلال يشتعل فينا الحنين بلهب الذكرى 00 *المشوار والاختيار كثيرا مايبدو صدفه وحقيقه عندما يتسع الافق تضيق العبارة فالموقف اكبر من ان تحصره كلمات00 كل عام وانتم بخير والسنه دى قبل الجايه تتحق امانيكم00 Ehab Eltayeb
| |
|
|
|
|
|
|
Re: أنت يا عيد....... (Re: معتز تروتسكى)
|
Quote: عندما يتسع الافق تضيق العبارة فالموقف اكبر من ان تحصره كلمات00 |
العزيز معتز:
شكرا للمرور الجميل وانت دائما تشع كلماتك في هذا المنبر بالجمال والخير
ودما الكلمات بالدواخل تتزاحم وتتشكل ولكن يأبي معظمها علي الخروج الي دائرة التعبير
وربنا يحقق الاماني
| |
|
|
|
|
|
|
Re: أنت يا عيد....... (Re: ود الشيخ)
|
ايهاب .. صديقي , وصديق الكتابة الطيبه : كل عام وأنت بخير .. وكل عام وفي الدنيا بلاد تحلم ايامك بها . كل عام وفي الدنيا أرض تتسع للكل .
عيد مبارك وسخي عليك يا صديق . وليحقق الله أمنياتك . و امنياتي .. و أماني الكل ..
فبا رب : آمين ...
... طلال
| |
|
|
|
|
|
|
Re: أنت يا عيد....... (Re: ود الشيخ)
|
Quote: والدال مرافقاك حتى هنا |
ود الشيخ : فارس المطارحة الشعرية..
شكر للاطلالة.. وكل سنة وانت بخير..
والغريبة لمن كتبت البوست دا اتذكرت المطارحة ..وقربت اكتب دال لكن الدال موقفه LoooooooooooL..
كل الود,,,
| |
|
|
|
|
|
|
Re: أنت يا عيد....... (Re: Ehab Eltayeb)
|
الود الكتاب طلال:
إزدان البوست بكلماتك الجميلة يا صديقي..
وكل سنة ..وانت بالف خير.. وربنا يحقق الاماني..
متابع جدا لموضوع ليلي الذي ايقظ القلوب وبث فيها الكثير..
عيد سعيد لك ..وللاسرة.. وجميع الاهل بالسودان..
تحياتي,,
| |
|
|
|
|
|
|
Re: أنت يا عيد....... (Re: Raja)
|
الغالية رجاء: كل الاماني الحلوة بعيد سعيد... وانتم قد اكلمتم ثلاثين يوما
عارفه الناس الصاموإ وكملو رمضان ثلاثين يوم في امريكا.. كان حسب بيان منظمة اسلاميه تسمي اختصارا بالإسنا..
فالجماعة قالو ادوهم اسنا.. وفي قبولهم كمان..
اها اكان ما وقعت ليك اسالي حريف في الكشتينه بوريك الحاصل....
تحياتي للاهل ..وإنشاء الله العيد الجاي راويه معاكم...
تخريمة:
كروت المعايدة الناشراها في المنبر جميلة.. لكن قدر ما حاولت اهكر واحدة تابي Loooooooool,,,
| |
|
|
|
|
|
|
Re: أنت يا عيد....... (Re: Ehab Eltayeb)
|
العزيز إيهاب..
ســـلام..
فالجماعة قالو ادوهم اسنا.. وفي قبولهم كمان..
افًو.. ويست ما بنعرفو..؟
كان كده قاعدين نعمل شنو في دنيتنا دي..
امشي شوف بوست النصري بتاع الشطرنج.. قلنا ليهو ما تقلبو ويست ولا هارت.. خفنا نقول الكبيرة ديك يقولو علينا حريييفة..
| |
|
|
|
|
|
|
Re: أنت يا عيد....... (Re: Ehab Eltayeb)
|
Quote: افًو.. ويست ما بنعرفو..؟ كان كده قاعدين نعمل شنو في دنيتنا دي..
امشي شوف بوست النصري بتاع الشطرنج.. قلنا ليهو ما تقلبو ويست ولا هارت.. خفنا نقول الكبيرة ديك يقولو علينا حريييفة.. |
رجاء سلام: لكن لقيتك حريييييفهLoooooooooool
ولسه صاحيه.. ولا الدنيا عيد...
انتي عارفه الجماعة مدورين الحريق.. لكن ملح ما مطعمه...
اكلمهم اوزعوا ليك معاهم ???
كل الود,,,,
| |
|
|
|
|
|
|
|