|
انا لا كعيت لا انصقعتا
|
(انا لا كعيت لا انصقعتا لكن مافى غاغا فى امدرمان ما دخلتا فيها)
عبارة قالا استاذناشوقى بدرى اعجبتنى جدا وشفتا فيها روحى انا كمان لا كعيت لا انصقعتا لكن مافى قعدة دورت انا ما فى نصها فى جبل اولياء بيوت العرقى كلها بعرفا بيت كانى وبيت جلابية وبيت زينب وبيت فانى فى اسكندرية ياما رافقت الناس لبار المحبة وفى القاهرة ياما دفعونى الشيرنق وفى صنعاء ياما مشينا للبيع العرقى مع الكوارع داك وفى ليبيا ياما حتينا شجرة البلح ومشينا قطرنا العرقى فى اجازتى الاخيرة جانى ضيف فى الجبل وقال داير عرقى قلتا ليهو انا ما متاكد من مكانو لكن تعال نمشى بنلقاهو مشينا حلة العساكر نشمشم نشمشم بس هنا شمينا الريحة لقينا بيت العرقى ملاصق مسجد انصار السنة
اتمنيت اشرب مرة واحدة فى حياتى فى رومانيا عزمت ماريانا عشاء فى الفندق الجرسون طوالى فتح قزازة الفن روشى وكبا لى انا قلت ما بشرب البت قامت بالقزازة كلها طلعنا من الفندق اصرت نرجع السكن كدارى ضربا الهوا وشالا الهوا شلعت وقعدت تغنى وقالت لى انت ما بتشرب ليه الشراب دا الذا حاجا فى الدنيا اها اليوم دا اتمنيت الفى راسا يكون فى راسى
|
|
|
|
|
|
|
|
Re: انا (Re: mohmmed said ahmed)
|
والله بس مشتاقه ليك
وحبيت اعاكسك لما لقيتك اونلاين
انا قبيل عديت على الموضوع دا وقريته وضحكت
مواضيعك عميقه وخفيفه ومتنوعه وحلوه حلاوه روحك وعمق ثقافتك و خفه دمك
لكن تعاني الاهمال
| |
|
|
|
|
|
|
انا (Re: mohmmed said ahmed)
|
راوية العزيزة
لمن ما يهببوا لينا فى بوست نقول زى ما قال اسامة الخواض الكلام عاى النوعية
يعنى نوعيا اطلالة راوية تساوى كتير
المرة الجاية بكتب عن مباراتى للمساطيل
| |
|
|
|
|
|
|
Re: انا (Re: mohmmed said ahmed)
|
Quote: انا كمان لا كعيت لا انصقعتا لكن مافى قعدة دورت انا ما فى نصها
|
كلامك دا كان بيقولو زول زكرتني ليهو
محمد سليمان (هندسه شبرا)............ كان برضو بيقول كدا
Quote: يعنى نوعيا اطلالة راوية تساوى كتير |
دا كتيير
| |
|
|
|
|
|
|
انا لاكعيت (Re: mohmmed said ahmed)
|
العزيزة راوية قضينا ايام جميلة مع محمد سليمان هنا فى ابوظبى من 98--------2000 هو الان فى السعودية
ما كتير عليك ياراوية العباسى
| |
|
|
|
|
|
|
Re: يا (Re: shawgi badri)
|
صديقى العزيز ابو حميد - تحية واحتراما - وين يا استاذ
مبروك العيد عليك وعلى الاسرة الكريمة المدام والزهرتين سماح وسارة -
انا حبيت ارد بعد العيد عشان ما اجرح صيامى بالريحة -
حبينا نمر ونسلم والله يديك العافية ودمت
| |
|
|
|
|
|
|
انالا كعيت لا انصقعتا (Re: mohmmed said ahmed)
|
الاستاذ شوقى تحياتى الغريبة انا اصلو ما عندى اى موقف دينى او اخلاقى من الشراب لكن الخوف من سيطرة العادة ابعدنى من الشراب والسيجاير لكن الانس والونسة تعجبنى مع السكارا جربت القات فى اليمن ولو العرقى والبنقو زى القات تكون فاتتنا حاجات لذيذة خالص
على اسماعيل كل عام وانتم بخير
| |
|
|
|
|
|
|
انالا كعيت لا انصقعتا (Re: mohmmed said ahmed)
|
الاستاذ شوقى تحياتى الغريبة انا اصلو ما عندى اى موقف دينى او اخلاقى من الشراب لكن الخوف من سيطرة العادة ابعدنى من الشراب والسيجاير لكن الانس والونسة تعجبنى مع السكارا جربت القات فى اليمن ولو العرقى والبنقو زى القات تكون فاتتنا حاجات لذيذة خالص
على اسماعيل كل عام وانتم بخير
| |
|
|
|
|
|
|
|